Bro's Cuisine

Open Now

Now Closed

工廈成日都隱藏高手，今次都係因為啲其他人食評及報道而選擇這間餐廳。 雖然網上無得book位，但book位都唔太難，早幾日book 好彩仲有位六個女仔食.... 每人叫一個main再share, 點知第一樣黎到嚇我一跳.... 個黑松露汁意大利蟹肉雲吞，黎到得四舊！ 同朋友對望左三秒😳 不過佢味道係十分好既！ 蟹肉好多，個汁都好好味，放過佢啦！其他味道都不錯，不過overall係比較鹹最後食左七個，有啲無影相添😅😅😅

最近頻頻出去食飯，今日又有走咗上觀塘工廈嘅其中一間餐廳，見佢網上一個負評都冇，黎試吓真偽。餐廳Menu一張紙睇曬， open kitchen出邊另外有塊黑板寫上廚師推介，我哋就點咗個煎鵝肝、慢煮和牛面頰、法式焗田螺同埋雀肉牛柳。法式焗田螺- 田螺夠晒入味，香到忍唔住要將食剩嘅汁倒埋出嚟，焗得微香嘅薯蓉都係一大亮點，非常幼滑，散發濃濃嘅香草同牛油味道，開始第一啖已經停唔到口，不過食多幾啖開始覺得個味道重左少少，對我來講有啲偏鹹。香煎鵝肝- 鵝肝煎得香口，香濃嘅鵝肝味充斥口腔！有厚度，配上黑醋同果片，中和油膩感，不敗之作。慢煮和牛面頰- 呢個有少少失望，又唔係唔好食，不過見到廚師推介仲加咗粒星，諗住會有啲特別，可能期望太高，但係食落反而冇咩驚喜。雀肉牛柳-一個比較舊嘅功夫菜式，唔係周圍都食到㗎，我哋都係為咗呢個菜式而黎 ！將豬肝醬塗喺牛柳上，再用豬網油包住煎香，豬油嘅香加埋肝醬嘅濃同煮得軟淋嘅牛柳融為一體，而且整整有兩塊牛柳，份量大得驚人，一個人應該食唔晒。不過味道同第一個dish有d似，對我來講都係鹹左啲。食完塊牛柳有啲滯⋯本身想叫嘅甜品都已經無位再食落去，就留待下次嚟幫襯嘅時候再試過啦

一坐低就好想叫佢法式焗田螺，真係冇叫錯，超香滑既薯蓉🤤肥嘟嘟既田螺，食完都唔夠喉😝但叫多碟又過分左，留肚黎食其他野🤣🤣🤣雖然份量比較少🙈以老人家既食量計係仲有大把位😎✌🏻.佢個羊排係超級嫩滑、彈牙得黎軟硬程度好岩老人家我😍😍 佢既外皮全部燒脆，外脆內軟既羊排第一次食😋多汁得黎又唔會太生，5成熟係岩岩好👍🏻辣醬蒜香意粉🍝後尾同大廚傾落先知係完全冇落蒜粉，而係由大廚即時新鮮揼碎蒜頭，係非常之香濃既蒜味😍但油就略為多左啲啲🙈🙈叫左個帶子雲吞😆以為係意式有Sauce個種，黎到係炸既點蕃茄碎既，係估佢唔到既😂好似炸中式餃子咁🙊.今日人少少走個陣仲同大廚傾左陣，聽得出佢對食物用心之餘仲好肯同人分享，話咁快就教埋我地煎牛扒同唔彈油既秘技🥰仲話黎緊12月佢地會轉新Menus，有呢個黑松露蟹肉雲吞係意式個種😝波波聽到即刻心心眼啦😍OK 收到！下個月一定會再黎😘

和朋友聚餐，今年的社會環境，決定幫襯小店，所以選了樓上鋪。見這裡旳的食評很高，地點又近我們的公司，一於決定來吃。我今晚點了澳洲有皮豚肉扒，賣相很靚，送來時香氣撲鼻果然，扒煎得剛好，肉質鮮嫩多汁，薯仔配菜煎得皮脆，入面不會過乾，而伴菜沙拉🥗也很新鮮的感覺和味道。最後，點了甜品來個完満的記號。我點了芝士蛋糕配綠茶雪糕，賣相很靚，當然，味道也是很讚這裡有 homemade Cocoron，是 cookie，様子像 Macaron。老板很好給我們試吃，很好味，$15一粒⋯ 最後我忍不住買了6粒回家就這樣過了愉快和滿足的一晚

今天小編帶大家走到觀塘工廈吃西餐，餐廳氣氛帶點家庭風，食物水準和品質都很好，怪不得原來大廚曾經是酒店的行政總廚呢！真好！價錢相對便宜但又吃到酒店級的出品。另外很欣賞店員服務非常親切有禮。【菲律賓大蜆意粉】 HKD188大蜆數量滿多的，超慷慨的咧。新鮮👍🏻大隻👍🏻又飽滿👍🏻意粉軟硬度剛好，有嚼勁。喜歡這個醬汁，香草和酒香味十分濃郁，配合得非常好吃，滿足哩！【香草蒜肉眼扒】 HKD258肉眼扒肉味濃郁，肉質帶輕嫩有嚼勁，調味佳，單吃不沾醬就很夠味了。旁邊的薯粒好好吃，全都給我清光了。【心太軟配雲呢拿雪糕】 HKD58擺盤蠻好看的，切開就是滿滿的流心，朱古力味道香濃滑順。【熱情果乳酸】 HKD38酸中帶微甜，味道清新，它用真熱情果製作，絕對不是死甜的那種，邊喝到熱情果的果籽，入感綿密幼滑！推介這杯😋

呢晚又約左個觀塘飯腳去工廈區個邊覓食xppp呢間餐店係由一對前身係酒店總廚既兄弟聯手創立，晚上除左有meun既菜式可以點選，仲有一d推介菜式寫左係黑板上面~~呢晚我就睇中左必食推介上面既“菲律賓大蜆意粉”HKd$168，朋友就要左一份“蒜香羊架”HKd$248 share一齊食：）羊架一客三件，每件都有返咁上下厚身，份量一d都唔少！！食落香嫩而腍滑，肥瘦適中，既能嚐到羊脂既香，亦能吃到羊肉既嫩=）而伴菜亦不馬虎，即使係薯粒亦為惹味，可見誠意♥♥♥我所嗌既大蜆意份亦係足料之作，飽滿既大蜆蓋滿係意粉之上~~大蜆食落鮮味無砂，意粉煮得剛好，質感爽彈，屬為佳品：）之後我地更點上黑板上既兩款甜品，店員知道我地係share食，所以將我地既甜品擺埋一齊，十分細心！！呢度既甜品都係自家製，絕對係水準之作~~尤其係個心太軟真係好出色！心太軟可可味濃郁而不甜膩，焗至外脆內流心，配上香滑既雪糕冷熱交替，當中既滋味令人一再回味✔✔✔最後店員仲請左粒佢地所製既“曲巧奇”HKd$15俾我地試外型有如馬卡龍既小圓餅其實係香脆而鬆化既曲奇夾著不同口味既軟心朱古力，仲有好多囗味添！！！有好幾款口味都好吸引，所以我地都揀

呢日同男友約佐婚禮攝影師去觀塘studio見面，見面前就去咗呢間樓上西餐廳Bro's cuisine晚飯，餐廳免收加一，食物高水準，強烈推薦俾大家！法式焗田螺（$92）不愧為餐廳招牌，一客有六隻，每隻都鮮味十足，而且餐廳非常有誠意，用上20多種香料秘製香草油，令田螺更加入味！底下嘅薯蓉焗至金黃色，充滿牛油香之餘仲吸收田螺精華，唔使一陣已經秒速被我地清碟！法式羊架寶雲酥（$228）亦有高水準，羊肉外層鋪上麵包糠，口感鬆脆，切下去肉質粉嫩，保留肉汁，食落肉質嫩滑，香而不羶！伴菜嘅翠玉瓜簡單調味，平衡肉類嘅膩感。薯角同樣有誠意，軟綿綿，薯味十足！龍蝦白酒忌廉意大利粉($288)好好味，意粉煮得恰到好處，保留咬口，每條意粉都掛上creamy嘅忌廉汁，惹味非常。龍蝦雖然被忌廉汁略為蓋過鮮味，但肉質爽彈，用料都新鮮。店員服務好殷勤，加上優質嘅食物，絕對係大夥兒聚會好選擇呢！

觀塘工業區也有高級西餐廳🍴到了這間餐廳吃晚餐, 環境和氣氛也不錯。食物質素高, 是有驚喜的一餐，會再來光顧! 我們點了意式鯛魚柳和澳洲M7射和牛。五成熟的澳洲M7射和牛肉質超鮮嫩, 外層煎至焦香, 有肉汁, 肉味濃, 油脂分佈平均。一切開份和牛, 裡面仍留有淡粉紅色的肉, 是完美的五成熟。旁邊還有炸薯仔, 外層有微香脆的質感。我們一邊吃, 一邊讚賞和牛煎得很好吃!意式鯛魚柳 - 魚柳上淋上自製醬汁, 旁邊附上薯菜。醬汁充滿蒜香味和蕃茄味, 令人開胃的。魚柳肉質很嫩滑, 沾醬汁吃好惹味！吃完很滿足！門口旁邊亦有得買他們自己製作的Cocoron。Cocoron是全人手製作, 可以說是曲奇版的馬卡龍, 有12種不同的口味供選擇, 入面的朱古力餡料也加入不同的口味。我帶了芝麻、綠茶和伯爵茶口味回家, 和家人分享。Cocoron 外層是曲奇, 有微鬆脆的口感 🍪, 裡面夾著朱古力軟夾心, 有微煙韌的口感, 整體不會太甜。我自己最喜愛的是芝麻口味, 食落有芝麻香, 味道突出, 不會太甜。

六月之星生日，飯腳們要找地方慶生，鄰近父親節前夕，大家決定吃西餐會比較容易安排，故此周圍搜索之下，認識了 Bro’s Cuisine ⋯⋯一拍即成，決定包場玩過夠。食店在官塘成業街的一座工業大廈內。由於包場，所以食店是免收開瓶，6時許到來時，食店已準備就緒。場內貼上孖寶兄弟的照片, 㕑師酒店出身，功架十足⋯⋯一進入食店，第一眼便看到一個小賣部，分別有自家製的 Cocoron 和手造黑朱古力，多種口味，賣相吸引，決定飯後試一試。長枱對著㕑房，看著兩位大師全神貫注為我們打點，既精彩又吸引。海鮮拼盤~先來海鮮拼盤，由於大家很肚餓，筆者發現大家無聲無息地吃著⋯⋯大致上海鮮夠新鮮，只是略嫌龍蝦頭有點生，其他也很鮮味。帕爾瑪火腿雜菜沙律~沙律菜新鮮，沒有苦澀味，黑醋汁調配得很味美，甜酸度平均。麵包內滿滿的提子、乾果，筆者大愛。磨菇忌廉湯 ~菇味濃厚，尤其是喜歡碟面那三片切得薄薄的磨菇片，香氣撲鼻、四溢，帶出層次感。黑松露忌廉汁蟹肉雲吞~全是手工製作，大喜。法式焗田螺~這裡的招牌菜，身為主角的田螺，竟被配角薯蓉搶鏡，濃厚的香草牛油混在熱騰騰的薯蓉內，用一小塊麵包配上那薯蓉，滋味無窮。雜菜茄醬意大利飯

朋友送來了幾粒cococorn！第一次試食原創香港甜點，還未品嚐已經十分期待抹茶味不會太濃太苦澀，外層曲奇比想像中不太香脆，是鬆化的類型。中間的軟心餡料偏甜，但十分有口感，要咀嚼一段時間才會完全溶化於口中。伯爵茶味比較出色，淡淡茶香！總括而言，來當作小禮物送給朋友也是不錯的選擇！

位於工業大廈，老闆兼大廚係前酒店行政總廚，晚餐人流唔多，所以整體用餐體驗似私房菜👍頭盤法式焗田螺 $92 底下嘅薯蓉吸收哂田螺醬汁嘅精華，非常惹味。大蜆意粉$168 用上菲律賓蜆，大隻又肥美，意粉煮到Al dente 更嗦晒蜆嘅鮮美，性價比高，大推！海鮮意大利飯，海鮮份量十足，不過略嫌芝士味太濃，搶左海鮮味。美國特級肉眼扒拼虎蝦 $288，牛扒肉味濃亦無筋，虎蝦新鮮彈牙。最後，當然要以甜品作結，心太軟同芝士蛋糕 $58 都相當唔錯。呢間餐廳更自創甜品 Cocoron，以Macaron作靈感，不同之處係Cocoron以曲奇同朱古力揉合而成，中間夾著不同口味的軟心。試左最新推出嘅榴槤味，以貓山王果蓉製成，榴槤fans必試。

又到觀塘工廈覓食嘅時候，今次搵咗一間兩兄弟開嘅西餐廳，都幾就腳好容易就搵到。而且呢一間餐廳係免+1架，又可以坐好耐，如果想同朋友傾耐啲計嘅話，呢間餐廳都係一個唔錯嘅選擇👍法國🇫🇷粉迪加生蠔$50隻生蠔好大隻，好新鮮，好似可以食到海水味嘅感覺，融化左係我嘅口中、味蕾中🤤🤤法式焗田螺$92推介大家食法式焗田螺，因為呢個係懷舊菜式，比較多手工，同埋用秘製既田螺油，令人一試難忘😋😋喺出邊都好少可以食到有咁多秘製醬汁嘅田螺，連啲薯蓉都好好味，如果可以嘅話我會選擇一個人食晒成碟，唔同朋友share食🤣🤣龍蝦白酒忌廉意大利粉$288呢個意大利麵嘅醬汁我真係第一次試，味道相當特別，我覺得係幾好味嘅，可能因為白酒令到意粉嘅味道變到有幾種層次，都幾值得一試嘅🤘🏻龍蝦🦞🤩🤩🤩like it!!心太軟配雲呢拿雪糕🍦$58賣相好靚，食落都一流！😚心太軟嗰種冰火交融嘅口感真係令人難以抗拒🤤佢嘅外層香脆帶點鬆軟，暖暖嘅流心朱古力配雲呢拿雪糕超級夾❤芝士蛋糕配綠茶雪糕$58芝士蛋糕都係花左心思擺盤，果種香滑滲到成個口都係🌸綠茶雪糕配埋一齊食，就多一種層次☺其他圖片：鋪頭仲有其他嘢可以買架，有朱古力同cocoron 買

#broscuisine -小編今日去左bros cuisine食野餐廳員工推介左自家招牌菜式田螺既煮法通常都係麻辣、乾炒但呢度係好特別既法式焗田螺（$88）香草味好濃，田螺肉食落好甘香仲要粒粒田螺都勁多肉底下係香滑既薯蓉，輕輕焗過，更加入口即溶主菜叫左M7和牛，海鮮Risotto和牛七成熟，煮得唔會太老，牛味好重咬下去，會Feel 到Juicy 既肉汁爆出來另外，海鮮Risotto 好有誠意，蜆份量多又夠大粒意大利飯吾會太硬，最重要係個汁好正香草忌廉汁好濃郁，好Creamy 淨係個飯已經好味，再加上海鮮，令到成個菜式更有口感最後叫左個心太軟，外脆內軟一切下去，朱古力醬已經慢慢流出來，真係食到lum lum 俐😋評分： 8.3 / 10

觀塘-Bros Cusine: 法式焗田螺（$92）、美國特級肉眼扒配扒虎蝦（$288）、九洲生蠔（$50/隻）、心太軟配雲呢拿雪糕（$58），不用加一-觀塘的樓上餐廳臥虎藏龍，我今次食嘅呢間西餐廳，大廚來自五星級酒店扒房，負責甜品的大廚哥哥則是前Agnes B. Delices朱古力主廚。整體價錢中上，但質素有保証，感覺在食材選擇和料理方法上都花了巧思。餐廳裝潰簡約樸素，帶幾分私房菜感覺，牆上掛了幾幅兩兄弟的照片，沒有窗戶，比較困聲，入門位置擺放了自創的甜品cocoron，有很多隻味道，顏色繽紛，隻隻都好想試！而我們甫坐下，侍應便送上兩粒cocoron比我地試，實在太好了，唔通佢聽到我心靈的聲音😂我食了一粒芝麻味的，曲奇脆身，餡料軟身，像macaron但比吃macaron更滿足，而且完全不會過甜！廚師極力推介法式焗田螺（$92），經多重繁複工序，果真與別不同！用特製鉗鉗出螺肉，肉淋入味，香濃微辣，用上自製田螺油，特別香！的確少見的巧手料理，墊底的薯蓉是精萃，濃香滑溜。這裡也有生蠔提供，來的這天是九洲生蠔（$50/隻），細細隻，海水味唔重，但蠔的鮮味突出。-主菜我們點了美國特級肉眼扒配

什海鮮意大利飯 $238早兩年經常係觀塘工廈搵食 意粉意大利飯試左唔少間 今次又黎食西餐呢碟risotto既海鮮真係不得了 一啲都無小家子 肯定你既目光先會被大大隻既海鮮朋友吸引 飯底都俾佢地遮左大半最吸睛既大蝦唔係得個頭大果種虎蝦 而係啖啖肉 最重要係肉質好爽口 對海鮮無研究既我都似乎食得出份新鮮 除左蝦蝦仲有蜆穀類朋友 如果無認錯應該大蜆花蛤蟶子都出哂場 包括蜆肉在內全部都係大號 處理得都唔錯 肉質彈牙又唔會韌 同樣都係幾鮮下Risotto本身我都鍾意食 呢碟除左飯粒飽滿好食 配既汁都幾岩我 口味偏濃 juicy得黎又唔會太漏 呢期食得唔多野既我都胃口大開食飽之後同鋪頭講好岩食 佢地話用既係新鮮食材 講真 我好似仲未係呢個價位食過咁足料而又有質素既意大利 相當值得推介! 法式焗田螺 $92呢份田螺好食到喊 T-T除左手頭上份餐牌 餐廳仲有塊黑板寫左啲必食推介 呢份田螺正正係推介當中既一道懷舊菜式賣相方面已經相當有水準 金黃色既底係薯蓉 田螺就鋪係面 兩者都焗到微焦 羅勒粉點綴 色水靚之餘 用左金屬缽仔裝起哂 懷舊味出哂黎 另外俾你每人一份食田螺專用既夾同叉 包裝到有幾分似食緊法國菜