樂翻天 (Closed)

👍🏻環境:試業中光顧的，店舖雖小但環境乾淨企理，牆身掛住好多樂翻天係台灣不同地方的店舖照片，估唔到係台灣咁出名。👌🏻服務:可能係試業中，侍應安排比較混亂，服務態度有善。「👍🏻大腸紅麵線」麵線配料不多，好適合喜歡齋食麵線的人，同台灣地道麵線有得比，味道適合香港人。「👍🏻鹽酥雞」即叫即炸要等候，表皮鬆脆，外脆內軟，送飯一流。「👍🏻肉燥飯」肉燥材料多有冬茹梅菜等，肉燥醬汁正又多撈飯一流，仲有個蛋有驚喜，估吾到滷水味咁重。「👍🏻台北忠孝手撕雞鹽水雞半隻配竹筒紅米飯$68」鹽水雞好夠味，雞肉嫩滑，仲可以簡健康既紅米飯食。「👍🏻阿伯來手抓餅板燒雞$38」手抓餅份量很大，放左一陣餅依然脆口，餡料充足有粟米生菜雞蛋雞肉，做到淡淡肉。「👌🏻夜市烤香腸$28」一條台灣香腸，買28蚊有點貴。白加士街成條街都係餐廳好多選擇，樂翻天係個大件又抵食既選擇，味道仲要不錯。

⚠️⚠️用❗️A4宮崎和牛、❗️美國黑安格斯牛、❗️古早牛肉整既#台灣牛肉麵 😱😱😱！極上金箔元首牛肉麵 HKD280三種牛都好好好好好好食！宮崎和牛油花綿密均勻，脂香四溢，係高級靚牛肉！宮崎牛厲害在紅肉都入口即溶，肉質細嫩，口感柔軟。美國黑安格斯牛！黑安格斯相對罕有！純安格斯黑牛僅佔所有安格斯牛種中的20%！ 安格斯牛由於係草飼，牛味的肉味更濃郁，油分不多，但肉汁豐盈，係公認最鮮嫩多汁的牛肉，最重要的是味道更細緻和複雜，脂肪更甘香可口。湯底濃郁又唔油膩，老闆見我地唔夠湯仲主動裝多碗牛肉湯比我地，超級關懷親切，務求我地可以享用到最好食既牛肉麵！麵條似刀削麵，粗身帶立體感，十分有嚼勁，而且掛湯度佳！湯麵份量頗大，兩個人食都夠！湯裏仲有牛筋，炆得腍滑，牛腱比坊間切得大件，炆得入味，咬落夠腍，大啖大啖食超滿足，連蘿蔔也夠甜無渣。呢個麵雖然貴左啲，但絕對比係台灣食既牛肉麵更好食，所以絕對要試！—🌟回頭率:10/10💫服務:8.7/10 (試業階段，但力求進步)—#樂翻天 #台灣 #過江龍 #試業中 #佐敦美食

LUNCH去左哩間在佐敦新開的台式餐廳樂翻天，餐牌種類都算幾多,價錢都係幾十蚊就有交易,在同區當中都叫抵食，鹽酥雞滷肉飯鹽酥雞滷肉飯味道唔會好濃，滷肉都好多好送飯，份量就比較少，女仕剛剛好，男仕唔會太飽的感覺玉子三丸麵，玉子三丸都好大粒，但朋友說湯味好淡，不過都OK的。另外加多5蚊就會有珍珠奶茶飲，在同區買2X蚊杯的來說，5蚊我都覺得值得加的，但可能是新開張，職員的服務也是未到位，有特改善。

一碗晚市食玩豬頸肉蔥油伴面只得3塊豬頸肉要55元，冇蔥味，餸又少，同服務員講，所得答案就係耍我，同厨房講一聲反影下都冇，如果係下午茶比咁既料我覺得冇問題，晚市又貴D都係比咁既份量就過份左D，下次唔會再去幇襯

香港人一直鍾情台式味道，又一過江龍台式餐廳樂翻天開業，樂翻天在台灣主打平民火鍋，百元台幣有交易，香港店就易名為綜合食堂，不止賣一人火鍋，還賣牛肉麵手抓餅餃子等近百款台菜。由於仍未有牌照，所以未能提供招牌火鍋。其他菜式又如何呢﹖較好是招牌牛肉麵，用大蒸籠燉美國牛肋肉，肉質比較有咬口，肉味濃，牛肉湯無添加味精。吞拿魚手抓餅就適合下午茶時間，手抓餅熱辣辣，餅底酥脆，餡料又夠多。七色餃子配台式拉麵就有7款口味的餃子，皮薄而且餡料味道新穎。其他菜式就可能是新開業，有進步空間。如鄧師傅豬手就是把高雄人氣鄧師傅豬手重現，一份4件，豬手軟腍，夠入味。還有甜品翻天黑糖薑母綜合芋圓，薑母味重，黑糖突出。芋圓手工製，夠煙韌。

新開的樂翻天在台灣好似幾出名，適合打卡呃LIKE，選擇都算多，口味都好岩香港人。雖然鋪面不大，但坐得不算迫，裝修很有台灣風味。食品方面，台式麵線湯底好濃、好正宗，有啲似台灣好出名個間阿宗麵線。之後再點了一個鹽酥雞排骨飯，碗上面的花紋好精緻，好適合女仔打卡，鹽酥雞炸得剛剛好，吃得出應該是即炸的感覺，調味料味道很好，入面有小黃瓜做配料，剛剛好中和了炸物的油膩感。總括來說，喜歡食台式菜的朋友都好值得來試下。

經過佐敦見到呢間全新試業既台式餐廳,決定入去試下。餐牌種類都算幾多,而價錢都係幾十蚊,其實都幾抵食!近年黎鍾意去台灣既香港人都多左好多,所以台灣菜都越黎越多人喜歡。咁我就叫左個手撕鹽水雞半隻配竹筒紅米飯, 鹽水雞肉質好滑,因為係手撕既原因,所以口感重多左一個層次咁,再配上竹筒紅米飯,真係好有台灣特色,打卡都一流。朋友就叫左一碗台式牛肉麵,湯底好香濃,好重牛肉味,牛肉好淋好容易咬得開,麵質都好特別,我同朋友都覺得好似去左台灣食牛肉麵咁!

新店試業，路過試下，價錢一般，食品質素亦半斤八兩。冇試過其他菜式，所以唔敢批評整體出品好壞，就我試過嘅食品可以俾嘅意見如下：招牌大大個寫住亞軍牛肉麫，咁我估佢係最招牌嘅出品，可惜強差人意。麫身係合格嘅，但除此以外乏善足陳，湯頭毫無台灣風味，牛肉用牛筋牛腩，完全唔入味，牛腩算腍但感覺似煲湯湯渣，冇牛味亦冇調味可言。比較似樣係舊白蘿蔔，但係舊甘荀就爽爽硬硬嘅，明顯係火候不足。令我意外的是佢嘅紅燒牛肉麵係麻辣口味，我冇打算試因為怕伏，不過就咁聽起嚟台灣紅燒牛肉麵係麻辣嘅我真係冇乜見過呢個口味，恕我見識少啦。價格一般所以質素亦很一般。總之唔係一般台灣牛肉麵嘅豆瓣醬同醬油為基底的口味，亦唔係牛腱肉主打啦。

短時間內，再來幫襯，上次已經想食，但未食到嘅，今次都試下！有好味嘅，都有直升機位先講好味嘅，係葯膳排骨湯配竹筒飯！味道係好味嘅，但精彩在竹筒飯，是加料的，有時候手機食先，是有好處的，問題能在放大相片中尋得叫職員幫我換個個，都好快就處理到，都見到是換過另一個新的另一個，我外賣帶走的，是餃子！他們的餃子很多款味道，顏色也不同，因為餐牌已規定左，唯有揀左兩款雙拼的淨餃子，如果唔規限定，係想試多幾款，結果點左麻辣豚肉和竹炭黑松露，即場試一試，我個人都有點黑炭了個皮好特別，是有厚度，好軟，好淋，台灣的餃子，可能係我食唔慣卦我朋友點了，鹽酥雞排骨飯，又ok.喎，正正常常，味道都！結論是………唔好點餃子，就可以了

放lunch時候行經呢間舖頭，連招紙都未拆，見佢出面寫試業，即係仲未正式開張。鍾意試新野嘅我梗係唔放過啦。呢間係一間食台灣野嘅餐廳，雖然舖面唔大，但尚算坐得唔算逼，而且裝修幾有風味。第一次黎，梗係試試食台灣野最基本嘅—滷肉飯！唔好睇相好似好細碗咁，其實飲埋套餐杯野飲都好飽。個滷肉飯果然冇令我失望呀，唔會過落過多嘅調味令到個飯同啲肉過咸。係條菜比較乾身，同埋個人黎講某啲肉係有少少肥～其實食得滷肉飯都一定會有啲肥架喇，客觀黎講都係可接受嘅！講服務，呢間啲店員都係好有禮，亦都好細心叫我地小心啲熱飲熱，食完收野前都會問一問係咪已經食完，小店黎講服務算係好唔錯呀！成個套餐唔洗加一，45蚊就走得人，下次一定會再黎試埋佢其他野

早幾日經過見到開左尼間新既台灣店，超開心叫埋d同事Lunch一齊叫外賣，佢地貼左試業所以都有個打算可能會比較慢。我預先影左menu同問左外賣電話，嚴格尼講果個係其中一個人既手提電話，最後我都係直接去落單。揀好晒之後足足落左3次單先落得成，因為menu有既number原來係佢地係系統到都係出反餸名，咁效率已經慢好多，落3次係因為佢地店員自己都好亂，左一單右一單，自己寫既又要叫人幫手落，同埋食物款又有d無，要同事再唸食第2樣，7色餃子得2色，最後成功落到，total 6個餐等左15分鐘到。拎到反去之後，發現個2色餃子最後都係錯左但遲左lunch同完之後已經好忙，就照食啦肉燥手撕雞飯，味道5錯鹽蘇雞排骨飯，份量滿足，啖啖肉，好味台南魯肉飯，食咁多香港既台灣野，最正宗係尼個，但最大問題係個肉汁5夠撈反，真心應該最少要撈得晒先食到味，台灣腸係穩陣既味雞絲芝麻醬拌面既份量少到離晒譜，半個碗都5夠，同事食完5夠飽仲要勁快肚餓結果，收工同事check單入數就發現原來叫既7色餃子比台南魯肉隻貴10蚊 仲有明明野飲5洗加錢又收多18蚊，最後都係去左問店員拎反，好在佢地聽完我地講都肯比反錢我地，如果5係講真

在佐敦的這個新開的店，現在是試業中，從外面看很年青朝氣光鮮嘅感覺，裝飾簡潔有特色！比起上一手（同樣是食店），坐位都美觀舒適，就決定入去試下！因為我入坐時間，未到晚餐時段，客人唔多，清靜一啲，對我黎講係十分正侍應生遞上餐牌，睇下都好多選擇，呢間店是台式食店，食物和飲品都是台式！結果我揀左台南滷肉香腸飯，配指定熱飲，唔洗加錢！我就揀左杯熱華田！（有少少可惜杯野淡左少少，不過現在好多餐廳都一樣，淡華田）上餐速度都好快，一大碗熱辣辣送上，個碗都幾大，諗住份量唔會大啦！點知道原來下午茶嘅份量，都好十足架！（咁都要講清楚，每個人食嘅份量多少不同，我偏向細份的，所以食半碗已經飽啦）味道方面，都絕對係好食 , 用料新鮮，靚料，唔會用味精，亦都唔會太濃味！好值得一讚！另外，佢哋有七色餃子，我見格離枱有人食兩色！外型和顏色都和餐牌嘅一樣（通常餐牌嘅都比實物靚，呢間竟然出品和照片一樣咁係唔係影相嗰個……），賣相咁吸引！下次去一定要試下甜食方面，佢哋都有幾款芋圓，都好想試下等下次再去試埋其他食品，再上黎分享下啦