牛芳百世 (Closed)

放工好夜，尖沙咀都無咩好食，但就比呢間店名吸引，而且有飯有麵，實揀到想食既！呢間店明顯就係專賣牛，係主打，所以抱有左期望，但我地錯了。呢個時間限量牛的部位都無嚕，友人叫左清湯牛腩米粉，而我想點ge茄湯都無，見到餐牌上鹽香雞好似係該店拿手好菜，就點左！友人個麵到先，賣相都幾好，但牛腩係好好好普通，湯偏淡，六十蚊碗麵，都幾失望，至少唔好輸個湯丫...樓下麵店三十多蚊仲好食多多聲，仲話專食牛，實在...🤦🏻‍♀️但其實我個飯仲慘，改錯名，或者係取巧，應該叫白切雞飯，係同白切雞飯無分別！！！呢個真心嬲！仲收52蚊，無下次。

點了坑腩河，一碟芥蘭來到看見碗麵冇晒胃口！坑腩看似餸頭餸尾，牛碎無乜肉得啲坑仲要得大概五小粒碎坑咁就收$65，一點都不值！店員看見我沒有吃碗麵，湯也被河粉索晒，問我需唔需要加點湯，我說不用了，心想巳沒胃口，吃完碟菜，碎牛只試了一粒就埋單。店員話因為坑腩炆得太久所以散晒，不如換一碗俾你，我心想，既然你說換一碗俾我，點解第一碗麵會俾餸尾碎牛給我呢.....當然我不接受，説埋單就算了。我第一次寫食評，特登login去寫！既然牛炆到爛晒why u still serve on the dishes？

呢篇係我第一篇係OpenRice 既食評，因為我真係好懶寫野，但呢次真係唔講唔得叫左個牛腩牛丸雙併清湯米加碟腩汁生菜，可惜冇影相，但呢間鋪頭用豬肉丸扮牛丸，因為係白色，食落都肯定係豬，呢樣野好唔得，餐牌上都冇豬肉丸，點解會俾錯？如果係人地送錯貨，做廚房都唔識分豬牛？重有個湯，明顯係唔夠味，落味精同黑椒，因為我好唔中意食黑椒，而且個菜都係用同一隻湯碌，菜又特別食到個湯味，肯定係加左好多黑椒！不過就算難食....佢開呢個位都大把有得做.....早知去對面食米線都冇甘浪費quota 😑

滿心歡喜去試佢既牛坑腩咁既價錢食碗面佢竟然比左碗牛碎我！見到碗野完全係呆左仲好天真咁上openrice search 佢間野啲食評相睇下啲牛坑腩真係咁肉酸睇完仲嬲 人地相個啲係好正常既～我一啖都冇食到啲員工態度差到爆講完～冇下次

今日三點鐘要喺附近上堂，所以決定出黎睇下食咩好， 行行下見到門口呢碗牛腩麵，再睇埋D文字介紹覺得好吸引就決定入去～我係大概一點幾入黎，呢段時間係全日精選，另加飲品就計半價。如果下午茶的話，就會送熱飲一杯，抵D～一場黎到，當然叫限量供應喇詢問之下，好彩賣剩牛坑腩！yeah！即刻落單叫碗牛坑腩米線+熱檸茶～好彩叫得快喳，叫完無耐己經聽到員工話賣曬!!!牛坑腩份量挺多，全部腩肉帶筋，煮得非常軟腍，基本上一入口不用咀嚼己經鬆軟，而且牛味十足 ! 蘿蔔大大舊，超級鮮甜！反而湯底味道無想像中錦濃郁，清淡而不膩～

📢冇下次嘅餐廳😭➖➖➖➖➖➖➖➖➖➖➖➖➖➖➖➖➖➖好小比負皮嘅男女小編都忍唔住啦😡每次經過都比餐廳個名吸引咗，好想試下結果就中伏啦😪因為飽飽地嘅關係，所以諗住睇下menu先入去，企咗係門口一陣先有店員問幾位，咁就梗係問佢拎menu啦，但店員嘅語氣比我地感覺就唔係咁好😒#崩沙腩米線 ($70)😋好味指數：(5/10)+3$湯底改秘製咖哩汁🥘呢個係全日精選，可以自己揀要咩麵同配料嘅😚加3蚊轉咗咖哩湯底，結果嚟到係一碗咖哩崩沙腩同清湯米線😅(可能平時係屋企樓下食嘅咖哩牛腩米線，係連米線都有一碗好濃嘅咖哩湯，所以誤會咗😩)崩沙腩大約有七八舊， 有啲崩沙腩比較淋，而有啲就比較靭😵碗米線嘅分量偏小，基本上好快就食晒😞#煎墨魚餅 ($45)😋好味指數：(3.5/10)一嚟到見到同平時食開嘅墨魚餅唔同樣，賣相都幾吸引👍🏻咬落去都幾彈牙，可惜塊墨魚餅真係好咸，連平時中意濃味嘢嘅女小編都頂唔順😑不論墨魚餅有冇墨魚味，都已經食唔出了😑

又到食午餐嘅時候，正當諗緊食咩嘅時候，老闆提議我去牛芳百世試下佢哋嘅崩沙腩或者坑腩，仲要係跟咖喱汁及大辣。去到鋪頭，八成座位已滿，坐下之後，我點了咖哩崩沙腩（中辣），同事點了咖哩崩沙腩（小辣），小辣的咖喱汁明顯比較稀，而我的中辣咖喱醬汁比較杰身，兩種辣度，確係有一種距離，吃完中辣後，肚子裡覺得有點慶，至於崩沙腩，我覺得有點失望，沒有那層滑滑的膜，不夠滑。由於家裏自少便可以吃到媽媽煮的咖喱崩沙腩，所以對於崩沙腩有一定的要求，而這店亦以「牛」為主打，收費唔平，希望將來會有改善。

呢間牛芳百世真係唔得! 從來好少寫負評 但不吐不快 人地唔知嘅以為叫咗清湯蘿蔔加牛腩絲 份量少到過份！ 普通牛腩 又無牛味 個湯又鹹 ！真係嚟一次就夠了 無下次 無下次 無下次 離哂大譜的一間店舖 !

放假同我家大爺出左尖沙咀行街,行行下比呢間叫既小店吸引左,大家都行到有d餓就決定左試試佢入面既裝修簡單得黎幾舒服,全部都係木製既枱櫈,坐落亦唔會好迫佢地推介既係牛坑腩,仲要分時段限量發售,見有得食當然要試試佢啦我揀左清湯牛坑腩跟飯,其實除左飯之外仲可以跟粉麵,但侍應講到個湯底要準備十多個鐘,所以我就用飯黎試真佢啦湯底的確好濃牛味仲有d蘿蔔既清甜,唔係好似坊間既清湯淡而無味,牛坑腩鬆軟唔un,👍🏻👍🏻👍🏻大爺就試咖哩牛根腩,原來都同樣出色,不過唔食辣既就要留意喇,因為咖哩都幾辣另外我地叫左個上湯菠菜,感覺就無乜特別,不過不失啦下次試埋佢既其他小食推介先☺️

每次經過金馬倫道，都留意到「牛芳百世」的招牌，一直都想試一試。香港到處都有得食牛腩，在眾多比較之下，要脫穎而出就要有特式。它的價錢絕對屬於「高級」，但是食物質素又是否能夠做到「高級」呢？坐位其實都幾擁擠，同普通茶餐廳無異，亦要搭檯。點了一碗普通的牛腩河，一碗崩沙腩米線。招牌牛腩河，其實都只是一碗普通的牛腩河，完全感覺唔到如何招牌。湯，十分平凡，完全想不到可以如何評論。河粉，本人要求不高，只要不是斷開就已經滿意，它亦能做到，合格。蘿蔔，沒有苦味，沒有根，亦算腍，算不錯。至於主角，牛腩，不會痴牙，炆得不算十分腍，不算特別出色，勉強高於平均水準少少。一個人平均要$76.5，「高級」的價錢。整體而言，食物質素高於平均水準少少，但稱不上「高級」。不值得付出「高級」的價錢，去食平均水準的食物。

只有更失望，失望到第一次打劣評，一次比一次少牛，一次比一次無牛味。去過兩次，但以後都唔會再去呢間垃圾。BLACK LIST1.料極小2.主打牛，但無牛味（第一次去時覺得好正）3.價貴

牛腩周圍都有得食，但牛面頰就唔係度度有發現呢度有，就梗係嚟試吓啦，加上睇過幾遍食評都話主打嘅牛腩唔得，就試其他嘢啦先試湯底....嘩!!勁咸😖再食牛面頰，唉~~~(我食過好幾次牛面頰，都係炆嘅，好好味，好冧，好膠，骨膠原的膠。。。鍾意食牛面頰都係因為佢好多骨膠原，好槳口)但呢度可以整到個牛面頰完全冇哂膠質，變返牛腩嘅感覺，簡直係嘥料~~仲要係唔冧嘅牛腩，係韌嘅🙄河粉係滑嘅，不過蘿蔔有渣, 另帶一提，枱上沒有醬料供應，要叫人攞的總括，$60一碗麵真係幾貴，重點係唔值

今日打8號風球好多系尖沙咀嘅餐廳都冇開門, 眼見呢間牛芳百世竟然有開, 門口又貼住吾少明星黎過嘅相, 於是就決定入去試下我叫左呢個招牌極鮮牛腩米線($60)一碗粉黎講60蚊又吾太大碗又吾包野飲真系幾貴!米線啱啱黎到嘅時候眼見牛腩件數寥寥可數少得可憐同個職員講翻之後佢就加多幾件俾我, 服務質素唔錯之後碗牛腩米線先似翻d樣~牛腩果然系餐廳嘅主打, 名不虛傳牛腩難得地一d都吾韌或吾太厚, 好淋好好味 吾洗怕難咬或者痴牙😆牛腩吾會太肥, 湯亦冇好多油蘿蔔亦非常入味值得推介🤤唯一要挑剔嘅系份量真系有d少牛芳百世嘅價錢偏貴單叫蘿蔔都要40蚊🤦🏻‍♀️呢個價錢系其他餐廳可以食到一碗麵啦相比起lunch, tea set就抵好多!大概30幾蚊就包埋野飲睇黎下次都系下午餐時段先黎食啦

本人好鍾意食牛， 次次經過呢間嘢都想入去試一試 ， 聽講有好多牛嘅部位都有得食 ，今晚放工終於有機會去會一會呢間食牛專門店 。平日夜晚食飯時間都仲有位，價錢真係唔平，普通一個牛腩麵都50幾60蚊。我就叫咗個清湯腩米，再加碟通菜咁就七十幾蚊。 可能期望越大失望越大 ，講真真係冇乜特別， 啲牛又唔係特別好味， 啲牛腩都有啲韌， 真係幾失望， 個湯又唔係特別鮮甜，完全唔值呢個價囉， 相信好多二三十蚊嗰啲都好食過佢，真係試完一次冇下次。

尖沙咀衣間｛牛芳百世｝一開店既時候都幾出名 排哂隊去試食咁 所以對佢印象都幾深～襯佢開左一排開始少人唔洗等就去左試一試👀睇下有幾正要牛芳百世😂入到鋪面都幾簡單乾淨既 侍應都幾好 問佢邊款牛好食佢都有推介 今次就叫左個瘦啲既牛腩麵食～牛腩就無想像中咁正 反而係個湯同埋啲蘿蔔真係幾正！非常惹味香濃 而麵既軟硬度就偏硬少少 但因為我中意食硬啲既麵 所以覺得幾岩我！ 蘿蔔入口即溶～另外朋友叫左個鎮店之寶既鹽香雞麵～ 但啲雞好一般 唔滑 同埋味道好淡 同白切雞好似無咩分別咁 唔推介比大家啦～總捨黎講就比想像中覺得一般 而且價錢一啲都唔平 兩個人食碗麵都用左差唔多200蚊～ 真係有少少貴 而且啲主打既菜都無想像中咁好食