海景咖啡廊

Open Now

Now Closed

幾年前食過呢間，發誓以後都唔會再嚟。幾年後嘅今日再嚟，佢真係進步咗好多好多，第一次寫食評，覺得需要為佢平反。呢個價錢食到咁嘅質素，確實係而家自助餐少有。凍海鮮種類多， 有龍蝦麵包蟹長腳蟹等等， 牛扒羊架熱葷都唔差。雪糕係杯裝haazgen-dazs， 仲有支裝雪條， 對於好多自助餐都係一桶桶自己筆，呢間真係算唔錯。唔知係咪因為以前做得差所以而家人咁少， 大家下次都可以嚟試下， 佢畀好多700蚊樓下嘅自助餐好好多。

🌻食物 : 不錯，種類都算多。冷盆食物種類多，波士頓龍蝦供應量多，海鮮冬陰公湯即煮，好好飲。檸檬茶奶茶咖啡飲品任飲，刺身有三文魚、帶子、吞拿魚……、壽司種類也很多，燒羊架夠冧入味 。有新鮮出爐乳豬。 🌻環境 : 座位舒適，空間夠，窗口位置能看香港夜景。洗手間：乾淨，冇異味，有提供梘液同抹手紙🌻服務 : 職員服務好，尤其Chris Wan，醒目，工作效率高，識執生，好笑容，觀察力強，勤力。其他職員服務也很勤力，收碟速度快。

6月自助餐主題係父親節沖繩主題食物每台每位送一隻蒸鮑魚魚生刺身有原粒帶子，甜蝦，三文魚，魷魚凍海鮮有凍硯，凍大螺，凍蝦很鮮甜，凍長蟹腳，凍麵包蟹燉湯有沙參肉竹燉湯另外仲有忌簾硯肉湯沙律有幾款，仲有煙三文魚，幾款芝士甜品有多款選擇，Haagen-Dazs雪糕雪糕有雲尼拿，士多啤梨，曲奇味

Staycation 完第二朝起身就梗係去到海景咖啡廊食返個豐富嘅自助早餐，非常欣賞佢哋嘅早餐，種類非常多，除咗有最普遍嘅中式西式外，仲有韓式、日式、印度咖喱。 粥粉麵飯全部都齊。麵檔仲可以叫阿女最鍾意嘅火腿通粉添！好多食物都可以即叫即整，就連雞蛋都可以叫不同嘅煮法。 而且食物都fill得好快，無見過有吉碟嘅情況出現。食完仲可以拎個乳酪 ，加生果做結尾。職員嘅服務都好好，經常睇下有無食完嘅碗碟需要處理❤️

似乎都有好一段日子沒分享自助餐了，實在有點心癢癢的。月前就去了海景嘉福酒店的 Cafe on M，無他，因為好想食 Buffet 嘛！近排大家蜂擁而至去日本，講真，我就無錢去日本，但偶爾食兩餐日本野都仲得，而當日 Buffet 主題正是沖繩菜色。海鮮有加拿大鱈場蟹腳、咖啡蟹、海蜆、小龍蝦、翡翠螺及青口，種類多質素好，掃一盤毫無難度。刺身有北海道帆立貝、甜蝦、三文魚、吞拿魚及鯛魚，解凍處理得好好，毫無令人討厭的雪味，我鍾意。除了刺身，大家要試自家製櫻花蝦燒玉子，充滿了櫻花蝦獨有氣味，玉子又做得juicy。另一道必食就一定係火炙北海道帶子壽司，帶子肉質柔嫩，帶火炙過的香氣，好味。仲有沖繩特式壽司、壽司卷以及雜錦壽司。炸物區吉列日本北海道十勝豚肉眼扒必食之一，炸得啱啱好，外脆內嫩，充滿了肉汁。仲有沖繩紅芋可樂餅以及沖繩阿古豚可樂餅，喜歡炸物的朋友，記得配返罐啤酒呀！熱葷沖繩苦瓜蟹肉炒桂花素翅自己一向有食苦瓜來降血糖，沖繩苦瓜爽脆的口感，又的確好好味，用來炒蟹肉及素翅，口感更佳。沖繩大根清湯牛腩大根清甜入味，牛腩炆得夠稔，湯底清甜，如果可以用上伊麵底就更正。清蒸比目魚超大條，啖啖肉，火喉又恰到

海景嘉福洲際酒店staycation既第二日因為住套房所以包lounge包早餐本身大堂職員話只可以係lounge食但lounge職員又話其實可以落自助餐廳食不過早餐就要自己手動掃qr code預約我地夜晚先搞已經見到所有時段都full晒所以今朝過左十點先落去諗住少d人搏下海景咖啡廊cafe on m原本餐廳就應該係M樓但我地十點三落到黎仲係full晒所以佢地就安排我地坐地下地下原本係大堂酒廊但而家已經無開成為左自助餐既一部份呢到食客反而唔多位比較寬不過唔好處就係會周圍會有人行過同埋拎野食要上上落落但其實呢度樓底較高又有水晶吊燈事實環境係比較好既因為太多人臨走清場先影到個環境餐廳其實都有少量窗景位理應同lounge望同一樣既野不過因為太矮可能只係望到行人路同馬路同埋呢d位就真係好L迫要背貼背咁坐出面有半開放位置感覺無咁局促呢一邊唔知以前係咪都係大堂酒廊格局顏色同自助餐廳都唔係好一樣而且仲有部鋼琴但佢又真係有張cafe on m既接待檯擺係度仲可以望到地下大堂應該就舒服過坐入面咁我覺得自助區黎講都幾多野揀以同級酒店既質素黎講算幾唔錯佢有兩個大圈放食物第一張檯就擺前菜多穀物類幾多選擇逆時針行

D197 貓山王 D175 紅蝦 D160 竹腳D24 蘇丹 D200 黑刺 D24 XO D163 葫蘆D88 小甜甜 D101 紅肉D13 金包 D28 奶油包$價錢：成人 $628/位小童 $398/位（另收加一服務費）

媽媽生日今年想去海景餐廳打卡， 所以簡左位於尖東既海景嘉福酒店。 網上預訂並且full payment 有折，折左連加一兩位$1237.6。 雖說提早大半個月前預訂， 但到當日都係人山人海， 提早致電希望預留window seat都因為full 哂未能安排， 不過職員都好好咁安排左梳化位，不過位置就略為逼， 因為後面有2張4人枱欄住左 出入都驚撞到人😅😅進入海景嘉福， 第一下聞到係勁濃烈既榴連味 正奇怪緊咩事 上一層到餐廳等候入座安排嗰陣就知道左咩事。 原來餐廳既另一邊正同時做緊榴連主題自助餐 ， 正等候入座時 聽到有客人正投訴緊點解冇人同佢講有榴連主題 因為佢覺得好臭😅😅 入番正題， 做緊蟹既主題 當然唔少得大閘蟹。 入座後 職員派左卡供我地去counter 取大閘蟹， 隔左陣 有另一位職員送上每人三隻焗蠔， 賣相相信係莧菜焗蠔或者菠菜焗蠔😅😅大閘蟹略厭腥 ，而蠔都算有肉感 味道唔錯。海鮮方面 除左蟹腳 凍蝦外，仲有龍蝦仔 麵包蟹，相當豐富 。 而刺身方面 除左一般既三文魚 Tuna外， 仲有北海道帶子 同埋劍魚。 壽司方面有鰻魚壽司、牛油果蟹飯卷。 熱食方面比想像中少， 除左蟹類既

到底您有幾鍾意食榴槤?跟我去海景嘉福酒店嘅榴槤放題就啱晒了!一連8日由「榴槤千金」舉辦嘅榴槤盛宴可以一次過品嚐五款從馬來西亞樹上熟新鮮空運到港嘅榴槤,味蕾今日真係超滿足呀!五款榴槤包括💫口感粘稠濃郁苦甜既D197貓山皇💫清甜肉質似奶油般滑溜既D24蘇丹💫淡黃色醇苦帶酒香既D24 XO 💫甜度極高既D101紅肉💫產量極少甜中帶甘既D88小甜甜 仲有神秘限定竟然係我最愛覺得Gas味最重既D160竹腳,我一口氣食左四大舊都仲想Encore呀!榴槤控快啲把握時機預約去嘆個榴槤放題啦!

經團購app 買了自助晚餐, 11月嘅主題就係蟹宴。餐廳會每人送一隻大閘蟹,不過公同埋乸就沒得選擇，當晚我有兩位用餐，所以餐廳送咗一隻公，一隻乸俾我哋。食物方面，選擇都算多, 雖然沒有生蠔，但是有阿拉斯加長腳蟹，麵包蟹，翡翠螺，青口等等。阿拉斯加長腳蟹有淡淡的鹹味，唔似出邊嗰啲蟹肉完全冇味。麵包蟹都有好多膏，所以我有食咗兩次。先熱食方面，佢有應節嘅臘味糯米飯，有燒鵝，有中式燉湯。另外亦都有焗釀蟹蓋，一啲嘅新鮮炸物。另外亦都會每位奉上兩隻芝士白汁焗生蠔。雖然沒有生蠔但係有焗蠔亦都算補償。甜品選擇都不算少。而且份量細細，一口一件非常適合多心嘅人。佢有一個即制嘅tiramisu，因為我已經好飽，所以冇機會食到。飲品無限供應, 不怕續杯要另外收費

👭🏻孖妹一家迎黎第1個staycation trip，你冇錯呀😂係處女Staycation，本來買左市景房，點知當日酒店upgrade左住半海景房😍 買套票就去食埋自助晚餐啦今日客人好多，某程度上係超額認購🥹大部份3-4人客人組都要坐一張2人枱，👭🏻孖妹見到有少部份客人可以4個人坐4人枱甚至卡位🌑 嘗試要度調位，但緊係比職員耍走，仲要聽到過級女staff叫啲細唔好理我哋呢啲無理要求🤬服務態度真係要改善下講番食物質素先🫡🥢海鮮冷盤🍣✨有蟹腳、海蝦🍤青口、麵包蟹、壽司刺身等等👭🏻孖妹比較推介海蝦，肉質鮮甜扎實😊蟹腳比較鹹，肉開始發mui ，比較唔推介🥲✨壽司刺身就有三文魚、八爪魚、吞拿魚、玉子🥚，👷🏻‍♀️細孖就最鍾意帆立貝，但每次只係比兩粒（無論要幾多份），所以要Encore 就要排多幾次隊啦🥹✨蟹主題仲有酥炸軟殼蟹卷物，可能始終飽肚，好似冇特別多人攞🥢沙律🥗✨有幾款沙律選擇，現成品有最推介係泰式柚子蟹肉沙律，除左必有蟹肉絲之外，仲有花生、炸蒜片，唔好睇少呢啲配料，佢哋帶出蟹肉鮮味，仲要好脆口增加左口感😍🥢熱食🥘✨有蒸魚、乳豬🐖咖哩配餸、即切牛臀肉🥩、燒味等等，燒腩仔幾高質，外皮卜卜脆，五

開頭睇食評，有啲驚中伏！去到發覺冇事！食物種類的確唔算多，但係凍海鮮好新鮮！而且Record好快，幾乎唔會有冷場！我今次呢個經驗唔錯，可以番轉頭，稍為係侍應收碟，收得比較慢⋯⋯

今年好怪，好多時令食材都遲了出現，先係早兩個的大閘蟹，到家陣的榴槤，都似乎慢了幾拍，但點都好遲到總好過無到。位於尖沙咀的「海景嘉福酒店」的自助餐，近日聯乘「榴槤千金」，推出以榴槤作主題的「馬來西亞榴槤飄香」自助餐，而且全屬國賓AAA級榴槤，第一日已經 full house，看來食客收風的能力好強。今次以榴槤作主題，一於就同大家講下是日所有榴槤菜色先，不過要注意一點，就係供應期好短，由11月28日至12月9日，想食就要快手。由最簡單而又最吸引的榴槤肉到熱葷、燉湯、炸物、烤焗以至甜品，都可以見到榴槤的踪影，榴槤控真係隨時失控。榴槤 Platter每位客人會獲發換領劵一張，憑劵可換取四款榴槤，按味道的濃淡，建議由謎之槤起動，然後是蘇丹山、高山XO以及貓山皇，味道逐步提升，享受是更進一步。香脆炸榴槤早幾年其實對榴槤都係一般，有時候更加係敬而遠之，但自從試過炸榴槤後，情況大為改善，近年都多了接觸，亦開始感覺到榴槤的魅力。榴槤炸得外脆內軟，色澤金黃，火喉與炸漿處理得好，好味。榴槤四重芝士薄餅將榴槤化入薄餅是近年趨勢，效果亦好好，邊位脆卜卜，而中間位軟熟香甜，值得一試。榴槤壽司又是一道幾受歡迎的菜色

香港每年唔同餐廳都會搞榴槤自助餐。但價錢都偏貴，今次比我見到KKday做7折，即刻book尼同朋友試。一入酒店門口已經聞到陣陣榴槤味，食欲大增。今次自助餐每人會有限定一份4件唔同品種嘅榴槤服務員都好貼心會教你試味順序。可能係我地唔好彩呢4件嘅質素都幾大分別。應該最好食嘅貓山王已經放到太熟。食落口有好重酒味同酸。但別一件無名嘅反而好食到反眼。所以都好睇你彩數。餐廳仲提供好多榴槤類嘅咸甜食值得推介係榴槤雞湯，每諗到個湯係會錦清甜,大家一定要試。甜品方便。榴槤泡芙相當出色

喜歡吃榴槤嗎？喜歡的人可以好喜歡，唔喜歡的人，離遠聞到都話怕怕，真係各走極端。如果看到標題沒有嚇走你，相信你應該會係喜歡吃榴槤的人，那就要留意似下的內容了；由11月28日至12月9日， 海景嘉福酒店內的海景咖啡廊現正進行 「馬來西亞榴槤飄香」自助晚餐，每位賓客除可獲贈新鮮的貓山王、蘇丹王 、高山XO及謎之槤各一件外，更有多款以榴槤入饌的菜式，必定令你目不暇給。四款榴槤各有其特色，而其中兩款比較喜歡的是D24蘇丹王及貓山王。D24 蘇丹王～最普遍的品種，個頭比較細，但產量多，很受大眾歡迎；果肉豐厚，口感綿密，色澤較淺，但質地較乾身；味道先苦後甜，帶有濃郁的奶油香；價格也較大眾化。貓山王～貓山王是馬來西亞特有品種，肉色呈深黃，口感綿柔，味道香濃，入口即化，是很多香港人喜愛的品種，宜放到最後才吃。除咗榴槤外，最吸引當然是凍海鮮，而且還有8款之多，包括：麵包蟹、挪威煙三文魚、翡翠螺、小龍蝦、加拿大鱈場蟹腳、凍熟蝦、凍熟蜆及藍青口；朋友主力攻鱈場蟹腳，貪佢肉質鮮嫩紮實又Q彈，而且含有豐富蛋白質；如你也愛吃蟹，就更加不能錯過了！而熱葷的選擇最多，包括：海鮮焗釀蟹蓋、榴槤四重芝士薄餅、香脆炸榴槤、日