C2 Lab

Open Now

Now Closed

今日經過深水埗, 見到一間新開張的餐廳, 看看門口餐牌, 價錢ok. ㄧ於入去試試。這家叫C2Lab 地方開揚, 門口有幾張bar 櫈 ,幾好feel 。可惜! 沒有景觀 。今天頭盤試了油甘魚,沙律, 青口 ,帶子,味道可以。 之後飲咗個牛尾湯。嘩!真材實料 ,湯入面真的有牛尾。 主菜推介羊扒伴羊血腸, 估不到羊血腸先係主角, 香脆帶點油香, 羊扒也是高水準之作。意粉點了個大蝦意粉, 微微辣的很開胃,蝦也新鮮。服務在深水埗有D喜出望外。同個老板傾計, 原來是C2 Kitchen的分店, 不過今次走高檔次點, 希望服務做好D。 唔怪之得個豬扒有啲似曾相識嘅感覺. 老板最後推介我地試甜品, 我們點了個焦糖咖啡布甸,。甜品一出,仲以為自己去咗五星級酒店, 可惜沒有拍video, 唔知點 用筆墨形容出來的效果,唯有保持神秘,下次再嚟再補影。哈哈!

幫襯左C2 Kitchen 都好耐，知道佢地開分舖，所以黎試吓，地方雖然唔係話好大，但勝在環境舒服。食物方面，個羊扒配羊血腸好好食，牛面頰好嫩口，油封鴨髀冇得輸，建議必試，牛尾湯又好正，開頭唔敢食生牛肉沙律，但原來係好好味架，連個雪糕都係好味。好感受到佢地對煮野食好有heart。開頭以為只可以散叫，原來order 主菜加$78 可以跟湯連一個前菜。所以感覺立即抵食左。深水埗區黎講，真係一間有水準又高質既意大利菜，

今晚請同事食farewell晚飯，呢度環境好chill 好舒服，店員熱情又friendly ，更會主動推薦菜式👍🏻牛尾湯湯頭有香濃嘅牛骨精華，亦有唔同種類嘅蔬菜，微酸開胃。 黑松露忌廉湯每一口都有淡淡嘅松露香味，口感creamy。 鮮蟹肉牛油果蝦凍批呢個頭盤非常出色，啖啖蟹肉，蝦肉彈牙，牛油果清新，醬汁以醋為主，完美突出鮮味。 白酒蒜蓉煮鑽石蜆鑽石蜆嘅size絕對係XL等級，一粒沙都無，有香濃蒜蓉香，白酒令蜆嘅鮮甜更加出。 魷魚海蜆配墨汁意大利飯平時食墨汁意粉比較多， 原來用risotto煮都有驚喜😍 魷魚一啲都唔吝嗇，每一塊都大大舊，既新鮮又彈牙。 香濃咖啡焦糖布甸煙燻杯上菜時會有煙燻效果，焦糖層厚，布甸滑dodo，咖啡偏苦澀，可以平衡返焦糖嘅甜度，食埋甜品為呢一餐飯畫上完美嘅句號。同事都表示好滿意👍🏻大滿足！整體呢餐價錢正常，性價比頗高， 下次可以再約朋友試埋其他菜式！

啱啱去完深水埗做嘢途經見到呢間餐廳soft opening.. 位置旺中帶靜，內部裝修型格，座位舒適，啱哂同朋友食飯gathering 🥰呢度嘅菜式以西式為主，選擇都幾多👍🏻擺盤伴碟都非常有心思🤤每一碟都可以「相機食先」 😁意式薄切生牛肉配芝麻菜沙律❤️份量好多🥰生牛肉非常香滑，牛味突出，配合埋爽脆芝麻菜，味道恰到好處🤤雙蝦微辣茄扁意粉❤️有2隻大蝦十分吸晴🥰蝦肉彈牙鮮甜，意粉軟硬度適中，微微嘅辣味搭上蕃茄嘅酸甜，配搭perfect💯為味蕾帶來獨特體驗👍🏻美國頂級腹腔柳❤️因為朋友唔鐘意食太生，所以叫咗七成熟，熟度剛好，外邊燒得焦脆， 肉質幼嫩又多肉汁😍仲有非常creamy 嘅薯蓉同蔬菜伴碟， 性價比🆙🆙🆙檸檬雪葩❤️絕對係打卡之選🥰 咁大粒嘅檸檬真係第一次見😍🤤內藏滿滿嘅鮮檸檬味雪葩，味道清新又唔會太酸🤤份量多到有食極都仲有嘅感覺😂

今日出嚟深水埗行街經過橫街見到一間紅紙都未搣餐廳隱約見到個名叫C2 LAB ,一睇到C2，就被我聯想到保安道專賣手工意粉嗰間餐廳，咁就入去試吓啦，入到去叫咗啲主菜只需加$58就可以升級一個頭盤頭盤，首先就叫咗生蠔海水味香濃，之後再叫了一個黑松露帶子面頭有啲黑魚子味道幾新鮮，之後到主菜我太太叫咗個油封鴨髀，因為記得之前去法國試過食油封鴨髀想食返嗰個味道，雖然冇法國食得咁好味；但係都有八成，但係有驚喜就係佢哋用咗個乳酪汁跟個鴨髀令到個鴨髀一啲都唔溜，我叫咗一個美國豬㗎，豬味都幾濃郁，整體來講呢一餐食得幾好，最有驚喜就係最後個甜品，好食得滯掛住食無影相，個甜品仲會有煙霧噴出嚟，深水埗有咁嘅餐廳真係一絕，繼續支持小店😋😋

新開小店特色型格匯聚日式意式前菜蟹肉牛油果沙律非常美味再加一客鵝肝yummy yummy另外廚師推介牛尾湯主菜羊扒牛扒OKOK但我至愛嗰個海鮮意粉微微辣味必食！！！