豚道樂 (百合苑商場) (Closed)

紅磡九號海產開業時，我們已經好想試，而我老公是拉麵控，他平時最愛試拉麵。他知道這裡有間拉麵，我們趁平日比較少人，便來試試。他點了一碗特上黑蒜油拉麵$93，另配豬腩肉$20、豬肩肉$20、厚切荀$8。我就點了日式餃子🥟5隻$30。飲品就要了富士山柚子梳打$25，山梨桃🍑梳打$23。富士山柚子梳打$25，山梨桃🍑梳打$23。這兩個來自日本的梳打，果味濃郁而不會太甜，解渴一流。特上黑蒜油拉麵$93：內含豬腩肉、豬肩肉、紫紙、溏心蛋。黑蒜味道十足，麵是曲麵，沾湯力一流，溏心蛋亦算流心，而且湯底豬骨味道濃郁。豬腩肉$20，脂肪和肉的比例適中，配上一點點黑椒粒，味道層次更加豐富。豬肩肉$20，沒有脂肪，肉味亦比較濃，而且有嚼勁。厚切荀$8，想不到這個價錢有這麼多的荀，荀香脆又爽口，味道一流，我誠意推薦。日式餃子🥟5隻$30，外皮有點焦香，饀料飽滿，點餃子汁加點辣油、胡椒粉，味道更好。

今日同老公過左紅磡果邊行下，到左差不多晚飯時間，我地就決定去九號水產果邊睇下有咩食，因為都未去過😂，睇左一陣決定食呢一間既拉麵🍜，入面環境舒適，服務員都好好禮貌，1）特上原味豚骨拉麵🍜，湯底味道好濃👍🏻，叉燒肥瘦剛好，👍🏻溫泉蛋亦不錯，2）特上黑蒜油拉麵🍜，呢一款會比較油少少，但卻有好濃郁嘅黑蒜油味👍🏻，叉燒亦都一樣肥瘦剛好，3）炸軟殼蟹，咬落去嘅時候裡面都仲有汁滴出嚟👍🏻，4）日式吉列炸蠔，炸得剛剛好，不會太油，5）炸紫菜墨魚咀，炸到脆卜卜，好好食，6）日式煎餃子🥟，非常飽滿結實，味道好好，整體來講值得一試

今日去左黃埔接男朋友收工，我地都好肚餓，所以決定食埋晚飯先返屋企。我見我地好耐都冇食拉麵，就去左豚道樂食個靚麵XD男朋友叫嘅係特上日本芥末拉麵（$93），之前我地都未見過，算係少見嘅拉麵，男朋友係抱住好奇寶寶嘅心態試下XD我試左一啖，發現原來湯底味道特別得黎又幾好食啵，芥末同豬骨湯好match，下次可以試呢個~~我就叫左特上辛辣味噌拉麵（$93）我仲叫左激辛tim~辣度都幾高，唔食得辣就揀普通辣度啦！除左拉麵，我地仲叫左幾個小食。炸物盛合（$68）入面有炸金菇、天婦羅蝦、炸蠔、炸芝士同牛肉薯餅（$18），都係新鮮熱辣上枱，正~日式餃子（$30）煎得外脆內多汁，都唔錯~飲品方面，男朋友飲富士山柚子梳打（$25）而我就飲雪碧（$12）

自從上次同媽媽食完之後有讚冇彈，今日同家姐都喺附近收工，梗係要嚟帶佢試下啦❤️今次我哋就冇坐吧檯😁特上海老湯拉麵曲麵 我同媽咪都覺得曲面比較啱我哋個人口味💖因為曲面比直麵更加q彈又唔會索太多嘅湯汁，令到口感將住將住。我家姐最鍾意嘅就係佢哋個湯底夠濃夠結又唔會過鹹😊特上魚介豚骨拉麵魚介湯底夠曬鮮甜美味，加上佢哋大大塊嘅新鮮紫菜，流心雞蛋 同 豚肉肥瘦適中。其實一碗都已經好夠食，不過遇到我嘅食力最強隊友，點可能夠食呀🤣炸軟殼蟹呢個軟殼蟹食到我哋兩姊妹lamlam利，一嚟唔會好厚粉漿仲蟹爆爆地蟹膏呀😍蜜糖咖哩雞中翼本來都會諗呢個蜜糖咖哩嘅味道會唔會怪怪哋，點知出奇地鹹甜適中，而且夠哂熱，香脆嘅外皮入面嫩滑既雞肉👍🏿👍🏿日式一口炸芝士話明係一口，梗係要一件一口啦。食嘅時候要小心呀 因為一咬開啲芝士流哂出黎，而且我鍾意佢哋個粉漿又唔會好厚😍😍信州白提子梳打富士山柚子梳打梗係要叫返佢哋嘅特色日本飲品呀！gur一gur呀嗎😜😜唔講唔知，原來坐吧檯嘅話，枱底下面有四個usb插可以畀你電話充住電，夠哂貼心呀❤️❤️

好久沒到黃埔逛街，今日適逢是假日，約朋友來逛街兼食晚飯，行完九号水產，見到這間門面有串串粉紅的樱花和紅紅的燈籠，不期然令我們有走進去幫襯的衝動特上黑松露醬油豚骨拉麵(曲麵)~配料極為豐富，有略為煎過的鮮甜帶子， 晶瑩通透的溏心蛋，豚肉都有2款: 肩肉嫩滑稔身，腩肉少肥爽口，還有香氣撲鼻的黑松露醬，為這個極濃味極鮮甜的豚骨湯底加生色不少曲麵煙韌彈牙， 每一條麵條都沾滿濃濃的豬骨湯底，極為美味可口季節限定~ 特上海老蕃茄湯拉麵 (直麵)~配料有大大隻的凡立貝，溏心蛋半隻和豬肩肉和腩肉蕃茄湯底茄味特濃，酸酸甜甜的，還有很多鮮蕃肉，真材實料，啖啖精華，好開胃，配埋爽口的直麵一起吃，真係美味又醒神真係好大隻凡立貝鮮甜又肥美，肉質彈牙，好美味呀炸物盛合 ~天婦羅蝦，炸蠔炸和芝士~炸漿好鬆脆，天婦羅蝦肉質新鮮爽甜，廣島蠔嫩滑juicy, 炸芝士亦好惹味炸軟殼蟹~又係大大隻，好脆口，一點也不油腻！山梨桃梳打， 信州白提子梳打~白提子梳打清甜解腻，山梨桃梳打有淡淡的桃香，清新可口

點左一個追加配料拉麵，足足等左二十分鐘都唔上。結束係將我點錯送左俾其他人，換左個普通拉麵我，當時職員仲扮到毫不知情。要捉住佢問先話俾錯。仲有將追加配料續份上，上完一碟又一碟，追問左起馬四次先送齊。

九號水產係黃埔開左好耐，知道有好多好味既日林餐廳，一直都好想去試下。今日終於難得經過，決定入去填飽個肚喇！🤤選擇真係好多，花多眼亂！最後決定揀呢間好多人係門口等緊既拉麵店！等既時間唔會好耐，人流都好快。入到去好似去左日本咁，聽著日文歌，周圍環境都很有日本feel. 點餐都很方便，有張點餐纸，圈低拉麵的軟硬程度，直/曲麵，辣既程度 等等。夠哂清晰✅我叫左碗好大膽新穎既 特上日本芥茉拉麵🤤起被以為會係好辣，點知原來唔辣。反而覺得個芥茉汁好香濃。同個拉麵又幾襯！拉麵個軟韌度 岩岩好。帶有少少韌口。仲有2塊既豬肩肉同2塊豬腩肉🐷。都好大塊！豬腩肉就較好味。帶點脂肪，食落好香，又煙韌。兩塊剛好，不然會覺得膩。仲有半隻 溏心蛋🤤,甜甜地 好味道！朋友就叫左 ：特上原味豬骨拉麵🐷🐷呢個湯底更加濃郁，好重豬骨味。但唔會做到好油膩。都唔錯喎！👍🤤拉麵都索哂個湯，所以食落好入味！小食都有好多款叫，食拉麵唔少得叫 煎日式餃子！大大粒，煎到外皮好香脆，但唔會話食落好多油。餃子釀左好多豬肉碎，好足料。炸軟殻蟹🦀🦀又幾大隻喎。炸到金黃脆皮，炸粉不會太厚。食落外皮不會分離。蟹味都幾重鮮味，點少少沙律醬更好味！😃飲品

今日約左朋友食飯，大家一致想食日本野，就去左黃埔食豚道樂。舖面唔大，一眼就睇晒所有位。主要都係bar枱同埋有幾張兩人枱。Menu入面所以野食都好似好吸引咁，我地都唔知嗌咩好，所以我就嗌左推薦嘅拉麵。我嗌左特上魚介豚骨拉麵 $99，見到呢個係餐廳推介，就試下佢啦！升級做特上都只係+$13。見到特上有多好多食材，紫菜，蛋，豬肩肉，豬腩肉等。真係好抵!! 個湯比想像中濃，所以拉麵都好有味，真係要比個讚！朋友嗌左特上黑蒜油拉麵$93, 一上枱就聞到好濃嘅黑蒜油味，真係好香。呢間餐廳特別之處係除左一般拉麵店咁可以揀麵嘅軟硬度同有無配料外，就係可以揀要直麵定係曲麵。升級左特上有更多配料同肉，大食嘅人都唔洗驚會唔夠飽！見到佢啲小食好吸引，唔夠喉嘅我地就嗌左芝士豬肩肉。身為一個港女，我梗係要嗌返芝士嘅野啦! 一食落去果然冇令我失望，下面有塊紫菜可以中和返芝士嘅濃味。另外仲嗌左4隻蜜糖咖哩雞翼，一開始會驚咖哩味同蜜糖味會唔夾，但係一食落口，蜜糖味充足住口腔，再夾雜住少少嘅咖哩味，真係幾好味，而且雞翼即叫即製，熱辣辣真係好食！梗係唔少得特別嘅日本汽水啦！我嗌左個富士山柚子梳打，佢同平時嘅柚子蜜唔同，佢嘅甜

本身男友想試豚道樂荃灣分店好耐，但一直都未試到。終於揾到日去黃埔，順便試埋豚道樂拉麵啦👏🏿。雖然係星期六，但鋪頭都係得幾枱客，所以唔洗等位😆。坐低之後，我地點左一碗原味同一碗辣味湯底拉麵，再加多客咖哩蜂蜜雞翼。兩碗拉麵都好快上枱，原味拉麵嘅湯底同唐辛醬真係同一蘭拉麵幾似😍，再加上我點左幼麵，啲麵又唔會一舊舊整唔散，所以相似度都有80%🤣。少少失分位係叉燒嘅竹炭味太重，個人唔鐘意呢種味，所以覺得同個麵好唔夾。另外，唐辛醬份量可以再多啲，就會更加帶出到拉麵嘅香濃味。至於辣味拉麵呢，辣味唔會太搶，同幼麵同湯底都好夾。另外會有一種令人食到唔想停嘅感覺，因為個辣味夠過癮😋👍🏻不過叉燒都係竹炭味太重😕，扣左分。雞翼就最後先上，一客4隻，得面頭嗰隻比較肥大多肉😂。原本係想試芝麻雞翼，好可惜店員話賣曬，所以最後先嗌蜂蜜咖哩雞翼。雞翼入口熱辣辣，應該都係即叫即整。不過味道方面就真係普普通通，冇乜特別。蜂蜜嘅甜味太出，真係一啲咖哩味都食唔到，直接改名做蜂蜜雞翼可能仲好😂。整體黎講，拉麵真係幾出色，不過叉燒就可以整得再好食啲，同埋其實唔計個小食都可以俾，有機會一定去荃灣分店試下🤤。

就黎last day冇心工作，梗係趁平日放工約下朋友傾計hea下啦😉今次就揀左黎黃埔既豚道樂。唔黎都唔知呢度開左個新既商場仔，入面有幾間唔同種類既餐廳。店內幾有日本風格，採用開放式，客人都係坐吧枱的😎枱下照舊有個小勾，可以俾客人掛袋。好多食物都好吸引😍兩個人叫下叫下就點左咁多🍲特上魚介豚骨拉麵 ($98)拉麵除左麵質重要之外，湯底都係好緊要架。呢個豚骨湯濃郁，飲少少又唔會太油膩。再加上一大塊脆脆既紫菜，溏心蛋同筍😋🍲黑松露醬油豚骨拉麵 ($108)好香黑松露味😋原本諗住撈圴黑松露落湯底，諗諗下都係一啖拉麵一小啖黑松露咁食😂呢個食法香味會更重呀。🐖蒜蜜叉燒 拉麵已經有叉燒，不過朋友肚餓係都要叫多幾塊😂果然冇叫錯，食落有少少蒜頭味，叉燒唔太肥偏瘦👍肉質又唔會太乾身。🐙炸紫菜墨魚咀 ($38)新鮮炸好熱辣辣，炸得香口同脆身，點少少檸檬汁會更開胃，感覺亦冇咁熱氣😂🐥蜜糖咖哩雞中翼 ($40)蜜糖味雞翼係我既最愛😍甜甜地好好食，每人兩隻啱啱好!🍎蘋果梳打 當然唔少得日式梳打啦😆

與友人再到訪黃埔九號水產，今次的搵食對象仍是日本料理，不過是另一間拉麵店。拉麵店的裝潢是日本feel，門口有紅燈籠，不過可能因為店員不多的關係，沒有人敲鼓及用日本語叫歡迎。店內播著柔和的歌曲，氣氛不錯。可能是我們到達的時候時間尚早，所以客人不多，但在我們之後亦有日本客人進來。餐牌上主要是幾款日式拉麵，其他的還有炸物，而拉麵亦分普通的及配料多一些的特上拉麵，而餐牌上亦列明有甚麼配料，圖文並荗，特別在於有季節限定、五六日限定及平日限定，意思都很容易明白，所以在網頁中見別人吃的也未必可以隨時試到。點菜單會是每人一張，是否轉特上、直麵或曲麵、硬度、加蔥與否、要不要辣，及追加配料都有得選擇，一目了然。我們起初不知道，原來背面還可以揀其他的食品及飲品。我們就要了季節限定的黑松露醬油豚骨拉麵($108)加厚切筍($8)，平日限定的特上魚介豚骨拉麵($98)加厚切筍($8)及木耳($5)，炸物的炸物盛盒($68)及炸軟殼蟹($45)，還有日式煎餃子($30)及信州白提子梳打($23)。信州白提子梳打都頗為清香，亦不太甜。特上魚介豚骨拉麵加厚切筍及木耳，湯麵內有豬肩肉、豬腩肉，紫菜及半隻溏心蛋，還有一些

放假就同朋友一齊去食下野la 咁行行下既時候就見到豚道樂，所以入左去吃。咁坐底左之後就望下個環境la，都幾大而且幾舒服，唔會覺得好焗咁第一樣嚟既野食係拉麵，第一啖食落去，哇!冇得頂，佢既麵質彈牙，叉燒香厚，入口即溶，簡直無可挑剔。而且食既時候每一啖再飲返個湯，好食到唔知點評論 ，如果你地唔去試下真係會後悔。而第二樣野食係盛合，起初望個樣平平無奇，同平時差唔多，都係炸蝦、炸芝士，但係我食完之後發現係兩個世界，完全同出面果啲唔同層次，你試下就知，芝之波平時食得多 你會厭，但係呢個唔會喎，呢一刻我终於知道咩叫有眼不識泰山。如果下次再有機會一定會去👍🏻

今日一行四人試下黃埔九號水産內嘅拉麵店。九號水産開左一段時間，人流唔算多，但衣間拉麵店都有一定客人。相比起其他拉麵店，湯底的款式算較多。平均七八十蚊一個麵，加十幾蚊轉特盛就多幾塊肉，半隻蛋同一塊紫菜，都算合理嘅價錢。麵質軟硬，有無葱，要幾辣都係自己揀友人點了黑蒜油特盛,豬骨湯底味道很豐富,黑蒜油味幾濃郁，飲多一兩啖都唔會口乾，叉燒都幾嫩，唔會鞋，有少少入口就溶，幾好食。這就是沒有加特盛的豬骨湯底拉麵，七十幾蚊份量其實都夠女孩子食，只係睇上去無咁開心。豬骨湯底係好飲的。另外友人叫了這款期間限定的魚介湯底，一上枱就比塊紫菜嚇親，成塊上。魚介味上枱時好香，食落無聞落咁重味，唔會太咸，係不錯的選擇，價值$98!本來叫了炸墨魚咀，點知食到十五分鐘之後先通知壞左，最後叫多左四件咖哩蜜糖雞翼。(圖已經比人食左兩隻), 有少少咖哩味，甜味比較重，都算好食嘅！可能客流唔算多，所以待應都有少少輕散，唔係差嘅服務但會傾計忽略左客人。餐廳環境專為一兩位而設計，無大枱，背景音樂有點嘈雜，旁邊的二人枱位置有冷氣機滴水風險，如果只係食個快晚餐都可以係一個選擇。

朋友住黃埔，成日提及九號水產多左幾間食肆值得去試。今晚就去了豚道樂試拉麵，朋友揀左推介的特上之選黑松露醬油豚骨拉麵 ($108)，每人一張點菜單，還可選麵質同追加配料，朋友先選了直麵，硬質及有辣醬，拉麵上枱見到一大隻帶子，半生熟帶子, 夠鮮味；旁邊還有黑松露醬，香氣撲鼻，我也忍不住先偷飲一啖湯，帶黑松露味的豚肉湯，肉味香濃，到試下拉麵，好煙韌，可掛湯，豚肉也有兩個部位豬肩肉和豬腩肉，是半肥瘦的，味道更鮮味！ 配料方面,有溏心蛋做到晶瑩剔透, 蛋味香還有木耳絲爽脆。豬腩肉肉質有嚼口，燒焦面更香。豬肩肉較嫩滑稔身。另外我叫了黑蒜油拉麵$80，呢碗叫了曲麵，麵質更有彈性，湯味帶陣陣蒜香。豚肉同樣有豬肩肉和豬腩肉，比想像中多，各有兩塊。小吃都叫了三款，有蜜糖咖哩炸雞中翼 ($40)好脆口，蜜糖味有微微咖哩香唔辣，炸物盛盒$68，有炸天婦羅蝦，大隻爽口，還有吉列炸蠔同炸芝士，夠酥脆。最後仲有日式煎餃子$30，皮脆香口，肉味鮮甜。飲品叫了靜岡抺茶可樂$20同山梨桃梳打$20日本進口的, 透明可樂配上抹茶味，感覺甜甜地，汽水味較重；另一枝山梨桃味，呢枝桃味較出加梳打汽水，夠清涼，送上炸物超夾。

行黃埔經常都到商場或街舖用膳，今次轉下形式去了新開不久的九號水產，裡面除了食店還有小型日式超市。我們行下行下發現一間豚道樂日本拉麵店，看到店舖門面很吸引，所以就入去品嚐下拉麵啦！拉麵店裝修充滿日本格調佈置，感覺舒適寫意。內裡以長枱為主，可以看到師傅烹製日式拉麵 ; 亦有單邊一排二人枱，喜歡較清靜的就適合不過了。餐牌裡有幾款拉麵選擇，特上海老湯拉麵、特上原味豬骨拉麵、特上黑蒜油拉麵、特上魚介豚骨拉麵等，除了拉麵另有多款小食及特色飲品，名式其式。拉麵配料選擇也多，每個價錢項目不同，有多種選擇配搭。特上魚介豚骨拉麵    $98有魚和豬骨熬煮的湯底，濃濃豬骨香，味道鮮甜，配以豬肩肉、豬腩肉、紫菜和唐心蛋，豬肉嫩滑，軟淋不韌，一咬便化開，肉質鬆軟多汁，而麵條我選的是曲狀，嫩滑彈牙，椰菜和木耳很爽口，很美味！ 特上原味豚骨拉麵    $85散發著濃濃豬骨香，曲麵和湯同樣好味又鮮甜，材料同樣是豬肩肉、豬腩肉、紫菜和唐心蛋，軟軟的豚肉，肉質鮮嫩，吃完沒有油膩感，再加上唐心蛋，流流蛋汁，口感更豐富，品嚐不同層次的味道，好吃呀 😋炸物盛盒     $68盛盒有3種炸物，天婦羅蝦、炸蠔、炸芝士，3款都外脆