Cafe Fabulous

Open Now

Now Closed

同朋友難得見面 想揾個地方可以食好西同傾下計比我無意中發現呢間環境悠閒 非常適合gathering嘅cafe 💗首先地理位置係非常好 係旺角食街果邊 H&M對面餐廳環境好舒服 同朋友兩個人叫左個二人套餐有一個小食 兩個主食 同一個甜品 包餐湯小食叫左蜜糖芥末雞翼 同朋友都非常like👍🏻👍🏻芥末味非常重 唔係平時食果啲得少少芥茉味 主食分別叫左卡邦尼意粉同日式咖哩豬排飯卡邦尼個汁做得好好 唔係好水果隻 不過朋友就覺得配料上 再多少少煙肉會更加好日式咖哩豬排飯個豬排好有咬口 亦都唔會話食到成口油咁最後到甜品環節 我地揀左tiramisu同窩夫Tiramisu比較散 無果隻好creamy嘅口感 咖啡味都唔夠濃 相反個窩夫🧇好好食 窩夫果隻蛋味好重 同朋友都好鐘意食價錢上 每人平均$190左右 係旺角地區黎講 可以有個舒服 寧靜 無限時嘅環境傾下計 食下野 真係不錯☺️

-間野完全吾值 百幾蚊野食/野飲既價錢 但質素仲差過求其街邊搵間茶餐廳 咖哩又吾掂 意粉又難食 一個番茄湯底+意粉+司華力腸 咁就七十幾 連芝士薯角都難食過人 hea到不得了-野飲還好 但係好L貴 佢地話就話 ‘最低消費每人要嗌杯嘢飲’ 咁理論上我有嗌到其他嘢食 我唔一定要嗌嘢飲 但無論你嗌咗幾多野 佢都會規定你一定要嗌杯嘢飲 咁仲叫最低消費? 中文理解有問題?!!!!最重要係服務態度好有問題!!!!一入門口 個女侍應已經西口西面 明明餐廳有好多位 係要帶啲客入一間好黑嘅房 環境暗淡 窗都冇隻 要喺人擺貨嗰度食嘢 個環境又好似坐監咁 完全係大殺心情 想轉返去餐廳出面嗰啲位 問侍應可唔可以 竟然得到’ok既...’ 一個勁唔願意嘅答覆 態度極之垃圾 樓下茶餐廳阿姐都好過依位侍應小姐-總結除咗有好多桌上遊戲可以玩 嘢食質素,服務態度係完全垃圾 去之前諗住咁多正評 應該唔錯點知完全相反 唔好比啲食物相呃 去完感覺好似俾人搶完錢咁 成功對我留下深刻印象 不過係極負面嘅 超級唔建議去

一入門口 服務員態度已經麻麻 餐廳有多空位仍帶客到暗閉房間 房間環境暗淡封閉 完全不適合用餐 完美留下極差第一印像 問服務員可唔可以換位置 卻得到吾願意’ok既...’既答覆 野食質素亦非常一般 意粉及咖哩吾得 吾係有折完全吾值

大家千祈唔好去食呢間！！食呢餐真係非常之唔值服務非常之差🤬首先同隔離枱一齊坐低 大家差唔多時間落單 隔離枱野食已經食到一半我地枱d野食仲未到頭先幫我地落單個待應先走過黎問我地落佐單味 真係好好笑🤭再落一次 同樣要忌廉龍脷柳意粉 黑松露軟殼蟹意粉過佐廿分鐘個侍應又走過黎話冇哂龍脷柳又要再叫🤬之後等佐45分鐘先有野食🤬想知道個廚師係咪訓著佐 遲過我地黎既客人都一樣等佐咁耐最後食佐肉醬螺絲粉同黑松露軟殼蟹意粉個肉醬螺絲粉係正常既 但個黑松露軟殼蟹意粉真係勁難食 d 汁係水咁 又冇味 好似就咁用水煮🤬佢質數完全唔值百幾蚊一個餐

舖面唔夠人，店員太懶散，無論係帶位定落單都要等好耐。唔係話唔可以玩電話，但都唔好咁過份啦。本身有成頁dessert menu，店員話得cake食，即係得返3個選擇。最後靜係叫左2個小食、1碟軟殼蟹意粉再加個cake。明明都唔係繁忙時間，但都要等咗超過半個鐘再加催單先施施然講無軟殼蟹，其他食物都要等超過半個鐘先到。可能係因為餐廳主打比一班朋友聚會，環境嘈吵，唔係好適合2-3人/想靜靜地食餐飯既人去。再加上食物質素一般，連不鏽鋼叉都話無靜係比到膠叉，咁既質素唔值得再去。

同朋友慶祝生日所以去左登打士到睇下去邊間cafe 玩下但好多都冇位就去左9樓啦 門口見到餐牌都Ok幾多選擇咁天氣實在太熱二話不說入左去入到去坐低先發現 店員係十問九唔應😑本身入面已經冇乜人 但嗌好幾次先會有反應 真心唔知係想點 唔會關注下客人有咩需要 咁就叫野食啦 咁Set Meal 嗌一個餐就會跟一杯$40既野飲日式咖喱雞扒飯 係最穩陣之選 雞扒好大舊味道都幾好食 咖喱就係日式咖喱磚🤣法式煙三文魚蟹棒螺絲粉 味道不錯 不過蟹柳就比較少芝士白汁煙鴨胸意粉🍝鴨胸好食 不過意粉偏硬整體感覺還可以 但就唔太抵食同冇乜服務😕

話說我和兩個朋友昨天晚上六點到本餐廳食嘢，我哋點左白汁黑松露意粉、小食拼盤、芝士焗薯條、雞扒沙律和兩杯飲品，到買單嘅時候，因為服務員態度已經懶散，點餐前亦沒有好好講清楚，老闆竟然話必須每個人點一杯嘢飲，如果冇點飲品，會加飲品加錢落張單度，我同老闆講，第一，你哋服務員之前沒有講清楚，第二我哋點左咁多嘢食，點解必須要每個人點飲品呢？因為我朋友唔想飲嘢，我哋唔點飲品，可唔可以叫多個小食，老闆一句說唔可以，在疫情之下這樣做生意，服務態度欠佳，我都無話可說，我朋友只好點多一杯飲品外買，但唔會再幫襯！

鐘意cafe形式嘅都會鐘意呢間入到去個感覺好舒服,環境都好靚見到佢地都有boardgame提供岩曬一班朋友上去聚會🥳去到同朋友坐底就見到2人餐好抵食有一款小食，兩款主食，兩款甜品同埋飲品🤩小食我地就點左冬陰公魚餅🐟個魚餅配埋泰式辣醬一齊食好惹味😋一份有6件第一份主食叫左黑椒炸蝦天婦羅螺絲粉黑椒味比較重 會有小小辣份量算大份天婦羅蝦🍤都有4件 如果2個人食每人都可以食到2舊唔洗爭🤣第二份主食叫左卡邦尼意粉🍝芝士味岩岩好！唔會太濃又唔會太淡好好食！唔會覺得食到一半就好滯同埋配料都算多煙肉火腿都分配得好好整體係好食🤓甜品方面🍮第一個叫左紐約芝士餅超好食🤩佢唔係普通芝士蛋糕上面佢仲加左鹹嘅忌廉芝士配埋一齊食個味好夾😋第二個甜品比利時窩夫🧇窩夫係即叫即整所以係暖暖地窩夫唔會太硬配埋上面個cream食就覺得好幸福🤤餐飲我地分別叫左柒月佢係芒果鮮奶加芝士好驚喜，因為佢係完全唔會有太甜嘅感覺成杯可以飲曬🤤第二杯叫左榛子朱古力沙冰🍫好香濃嘅朱古力冰嘅分量岩岩好入面仲有小小朱古力粒淡淡嘅榛子味口感好豐富！❤️成個2人餐係好抵食，我地2個女仔最後都食唔曬🤣🤣

喜歡到cafe因爲可以坐很久和朋友聊天💗旺角出曬名多cafe，今天就試了一間環境幾靚和比較少人的，不會太迫見二人餐幾好，不用諗咁多，就點了二人餐。小食點了炸雞，很大件，份量很多，共有六件，上面加了沙律醬主菜點了「吞拿魚螺絲粉」吞拿魚落足了，一舊舊的很大舊，要刻意用叉壓碎才能和螺絲粉一起吃，而且螺絲粉也是非常之多，真的不計成本。「芝士雜菌意粉」也是很大碟，份量超多，基本上吃到這裏已經飽了。再加上後來的飲品和甜品，實在太豐富了。總結，二人餐食物份量十分多，很足夠。

二人餐$319，個環境咁舒服乜都抵返晒。紫菜炸雞卷（8件）炸得好脆，雞肉本身醃得好入味，點埋酸甜醬好開胃。黑椒脆香雞扒意粉塊雞扒好大份，好香黑椒味，雞皮煎得好脆，淋左黑椒汁又唔會整林晒。日式咖喱豬扒飯冇諗過係西式Cafe都有日式野食，炸豬扒好鬆化，咖喱汁好多薯仔，唔錯。甜品方面揀咗紐約芝士餅同提拉米蘇都係三角形切餅，標準味道同質地，$318二人餐連埋甜品超抵食呀！蘋果棋係大size嘅，係我童年回憶啊！board game嘅選擇真係好多，有個strategy game 都幾特別，d game 仲好新淨，都係有賴各位食客！😊

旺角其實好多唔錯嘅Cafe，今日就介紹下位於登打士廣場9樓嘅Cafe Fabulous。餐廳有兩邊，一邊就2-4人枱為主，另一邊就梳化為主，互動性較高，仲可以坐多啲朋友仔。所以訂座前要留意返喇。我今次就點咗蜜糖芥末雞翼、焗自家製芝士肉醬意粉、日式咖哩炸蝦天婦羅飯。蜜糖芥末雞翼好正，蜜糖味好夠，再加埋芥末醬，非常之味。雞翼又煮得剛剛好，嫩滑之餘又有肉汁。焗自家製芝士肉醬意粉亦都好好味，肉醬好香，再加埋面頭嘅芝士，真係無得頂。肉醬份量剛剛好，食到最尾唔會只得返意粉/肉醬。日式咖哩炸蝦天婦羅飯，飯用咗珍珠米。因為係日式咖哩，所以唔會話好辣，咖哩味好甘香。天婦羅蝦雖然睇得出係買現成嘅嚟炸，但都好好食，唔會炸過龍。

最近雖然有疫情但都真係忍唔住出街想同男朋友撐下枱腳，所以都特登揀咗間樓上Cafe，可以坐得鬆動啲人又唔算太密集。除咗個環境舒服之外估唔到嘢食質素都幾高。嘢食嘅選擇實在太多所以都係貪方便揀咗個二人餐（$318）可以揀一個小食兩個主食同兩個甜品仲包兩杯野飲。包你食到飽之餘仲好滿足！小食揀咗蜜糖芥末雞翼，個蜜糖芥末醬味好甜，鐘意食甜甜地嘅雞翼就啱晒！主食就叫左卡邦尼意粉同肉醬意粉，卡邦尼意粉個汁好滑好creamy，而且好多煙肉同菇，足料！肉醬意粉一望就知加左勁多芝士係入面，而且係放左入焗爐焗嘅，所以特別好味。嘢飲方面佢選擇係勁多，不過今日想飲清淡啲就揀左芝士奶蓋玫瑰烏龍茶同藍莓果粒茶，幾好飲！而且真係未喺出邊飲過！最後就係甜品，揀咗紐約芝士蛋糕同蛋白燉鮮奶。個蛋糕偏甜但係芝士味超重！蛋白燉鮮奶就好滑同上面加咗啲可可脆米，好夾又唔會太單調。整體來講呢間Cafe嘅食物質素都幾好，可以再戰！

相約朋友交收口罩，順道吃晚飯。樓上餐廳的好處就是可以避開車水馬龍的人羣，而且地方較大每枱距離相對較遠。選了一個二人餐有一客小食、兩客主食、兩客甜品及兩杯飲品。小食蜜糖芥末雞翼有六隻，蜜糖芥末醬甜度適中、雞翼外層香脆，內裡雞肉保留肉汁。芝士雜菌意粉，有多種雜菇很有口感。芝士黑松露醬很香，令每口意粉都香氣撲鼻。意粉如果可以乾身及硬身小小會更理想。友人的日式咖哩豬扒飯不錯， 日式咖哩汁固然不會太辣，而且帶甜。加上黃金脆豬扒亦都炸得很香脆亦不會太燶。 米飯採用珍珠米，整體無論賣相與口感都很好。到甜品時間了。比利時窩夫就是以忌廉放在窩夫生再加征朱古力醬。蛋白燉鮮奶加上可可脆米，香滑之餘亦有脆脆的。L來一杯阿法奇朵， 將滾熱的濃縮咖啡倒灑上雲呢拿雪糕，冰火交融。友人一杯夏威夷cocktail果粒茶，以木瓜、菠蘿、芒果、橙皮、蘋果、洛神花、玫瑰果及葡萄。加入洛神花的關係入口酸酸甜甜，最合適飯後消滯。餐廳提供酒精搓手液，確保吃得放心。

屋企突然無wifi，因為轉電訊公司。又無得回office，於是就想了一個絕世好橋 - 去樓上cafe 任座任做任用wifi!.登打士廣場樓上cafe 多，我就選了9樓，因為環境夠young，有一、兩人枱。大約2點左右到，人不多，好適合開laptop 工作！.食物方面，二人餐價錢合理，$318就有小食、兩份主菜、兩份甜品及兩杯飲品。. 蜜糖芥末雞翼有6隻咁多，甜甜地好開胃，一邊食雞翼一邊努力工作，效率更高！.焗芝士肉醬意粉肉醬、芝士超多，味道正宗，是肉醬迷必點的！下面的意粉唔好睇小，我由中午食到6點都食唔完，好飽！.蛋白燉鮮奶嫩滑又清新，creamy 又不會太甜。.飲品抺菜泡沫鮮奶-賣相好靚，比想像中大杯，可以慢慢飲慢慢坐了。

今日同朋友搵地方飲野傾計， 平平哋搵登打士街嗰啲cafe， 性價比都算高嘅選擇。朋友 介紹呢一間話啲嘢都幾大份， 而且飲品做得唔錯， 於試下。 餐廳佈置都幾靚， 坐唯又算舒服。 門外都有啲花花草草綠化餐廳內環境氣氛唔錯， 美微微嘅燈光幾有氣氛我哋叫咗呢個芝士肉醬意粉真係超級大份， 上面嗰層厚厚嘅芝士 生色不少， 而且有放入焗爐焗過， 芝士同肉醬用埋一齊我哋又叫咗咖哩吉列豬扒飯， 塊豬扒又係超大塊， 炸咗嘅吉列皮非常脆， 點落啲咖哩度做得好好， 日式咖哩味輕微嘅甜， 加埋好多嘅薯仔粒， 怕辣嘅朋友都可以食傾傾下又發覺想食多啲嘢 ， 於是揀咗個松露薯條嚟試下， 老闆一啲都唔慳， 都落咗幾多松露醬， 一路傾計一路食就最啱飲品方面都幾特別， 餐牌有12個月份嘅特色飲品， 朋友叫咗8月， 果味豐富算有特色 而我就叫咗11月， 抹茶雪糕沙冰， 仲加咗啲朱古力醬係入面， 味道豐富， 賣相有幾靚， 幾有心思， 而且都幾大杯最後套餐仲有送甜品， 呢個燉奶都幾滑， 再加埋少少脆脆喺上面。 窩夫 都係新鮮整好， 個皮仲好脆， 加小小忌廉同埋朱古力醬， 完美咁完成一餐