東街咖啡

Open Now

Now Closed

星期日去太平山街行下，係斜路見到呢間門口有d Lego 擺設，幾有特色就決定試試！入面幾寬落，初頭得我地一枱到我走既時候已經坐滿。💰$88 牛油果🥑碎蛋三文治餡料足，但醬略少，三文治唔夠熱。💰$148 拿波里燉牛肉手工麵一上枱賣相麻麻，但食落手工闊麵彈牙，番茄牛肉醬汁香濃掛滿闊麵，燉牛肉好淋又夠多，好食😋💰$40 Latte拉花一般，味道偏淡，咖啡味唔夠濃！總結地點不算方便，但假日環境寧靜，意粉值得一試，見鋪三人，男負責飲品，我女負責食物，後生負責樓面，感覺似一家人，經開支持下小店。

難得搵到一間食得飽又好味嘅高質Cafe！呢間Cafe 唔係賣弄打卡，而家真材實料，踏踏實實咁用心經營，非常值得推薦❤️佢地啲意粉真係老闆兩公婆homemade, 同超市果啲「百X阿姨」完全唔同口感，Homemade 手工意粉係煙韌得嚟又好香蛋味，完全唔同感覺！非常推薦佢地嘅 辣蕃茄墨魚餅手工意粉,少少辣味加蕃茄醬好夾，墨魚餅又彈牙，配埋佢地煙煙韌韌嘅手工意粉，100分！老闆嘅咖啡知識更加可以用Professional 黎形容，每次喺佢地度飲手沖咖啡，老闆都會好有熱誠咁介紹唔同豆嘅味道同香味，當佢知道我都會自己玩下手沖咖啡時，又會好大方咁分享佢嘅tips 同見解，喺佢身上我每次都會學到野。今次喺佢度試左Mozart Honey 咖啡，老闆會教我地先聞咖啡粉嘅味，再飲熱嘅咖啡，然後飲啖水、最後先飲試管嘅凍咖啡一個價錢，同時可以試到熱同凍唔同嘅香味，因為老闆好注重客人對咖啡嘅感受，佢好希望大家都會學識欣賞咖啡，佢嘅熱誠真心令我佩服！呢間cafe 不時都會同唔同嘅藝術家合作，牆上每隔一段時間都會掛上唔同嘅畫/相，每次黎都會好有新鮮感！真心推薦！

咖啡可以，環境也很好。wifi有些不穩，電子支付有時失靈，要多確認支付結果。最不滿是員工的態度要改善，客人不知道的東西沒有耐性去說明。去cafe都是想放鬆心情，如果員工態度沒有改善，不會再去。

早排去上環做匆忙經過呢間Café已經想試，星期六放假訓到自然醒，坐電車遊走至中上環一帶，今次終於可以坐低食個Brunch，門口有啲Lego 擺設好可愛，店主同我講開，原來佢地餐廳由家人幫手打理，對食材同烹調手法都好講究，今次一於試下佢地既All Day Breakfast先🌟All Day Breakfast 平時去Café我多數都會叫All Day Breakfast，佢地既All Day Breakfast都好豐富，有窩夫、煙肉、腸、炒蛋、薯餅同沙律菜，五顏六色望落好吸引，連擺盤都用上靚靚木托盤，小小心思就顯得小店既用心，炒蛋超滑溜，最欣賞佢地既窩夫，做到外脆內軟既口感，超正🌟Rainbow Latte - Rosey Red Latte呢杯Rainbow Latte以玫瑰花既天然顏色去整粉紅色，飲落有陣淡淡既玫瑰花香，推介

難得平日放假要好好享受下一個人既Me time，中上環一向比較多高質既Café，今日去到上環東街呢間東街咖啡Café 34T，地點位於斜路上，提供多款特色咖啡同輕食為主，今次我就叫左個沙律配杯咖啡🌟煙三文魚藜麥沙律 擺盤賣相非常吸引，將煙三文魚卷成玫瑰花型，睇見都想食，沙律菜新鮮爽脆，配埋superfood既藜麥，飽肚又健康🌟Flat White放假都好需要一杯提神既「回魂啡」，今日叫左杯Flat White，拉花好靚，令人賞心悅目，咖啡味道超濃郁，入口超順滑，呢啲天氣飲杯咖啡就最好不過

喜歡飲咖啡嘅朋友，絕對不能錯過❤️餐廳座位不算多，但勝在裝修給人感覺舒適休閑😉令人好放鬆！當然咖啡亦相當出色，除咗咖啡之外，餐廳仲提供其他食物如意粉🍝，沙律同甜品🤭見到賣相勁靚，但我哋今日就主打咖啡☕️下次先再試埋食物先🫡Matcha Latte ： 抹茶🍵勁香濃牛奶又夠滑🤤入口少少回甘令你一試愛上😍Hojicha Latte ：第一次飲焙茶，味道又的確特別，一股澀澀的味但唔會過苦，同飲得出茶嘅清爽味😚Hand Drip Coffe - Columbia Huila ：手沖咖啡味道口感更加細膩，更加有層次，之後再飲試管🧪嘅凍咖啡，味道係更加強烈😎加上有老闆親自介紹同指導，飲咖啡當下立即成個人升華了🥰Matcha Handmade Cookie：手工製果然唔同啲，食得出心機，當然味道亦不錯😋

今日要推介呢間位於上環東街既隱世Café，斜路上面要啲時間先搵到，旺中帶靜岩哂一個人坐低靜靜地食個lunch，餐廳環境以灰色工業風為主，open kitchen夠哂開揚，店內掛滿左不少藝術作品，文青風格令我更加想留耐啲，店員話東街咖啡主打手沖咖啡，等我試埋佢地既主食先~辣蕃茄醬墨魚餅新鮮手工闊條麵佢地既意粉全人手製作，口感彈牙又夠煙韌，意粉煮到剛剛好做到掛汁既效果，番茄醬好足料唔會太水，而且酸中帶辣好惹味意式奶泡咖啡(Cappuccino)飲品方面我就揀左Cappuccino，見到靚靚既拉花咖啡心情都好好多，用上我最愛既藍色咖啡杯，好想每日都飲返杯回魂啡呀

平時都鍾意發掘一d小店或者cafe，安排星期六日去chill下🤣其中呢間東街亦係我list入面，環境幾靚，以白色為主，食物主要提供輕食、沙律、闊麵等.拿波里燉牛肉新鮮手工絲帶闊麵份量都幾多，牛肉煮得好軟腍同埋入味，肉汁精華都被闊麵吸收哂🤤冇諗過小店都食到手工闊麵，價錢相宜之餘，麵質都好正，掛汁又彈牙，真係唔錯👍🏻南瓜藜麥沙律朋友就叫左份沙律🥗加入藜麥超健康！有口感又有飽肚感，南瓜都幾甜，仲加入番茄仔、青瓜，非常清爽開胃Cold Brew Coffee（Organic Nicaragua Washed)最後黎一杯cold brew真係好完滿☺️飲落冇出面既咁苦同酸澀，甘甘地幾順滑整體食物質素都幾好，服務態度唔錯，星期六放慢一下，chill成個下午真係好享受

年初四假期上去太平山Chill下飲咖啡，但係全部都滿座，坐埋出戶外都冇位。我返嚟嗰陣經過呢間冇人、又有戶外位，就入咗去中伏。.行過去櫃位好聲好氣問: 唔該有冇Dirty？想要兩杯。有個白頭丫叔望咗你一眼，態度好硬咁答: 唔該望清楚我哋個Menu，諗清楚要咩再叫我啦！.我心諗: 嘩呢啲咩態度？唔緊要，因為女朋友已經坐低咗，費事起身走啦，但已經唔想飲兩杯，飲完快啲走。.我再問有冇咖啡豆揀？阿叔都係勁唔耐煩咁答，剩係得一隻豆，冇得揀，之後仲叫咗個咩都唔識嘅弟弟過嚟收錢，同我講嘢都要隔住個弟弟，叔叔你冇嘢啊？.咁最後叫咗杯Rose Red latte，根本就係糖漿咖啡有咩特別？仲要特登走埋嚟話人均消費要一杯嘢飲，好彩我只叫一杯，之後外賣杯拎走，一蚊都唔想俾你賺。.我又唔係你啲熟客，點解要熟讀你個Menu？咖啡店咩都話無，原來唔歡迎新客，新年流流倒米。😂

Waited for 45 minutes to get our food and was looking for something better for sure. There was only 3 tables in total so I am not sure why it took so long.Signature home made fettuccine - pasta is overdone and probably a bit soggy- sauce is all over the place and a lot. - cuttlefish cake is alrightGreen breakfast- the croissant waffle was burnt and it was hard- truffle egg was decent- portobello normal- others do not need cookingThis took 45 minutes which puzzled me. Coffee was alrightChocolate

東街咖啡位於上環東街斜路之上，感覺就係藝術家性格，地點唔係一般就腳地方，但會懂欣賞嘅就會嚟～就如小店嘅室內設計，掛滿畫作及放了佛系漫畫。小店主打特色手沖&彩虹咖啡，但本人覺得佢嘅主食同甜品都好唔錯！大力推薦小店嘅Handmade pasta - 《 Fresh Handmade Pappardelle with Neapolitan Ragu 拿波里燉牛肉新鮮手工絲帶闊麵 💲148 》用上鮮蕃茄燉牛肉醬汁燉足48小時，限量發售！3cm手工絲帶闊麵彈牙煙韌， 醬汁香濃惹味又夠多，入口有牛肉味及牛油香，闊麵掛汁惹味！大推～《 Croffle comes with vanilla ice cream w/ cinnamon apple 牛角包窩夫 💲58 》Croffle做得外脆內軟有口感又唔會太乾，中間夾住一球雲呢拿雪糕及肉桂蘋果泥，香甜唔膩～《 Mocha 💲45 》用上靚朱古力製，好香濃好味！《 Matchagato 💲48 》係Affogato嘅抹茶版，好香抹茶味，大愛！

位於上環東街的Cafe 34T是一間藝術風濃厚的咖啡小店，門口就已經有個靚靚打卡位，非常有儀式感，轉手後老闆更加用心經營，平日主要由老闆兩夫婦合作，首先Menu非常多元化，除了主打手沖咖啡之外，亦有很多唔同特色飲品，另外食物方便有All day breakfast ，特色三文治，同埋店舖主力推薦嘅手工意粉，食物由老闆娘親自主理，非常高質素👍🏻Cafe 環境更加一流，在保留藝術特色風格上並加入新元素，佢哋仲會定時同唔同嘅藝術機構合作，包括一些畫展，聚會等等，令Cafe更加有意義，今次到訪令我最深刻，是老闆的熱誠，佢將Menu從頭到尾向我介紹一次，食物需要配合解說和想像，才會令食物和飲品增添色彩加深印象，當然這裏的食物質素不需要有任何懷疑，實在做得非常好😋☕️▪️HONDURAS 手沖咖啡$ 85 WHISKY BARREL FERMENTED Roasted Level: MediumCupping note: Whisky, Chocolate, Sweet molasses這款用上洪都拉斯嘅咖啡豆，用威士忌酒桶發酵技術吸收酒香，令到沖出嚟嘅咖啡帶有淡淡酒香，除了威士忌嘅酒香仲有朱古力嘅甘

呢間東街咖啡地方細細，座位不多，環境寧靜，給人悠閒既感覺，放假最岩跟朋友來到這裡chill 一下。老闆仲要好nice, 細心介紹他們的主打菜式。原來餐廳定期會跟不同團體合作去攪展覽，攪pop-up或是應援，所以每次來到都可能有新鮮感。聽老闆介紹，點了一份沙律，一份意粉，一客甜品及兩杯飲品。南瓜藜麥沙律，大大碟$88, 有不同的新鮮沙律菜配上 南瓜粒，藜麥，青瓜，車里茄，紅莓乾及酪梨醬，整體清新健康，很開胃。香辣蕃茄墨魚餅意粉$138, 意大利寬麵條煮得剛好，有咬口，意粉掛汁，香辣蕃茄醬酸酸甜甜而微辣，很惹味。墨魚餅夠彈牙。MOCHA AFFOGATO 是值得order的$50, 雲呢嗱雪糕有雲呢嗱籽在內，味道更香，再淋上香濃的朱古力，一冷一熱的口感，令朱古力多了一份奶香的幼滑，好味。飲品點了Matcha Latte, 餐廳用上丸久小山園的抹茶粉，澀度比較低，味道比較濃郁，還要用上豆幼沖，跟抹茶更配合。Gold Lemonade, 用熱情果，檸檬配上有氣梳打水，整杯金黃色很靚，熱情果配檸檬都沒有很酸的感覺，調配得不錯。最後還買走他們的handmade cookies, 好味。

Ooo藝術氛圍，特色咖啡店ooO位於上環的一家咖啡小店☕️☕️，讓我感受到獨有的咖啡體驗❤️! 店主亦是店內的咖啡師🎖，咖啡師會詳細介紹各款手沖咖啡給客人☕️，了解客人喜好後手沖獨有的咖啡給客人，這就是手沖咖啡及咖啡師可貴之處👍🏻👍🏻👍🏻👍🏻!店內亦會跟不同的藝術家🎨合作展示各藝術家的畫作，享用美食之餘亦可欣賞藝術品!OooooOHONDURAS- WHISKY BARREL FERMENTED (Hand Drip Coffee) $85☕️咖啡豆在WHIKSY🥃 的木桶內發烤，咖啡豆🫘帶有陣陣的WHISKY 酒味，亦帶點可可味及回甘甜味😊! 咖啡師非常有心思地用了3款方式展示咖啡🥇先會有研磨好的咖啡粉放一旁給客人用嗅覺聞一下咖啡原有的香氣🥈再慢慢品嚐熱咖啡的層次🥉最後可享用以冰水放著的試管冷咖啡! 真係每個溫度的咖啡都會有不同的香氣及味道!👍🏻呢款WHISKY味咖啡豆個人很喜歡，可惜店主為保持咖啡豆的新鮮度，沒有提供存貨作銷售，不然我一定買回家👀!OooooO拿波里燉牛肉新鮮手工絲帶闊麵 $148牛肉是經過48小時慢煮的💓，絕對是心機之作，再配上老闆手工製作3cm的闊條麵，麵條可以掛滿燉牛肉

今天和朋友約午餐，來到了上環這家很有藝術氛圍感的咖啡廳，店門口的樂高座位很有意思，坐在這裡拍照應該會很好看。店內是水泥工業風的裝修風格，加上牆上掛著很多藝術家的畫作就像是走進了一家畫廊咖啡廳。一坐下店長就主動過來和我們介紹餐單，原來這家是主打手工咖啡和手工意麵。我和朋友各自點了自己喜歡吃的意麵和飲品。-拿坡里燉牛肉新鮮手工絲帶闊面牛肉醬汁非常濃郁，應該是熬了很久，肉質鮮嫩入味，非常美味！-辣番茄醬墨魚餅新鮮手工闊面新鮮的番茄辣醬味道酸甜非常惹味，手打墨魚餅新鮮Q彈，喜歡口味重一點的一定要嘗試！-摩卡咖啡用的是法國Valrhona朱古力，香濃絲滑，苦中帶甜味道恰到好處。-抹茶拿鐵採用丸久小山園的抹茶粉加上豆乳也非常好喝。一邊欣賞著畫作一邊享用美味的食物，工作的疲勞感一下子就消失了，心情也得到了很好的放鬆。