咖啡亭 (Closed)

我們訂位6點，因為塞車，645先到，入座後好多野已經無得食，食完都無人加番菜，如果人客多，就得條菜食。。食食下，730就要埋定單，都算，原來8點就所有自助餐都無，係連個夾菜都無，所有野即收！完全無人提我地8點就無野食，呢個鐘，我地食左好少野，就算有65折，每位都要俾350,請問，我350可以食到一塊魚，幾塊生果，幾隻長腳蟹，仲要係好彩我一早攞定。。如果唔係又無得食。。今日餐生日飯真係多謝唒，唔好食之餘。。仲要貴夾唔飽。。我地最後就係得幾個蛋塔。。個選擇又少，咩都得幾啖。。絕無下次光顧。。

The night ended with me and my boyfriend throwing up profusely in the lobby. While police officers and paramedics stood around us with the many hotel managers staring at us. Now that I got your attention:At the time, we looked at the food and were so excited about all the food! Seafood bar was so awesome looking. By the time we smelled the food, it was wrong. They smelled of bad rotten seafood and have no indicator of freshness. The food in general was alright, but the food was not well made. Th

野食種類吾多，座位得好小，生蠔還可以每次限攞三個，果日有南非同美國可以選擇，蟹腳同蝦有D 晦，龍頭每人送半隻，熟食質數還可以但選擇都吾多大約12~15款，需現依家有6折，但野食種類小，其實都算貴

同一大班老友去食，老婆打去問有生蠔，就即訂位。去到之後發現個場都幾細，我地係食8點半嗰一part，食到11點，時間都ok。食物款式唔多，但啲食物質素係高，例如生蠔有2款選擇，有南非and海水，南非味道比較鮮啲，海水口味重啲，即係比較咸啲；阿拉斯加蟹腳都係比較咸，而响螺我就覺得幾好食，唔係一般酒店嗰啲翡翠螺；仲有就係好值得推薦就係個中湯，好甜👍。牛扒同生文魚我就覺得冇乜特別佢會送一啲熟食個食物出嚟，例如雞亦，同芝士焗龍蝦，都幾特別；甜品方面大家記得要食個燕窩燉蛋。有讚當然有彈，粥比較淡，食物款式真係比較少。另外一樣係特別想講，服務員服務好好，值得嘉許！

第一次光顧，其貌不揚的酒店內暗藏美味自助餐！平日晚上黎，人唔算多，本應可好好與好友享受寧靜晚上。唯美中不足，遠處還有座位，侍應卻安排我們四人坐在一家大細旁，有小孩子喺旁邊吵鬧破壞晒食品款式多，不過老老實實熟食唔太吸引。我地只係主打取沙律、海鮮類！蟹新鮮多肉:熟冷盤海蝦好細:螺好大隻好甘甜生蠔有兩款，仲註明了出產地同味道，每次可以拎三隻，由廚師親自為你即場打開:當然要無限拎啦！呢個係本餐激讚點！侍應為我地每人送上新鮮出爐鵝肝、蝦多士、烤龍:不過龍蝦好像乾左啲！

老婆生日，訂左8位，有頭20位訂枱優惠，7xx 2位，但第9個既話要正價加一wo,但明明單人可以用信用卡優惠85折，都幾荒謬!最後我第9個朋友當日現生，服務員帶佢坐我地隔黎既吉枱，冇同佢講收費，我地就話加多個人啦 咁就將隔黎2坐位既枱泊埋左，最後埋單第9位真係正價加一，真好笑!明明銷費1千有得泊一架車，但我早一日打去問就話我有2車，但只可泊一架，冇講1千蚊一架。到當日我朋友打去問有冇泊車優惠時，職員話1千蚊一架，但你早幾個鐘前打黎仲有，e家就冇啦，咁我琴日打去又冇既。荒謬絕倫。ok, 去到第一眼見到，食物區激細，衰過旺角d百零蚊既放題。生豪即開，唔問佢就比南非蠔，個師傅開得勁慢，排晒長龍，南非蠔薄過張紙，之後食法國蠔大隻反d,老實講，冇乜味。明明話有鵝肝家麻，原來係每人一件凍左既鵝肝多士，係食版長鵝肝壽司既size,極失望，再叫既話要加48蚊先可任食，限量既都咁細件又薄，荒謬。鴨胸又凍又硬又鞋，鴨胸都可以煮到咁。甜品可以話冇乜，沙律吧最多款啦，蠔華鵝肝自助餐主打原來係沙律切魚生個位o靚仔，每切一種魚前都唔會抹刀，你懂的。切牛肉個個仲好笑，我行埋去，有另一位客人等緊佢切，佢好似唔識揸刀咁

男友今日生日，決定去食酒店buffet，係openrice見到幾間心水嘅，但係因為我太遲搵，所以3間之中只係book到咖啡亭不過錯有錯著，都幾有驚喜！8點半準時入座，首先我拎咗法國生蠔（每人每次可以拎3隻）侍應哥哥好貼心咁幫我舖埋餐巾（我掛住食真係差d忘記）法國生蠔非常鮮甜完全唔腥！！！之後食咗油甘魚、甜蝦、辣螺都鮮甜好味。青口就ok，蟹腳係最失望，因為無咩味（無海水味無蟹味跟住酒店送咗一碟小食，有炸蝦多士、蝦餅同鵝肝配脆多士。三樣都好脆同香口我地仲食咗羊架，A5和牛牛尾，羊架大舊而且啖啖肉，羊味好夠，牛尾夠淋亦煮得入味！酒店跟住又送咗個芝士焗龍蝦仔，一人一隻，龍蝦肉夠甜，仲釀咗d蘑菇係上面同芝士一齊焗，好惹味生蠔有兩款比人揀，一款係法國（我覺得好鮮甜果隻）另一款係南非，南非甜蠔海水味較重味道較咸而且太鮮我覺得有少少少少腥味（我只係可以食好甜嘅生蠔）所以我地就不停食法國品種，真係好好味！甜品我試咗藍莓芝士蛋糕、布朗尼蛋糕、tiramisu、鮮果撻等等，全部味道都唔錯最後最緊要就當然係食雪糕，呢到只有軟雪糕供應，不過味道都好重牛奶味同埋唔會太甜。以今日香港嘅物價，呢間嘅夜市buffet都

1/5我們一行18人一起為車公公提早慶祝生日,今年破格不吃中菜去咖啡亭食Buffet,大家都食得十分開心呢,爸爸祝妳長命百歲,身體健康^0^跟爸媽和八姨竹戰到晚上便到咖啡亭吃車公公的Birthday Buffet,是晚吃的是20:30~23:00場,這時段還是第一趟吃跟早段沒兩樣但時間多了半小時!!但有點可惜係當晚因安全理由暫停了生蠔供應但也冇損我們興緻因為餐廳的阿拉斯加蟹腳從來也十分出色好吃足以彌補缺陷,另外還有海蝦,青口,翡翠螺及小龍蝦供應~刺身有三文魚,甜蝦,鯛魚,八爪魚及油甘魚,質素不算得上超班但也新鮮及味道正常!!自助沙律比較少選擇相比已伴好的沙律就較多選擇喇!!鵝肝慕絲多士,青瓜三文魚沙律和香烤杏仁橙沙律小巧的式吃晒三款也不怕漏~自助冷麵喜歡什麼自己伴夠自由"真自選"架~另有飽肚的生滾粥檔自選配料後師傅便即時製作一碗熱辣辣的特色生滾粥~另有西式意粉供應同樣自選到上檯也是即叫即煮啊~嘩~有我大愛的{風乾火腿}可惜當晚沒有菠蘿呢!! {熱葷}忌廉焗薯,紅酒燴牛尾,蒸蛋熱葷都有不少選擇蒜蓉炒雜菜,夠晒特別的釀原隻魷魚筒~勁搶手的芝士龍蝦伊麵

都係無啦啦瞓醒，肚餓上openrice揾下嘢食，見復活節last一日假，想食個 (蒲飛)爽下，自助餐嘢食黎黎去去都差唔多，ok嘅~ 生蠔每人兩隻~我本人鐘意佢個咩牛油果木瓜沙律，好開胃。但值得讚嘅係佢地服務態度，由泊車安排到上去享餐所有員工都有做到好舒服又開心嘅笑容，感覺放鬆哂，今時今日揾個咁嘅服務真係好難。其間我見咁好態度我打算拍照幾張相上泥讚好一下，（所以啲相入面嘅嘢食冇咩剩）點知唔小心影到其中一個員工，佢不但冇嬲冇直行直過，佢選擇左搞笑氣氛打圓場（哎呀～我攝左位添，哈哈），仲話唔好意思雖然你地睇到好可能係小事一件，但對於神經病嘅我常外出用餐，員工態度好，小小一句說話，對我人生每日三餐嘅時間泥講都好開心最後跟多杯熱咖啡，人生如此美好我亦好樂意填佢地嘅意見表，因為平時唔會理

這間餐廳一直是我下午茶的首選， 一來下午茶有三文魚刺身，又有我喜歡的甜品，粥及意粉都只是15X,價錢理想又就腳。難得放假，約埋親愛的去試下佢個午餐，睇下貴幾十蚊既午餐有無咩大分別。坦白講，無。我大大話話黎左依間下午茶，真係可以背到佢有咩，由一入門口既芝士，有幾款，唔太吸引，蒸燕窩蛋(我次次食兩杯，因為又熱，又滑，而且好大粒燕窩)，包，雪糕(自己jit既雲尼拿雪糕，個cone都脆嫁，饅頭，再到飯麵，再到我鐘意食既墨魚丸(佢新鮮炸起，唔油，彈牙，爽口，次次最少半打)，炸野(素春卷就唔太得啦)，菜(普通啦)，自製Pancake(禁個掣就新鮮即製，配料齊備)，再黎葡達仔(熱既)，熱葷，羊架。講左好多野，到我最愛既魚柳(煎完唔乾次次食佢先,唔係魚柳包個啲炸魚，係濕濕地嫁，好滑)。中間係湯(中西兩款，我個個就鐘意佢中湯，夠火喉)，甜品一堆蛋糕仔，西瓜菠蘿(加華梅粉)同蛋糕朱古力。嗱，講真食甘貴都係為左冷盤，再隔條行就係啦，蝦(ok la)，蟹腳(夠凍，夠大隻既部份，夠juicy,不過啲鹽水有啲咸，但無乜雪味)，螺(凍得劑，少少沙)，凍烏冬(加蛋絲甜烏冬汁，正呀！)，沙律菜(一般啦)，頭盤(唔吸引我

係Openrice見到咖啡亭做緊蠔情龍蝦鵝肝自助餐，首20位登可以$330@，我係龍蝦fans，男朋友係鵝肝蠔fans，復活節晚食buffet都只係$330@，值得試一試！場地都幾細 應該得4-50個位，但都無坐滿，仲有幾枱吉左。擺食物的位置集中於門口，地方都不大。一開始，眾人就去等即開生蠔及其他冷盤海鮮，由於我地唔鍾意同人迫，所以食沙律先！沙律吧都幾多款式，我推介，蟹肉芒果牛油果他他，味道非常夾，好清新，另外男朋友推介蟹子蟹柳蟹肉沙律配蛋黃醬。 之後見少人左就拎生蠔同蟹腳，生蠔係即開，所以排隊就有，生蠔有加拿大生蠔（大隻d但味道清淡），愛爾蘭生蠔（細隻但海水味較重），味道新鮮！男友食左十幾隻！ 至於長腳蟹，頭幾次出去都無晒，因為佢只有好細位置放蟹腳，而每次refill只得10幾隻，每人去搶都拎4-5隻，好快就無晒，餐廳refill得都幾慢，所以去到後期，男朋友才有機會拎到，蟹腳好粗同大腳，啖啖肉，少少海水味，好正，唔怪得之眾人都搶食！推介！ 之後食熟食，款式不算多，但味道不錯！牛油帶子煎得好香，羊架少少羶味但肉很軟，一食再食，炆牛尾好入味而且有骨膠原漿住口既感覺，辣酒住螺好正

尖沙咀 shopping 完 想食返的甜品開心下 …即刻諗起咖啡弄既拿破崙上到去…即時有share table 坐 位置都好舒適 首先，點左一杯 蜂蜜生薑茶暖下胃蜂蜜生薑茶 附上小麥餅 少少可惜既係 蜂蜜既甜味 比生薑既辣味搶去 不過配上溶化在熱茶中既小麥餅 中和生薑既辣 從而取得平衡 之後 我地叫左個煙燻牛肉三文治 份量剛好 配料十足 首先 佢既面包好脆 而且烤得剛好唔會有燒焦既味道 中間配上好新鮮既生菜同青瓜好爽口 唔會有陣生水味 再黎係主角煙燻牛肉 …唔會做得太乾 咸味 剛好 與平淡既生菜配上 好好食 又唔會食膩左 中間再有一球 碎蛋沙律 perfect 壓軸既係每日限定既拿破崙 我最鐘意既係 呢道既拿破崙 好鬆化 好脆皮 中間既cream ，好軟身好輕 …最緊要係唔會太甜 cream 同一層層既脆 餅 比例唔錯 可以既 會係cream 既比例再豐富的

今天係我的好友 Miss J 的生日,祝她身體健康,青春常註,幸福快樂^0^,我早在一號已跟她到咖啡亭好好慶祝一番,特此多謝酒店PR Benson安排^0^Cafe Express我吃過至少6次以上但我還是未覺厭倦,皆因餐廳質素向來高之餘還十分穩定喔!!甜品櫃用有10多款甜品,有芝士蛋糕,檸檬撻,生果撻,馬卡龍,和奶凍,木糠布甸等等~還有朱古力,糖果,曲奇及新鮮生果,見到有菠蘿我的大眼睛即變心心眼呢^0^仲有軟雪糕haha又想起莊冬昕^0^燕窩燉蛋白,葡撻,炸煎堆仔,朱古力火鍋~還有我大愛的風乾火腿,明白我為何見到菠蘿會心心眼啦,因為我最like這組合^0^日式冷麵~有原味及綠茶兩款~各式頭盤,沙律~藍蟹肉香芒牛油果吞那魚沙律,意大利濘薄切生牛肉~凍海鮮有海蝦,青口,亞拉斯加蟹腳,翡翠螺和小龍蝦等等當然有即開生蠔是日供應來自加拿大Virgina同法國Hama Hama~壽司,即煮生滾粥,意粉~燒牛肉~熱葷陣容也不少有香草蒸青口,辣酒煮翡翠螺~色彩鮮明的烤什菜和餃子~芝士忌廉龍蝦,件件龍蝦不是淨鉗架~西班牙焗蛋,砵酒迷迭香燴N5和牛牛尾,黑松露薯蓉~芝士有三款,不過放在一起受bule c

有日韓海鮮盛宴自助睌餐，緊係要黎試下!我至愛食海鮮，自助睌餐有齊生蠔、刺身、壽司、沙律、甜品等，食物總類咁多，真係食到停唔到口圖中呢款應該係南非蠔Namibia，味道淡淡地幾岩我，少少金屬味，不過黏口彈牙D佢地仲有提供美國同埋紐西蘭的蠔,都好新鮮,礦物味不算重.長腳蟹又係值得讚, 長腳蟹蟹腳超巨型的,短短一節等於一隻手指,肉質肥美不鬆散! 雖然地方小小, 但是都坐得舒服, 價錢都好合理, 服務都好體貼, 值得一試.真係好爽好好味, 五星級質素的嘅海鮮自助晚餐

週五的晚上，跟E先生來到尖沙咀隆保麗景酒店的Cafe Express吃自助餐，今期餐廳以日韓菜式為主題，推出日韓狂熱海鮮盛宴自助睌餐，由2016年1月2日至2月29日供應。餐廳面積不大，大約有六十個座位，店員友善有禮，而且動作非常勤快，服務良好。而是晚日韓狂熱海鮮盛宴自助睌餐有齊生蠔、海鮮、刺身、壽司、沙律、冷盤、湯類、主菜、火鍋、甜品等，食物總類亦不算少。自助餐分18:00-20:00 & 20:30-23:00兩輪時段，星期一至四：成人每位分别為$458 及$478；星期五至日、公眾假期及前夕:成人每位分別為$498 及 $518。OpenRice還提供折扣優惠，這晚我們憑coupon惠顧日韓狂熱海鮮盛宴自助晚餐，每兩位才$820，非常划算。貫徹自助餐日韓菜式的主題，除了餐茶之外，每位客人可以獲贈—瓶日本波子汽水。即開生蠔有三種，加拿大Virgina、美國Pacific Rock及南非Namibia。南非Namibia(左)：味道淡，較黏口，加拿大Virgina(上)：肉質爽脆，美國Pacific Rock(下)：口感creamy。另外，海鮮區還有鱈場蟹腳、小龍蝦、翡翠螺、青口及烚