船長意法日餐廳 (Closed)

都有一排冇食火鍋放題，元朗有一間唔算開咗好耐嘅火鍋放題店，次次經過都見到入邊滿座，見到價錢又唔算太貴，就一於試吓。餐廳內外餐廳嘅設計以左邊為座位，右邊就係自助區，位於位之間都冇隔板，所以一眼就望晒所有嘅座位，同一般食任食嘅餐廳設計格局有少許分別，建議可以加多少少排風口。食物選擇原來唔止食火鍋放題，佢係有晚市Menu，可以食普通晚餐，又或者雞煲放題，但我同女朋友就當然係食佢嘅火鍋放題啦，揀左$198可任食肥牛、豚肉及雞。自助區有前菜、炸物、數款熱食、火鍋配料區、甜品及飲品。前菜都係正路嘅中華沙律、螺肉等等，炸物有香芋球、炸蟹鉗，火鍋配料正路嘅都有超過10款丸類，有麵有響鈴等等，每款丸都試勻哂，當中有一款入面係年糕，幾特別。而甜品飲品數量款式都夠，唔少得有Häagen-Dazs雪糕任食。火鍋可選豚骨、番茄或麻辣湯底，或者加錢升級做花膠雞湯底、麻辣魚頭湯底等等，我哋就揀咗蕃茄湯，鍋底十分之大一煲，入邊亦足料，味道清甜，我就慣咗會再加南瓜落去一齊煮令湯底更加清甜。我哋揀咗$198為包任食美國肥牛、豚肉及雞。肥牛唔算肥，似牛肉片；臀肉就比較薄身；雞就係雞柳，由於蕃茄湯底夠濃郁，肉類都索汁，食落去

朋友請我食飯，朋友帶我黎船長打邊爐，$198任飲任食，除左打邊爐，自助吧有熟食、糖水、冷盤、甜品、雪糕，仲有唔少得既火鍋配料。火鍋放題滿2位，送海陸空機燒拼盤有3款串燒同雞翼，每人一串，自己燒，串燒已調味，所以不用加任何調味粉，已好入味，牛肉好軟腍，雞肉夠滑之後仲有個海鮮拼盤，超級豐富，有海蝦、鮑魚、蠔、蜆、魚，拎去燒黎食，真係原汁原味火鍋點左豬骨湯，湯底可見好多豬骨，成大舊好足料，我地主要食牛，所以夾左小小配料，有響鈴，魚皮、菜、丸、由其魚皮，仲係脆架。最後當然要食下甜品椰汁芋頭西米露，好足料，而且唔會勁甜，甜度剛剛好，最後最後一定要食埋雪糕先滿足，以餐真係好飽好飽臨走先記得未食熟食，唯有下次再黎食。

今晚係同閨蜜相聚嘅日子，嚟到元朗聽講有間乜都有得食，重點係平嘅餐廳。嚟到門口見到真係中餐西餐散叫或放題乜都有。原本我係想散叫，因為始終宜家呢個年紀已經唔係當嘅食物焚化爐。不過一入門口，已經俾佢個排場吸引左，因為佢個放題自助區真係好多嘢食。而閨蜜都表明要試爐端燒，所以我地嗌左198有牛肉食嘅set。打邊爐同爐端燒同時嚟真係好忙好攰，所以比較懶嘅我，發現佢爐端燒嘅爐個火喉幾好，掉晒上去，得閒反一反外，都唔洗點理唔洗驚佢燶。我地嗌左個沙嗲湯底，一上嚟好香沙爹味，又唔辣，好正。加埋佢啲牛肉又軟腍，真係絕配。雖然牛肉牛味唔係十分重，但係佢勝在滾極都唔會老。而燒嘢食佢就一開始上左豬牛雞同雞翼，佢啲串燒都好入味，唔錯。另外佢宜家做緊兩個人食就送海鮮盤，有鮑魚，大蝦，脆肉鯇，蜆同蠔。我係燒菠蘿愛好者，佢呢度都有生果俾人任食，而我就攞左啲菠蘿返嚟燒，好正，好甜爆多汁🤤呢度嘅選擇其實真係好多，除左燒嘅蔬菜類丸類，熟食都好多俾你選。就連嘢飲都除左雪櫃嘅汽水茶啤酒外，仲有果汁同花茶。最最最最最最重要係雪糕竟然有好多唔同牌子同種類俾你揀，真係淨係嚟食雪糕要試晒都飽左。所以呢個價錢，有咁多嘢食，性價比算係高。岩晒

元朗自助打邊爐嘅地方唔多，要搵到一間坐得舒服又有無限仼飲仼食就更加難🤦🏻‍♀️入到船長意法日餐廳有好新淨感覺，服務員細心介紹打邊爐嘅套餐。最後我哋揀咗B上級美國肥牛套餐$178 +1服務費。任食上級美國肥牛、雞肉豚肉、任飲汽水啤酒🍻、自助熟食同埋甜品🍰等等。🤤湯底方便都有好多選擇，例如：沙嗲湯底，皮蛋芫荽湯底⋯⋯特別啲嘅有花膠雞湯底+$38胡椒豬肚湯底+$38，而我就揀咗清清地嘅壽喜燒。 🌱熟食區推薦炸蟹鉗，蝦炒粉絲🌱前菜小食區推薦中華沙律🌱火鍋選料區海鮮好多海鮮，唔止剩係得魚同蝦！仲有鮑魚，蜆，蠔。而豬皮，牛柏葉，南瓜，芋絲都有。肥牛都算唔錯，幾夠牛味。🌱飲品區要比個like 竟然有 Hoegaarden 飲🍻飲返幾枝就抵返晒🌱甜品區雀巢雪糕、韓式雪條、山水豆腐花、芝士蛋糕等

眾所周知元朗多美食，約了朋友去試試這間船長。以前船長一直都是主打cafe食品，今次晚餐去到原來已經有一番新景象。現在晚市供應的是燒烤火鍋放題呢，真的意想不到。食物超級多選擇，肉是要用點的，可以自己選擇是要燒還是火鍋。雪糕雪條有很多款口味，還有mega呢！這盤海鮮拼盤很新鮮，有鮑魚、蠔、蜆和鯇魚腩，隨客人喜歡燒烤或火鍋。還有數串串燒和雞翼，燒的時候很香。小小烤爐，一嘗燒烤樂趣，當然要燒燒我最愛的菠蘿了！今頓真是歡暢！

去任食的餐廳，BI 好睇佢有無D高價的食物，因為食量唔大的關係，食幾樣貴少少，自己又鐘意的食物，咁就抵曬啦飲品方面，除左紙包，罐裝飲品，仲有果汁，同花茶，可以一壺壺自己沖，BI 覺得呢個位好細心，  因為唔係人人都鐘意飲凍野。貴價飲品有Hooegarden 支裝，大罐裝都有甜品有幾款，BI 就更係個雪糕櫃啦，任食Haagen Daz，有3種口味。前菜熱熏都有提供。D炸物都唔錯重頭戲就當然係火鍋啦，多款湯底同配料，BI 2個人選擇左一豬 一雞，肉可以免費追加，但我地2個女，要留肚食雪糕，就無追加。D肉質都唔錯架。最有驚喜 原來係2個人黎食，就會送一個海陸空拼盤有曬鮑魚啊，蠔同泰式串燒。一個價錢，2種食法！又坐得舒服，推介！

朋友介紹原來元朗有間餐廳夜晚係有打邊爐之餘原來仲有爐端燒🤩真係幾特別！餐廳環境比我想像大入到去，有啲似大排檔好熱鬧嘅feel，感覺都幾特別🤣服務員態度都ok，上肉都快！價錢大概二百幾蚊左右其實都幾抵食👍🏻可以食足120分鐘，都夠時間！一方面有打邊爐，包海鮮盤，都新鮮！👍🏻另外任叫肉類，出邊都有大把配料任取！食物都多元化，食到你飽為止🤣🤣🤣另一方面有爐端燒包雞翼及串燒肉類調味都出乎意料之外好味！👍🏻我覺得另外一個驚喜竟然有外國樽裝及罐裝啤酒仲有Häagen-Dazs雪糕真係好啱一啲鍾意飲酒嘅人傾計Hea下！👍🏻👍🏻👍🏻

<爐端燒, 火鍋放題>就憑呢句吸引到我餐廳位於元朗最熱鬧嘅位置西菁街, 超方便啊我們點了$198一位的美國肥牛, 店員細心地解說食物的種類, 點了甜甜的日式壽喜燒湯底兩位即送海陸空機燒拼盤, 內新鮮海蝦, 鮑魚, 硯, 蠔及魚肉, 鮮味十足爐端燒: 串燒拼盤內有已腌製好的雞牛豬肉及雞翼串燒, 燒好就食得, 簡單方便火鍋放題: 店員送上的美國肥牛出乎意料的好, 肉質肥瘦均勻, 屬高品質的美國牛, 雞肉嫩滑, 豚肉是必食之選除此之外, 火鍋自助區的選擇亦出乎意料的多,包括有整齊排列的蔬菜區, 百花齊放的丸類區, 還有不能少得的魚皮和響鈴都出現在我眼前, 頓時間心跳加速另一邊廂, 亦有熟食自助區, 大概有數款的選擇, 客人可一邊等食物熟既同時又可以有其他熟食食住先, 可見餐廳的貼心安排值得一提的是這裏的飲品選擇多達十多款(見圖), 還居然有我honey喜歡的啤酒, 頓時間令他龍顏大悅一頓完美的晚飯怎能少得了甜品? 雪糕正是炎炎夏日的必需品, 這裏的雪糕提供了多元化口味哈根達c的小杯裝, 以及其他各樣的甜筒和冰棍, 為這段性價比極高的晚飯畫上完美的句號評分如下:食物質素: 餐廳

入到元朗唔知食咩好又貪心咩都想試， 終於俾我揾到呢間火鍋放題任食， 餐廳有3個肉類主打plan.A) 雞肉+豚肉 $158/ $168(六日&假期) B) 上級美國肥牛 $178/ $188(六日&假期) C) 美國牛頸脊肉 $228/ $238(六日&假期) .我揀左B 同埋蕃茄薯仔湯底之後就出去自助區揀食物， 食物選擇非常多，有熟食區， 沙津Bar, 火鍋配料有鮮魚片，大蜆，基圍蝦，多款肉丸，林林總總嘅蔬菜等等，眼闊肚窄嘅我，見到鍾意嘅就夾一舊。.真心評價： 呢間火鍋放題CP 值高，地方闊落都坐得舒服，路經元朗值得一試！~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$178⏪回頭率：80%~~~~~📍船長意法日餐廳元朗西菁街10號好順泰大廈地下30號舖~~~~~

住元朗嘅朋友，特登打電話來強烈推薦，叫我入去食好嘢，話嚟到先至話我知，故作神秘，心諗，有乜嘢咁巴閉？😀咦！原來係呢間船長火鍋，火鍋加爐端燒🔥，都係百零元起，任飲任食120分鐘，唔係卦？😳先來湯底，薯仔蕃茄湯，仲有串串燒，海鮮拼盤，真係睇見都開心🥳肥牛，雞肉，好快就為我地送上，坐得舒服，空間感夠👍🏻店員細心介紹路端燒的用法，為免燒濃，要定時加水在旁邊，原來係咁嘅，海鮮尚算新鮮，雖然種類不算太多，但係咁嘅價錢，已經物超所值😬路端燒嘅好處就係自己控制火候，好有成功感和滿足感，我覺得自己其實煮嘢食都有返兩度😬睇吓我自己燒嘅鮑魚，燒得幾靚，真係有圖有真相㗎😂火鍋自助區，應該有嘅配料都應有盡有，而且十分新鮮，擺放整齊😍一輪衝鋒之後，梗係要煮返個麵食，我覺得佢哋呢度個生麵超正，加埋啲蕃茄湯底，我足足食咗兩個👍🏻👍🏻👍🏻飯後甜品都好多選擇，名牌雪糕、雪條，任君選擇，服務員效率亦十分高，值得一讚👍🏻最後埋單人均消費都係$200左右，真係超值舒適又好味，冇得輸😬

同一個好耐無見的舊朋友相聚。由於他有事經常不能出外食飯。為了方便他。去到他樓下一間火鍋餐廳相會。船長火鍋改得幾特別的名稱。見到他們有牛頸脊任食$2xx算平。入到去室內環境好闊。樓底有高。沒有一般火鍋店的局促。再詳細睇下任取的款式。包羅萬有。烏冬一般都有。好難得有韓國公仔麵。丸類腸類眾多。數不升數。還有一般基本海鮮類再詳細睇下任取的款式。包羅萬有。烏冬一般都有。好難得有韓國公仔麵。丸類腸類眾多。數不升數。還有一般基本海鮮類飲品更是種種普遍性的。想飲的一定有.有些意想不到都可以飲到薑母茶。真心估不到。還有甜品雪榚。西瓜🍉菠蘿都多不勝數。冷盤的螺肉亦新鮮我們邊爐鍋底也是我最愛的豬骨鍋。本人喜歡牛頸脊。他們的牛極新鮮。入口即化。實屬優質之選。

今日去咗元朗呢間餐廳食火鍋放題一入到去已經見到人山人海晚飯時間都差不多全部滿坐好少見到放題嘅地方可以坐得咁舒適我哋揀咗美國牛頸脊肉仲免費轉左花膠雞湯底添啊除咗火鍋之外仲有唔少熟食我就首先拎咗啲前菜同沙律仲有唔同的炸物每位客人仲可以送飽魚同青口但係鮑魚冇貨嘅關係所以送咗幾隻扇貝海鮮來講我覺得最好食嘅係趣肉魭不過唯一的就是火鍋配料款式唔算太多但係嘢飲方面竟然都可以啤酒飲任飲呀唯獨甜品方面就有好多款選擇紅茶冰條最好吃

家庭日約了阿媽同囝囝一齊去元朗搵食，朋友介紹我去這間船長餐廳，地點就腳在元朗千色店附近，打邊爐任食火鍋放題＄178店員介紹有四種價錢，囝囝比較鍾意食飯所以我們叫了C款$228，同時也可以吃B及A款(有豬、雞、肥牛），湯底也有10款俾你選擇，我當然叫最出名的麻辣鍋啦船長餐廳唔單止有火鍋，另外還可以單點叫小菜，但見大部份人都是吃火鍋。可能是食物款式夠多可以選擇，熟食食物有10款，火鍋配料也有30種，又有沙律吧，雪糕櫃(雪糕雪條也有10款），甜品櫃有三種甜品（芒果布甸、士多啤梨布甸、山水豆腐花),飲品都有10種，鍾意飲啤酒嘅人便發達了可以任飲。 上菜速度快一會兒已經送上一盤鮑魚，牛頸脊入口軟綿，美國肥牛牛肉肉質帶點油香，服務員主動走過來問需要加牛嗎？非常熱情這點已證明船長火鍋不會刻意扣單或拖慢提供食物，香港地今時今刻食放題很少會咁好服務。

今日久違咁同朋友去元朗打邊爐，呢間嘢係大棠路站行大概5分鐘就到，位置係千色後面，非常易認。今次同朋友叫左豬骨湯做湯底，配牛雞豬肉。豬骨湯超乎意料地濃，無味精，飲完唔會口渴，仲有大大塊豬骨係湯入邊面。甚至加湯唔係加水，而係加返豬骨湯俾你，真材實料👍🏼👍🏼一開波會上兩隻鮑魚，每隻size有半個拳頭咁大，而且非常新鮮。肉類方面雞肉最岀色，非常嫩滑。而豬肉非常薄，好快就熟。牛肉有牛香味，不過佢屬於厚切，好有咬口但就唔會話好淋。除左肉類係逐碟搵職員落order，其他都採取半自動形式拿取款式上唔算特別多，但勝在貴而精，牛丸越重牛肉味，蟹子丸都好香，丸類口感唔會話咬落好粉感。除左打邊爐，店內仲有唔少熟食可以試下，有炸物，亦有中菜，打邊爐打打下中途都可以轉下新鮮感飲品種類唔算特別多，但應有都有。荔枝烏龍茶完全岀乎意料嘅口味，荔枝味重而香。仲有啤酒可以比大家飲tim雪糕種類多，都係常見嘅系列。不過最特別係呢間有Mega雪糕、兒時最愛嘅朱古力牛奶樂同黑牛🤤店員都非常nice，好勤快，會主動幫手加湯，收碟速度都好快。

喺元朗附近想拆餐勁，當然唔少得船長餐廳!今日同屋企人四人行，喺船長餐廳食咗勁多嘢勁滿足。。🤭店舖唔算好大，除咗基本打邊爐材料之外，熟食都有好幾款，仲有好多款飲品同甜品㖭!🤭熟食都幾好味，四個人食咗好多蜆同蝦，蜆冇沙又炒得好味! 🙌 啲蝦大大隻，新鮮彈牙。🤤肉類可以不斷加，另外仲會畀你試下雞肉同埋豬肉。不過我都係鍾意牛多啲。。🙈 用嘅質素唔差，都算新鮮。另外仲有海鮮可以拎，大力推介蠔! 😍 大大粒肉，新鮮又鮮甜! 正😍 蠔迷上身。😋個人覺得甜品真係多得太緊要! 😂除咗有幾款雪條甜筒之外，仲有雪糕三文治豆腐花等等，仲有自家製糖水同埋甜品杯!甜品控一定失控! 🤤🤤 甜品杯味道唔錯， 唔會太甜太漏。