Cafe Fresca (Closed)

早上起來，就懶得煮野食，去了屋企附近的餐廳食，很有驚喜，餐廳環境很好。早餐選擇也很多，而且也包了野飲，價錢合適。早餐也是標明homemade, 本人最喜歡homemade 食物。早餐toast 選擇也十分多，樣子也很美。pizza 也有很多選擇，價錢也很合適。我叫了一個all day breakfast, 很豐富，有太陽蛋，toast, bacon, mushrooms, corns等等，味道也很好，新鮮制造，即叫即整，食完，好有家的感覺。綠茶豆奶系列，拉花很美，早上看到美美的拉花，很開心，豆奶也很好味，綠茶未很清香。環境也很時尚，有紅酒酒櫃，格調高級，很難得在何文田找到環境舒服的餐廳。打卡仲有甜品送，物超所值。

繼九龍城尋寶之後，作為食探嘅大胃，就走去隔離檔—何文田發掘漆黑中嘅熒火蟲。我知愛民邨有嘢食，但何文田就真係冇咩踏足過，異常刺激何文田廣場入面有間人流唔多嘅餐廳，至憎排隊嘅大胃諗都唔諗就去幫襯晚間胃民唔想飲咖啡類飲品咁咪飲Latte囉，一樣好瞓呢碟risotto形狀好搞鬼，令大胃諗起摩西分紅海嘅情景，用石榴做配搭，就好似救護車盞燈咁，Parma Ham好煙韌好過癮呀估唔到呢碟意粉烚得好彈牙，芝士同醬料融為一醬，令意粉好有張力Pizza名改得好正，鹹蛋黃味道好夠濃，又有石榴中和返成件事嗌咗甜品會翻熱，九成杏仁粉一成麵粉嘅蛋糕，真係好好食託賴大胃胃氣，食食吓終於有人坐full咗幾張檯

「Fresca」o係意大利文即係好fresh 好清新o既意思，呢間cafe / coffee shop 由一杯咖啡到輕食，到pizza、羊架都有提供，仲有寄賣多種紅酒同相信係意大利出產o既糖果。今日同朋友o黎食個tea，呢度d holiday brunch 唔會話好大份，都屬於輕食類，做tea 正好。牛油果焗鵪鶉蛋配三文魚意瓜沙律($65) o既沙律主體係青瓜同黃瓜絲，本身無乜味，但係上面o既提子因為經過冧酒熬製，味道非常之濃甜而帶有酒香，紅色o既石榴籽亦好juicy。三文魚則係以紅菜頭醃製，會多一種蔬菜o既氣息，係個健康o既美食～我本身都幾鍾意食牛油果，出面食通常都會被拼做沙律配料o既一部份，今次則係主角。佢o係將個牛油果切開一半，巧妙咁釀o左隻鵪鶉蛋入原本粒核o個個窿度，再連埋d 芝士一齊焗。好滑膩，成個都充滿蛋黃o既口感！廚師路加精選香煎法式西多士($48) 又係有份沙律，就是普通田園沙律，不過都加o左少許頭先d 冧酒提子同石榴籽。西多士，可能食慣港式o個d，最初頭諗以黑醋代替糖漿會唔會唔夠甜？但原來係唔會的，因為廚師o係裡面已經搽o左煉奶同榛子碎，連同面頭o既焦糖香蕉，甜度已經

有次黎何文田廣場,見到好大塊玻璃就被吸引左啦!見到DISPLAY既食物睇上去都幾好食,價錢又唔貴,可跟可唔跟餐湯餐飲,有彈性,就黎左食野啦!我叫左個BEEF CHEEK RISOTO,即係牛面意大利飯,肉既份量適量,肥瘦比例恰當,意大利飯有好濃既肉汁同意大利香料,唔錯。加廿幾蚊就有湯。再加廿幾蚊就有飲品。因為係呢間店既1周年誌慶,打卡送TIRAMISU,我打左卡。個TIRAMISU真係好好味,單買都要48蚊,打卡就有真係好正!可能呢度都賣咖啡既關係,TIRAMISU真係有好濃既咖啡香,食完個底層後我精神為之一振呀!份量唔會太多,所以一D都唔膩,非常之好。呢度仲有好多甜品同手工朱古力,好高級咁。

餐廳有高枱，有低枱， 餐廳播住背景音樂， 周圍放咗好多酒， 甜品，朱古力， 感覺上平時餐廳都有好多學生哥， 保險經紀等， style似係starbucks cafe， 不過餐廳整嘅 食物類別多， pizza真係好好食「唯我獨尊pizza六吋 115g 78元」上枱熱辣辣，拖肥拉到冇限長既 Mozzarella Cheese， 配上火腿扒， 黃椒， 腸等， 入口juicypizza皮薄， 食落唔會覺得好滯或哽喉。 平時cafe質素嘅pizza 好少咁多新鮮嘅材料，呢間cafe用料靚，材料新鮮。「 凱撒沙律雞肉68元」雞肉厚身急凍大大件沙律醬份量充足， 分開上， 生菜食落好新鮮。埋單 一共 146元， 免加一， Pizza 勁正，最抵食😍

Never disappointed ! Best taste always! good services and friendly smiles you found, warm friendly faces and nice dinning tables around (that's so important for me and my mum always can enjoy the best assist , as my mum in wheel chairs) no talking only see the photos uploaded and you can see the good taste it does!i love the coffee!! best top three in my experience ( 1. academic coffee in wanchai 2. cafe fresca  it's here in homantin 3. knockbox coffee in mongkok.)

何文田商場選擇不多，晨早流流九點幾，除咗麥當勞，3樓仲有依間 cafe Fresca。我冇食過依間餐廳，但由於太唔想食麥當勞，去馬吧。佢嘅早餐都有好多選擇，價錢亦都唔貴，如果係多士嘅話通常都係50幾蚊。我沒有勇氣去試無花果多士依個有少少奇怪嘅配搭，所以嗌左個穩打穩紮嘅 egg benedict & guacamole toast with hollandaise sauce，好彩冇令到我失望。分量唔算大，不過$58差唔多啦。佢都幾好味，特別欣賞佢將啲醋放喺度做伴碟，點埋toast幾好食，牛油果醬整得好碎，不錯，egg benedict 做到嗰種流心嘅效果，美中不足就係隻蛋唔算太熱，只能算係室溫，可能因為得一個職員，我見佢又收銀又做 waitress 咁，所以我哋食完咗好耐都冇人黎收碟。隨早餐附送嘅咖啡亦不錯，始終是一間Cafe，有質素。總括來講，可以再黎。

今日，和男友在何文田樓下吃晚飯～～這次選了一家西餐廳，每次經過就不期然被它的甜品、酒架等等吸引着，今天終於可以一嘗了。我點了黑松露帕爾馬火腿意大利飯，愛上了紅石榴粒，口感十分特別，而且黑松露的香氣濃郁，使我的食慾大增，加上配有黑醋，酸酸甜甜的，令這個意大利飯有多重口感，味道層次分明。男友點了辣椒蒜蓉意粉，鑊氣十足，配上新鮮磨的黑椒粒，意粉的軟硬度適中，吃下來彈牙非常，可見廚師的功架十足，將意粉煮得剛剛好。我們還留意到店家有曲奇、酒、各式各樣的甜品等等出售，使我們吃一頓豐富的晚餐之餘，亦能夠好好購物一下！

餐廳位於商場三樓商場隔離有間marketplace 喺大大間嘅超市附近， 餐廳隔離亦都開咗一間波仔， 相比起呢間cafe 餐廳食物相對新鮮的製， 健康有營養，選擇多， 而且地方空曠 ，無限食嘢 /逗留 餐廳嘅時間，waiter 唔會pushy... 可以安心慢慢 享受嘆下。慢煮意大利烤乳豬 配祕製燒烤醬蕎麥車厘茄98有食過呢個餐 ，嘅話一定會非常 愕然 ，第一時間諗呢個餐係點樣回本， 意大利烤乳豬大大分 ， 似係超級市場急凍丹麥豬腩肉， 行行哋自己買個豬都要70蚊以上埋單，一個女仔食正常食唔哂， 下面有 蕎麥，蕎麥一向都唔平，爽爽的， 又有已煮過嘅車厘茄， 煮過之後可以將番茄入面 嘅茄紅素散出嚟， 醬汁方面 用咗車厘茄嘅醬汁 加上豉油鹹鹹地。都幾好味甘菊茶 Twinings 20hkd跟套餐加20蚊， 表面感覺非常普通， 但係餐廳 用咗非常熱嘅水，令茶包味道散盡出黎， 雖然係用咗茶包，但係絕無虛假去，冇再用茶壺裝住再包裝先比人飲。

平時諗住住宅附近都唔會有好嘢食點知今次係新hall同朋友行咗去何文田嗰頭發現左呢間意大利嘅fusion菜！🥧🍝特別就在於平時嘅西餐廳都好少見到呢啲嘅菜式 同埋餐廳嘅老闆都好熱情同我地介紹唔同嘅食物 睇得出係一個對食物好有熱誠嘅老闆 嘢食價錢亦都唔貴 澳洲牛柳配香草新薯 $118睇到個價錢我都嚇親$150都唔使就有牛扒食?平時喺翠華食都唔止呢個價錢😂😂叫咗五成熟牛扒嚟到嘅質地啱啱好同埋好鍾意佢喺隔離嘅mustard 薯仔亦都整得啱啱好 蕃茄意式焗腸配半熟蛋$68平時喺其他餐廳好少見呢個於是今次就叫試吓 食落去將啲腸仔半熟蛋點落去包度食都幾好味 如果有埋芝士就更加好😋🧀🧀辣椒蒜蓉意粉$68呢個意粉正正常常 幾清淡唔錯🍝總括來講呢度都幾適合喺附近住嘅或者喺宿舍住嘅朋友過嚟呢邊試吓因為價錢都唔貴嘅食物嘅質素亦都幾好👍🏻

之前經過呢間西餐廳都只係買過甜品食，開左咁耐都未坐低嘆過。認真睇原來係煮意大利菜嘅，未食都有d expectation，因為咁啱剛去完意大利旅行，食過d好正嘅pizza 同spaghetti，心諗如果佢煮倒旅行時食倒果種味道就好啦，由其係pizza Salted Egg Yolk Black Truffle Pizza ($78)拿坡里pizza 世界馳名，呢間餐廳有信心用呢個地方名做招徠應該都有d自信。一上碟見倒個crust 嘅樣都知道有d料到，有拿坡里pizza個種薄而有煙韌度嘅感覺。不過可能原材料同烘焙方法有唔同，始終未完全做到意大利個種濕度同味道，不過已經好食過我預計嘅好多好多，我都好enjoy食呢個crust。而上面嘅材料就比較創新，係咸蛋、黑松露、芝士、黑醋同神石榴。估唔到味道又幾夾。海鮮意大利麵 ($135)跟住講吓個海鮮意大利麵。個汁用左龍蝦嘅頭去熬，第一啖已經好鮮。至於蜆肉同大蝦都食得出好新鮮，由其係個大蝦，d肉都好爽脆，冇雪藏蝦個種霉嘅口感。慢煮乳豬藜麥飯 ($95)呢個慢煮乳豬藜麥飯值得一提。首先廚師將乳豬慢煮了24小時，軟化左肉質之餘，仲令到那汁更易被肉吸收，更

朋友說有間cafe不錯，製作用心，特意帶我去品嚐一下。環境舒適，給予慢活感覺，很適合放慢腳步靜靜地享受一杯咖啡和美食。焦糖咖啡入口散發住陣陣焦糖香氣，口感細膩柔滑。Caffee Mocha漂亮的拉花，濃郁的咖啡和朱古力配上綿密的奶泡，入口軟滑柔順。Tiramisu ($48)口感柔軟濕潤，甜度適中。有別於一般提拉米蘇的味道，入口便嚐到豐富的果味，而且完全沒有咖啡的苦澀味。原來大廚用了檸檬汁、檸檬皮打蛋白，故此果味濃郁。還用了3種酒浸手指餅，濕潤度拿掐得恰到好處，不會太乾身也不會過濕。羊架配薄荷乳酪紅酒朱古力醬 ($128)擺盤色彩鮮豔奪目，香氣四溢，十分吸引。香甜綿密的甜薯蓉，質感幼滑鬆軟，還加入了一些甜薯粒，口感豐富。

呢間cafe估佢唔到喺民居area，但有猶如港島式嘅質素👑🍕Salted Egg-yolk Black Truffle Pizza中文叫咸陽朝露 $118，當中主要用上鹹蛋黃同西式黑醋、黑松露同幾款芝士🧀，做出非常特別、香濃嘅fusion味道❗️配有波菜同芭樂籽加番清新感覺，拎番啲balance，好有心思做配搭🥰 好中意餐廳做出獨有嘅味道，真係好推介試呢個🤩 特登影咗張見到啲餡夠晒多👍🏻🥖Chorizo Shakshuka with Toast蕃茄意式焗腸配半熟蛋 $68，個多士焗得好脆，加埋個用料十足嘅醬，個醬都係重口味愛好者首選😆 入面有眉豆、有臘肉、青椒、蕃茄蓉等等，加上一焗至半熟嘅蛋，可以話係美食🤤🍅Italian Noodle with Tomato Fennel Soup蕃茄茴香雞肉自家制蛋麵 $48想唔到連麵都自己整，佢係意大利小麥粉加蛋做嘅🧐 第一次食口感有啲似豆腐嘅麵咁軟軟地，而個湯望落顏色好淡，但因為係雞湯底，加埋洋蔥、茴香頭、蕃茄等配料，味道其實夠豐富，香得黎酸酸地好開胃😋圖中點咗嘅飲品日本抹茶豆奶同Cappuccino整體環境唔係超大但空間感好夠舒服，食物水準我覺

雖然住得近何文田，但好少嚟到何文田廣場食嘢。呢晚就同個朋友嚟到試下呢間嘅意大利餐廳Cafe Fresca。餐廳由Chef Luke主理，佢本身做開fine dining，所以大家喺何文田廣場呢到都可以以比較平民嘅價錢試下fine dining菜式嘅味道呀🤪佢哋仲有賣酒，嗜酒人士都可以嚟試下佢嘅酒呀！Salted Egg Yolk Black Truffle Pizza (6")（$78）首先叫咗個Napoli pizza，朋友啱啱去完意大利，都話呢個pizza整得同佢喺嗰度食嘅有得揮！我就比較少食Napoli pizza，但呢個pizza嘅質地幾特別，無平時pizza嗰種crust，反而會軟身少少，多啲麵糰嘅口感。面頭有咸蛋黃、神石榴、菠菜、black truffle、truffle oil，仲有幾種芝士～味道嘅交融幾特別Italian Suckling Pig w/ Homemade BBQ sauce & Quinoa Salad（$95）呢個燒BB乳豬整得好好食😛 皮脆肉嫩，而且好入味！個BBQ醬係佢哋自家製嘅，所以味道都相當特殊！下面配上藜麥沙律，口感豐富，好味道又健康👍Kin

忙 裡 偷 閒喜歡去品咖啡慢活一下☕️.這次去在家附近不遠的何文田廣場點了杯溫熱的cappuccino☕️拉花好美🤩 偏nutty好合我口味.嚐了6吋的拿坡里pizza🍕〔咸陽朝露〕即叫即做，特別在於餡料啊有咸蛋黃，黑松露，菠菜，芝士淋上黑醋，再加了紅石榴籽～第一次吃有咸蛋黃的pizza，好正啊好多咸蛋黃～餡料配搭創新但無違和感🌟但黑松露被咸蛋黃搶戲了一點批底軟熟像麵包有咬口，包控表示好滿足！.另外Risotto擺盤好美啊像藝術品♥️黑松露+Parma Ham意大利飯軟硬度恰恰好，配上creamy醬汁但又不覺膩黑松露味好濃啊，好喜歡黑松露🖤.完全感受到是很用心的小店值得再訪啊💓