麵包新語 & 土司工坊 (Closed)

最近周圍都瘋狂勁減,極為吸引,我也禁不住過海逛逛,需沒有收獲,但至少有機會來這裏試過江龍土司.舖子很少,十數張枱放得密密麻麻. 我先行找位子,幸好不消多久便有位. 我要了傳統土司餐($28),友人要了叻沙套餐($38).傳統土司只有2份很少的多士,內裏夾了半片牛油和加央,味道不算特別,相反特別貴(是因為過江龍所以要提高價錢嗎?). 凍奶茶亦沒有大變化,還以為南洋奶茶會更好喝半熟蛋,加了胡椒及豉油的蛋很特別,但蛋白位置很水,感覺一般.叻沙 - 只吃了一口,因為怕辣. 這裏的叻沙是用米線,平常的也是嗎? 味道除了辣,也吃不出什麼.抱了太大期望,有點失望,怕已再沒下次了.P.S. 由於太餓,只拍了半熟蛋而忘了土司.

朋友約食飯，由於我同佢都好鍾意食包，佢就話食哩間。朋友想食喇沙，點知話賣晒，要咗傳統土司餐配生蛋&熱奶茶+肉鬆土司，傳統土司&肉鬆土司都好味，好鬆脆，熱奶茶都唔錯，奶同茶0既味道啱啱好，但個生蛋就唔多欣賞，跟傳統食法，要加胡椒&豉油再搞云食，本身隻蛋已經凍冰冰，咁樣搞完，完全唔想食，入口果吓好難頂囉，下次都係煎蛋好喇...順帶一提，以前好鍾意食辣鬆鬆，不過加咗價之後，實在係太貴，其他包都好貴，好味，但真係唔捨得食囉

有D野要同朋友傾, 就黎左哩度。我地各自點左一碗喇沙 & 凍奶茶, 再加一個厚 KAYA TOAST。個個都話唔好食o既喇沙, 出奇地我同朋友都覺得好食, 個湯底好濃蝦膏味, 又有陣微辣o既椰香味, 魚片都幾有魚味, 唔錯啊 ~ 最大缺點就係D 米線的確偏"林", 而且又碎。另一方面, 以咁o既份量來講又真係幾貴。個 KAYA TOAST 甜甜地咁, 味道中規中舉。至於個凍奶茶... 嘩... 咩黎架... 淡成咁

Breadtalk的鬆鬆系列一向被受讚賞, 等我都試試佢先, 雖然有好多其款都好吸引.麵包的確很鬆軟, 感覺內裡有很多空氣, 很輕盈的, 面頭每一個角落都佈滿惹味的辣肉鬆, 中間夾著一層薄薄的沙律醬.頗欣賞比南洋來的麵包店, 可惜分店都唔就腳

原來想到樓上食小籠包 , 但經過土司工坊便吸我們二人視線 , 於是改行程在這裡午膳 . 條隊都算長 , 於是一人取位置 , 一人排隊購食物 . 兩人點了傳統土司、喇沙、餐蛋麵、班蘭蛋糕 , 飲品選了奶茶和薏米水 .傳統土司是塗了牛油和 KAYA 醬的多士 , 口感和味道俱佳 !! 喇沙湯底還不錯 , 但麵條太淋 , 算是不合格了 … 反而餐蛋麵的麵條夠爽夠彈牙 , 原來是能取高分的 , 但吃到了少許蛋殼 … 班蘭蛋糕很鬆軟 , 有入口即溶的感覺 , GOOD !! 奶茶算合格 , 個人最喜歡薏米水 , 小時候偶而媽媽都會在家弄的飲料 , 長大以後已經很少能喝到 , 在這裡重拾溫暖 ~~

Nicely decorated café, claiming to serve Singaporean food, ordered Pandan cake and Laksa.Sitting down, the café had nice non-Chinese accent to it, which was quite good, surrounded by western windows, and wooden décor.Food wise, the Pandan cake tasted ok, soft in texture, a little too sweet compared with the ones from Singapore. As for the Laksa, the soup base, and the ingredients were the ok, the only thing that spoilt it were the noodles, as they were chewy white noodles that didn’t soak up the

某日經過，看到其餐牌上都是吐司套餐，分別有傳統吐司、肉鬆吐司、潮式蝦米軟包、法蘭西吐司、花生醬吐司和菠蘿油，配上兩隻烚或煎的雞蛋和南洋咖啡或茶。一看這些配搭便喜歡，所以跑進那半開放式的店內試一試。傳統吐司對於本人來說一點也不傳統。那好像是印尼人還是馬拉人的傳統。記得在新加坡時，常常會看到店子售賣這種用咖央醬煮的吐司。它其中一個特色是椰味香濃，只是本人一點也不喜歡椰子食品。至於那些肉鬆、潮式蝦米和菠蘿油，都不大屬於我的那杯茶。結果在二選一的情形下，點了法蘭西吐司。那吐司不像茶餐廳出品般香口，卻很有麵包的鬆軟口感，也不太膩。煎蛋沒有特別，可能白烚的半生熟蛋會好一點。至於飲品，友人和我都捨棄了南洋咖啡。因為我們分別被薏米水和美祿恐龍吸引了。炎熱的天氣下，喝幾口薏米水，感覺清新。而那美祿恐龍嘛，有點金玉其外! 整體來看，這店的食物不俗，只是略嫌貴了一點。

要左傳統吐司肉鬆吐司半熟旦+$3 轉凍薏米水半熟旦傳統吐司類似咖央，中間塊牛油唔算厚，所以唔太漏。吐司都幾脆口。(...Size係mini size)肉鬆吐司大塊d，肉鬆加煉奶，唔太甜，口感好過傳統吐司。半熟旦係要自己加胡椒粉同杰杰的甜豉油，都係貪新鮮試哩個，我諗炒旦or煎旦會好味d。薏米水，唔好諗住杯底會有d薏米比你，係冇嘅，清清地囉。係幾好食，幾好食係因為哩d材料好難會整到唔好食架bor，仙跡岩果d咪又係差唔多，係哩度環境high d，有新鮮感囉! 一定唔會係只此一家!

下午兩點左右，同媽咪一齊去食，去到已經排長龍，快快搵個位坐低，再睇下餐牌，先去排隊，都排左好耐……（十個人左右）。叫了一個西多士餐跟咖啡（＄２５），原來仲有雙疍，要了煎蛋，因為好怕食生疍的。西多士真的好脆又吾油淋淋，吾似我地港式的好多油，未食已經覺得好肥，但係點解無糖漿，只得牛油，有埋糖漿ｏｒ鍊奶就ｐｅｒｆｅｃｔ！Ｄ疍煎得好食，吾會煎到熟晒，個黃死實實，我發覺加埋ｄ甜豉油仲更加好味！柸咖啡吾使講好好味，雖然濃但吾會有苦味的。另外散叫了一柸黑咖啡（＄１１），班蘭疍糕（＄１３），塊疍糕好鬆軟好食。到我地食完走都係敢多人排隊，係咪ｄ人手慢腳慢呢！幾時都敢多人的。

十一月八日(星期六)決定好好地享受這一天跟友人一早到尖沙咀海港城探朋友,逛了又逛下午尋找breadtalk,首試麵包**鬆鬆($8):見到肉鬆感覺非常良好下得極為重手既肉鬆咬口十足即使油膩得很我仍然想吃下去**日本咖哩($7.5)炸左既咖哩包異常地吸引,可口酥香外表細細個,未食已經聞到香香咖哩味內裡餡料卻給我驚喜:甜甜的咖哩夾雜蔬菜和肉(待續)

初食,有驚喜. 曾經,日日黎買早餐. 但上星期試埋咖哩雞飯同今早既早餐,都覺得麻麻.咖哩雞飯 - 汁稀而且係無味,無咖哩味,我問新加坡朋友,佢個邊既Toast Box係咪得toast 好食,佢話個邊係無飯餐. 意米水 - 唔平,但係得水,無意米,飲凍既仲要半杯係冰. 味道不錯,但係唔值.黎買早餐,已經買到著火,因為,個收銀除了要收銀外,佢仲要數蛋,入蛋,煲蛋,沖凍飲,打蛋. 試過輪到我,等佢成8分鐘已落order. 老實講,個個都趕返工,邊有時間咁慢慢等. 其實咖啡奶茶多士好得,但operation 唔得. 成日條龍都有6-7個人,唔係好生意,係實在太慢.

無論睇雜誌或者上網都對依間食肆0既評價唔錯，於是尋晚專登同老公去試，結果大失所望．．．我地叫左一個辣沙套餐跟凍檸茶，一份辣肉蝦米土司套餐跟熱薏米水．　－　先講個辣沙，同唔少網友所講一樣 - 太細份，唔好話男人，連女仔食咁０既當晚餐都會覺得肚餓．同埋味道真係好一般，椰味唔夠之餘，又唔夠辣同香，仲要０的粉碎到乜咁．賣相肉酸！－　至於個辣蝦米土司，唔知做乜要整咁耐，足足等我左５分鐘以上先等到．食落同普通麵包無乜分別，０的辣蝦米無乜辣味．普通！－　至於杯薏米水，勝在唔太甜，不過飲哂成杯只係見倒一粒薏米，係杰撻撻０既，不過唔知點解無乜薏米味－　可能間野仲新，無論流程抑制服務都有待改善，唔知點解土司套餐會唔跟餐具，唔通一定要人用手食？！就算真係要我用手食，都提供張紙巾丫！唔提供都算，人地拎張紙巾出０黎用左一陣都無叫侍應０黎執野，佢一見果張用過縐縐地０既紙巾，連問都唔問就收起當垃圾咁掉左，快到叫都收唔切整體而言，去過一次就唔會再去喇．

(21/10/08)真係太鍾意食吐司喇!鐘意到自己都唔相信,一次過可以食咁多野。南洋紅茶、咖央西多、潮州辣蝦米軟麵包(本來呢個係買走的,點知佢無幫我pack,送左上來,忍唔住又食埋)。南洋紅茶,選了+花奶、少糖,「紅茶」比「奶茶」薄身,無咁膩。捨棄奶茶,「健康」少少,這是個good choice。南洋西多做法跟港式唔同,雖然佢都係炸過,但多士面卻好像烘過咁,諗唔到佢點整,外脆內軟,很驚喜。而pet咖央醬好似薯蓉質地,無乜椰子味,不算太甜,都ok既。潮州辣蝦米軟麵包,最忍唔住要食,係因為個包烘過,有點脆口,辣蝦米我形容佢係乾身唔辣既xo醬。夾麵包都幾得意噃。

一直都想幫襯，既然今日行過，肚子又裝得落，就走入去試一次...次次行過都係排長龍，今日一樣唔例外，但喺排長龍期間，一啲都唔會悶，因為有即場表演睇---拉茶表演，睇住果個人將咖啡、紅茶喺呢個壼倒落另一個壼，好似拉絲帶咁，愈拉愈長，手勢利落，一個字形容哂.："勁"...唔知佢一日到黑要整幾多杯呢？真係辛苦哂...我order咗一客肉鬆土司&兩隻煎蛋，盛惠$19...土司嚟到，有啲奇怪嘅感覺，點解好似冇咁忽嘅？同網友post出嚟嘅靚樣有啲出入喎，一時失手？嗯...算啦，都係味道最緊要...肉鬆好鬆，又夠甘香，土司係脆口嘅，配埋煉奶(冇三聚氰胺呱...)都幾好食...但可能俾一眾網友讚得太緊要啦，令我期望過高，所以食落會有啲"不外如是"嘅感覺...煎蛋嘛，即叫即整，實在唔明點解唔夠熱，我自己煎仲正...下次可以慳返...嗯...有冇下次呢？相信要睇心情啦...

選擇不多，肚子太餓的話可以選擇喇沙或雞翼飯。是為了個貪字而來，貪什麼?貪新鮮。難得假期，吃的必定要千挑萬選才可給自己一個交待。聽說這個土司工坊贏取了不少食客的大姆指，就給它一個機會吧。凍花奶咖啡是馬來西亞口味，喝不慣，再加上給它偏深色的外表諞了，要求待應給我再添花奶，待應有點猶疑，我眼神堅定，最後我知道她是對的，因為咖啡過甜，已蓋過咖啡原來的味道了。一號餐$28，要的是傳統吐司，薄薄的多士內塗了加央醬及每邊有一塊像4張memory card大小的牛油，多士鬆脆，亦有很好的內涵，只疑問為何份量那麼少。至於半熟蛋麻，很是滑溜，用膠匙吃，有點吃炖蛋的感覺，但蛋味就比炖蛋更濃!友人這天非常餓，區區2小片多士又怎能填飽肚子?要了個喇沙加飲品$38，喇沙味濃，漁片彈牙，但粉太碎，像幼身的銀針紛，整體來說不錯，只是份量不多。吃後走了半小時的路，朋友嚷著要吃東西。。。近朱者赤，是我們大食，還是Toast Box食物太精緻?