牛芳百世 (Closed)

經過過無數次想食，終於同男友一齊去試下。因為有崩沙腩同唔同腩位，所以都幾期待。點知服務一般，落單時唔耐煩。最中伏嘅係個兩碗清湯腩……我叫左個牛坑清湯腩粗麵，男友叫左個崩沙清湯腩飯。一上菜，個碗好大，好多湯。牛腩呢？4粒仔…… 嘩~ ＄7x仲未加一嘅一個崩沙腩飯真係少到眼都凸。仲要冇肉嘅…… 到牛坑腩麵，都係多湯，牛腩係碎嘅4粒仔。最過份係，一碗兩大舊蘿蔔放底，另一碗得一舊。＄40嘅雞翼都係伏，得4隻……味道非常一般，根本同好食拉唔上關係。啲湯好油，牛腩冇味，就連辣椒油都唔辣。水又冇杯…… 焗人叫嘢飲。雞翼就冇特別，但一定唔係自家制，只係有泰式辣醬點下嚟食。兩個字：唔掂連外面＄30一碗嘅都好食過呢間。

叫了碟牛餐咖哩牛肉飯，飯超多，餸超小又硬，最慘是汁都唔比多D，飯只食了一半已無餸無汁！檸檬茶得2片薄薄. 一係收貴D比好D質素啦！第一次忍不住寫食評。名叫牛芳百世，仲以為D牛肉會好正，但感覺有落鬆肉粉。無下次

咖喱牛腩飯， 男人既浪漫。幾個月前，尖沙咀金馬倫道開左間專食牛腩的餐廳，個名幾攪笑，叫牛芳百世。午餐時間總見到滿座+幾pair人在等， 而且店外貼滿雜誌專楝介紹，令我同同事忍唔住好奇心入去開餐。餐廳內裝修簡單， 接過餐牌後。招牌牛有崩沙腩／爽腩／牛坑腩。（限量供應）剛好今日仲有崩沙腩， 就叫一個咖哩崩沙腩飯。因為除左牛腩， 專欄都有介紹佢地個咖喱。一上檯就聞到好香咖喱味， 係我中意果隻有辣油，好濃咖喱粉味果種。薯仔都拿捏得岩岩好。 唔會一夾就爛但食落去係好淋好粉。牛腩大概5,6舊, 肥瘦適中， 好有牛味， 咬落去仲有肉汁。間唔中浪漫一餐真係好過癮。

Tea time 過開黎喱邊買野，見喱間牛芳百世個名好似好架勢就入黎試試係味真係甘架勢先啦🤗位置逼吾緊要， 但有位女侍應服務都幾差 有時食物好食服務差都未必會再黎！有幾款搭牌牛腩我個個時段就無話要6:00後先有，甘就試佢個牛腩啦！我同友人就揀左咖哩牛腩，咖哩汁味道不錯但有點過油， 牛腩就無乜特別，可能食前期望太高🙈 但都不過不失

去了咁多間米芝蓮餐廳，都唔會有衝動寫食評，今次係第一次，大家R爆頭，茶餐室啫，點解咁睇唔開？簡單來講，「唔衞生」、「唔好食」且「唔係平」，但係點樣衰都唔及佢嘅服務態度，真係「唔掂」！話說我叫咗個招牌牛腩（$60）連同幼麵，西洋菜和熱檸樂，共$99。麵來了，嘩，得幾「條」仔牛腩，奀過鬼！西洋菜一樣份量好小。d肉又鞋又韌（招牌牛腩已經係咁，普通牛腩唔知會點？）再望真d，😱點解舊蘿蔔上面有隻蚊滋？！我即刻叫戴眼鏡嗰個「阿姐」過來，佢一句起、半句止（目無表情的）：「同你換過舊蘿蔔」What? 換舊蘿蔔？「不用了」我見湯內無蚊滋，不吃蘿蔔便是了，點知.... 😱😱又有頭髮？！我再叫四眼阿姐過來，佢依然係一句起、半句止（目無表情的）：「我嗱張 tissue 俾你」月(俾你抹走筷子上的頭髮）What? 難道客人自己無tissue咩？最離譜仲係個老闆，聽到我投訴後，只係「求其」上前問吓個伙記：「咦，你無換個碗麵俾佢（指我）咩？」個四眼阿姐一語不發，呢個老闆亦好少理，企咗响度一陣，跟住行出店外！😤 到我埋咗單先見佢返入店內，繼續「扮演」同嗰個四眼阿姐對質：「乜你無換個碗麵俾佢咩？」視線一直廻避我，直至我

今日見到呢間嘢牛腩拎獎，就特登走入去試下好唔好食，入到去坐低之後個職員話崩沙腩多肉D同好食D，同埋其他牛腩都賣曬，得返崩沙腩，我就叫左個崩沙腩試一試仲要聽佢講話要咖喱因為會再好食D，如圖所示，右上角碗就係崩沙腩，一放上檯面嗰下我以為剩係得咖喱汁，然後我撈左幾下只係見到幾條只係大條過肉絲小小既崩沙腩，當堂覺得中左伏不過既然佢拎得獎，呢個份量如果好食都冇乜問題，咪即刻試下好唔好食，一擺落口D肉鞋到乜咁，仲要咖喱汁連大家樂都不如，肉質黎計連香港仔魚蛋$3x既牛腩河都好食過佢，呢碗嘢收$78（連薄餅）唔知佢點解可以收得落但反而圖中既清湯牛尾反而覺得正常好多，份量都大份$52 也可接受，清湯同牛尾既味道都唔差，如果食既話食牛尾係一個唔錯既選擇，但中左個崩沙腩個伏真係唔會再想去第二次

一個字---渣,我去到坐低之後，睇下個餐牌，見d牛腩粉面，全部都係六十幾蚊，咁咪同個侍應姐姐話我要瘦嘅牛腩，佢介紹我食崩砂腩，但食咗之後，失望，冇咩牛味，肥油多過肉，有2舊係全肥，吾好食，又肥貳，最後食吾晒不特止，食到有d反胃。而碗牛丸呢，d味仲渣過筲箕灣東大街間安利大排檔，安利d牛腩同牛丸好食過佢，價錢又抵過佢，以後完全可以吾使再幫襯佢，試過就算，一心諗以後多個地方食牛腩，點知.......唉😣😣😣............渣渣渣👎👎👎。我仲叫咗個西洋菜，得個小小，仲衰過生龍清湯腩

在金馬倫道的牛芳百世吃湯物今天三餐在外真要有點要求才是雖然食評多數提他們的牛肉或牛腩叫一個墨魚蛋河算較為經濟的一款初來埗到小心也小心眼怕被搵笨問我是不是清湯沒想到他那末認真歡喜地同意來了這木碗相當清爽的湯粉誤以為是牛肉麵的高湯一位專家似叔叔說是大地魚湯怪不得連他的辣椒油也重視起來忙試味相得益彰很對配大地魚湯水加極品椒醬河粉也嚴選很意料之外的一餐墨魚蛋雖是普通的水準但湯汁精彩每條粉都好味一大舊白蘿白非常適合晚上清清地又一餐40$

本来对于连锁店没有抱太多的期待，就像池记云吞一样没有地道小店好吃，但真的超乎我预料的好吃。很少把主食吃完的我竟然吃完一碗面，招牌牛腩粉好好吃。因为口重所以索性都浇进去一起吃了味道好棒

聽講有好正既牛腩 係附近搵LUNCH地方 就揀左依間牛芳百世 我的極品牛爽腩 $63揀左咖喱撈粗 仲送清湯一碗(幾正) 佢地既秘製咖哩食完吾會太重口 幾推介 爽腩姐係有筋位既牛腩 食落爽口 牛腩吾會太韌太淋 肉質ok 撈粗沾滿咖哩汁好滿足 麵條上有啲染上紅色 吾知係醋定係咖哩既紅油呢? 但無影響 牛腩大約6舊 食完成個麵都幾飽 但麵量對男生而言應該吾夠 另外薯仔帶酸味 63蚊都頗貴但我會再encore其他牛腩同埋必點撈粗PS 吾係牛腩專家

成日經過, 今日放妟咗又仲開住喎入黎食番次支持下先... ☺️ 質量只確係比平時精細企理啲, 牛味肉質一切都幾好, 只係略嫌招牌牛腩稍為靭咗啲; 河粉品質唔錯, 覺得佢地夠認真選料, 煮得剛好 仍有口感 唔似平時軟泡泡勁冧哥啲 hea 嘢, 我不知不覺間食曬; 咖哩香料足 香得黎唔辣 入口恰好, 牛面林滑, 入口就覺得好在有試唧; 係爭在菜芯食到尾哥幾條略帶苦味唧~ 😌 Btw, 食完响的玩電話時... 見到原來做緊團購... 我比正價 個心 碎了... 😂🙈

見尖沙嘴開咗間食牛腩新店，裝修唔錯，自己又係牛痴，下午茶時間同女朋友去試下。負責收銀嘅老板叫我哋入去坐，行多2步有個呀嬸好無禮貌咁叫我哋：「你出去先」，咁我哋就話有其他人叫我哋入嚟喎，佢仲凶我哋：「邊個叫你入嚟？」審犯咩。咁其他侍應見唔對路都叫我哋坐低，當時又唔係多人，又唔係無枱，問唔係問題，但咁惡對客真係唔舒服，成件事好無謂。食物方面，叫咗個牛腩河，女朋友一個牛尾河，兩樣都好硬好黐牙，唔好食，20蚊都唔會再食，佢重要收60蚊。貼錢買難受。

今日要去尖東上堂，上堂前見仲有d時間就食d野先。經過呢間牛芳百世，比個店名吸引左，就決定入去食啦。叫左個招牌牛腩河粉。等左一陣個河粉就到啦。個碗好特別，似係木碗。一開始試左啖湯，好鮮甜啊，湯底好正。蘿蔔都幾好，好甜。但個牛腩令我失望，份量少之餘，好硬，好"鞋"，58蚊食呢個牛腩河真係覺得唔抵。好彩服務態度好好，都加翻d分噶。

有啲嘢做要過美孚，到晚飯時候，即刻諗起尼到。已經大半年冇來，住響港島，又真係唔會特登揸車嚟食一碗牛腩。來到八點鐘，已經坐滿人，剛剛有一張枱走，真幸運🤗。未攞餐牌，就已經即刻問有冇佢馳名嘅崩沙腩，可惜響5分鐘前買埋最後一份😢大家有機會來一定要試吓，真係唔多地方有佢咁好食👍🏾跟住諗都唔使諗，就即刻叫我第二最愛，淨牛面珠，($68)：比起牛腩，佢嘅肉味重啲，最緊要係小肥，真係可以番食再番食👍🏾 基於想食多幾樣，所以叫左「細」淨食，但奉勸各位，要叫就要叫「大」嘅。因為細嘅size, 價錢只係平大嘅大概三份一，但係分量就小多過一半！跟住就叫左淨坑腩($88)和淨爽腩($90)坑腩賣相一般，但好夠肉味😋：而我不嗜肥的關係，爽腩嚟到，見到肥羔多過肉，食慾大減😔再加個淨牛丸($42)同淨籮白($38)，仲有上湯西洋菜($22)。此處加個溫馨提示，佢地每碟餸都附上蘿白，冇需要特別追加，雖然佢真係好入味，個清湯更加一流👍🏾份牛丸入面有冇牛我就唔知，但牛味絕對充足，一讃食清湯腩，最憎就係食完會口渴，來呢度絶不用擔心😍嚟呢種食店，我明白地少，老闆一定想客人流量多，少不免明示或暗示你食完好快啲走，絕對能夠理解，

咖喱普通分量少，無特別吸引之處，且吃完後口乾舌燥。環境一般，如有攜帶行李箱或背包不建議入內，上菜速度也一般，麵類偏久。唯一好處交通方便，如果不挑剔且有時間的話，經過可以順便試一下。