BriKetenia (香港科學園) (Changed Hand) New Restaurant

今天到科學園工作，看到這家餐廳，寫著法國總店連續15年榮獲米芝蓮一星，現在去不了法國，近近的在這裡試一下吧。 裝修高雅，富時代感，樓底很高，當工作了一天坐在這個嘆一個寫意晚餐，著實感覺舒適。 晚餐性價比高，我們點了兩份。 法式麵包很香軟，我吃了兩大片。 頭盤 - 法國 St. Martin 生蠔 No. 2 size，海水味重，鮮甜新鮮。 法式鵝肝焦糖燉蛋 - 這個一上場，我以為這麼快吃甜品了!? 原來還是頭盤，鵝肝味濃，很香，配上士多啤梨醬，味道出奇地夾，又另一種味道。 法國干邑龍蝦湯 - 上菜時，店員用壺倒入熱湯，較傳統直接上湯特別一點。熱湯內真材實料配有龍蝦肉，味道香濃。 香烤大蝦及帶子蕃茄意粉 -大蝦煎得很脆，肉質彈牙，意粉煮得剛好al dente。 紅酒燴牛肉伴薯蓉 - 帶上紅酒味汁很開胃，薯蓉亦軟滑。 栗子芝士蛋糕配雲呢拿雪糕 - 秋意漸濃吃栗子最好不過，加上芝士蛋糕，實實在在的滿足了我的甜品胃口。 📍Briketenia香港科學園科技大道西17號17W大樓1樓RT103號鋪 #foodie #food #foodpic #foodphoto #yum #yummy #de

在香港 ，想品嘗來自法國，有米芝蓮一星級餐廳背景的美食， 其實不一定要到中環或尖沙咀等地區 ， 可能有一間就在你公司或屋企附近 ， 朋友便是哪個幸運兒， 公司樓下便有一間。餐廳位處一樓電梯大堂出入必經之路，前庭通道寬闊並有自然光透入；室內樓底稍高，感覺開揚，以啞金色金屬邊框玻璃配拋光珍珠色牆紙，青綠色傢俬，柔和燈光，營造時尚高貴氣息。Acqua panna $68法國麵包自家製法包外層香脆，內裏軟熟，白色鯷魚沙律醬，口感幼滑，那份淡淡鯷魚咸鮮味，非常討好，可謂一個晩餐的好開始。法國生蠔 2隻  $60法國 St. Martin (No. 2 size ) 生蠔體型不算大，但肉質Creamy爽口，海水味適中，味道清甜、蠔味細膩回甘，甚有驚喜。白酒煮新鮮青口紐西蘭青口新鮮飽滿，肉質異常軟嫩，順滑彈牙，濕潤，口感非常之好，以牛油、蒜片、 白酒炒香，令青口本身的鮮味昇華，是貨源優質抑或烹調有法… 竟然可以做得如此可口。法國田螺伴香蒜牛油 平時食的法國田螺，多數伴薯蓉一起焗，今次餐廳以新鮮綠油油的沙律菜相伴， 吃起來也頗清爽 ， 尤其欣賞那個甜甜的沙律汁。田螺香軟 ， 用小叉便輕易地從殼內撬出

今次去咗科學園內嘅西餐廳，係度食嘢消費仲有泊車優惠，停車場仲有電車叉電。搭lift上黎就已經有好多餐廳可以選擇，介紹吓呢間餐廳嘅設計，座位寬躺，樓底高空間感十足，侍應有禮貌同每道菜式都有簡單介紹，前菜方面有麵包配自制銀魚柳蛋黃醬，口感偏酸，非常開胃，跟住有水牛芝士沙律配蕃茄，加上黑醋恰到好。主菜有兩道，分別係澳洲西冷牛配薯條，肥瘦均勻，唔會太乾，跟住有虎蝦帶子蕃茄扁意粉，新鮮彈牙，大隻，蕃茄味濃郁，最後甜品係自家製栗子蛋糕，甜而不膩。

今晚很即興地同男朋友去科學園吃晚餐。這間餐廳位於17W大樓，泊車非常方便，晚餐簽賬單據又可以有泊車優惠，非常推介。Set Dinner的Starter有六款選擇，主菜也有十多款主菜選擇，令我的選擇困難症立即發作，最終我們點了兩款不同的Starter，主食要魚和牛扒，並加了兩隻生蠔。首先上桌的是外脆內軟的法包，亮點是配以鯷魚醬，別小看那一小碟醬，是會令人一口又一口的吃上癮。法國生蠔很鮮甜，只是加$60就有兩隻，好抵！法國干邑龍蝦湯是上桌後才由侍應倒進湯碟中，這個湯很濃稠，啖啖充滿鮮味，還有龍蝦肉吃呢。田園沙律是簡簡單單的，小蕃茄和新鮮爽脆的沙律菜。白酒煮新鮮青口，青口肉都很飽滿。香煎鱸魚配燈籠椒是單看賣相已經攞滿分的菜式！鱸魚煎得脆皮，肉質細嫩，配以混合新鮮香草的醬汁，非常美味。三件鱸魚疊起來，份量可不少，底層是超軟滑的薯蓉和配菜，整個主菜都很豐富。美國安格斯牛肉眼扒配薯條，牛扒煎得恰到好處，肉汁豐富。要吃原汁原味，不用沾醬汁，加少少鹽已經很好吃了。心太軟配雲呢拿雪糕是絕配，朱古力的流心效果令人垂涎欲滴，蛋糕軟綿，朱古力味濃郁。芝士蛋糕配青檸雪葩是清新的配搭，青檸雪葩很解膩。法國餐廳就是

難得二人世界，就近搵間餐廳撐吓枱腳！平日夜晚，都可以享受下！呢間法國餐廳向科學園，食完仲去左海邊行下，吹下海風幾舒服!.Set Dinner $178-$498/人▪️前菜蕃茄水牛芝士沙律 淡芝士的味道配上清新的蕃茄，開胃一流法國田螺伴香蒜牛油肉質緊實，香蒜的味道令口感更順▫️主食香煎比目魚薯蓉配新鮮蔬菜 軟綿綿的薯蓉，切開香脆的魚皮可見下層鋪滿忌廉汁，更有五顏六色的蔬菜澳洲香烤西冷牛扒配薯條 預設的五成熟，粗鹽顯得牛味更重，醬汁則能解膩！▪️甜品一定要叫埋甜品先夠圓滿!是日甜品為芝士蛋糕配雪糕 🍨 .食完飯，響海邊散吓步超舒服 👣

近日秋高氣爽，所以去科學園行下，更可沿著海濱長廊慢步，可遠眺一望無際的海景。回程就去了科學園內的一棟大廈，地下和一樓都是食肆。我選了一間法式餐廳，餐廳沒有華麗的裝修，但以青綠和米色配搭，加埋很多玻璃幕牆，感覺雅致時尚。而樓頂高，很有空間感，感覺十分舒服。我們點了2個套餐，有前菜，主食，甜品和飲品-法國生蠔2隻（+60元）-香濃磨菇湯 磨菇味濃，湯底有磨菇粒提升口感。-法式麵包配鯷魚醬法包微熱塗上鮮味的鯷魚醬，食到不停口，要encall多一碟。-白酒煮新鮮青口紐西蘭的青口，用白酒煮，更加提鮮-香烤大蝦及帶子番茄意粉2隻大蝦烤得外殼香脆，肉質鮮甜彈牙，帶子煎得表面焦香，肉質保持鮮嫩。-油封鴨腿伴燴白豆鴨腿淋軟，肉味濃郁，鴨香味滲入伴碟的薯蓉和白豆，十分惹味。-藍莓芝士蛋糕芝士味不會過濃，配上藍莓醬，十分配搭合，甜味適中。-熱檸檬茶-凍咖啡

好幾年前踩單車經過科學園，只係知道旁邊有露天餐廳，原來這邊已經有好多間食肆在17W大樓，於是呢次就試試這間法國菜，想不到有這麼高質的出品在這裏可以食到！首先法國菜必定會有餐前法包，口感外脆內軟，配上提魚蛋黃醬，口味相當匹配，非常好食！追加了兩隻法國生蠔，帶有少許海水味，口感爽脆新鮮！香濃蘑菇湯，濃郁的蘑菇香味，質感Creamy蕃茄水牛芝士沙律，配上黑醋，大片的水牛芝士，味道清新醒胃！法式鵝肝焦糖燉蛋，焦糖香脆，蛋味綿滑香濃，加入了鵝肝增加味道層次感美國安格斯牛肉眼扒，order了Medium，表面做到焦香，能鎖緊牛扒肉汁，中間顏色粉嫩，非常有水準的一道菜！香烤大蝦及帶子蕃茄意粉，大蝦爽彈美味，帶子鮮味火候拿捏不錯，蕃茄意粉口味醒胃最後加了$58點了是日精選甜品，這次慶祝媽咪生日，餐廳也為我們寫了小朋友給他的字句，感覺窩心！備注：餐廳停車場在P4位置，有很多免費中速充電裝置，適合不同的電動車，同埋消費滿$200 可以免費泊車兩小時

今日接媽咪收工 去到Briketenia沙田科學園既分店食晚餐 呢間餐廳嘅法國總店係米芝蓮餐廳 而香港呢一餐質素亦無令我失望San Pellegrino礦泉水 - 唔想飲Tap Water嘅可以選礦泉水呢度嘅晚市套餐有齊前菜/主菜/餐茶 亦可加錢叫埋甜品 價錢唔算太貴生蠔兩隻 - 灑上檸檬汁 雖然唔算好厚肉 但係海水味濃好鮮甜麵包 - 干脆左嘅麵包外脆內軟 加埋佢配嘅醬 又帶點小小蒜蓉香 非常好味法式田螺 - 我都係第一次食法式田螺 牛油味濃白酒煮青口 - 青口好鮮甜 唔會overcookedSirloin牛扒配薯條 - 叫左Medium 牛扒生熟控制得宜 中間仲係粉嫩有肉汁 薯條超好食 新鮮炸起 好有薯味Seabass配薯蓉 - 煎鱸魚算厚肉 外皮香脆配埋忌廉牛油薯蓉是日甜品係芝士蛋糕配雪糕 - 雪糕有啲似白兔糖味 芝士蛋糕媽咪話味道唔錯

同老細慶祝佢退休,所以要揀間好少少的餐廳,所以就揀左科學園這間米芝蓮餐廳。以食物質素來說,佢好味但又吾算好貴。不過係交通吾太方便,因為要老細車出車入🤣🤣裝修普普通通吾太特別我地最仲意佢個面包,烘暖左好鬆軟,配鯷魚醬好好食,經理好好,俾我一碟面包我地😁😁好多餐廳都要另外俾$的。生蠔幾鮮甜蘑菇湯好蘑菇食到一粒粒,而且冇落太多cream。青口正常0k。田螺吾un 算juicy水牛芝士個sauce幾好食。我本身吾好羊,所以只食一口,羊架有羶味,但吾un,同事們話好好食。個意大利飯我仲意食,因為岩香港人口味,中間吾係生,但又食到粒粒分別,鴨胸就有d un,一般般。大蝦就一般,但帶子煎得幾好,意粉似手工制吾似一般的質地,多茄我好仲意。吾知係米d野的太多,食爐魚我就冇乜特別感覺,但佢外皮脆香口,佢d配菜同薯蓉我都幾仲意,會配合主菜吾同調味,我食左好多😂甜品朱古力咖啡千層餅原來吾係千層蛋糕個質地,但都好食,好似加左Bailey。最後個咖啡幾香， 吾苦吾酸， 但就薄左少少。總結來說,法國餐來講性價比算高。老闆吾想我地破費,佢話知道吾係好貴都安樂少少😂佢都讚依度好味,話遲d同屋企人黎食🤣🤣

住喺附近嚟過兩次，兩次都留下唔錯印象。首先服務係幾親切，招呼周到，想加麵包都非常樂意。食物方面，餐前麵包好好食，夠熱，塗麵包醬好好味，問咗侍應話係提魚醬。沙律菜好新鮮，水牛芝士加蕃茄同埋醬汁配合得好好真係好好食。磨菇湯好真材實料。主菜嘅牛肉我老公話好食，而且份量好多，佢食哂。我嘅蝦帶子意粉ok，帶子唔錯。

老朋友愛享受，今天特意請我去沙田科學園碧法餐廳晚膳，得悉這間餐廳是正宗法國fine dining菜式，每道菜的配料都很講究，廚師以不時不食的理念，使用新鮮時令食材來套入法菜的烹調。 餐牌上，晚市套餐可散點，價錢絕不離地。 老朋友提議先來生蠔，生蠔來自法國的Saint Martin no 2～肉質嫩滑，而且感覺比較清甜，有少許海水味，回甘味濃； 麵包～秘製鯷魚醬，没有腥味，脆脆的麵包配上這個醬很適中； 我選了龍蝦湯及煎比目魚，龍蝦湯味道不過濃沒有影响主菜但這道龍蝦湯很完美，非常絲滑丶美味； 香煎比目魚薯蓉配新鮮蔬菜，廚師煎魚的火候拿捏得很精準，魚剛熟，把魚煎香了的外皮，外脆內軟，亦有絲滑囗感，這道菜式會讓你想一吃再吃； 最後點了甜品～卡布奇諾朱古力蛋榚，香脆軟滑，·這甜品絕對為我倆的聚舊劃上完美句號！

由於屋企近科學園有一日 懶唔想去咁遠 又想食西餐就過咗嚟Briketenia鍾意佢環境舒服、氣氛好食物又唔錯 （羊架好好味😋）🔸精選生蠔🦪 （$60/2pcs）St. Martin no.2 新鮮爽甜，海水味唔算重，大細適中。🔸法國田螺肉質軟得嚟有彈性，焗得夠香！仲有沙律拌碟。🔸蕃茄水牛芝士沙律番茄大塊爽甜、番皮都嫩身👍🏻，配上牛芝士同意大利黑醋，好清新開胃。🔸香烤大蝦及帶子番茄意粉（$248）帶子煎得好香！好鮮甜！蝦肉大隻而爽彈，醬汁有番茄、洋蔥、蒜片香，惹味醒胃。🔸香烤羊架配薯蓉及新鮮時蔬（$298）羊架好嫩、好軟、邊邊嘅脂肪位好香口，煎得好好味！配埋燒汁更惹味。薯蓉好幼滑，仲有炒香嘅蔬菜，yummy！🔸是日甜品（$58）檸檬芝士，好清香，酸味突出，唔太甜，芝士口感適中，唔會覺得膩，仲有好好味嘅雲呢拿雪糕，正！.🔸Acquaint Panna （$68）

滑完水喺附近搵嘢食見到呢間口碑唔錯價錢相宜一行四人入咗去裝修的確唔錯服務都算係咁除咗門口嗰個黑口黑面好快就上咗餐前麵包熱辣辣幾好食對食物有所期待前菜我哋分別叫田螺同磨菇湯都係正常發揮不過菇湯可以再濃啲菇味正餐叫咗1）鴨胸意大利飯鴨胸出曬水流曬落啲飯度而且無味淨計意大利飯都算正常2）安格斯牛扒薯條牛扒完全冇牛味薯條正常3）香煎鱸魚伴薯蓉從來未食過魚咁大陣雪味連佢個汁都庶唔到佢冇味+雪味4）蕃茄大蝦帶子意粉茄醬還茄醬，意粉還意粉意粉完全無味又冇掛汁帶子超薄 蝦又細又有雪味背脊開咗一刀都唔挑腸仲差過啲叮叮意粉呢一個價錢茶餐廳都不如同枱朋友對飲食都冇要求都覺得呢一餐非常難食完全對唔住呢個價錢真心大家樂都好過佢

聲稱法國總店有米芝蓮一星加持，北角分店full booking見科學園冇乜人就特意由大西北過嚟一試。伏到要上嚟openrice寫食評，上枱時就好似打風咁毫無擺盤賣相，二人tea set 價錢$498加一。1. 鵝肝多士騷味特濃2. 啲桃就似切開半日氧化到瘀黑色3. 多士燶底4. 其他甜品十分普通只有自助餐貨色其他午餐水準正常收費略高但尚算合理。成間餐廳兩個鐘得十個客，雖然假期科學園偏靜但點解其他餐廳有客而呢間拍烏蠅係有原因。

今日老公話帶我去科學園食嘢，原來哩度竟然有好野食😍🤫我地去左哩間西餐廳，叫左兩個set dinner生蠔 (St. Martin No.2 size): 肥美飽滿、味道鮮甜麵包：微暖嘅麵包，香脆可口，跟返個好惹味嘅秘製蛋黃醬，鹹鹹地襯返個包，好食！龍蝦湯: 好濃郁，有龍蝦肉， 龍蝦肉爽口彈牙香濃蘑菇湯: 蘑菇味好出，因為冇忌廉，所以唔會好杰身香烤澳洲西冷扒：牛扒睇落好似好生但完全冇血水，好軟身，好有牛味；薯條好脆，老公勁讚香煎比目魚：魚肉厚身而且好滑，外層煎得香脆，伴菜有翠玉瓜同薯蓉，薯蓉好creamy 朱古力慕絲蛋糕 ：朱古力非常香濃，配上雲尼拿雪糕同脆脆，可以平衡返朱古力嘅味道，蛋糕好厚實，兩人order 一份已經足夠。