浮生

Open Now

Now Closed

首先 壽喜燒烏冬 個湯接近無味 啲牛肉超級肥 完全唔合格 但係都要成$80另外作為一間Cafe 當然需要舒適嘅環境 但係店員不停勁大聲喺度傾偈 明明好幾個人 好得閒都做嘢好慢大角咀咁多好食嘅餐廳 真係唔使食呢一間

睇電視個下都流哂口水過幾日立即約埋個日本朋友一齊黎試下勁入味，勁好味呀！蘿白最入味其他配菜都食到廚師係放左心機去煮我既日本朋友都話好味服務都好喎見到果個應該係老闆娘 佢畫左d畫同寫左一d鼓勵說話係咖啡杯好靚 好正面 同香港人打打氣 如果客人都可以試畫就更正☺️一定會再黎

假期諗住試下佢好耐， 睇完comment好期待，但實際係名過其實。 首先出餐已經有d慢都明既，支持小店，都好樂意等。叫左三個餐，一個燒芝士定食， 一個壽喜燒，一個豆乳煲。 三個餐都好失望，真係好失望！ 首先係個定食燒芝士似係大阪燒 上到枱係凍既， 個飯團吾似係日本米， 望落吾係珍珠米， 似係mix左普通泰國米， 又乾又凍。🥲壽喜燒個湯超咸，料係正常。 豆乳湯真係不得了，咩味都無😤 我朋友最後食左幾啖就無再食，實在係名過其實。 總結，to be fair食物真係好吾好食， 係吾好食到吾想食， 仲要坐係度好大油煙。打咭食物擺盤好日式， 野飲咖啡正常，欣賞佢慢活。但大角咀有套多選擇😂。

因為之前見到餐廳枱數唔多，所以提早係OpenRice預約訂座。當日係平日，到達時餐廳已經坐滿，但冇人龍出現。原先想叫豆乳燒，但被通知所有鍋類已經售罄，唯有轉做鹽燒鯖魚配湯烏冬，配菜揀咗甜薯同糖心蛋。整體嚟講：環境舒適寫意，食物質素唔錯。如果想搵個放空休息既地方，係唔錯既選擇。

行過見到件採光不錯嘅cafe～🥓||定食 —— 生薑京蔥豚肉燒 $78||有冇人同我一樣好鍾意日式定食有好多配料好豐富嘅樣😍 咁多樣裡面個玉子燒最有驚喜！軟熟得來仲帶少少甜香！係食過數一數二的玉子燒～豚肉肥肉偏多，好香燒肉油香味，但醬汁偏酸，似係用醋做base咁，但配白飯係幾送飯🙂‍↕️白飯明顯係日本米，煲得好香，有少少驚喜的！🍜||月見壽喜燒牛肉烏冬 $86||整體係舒服嘅家常味，係想像中嘅壽喜燒味道，唔會過鹹，但烏冬嘅質地較粉&粗，唔太吸味，自己冇話特別鍾意🫣嘢飲方面叫咗Hojicha Latte 同埋 Espresso Tonic，都係小店cafe嘅質素～精緻但未到好好好驚喜咁✨

和友人一齊放工時間嚟到呢間鋪頭，環境比較舒適，裝潢亦都比較特別，有少少工地風+日式風！早前book咗位，所以一嚟到就已經reserve咗張枱。嘢食份量都幾啱啱好，叫咗個日式嘅壽喜鍋湯烏冬，肥牛份量有6-7片，加上一啲菇，豆腐，雞蛋，湯底比較濃味，烏冬算煙韌有咬口。龍眼蜜檸檬梳打相對較淡，但氣泡都足，同埋乾檸檬片幾特別，有陣特別草本嘅味道。其餘食物都幾用心，食物賣相好好，能夠增加顧客的食慾。定食可以免費加兩款配菜，推薦！

✧浮生✧大角咀小店，裝修日系，令人感覺好ʀᴇʟᴀx仲有打卡ᴄᴏʀɴᴇʀ位👍🏻食物美味~🍢日式他他醬配慢煮雞胸定食慢煮雞胸好軟，配埋他他醬，超好食 😍🍱味增燒豚肉定食配骨附腸、溏心蛋(+浮生桂花烏龍茶)燒豚肉好入味，送飯一流👍🏻桂花烏龍茶好清新，飲完可以再斟~🏡 浮生 (大角咀)📍大角咀晏架街8號地舖#美食可以令人開心💛 #堅持只食值得幫襯的✊🏻 #浮生 #大角咀必食

叫左兩個餐，加兩杯野飲，本身想飲茶但全部都話無，最後叫左cold brew 同埋 matcha latte - 食物飲品味道都正常的，但出餐實在太慢，個雞排全日套餐等左35分鐘，仲要遲過我地落單既都有野食，中途黎左個魚，似係落錯單。其實間鋪唔算大，三個伙計應該manage到，但由落單開始聽錯，要係咁重複，跟住又出錯餐，最後35分鐘先有得食，啲伙計全程理所當然咁。黎個價錢可以有好多其他選擇，所有野都普普通通，不會回訪。

浮生｜🪵日系精品Cafe | 大角咀美食今日為大家推薦一家由90+00後團隊努力經營的一間日式精品咖啡店，小店位於大角咀晏架街，主推日式料理及各類日式飲品。相對其他日式料理，浮生的整體味道相對清淡，以食材原本的味道為主。關東煮的湯底能夠味嘗出廚師的用心，詢問下才知道小店在湯底中不添加味精或雞粉調味。食物整體不錯，個人認為份量再多一點點就完美！🍲 鰹魚湯關東煮🐟 鹽燒鯖魚🍗 照燒雞排飲品方面比較有驚喜，鮮奶焙茶的茶香味濃郁，配上玫瑰拉花，完美開啓新一天！鮮奶抺茶（千歲之雲）其實都非常不錯，不過和焙茶對比之下，難免會有點失色！🍵 鮮奶抺茶（千歲之雲）☕️ 鮮奶焙茶（島根出雲）整體感覺很好，值得再來！📍 浮生 (大角咀)大角咀晏架街8號地鋪

🍽️浮生同🐯星期日放假，齊齊出動去大角咀行街，行到累了找了一間cafe☕️入去坐坐。店內裝修風格簡約，綠白色系配上原木風，有一種彷彿在天星小輪的感覺⛴️ 讓人感到放鬆舒適，店內播放着香港廣東話歌，氣氛輕鬆愉快😮‍💨🫘🍞十勝紅豆奶油厚多士($48)多士熱辣辣送上，多士邊焗得脆卜卜。而且紅豆🫘不會太甜，味道合適。甜甜的紅豆🫘配上咸香的多士🍞；暖暖的多士🍞配上冰涷的牛油🧈有種冰火兩重天的感覺🧊🔥🍵京都宇治Matcha Latte（$60🧊）這杯latte不像坊間大部份一樣只有甜味，而是喝到抹茶真正的茶香，茶味較突出，口感濃厚☕️多明尼加60%朱古力咖啡（$58🧊）飲品的咖啡味香濃，加上適量的朱古力味，甜中有苦，苦中有甜，味道剛好互相配合，入口順滑浮生若夢，偷得半日清閒🍃適合一個人🧍🏻‍♀️一杯咖啡☕️來放空亦適合一聚人👫🏻數杯咖啡☕️來相聚味道 : 🤎🤎🤎🤎🤍環境 : 🤎🤎🤎🤎🤎服務 : 🤎🤎🤎🤎🤍CP值: 🤎🤎🤎🤎🤍🍽️浮生 (大角咀)📍大角咀晏架街8號地舖

抹茶latte同關東煮都好味！🍵抹茶-千歲之雲（熱），$56Menu形容茶感最濃千歲之雲茶味的確濃，上枱果陣睇到抹茶隻色已經知道🤭（同某間杯「抹茶澀澀地」差天共地）帶有回甘🍵抹茶-若き日（凍），$58Menu形容較滑，帶抹茶甜味抹茶味都濃✿ 自家鰹魚湯關東煮，$56好入味，蘿蔔好腍，另外有福袋年糕、蒟蒻絲、竹輪、黑薯糕湯底好飲男朋友仲外賣左一碗返屋企比屋企人食✿ 鹽燒牛舌芯，$118牛舌芯必成細細舊，顏色比較粉。比較平時出面食開既牛舌覺得牛舌芯滑，唔嚡，有油脂香✿ 蒲燒鰻魚定食配蕎麥麵，$168雖然鰻魚目測份量比較少，很好食。汁入味，甜甜地。✿ 定食同關東煮各配2個小食糖心蛋、和風豆腐、骨附腸、玉子燒-

"浮生"平日去大角咀做野經過見到好多次, 吸引我既係因為鋪面白色配墨綠色, 感覺好似好舒服, 今日放假無乜節目, 終於入左去，一入去感受到日式木系氛圍🪵入去啲裝修簡簡單單但舒服, 剛好播緊我的至愛🥰"米津玄師"既Lemon, 幾好feel！我叫咗杯特色咖啡"日本和歌山梅子咖啡"🧉&"紅豆紅茶卷蛋"🍰，杯咖啡要先食個片梅子糖，之後先再飲咖啡, 又幾好飲喎, 天天熱熱地幾開胃👍🏼卷蛋既紅豆甜度適中, 都幾好味😋店員服務態度唔錯, 我飲梅子咖啡前, 個片梅子糖跌左杯入面, 店員見到即刻提我飲之前要先食片梅子糖, 仲立即俾多一片新嘅我😆👍🏼

經常會行過呢到，其實各方面都唔錯架！特別係野食好睇又好食，但因為半年前有位TB店員好無禮貌，所以就無再去了。今日見有1個鐘頭時間，就再入衝入去試下啦！見唔到個位無禮貌員工喎！反而請左好多靚仔靚女😝佢地服務態度唔同哂喎！親切友善好多，所以我就坐吧枱順便問下咖啡師一d咖啡知識，佢都好願意答我🫡有關咖啡選擇同口味等等。野食方面也比之前更有水準，好注重細節和品質，睇得出係用心製作，係視覺上的享受，老婆大人都話打卡一流👍

話說早排係奧運收工經過呢間cafe，望落個feel都文青type🧏入面啲位都幾闊落，就打算入去放鬆下開門第一下已經覺得環境唔錯，空間感幾足，同女朋友搵左個位坐低🪑本身以為cafe都係食環境，對於野食冇咩特別大期望，隨便叫左個牛肉飯加骨附腸🐄同厚燒玉子點知係我諗得太簡單😌😌個飯勁好食啊親😍首先，牛肉既分量係足夠既🐄絕對滿足到一個正常男仔既飯量🤤而味道方面都無點馬虎，牛肉味比想像中要濃厚，甜味都唔會搶曬位。真心送飯係一流😂😂😂然後到骨附腸，呢個不得了😌本身以為會勁hea叮兩叮就算，點知咬落去係爆汁😭😭好意外😳😳😳差啲連骨都咬埋，至於玉子就真係玉子，正常發揮食到所有野都乾乾淨淨🤣🤣🤣少尷女朋友叫左個抹茶cake嚟食，睇落去份量都足夠，試左啖覺得唔錯，對於抹茶比例既把控做得幾好，唔會入口都係苦味，反而有陣幽香🫶最後想坐多陣既😂不過見到都好多人開始等緊位，拿拿聲起身走人🫠🫠🫠正既，值得二刷🤤浮生如夢轉瞬逝，人生匆匆總難留

~ Hojicha Latte~ Oden•I recently tried the oden and hojicha latte at Cafe Wander, and the experience was quite satisfying 🤍. The oden, a traditional Japanese hot pot dish, showcased a well-balanced assortment of ingredients, including fish cakes, radishes, and konjac, all simmered in a flavourful broth 👍🏻. The dish was comforting, with each element maintaining its distinct taste. Moving on to the hojicha latte, it was a delightful blend of roasted green tea and steamed milk ☕️. The hojicha’s nutt