中環茶記 (Closed)

冰室跟茶餐廳相比起來，從名字上不知道是情意結還是什麼，就覺得茶餐廳是我的菜，可能是最能代表香港的關係吧！再配合最近很多新開業的茶餐廳的菜式都是走新穎路線～這天就跟朋友於中環溫書後便到一家充滿霓虹燈的中環茶記！總覺得最簡單的菜式最能突顯該餐廳廚師的功架，所以就點了幾個茶記必點的沙嗲牛肉公仔麵、柚子檸檬雞翼、波羅油、鰻魚豬扒鐵板燒等，當然不少得要來杯龍鳳檸樂，一解炎悶的天氣！最好吃的是柚子檸檬雞翼、還有很巨大的火腿芝士蛋波羅油，狂中環來說，真的是性價比超高的一個選擇～

呢間新新地既茶餐廳，裝修上都幾搶眼，裡面有少少懷舊既感覺。今日相約university朋友仔黎食lunch。午市有套餐，我叫左粟米白焗魚柳飯，朋友就叫左海南雞飯。我個焗飯就偏乾身，d魚都焗得有d硬。朋友個海南雞飯就唔錯，d雞都滑身。下次都係唔食焗野，有點失色。

有些人食早餐，永遠都是有指定一間，雖然我明白大部分的早餐款式都是千篇一律，但我會試不同的。因為有不同裝修，可以欣賞一下東主的構思。亦同時可以欣賞他對餐廳的付出，是純粹做生意賺錢，亦或將自己理念集於一身呢？今天去了一間趨向懐舊餐廳，如果不是它的燈牌用LCD 燈焛下焛下來標奇立異這間餐廳，是絕對會走漏眼的。門面設計亦棌取懐舊概念。入面環境，比我感覺好似四十年代涼菜鋪，有條舊款菱形圖案構思。中間可以跳Ah gogo🤣早餐雪菜肉絲米粉加煎雙蛋，多士。熱檸茶。米粉口感尚算不錯，但湯就不大熱，因為一碗面，若湯不大熱，會影響其他配料，因大部分配料都是放上去。多士和蛋正常，熱檸茶，茶味可以，沒有太濃。以一間餐廳和價錢尚算合理。不過可以再進步些。待應服務好好，時常留意客人需要。

☞餐廳名稱：中環茶記 (中環)☞餐廳地址：中環威靈頓66號裕榮大廈地舖～～～上次跟大舊去完大館覺得很美 小Q這天又抓了閨蜜一起去拍點美照 拍完之後就來到中環醫肚仔 外國回來的好閨蜜吃東西一向很西化 習慣吃扒吃薯條 不愛吃飯 可是因為外國回來的關係 她又不特別愛去西餐環境的餐廳 覺得沒有特色～～～@@ 在中環兜兜轉轉 走了好多條街之後 走得腳都酸了之後 終於找到這家中環茶記 有扒有港式環境 讓她可以吃西式餐的同時 又能打卡 拍照post上Snapchat給她的外國朋友看 一次過滿足佢兩個願望🤣🤣～～～一坐下 閨蜜就很興奮地瘋狂拍照 裏面的裝修大概是7、80年代的香港 有一些霓虹燈牌 非常特別 看完餐單之後 我們都非常餓 兩個女生叫了兩個大扒餐 分別是 香煎美國牛柳拼大蝦（$168 ）和烤豬扒拼鰻魚（$138 ）牛肉嫩嫩的 顏色粉紅粉紅的 質感好鬆化 大蝦燒得沒有太乾 也好吃 😁～～～而豬扒和鰻魚一樣令我們吃得甚是滿意 鰻魚好大條 魚肉肥美油脂多 豬扒跟牛肉一樣嫩口 好大好大塊 還好我們餓 不然真的吃不完啊 😧～～～除了豬扒 牛肉 鰻魚 大蝦 這兩款有鐵板餐還有一個精髓之處 就是他們的薯

講起中環地帶嘅茶記，依一間就一定係最搶眼，最受一眾年青打工仔歡迎👩🏻‍💼門口掛住大大個霓虹招牌，左一鳳，右一龍，好有氣派🤩 內裏裝潢走舊港式茶記風，地板用嘅磚，牆紙，以及吊扇都有濃濃嘅懷舊感~-豬扒抄公仔麵($60) 上枱熱辣辣，好細心咁會幫你剪短啲麵，食都食得方便啲🥰 麵條抄得好乾身都好香醬油味，亦唔會有過多嘅油份，身落清爽！豬扒份量唔會少，肉質鬆軟🐖香煎美國牛扒拼深海魚柳扒($138) 醬汁方面有比較大路個三隻，包括燒汁，黑椒汁同蒜茸汁😋 牛扒大小正常，有牛味。魚柳扒就爭左少少，質地比較濕潤，入口淋左啲🤭 但🍔相信有一半叫鐵板餐嘅人都為左想睇淋汁上去個一殺那嘅快感😍沙爹牛肉菠蘿包($34) 包飲品。依到除左保留左舊式茶記嘅元素，亦同時加入左唔少創新嘅作品❤️ 菠蘿包嘅size大過一個手掌！攞上手有返咁上下重量，絕對唔係空心麵包。入面都夾住幾多牛肉，依個一定要襯熱食啊~飲品方面比較吸引嘅就係懷舊雪兔($26)。漸層效果真係幾靚。上面係蝶豆花，下面係雜果賓治，面層仲有粒粒綿花糖，飲完童真即刻返哂泥👼🏻-順帶一提，依到嘅服務真係幾好，絕對會好過一般嘅茶記😂

中環茶記行懷舊風，招牌係霓虹燈，好搶眼👍🏼 入到去坐卡位，坐得好舒服~🧡 鐵板美國牛扒拼深海魚柳扒 $138鐘意食鐵板餐！🐼都鐘意食！ 好鐘意啲汁淋落去嗰陣既炸炸聲😍牛扒夠厚身，魚柳都好味👍🏼🧡 芝士焗肉醬醬意大利粉$56芝士夠多，焗得表面少少脆😋 份量都算大~🧡 薄荷朱古力 (跟餐加$10)比起純朱古力，我更鍾意薄荷朱古力，飲落多一份層次感❤️面頭仲加咗啲彩色朱古力碎😍P.S. 服務態度亦不錯👍🏼

大家可能唔知威靈頓街喺邊度，但一講到鏞記就一定知道邊條街！以前初出茅廬多數黎呢條街食翠華，不過隨着越來越多大眾化嘅餐廳開張，就多咗好多選擇。「中環茶記」大門口嘅燈箱招牌，離好遠都已經見到，唔使驚搵唔到以茶記黎講，佢算坐得好闊落，而且伙記唔會黑口黑面，令人感覺良好。是晚簡單叫左幾樣野：1. 烤豬扒拼鰻魚 $138黑椒汁配鐵板非常惹味！鰻魚夠大條，長過一隻手掌✋🏻唔腥！而且豬扒厚切，鮮嫩多汁、肉質香脆鬆軟。應該用左調味料長時間醃製，再以高溫煎焗先咁入味又鎖到肉汁。2. 龍鳳檸樂 $24 經典特飲之一（但唔洗加特飲價，好似跟餐+3+3）「龍鳳」即係鮮檸檬同鹹檸檬🍋，咸檸＋鮮檸溝可樂，味道好FRESH3. 王牌焗豬扒飯 $68同樣，豬扒鮮嫩多汁、肉質香脆鬆軟。叫得皇牌焗豬，除左正豬，仲要有出色鮮茄芝士同蛋炒飯底！4. 香茅雞中翼配薯仔沙律 $45雞翼外皮夠乾身，但同時內裡又保持到肉嫩多汁，正。不過只有單點，冇得配餐～下次LUCNCH可以黎試埋佢個星級常餐！（其實佢有5-6款左右晚餐/小菜揀，唔係只有散叫，都算照顧到打工仔）

今日陪媽咪去上環辦海味乾貨，之後當然唔少得要食個茶記下午茶啦😊。呢間茶餐廳，裝修都係同時下流行嘅冰室一樣，走懷舊風。餐牌就係傳統茶餐廳食物。我地一望就俾個鐵板炒麵吸引左，好耐冇食過喇，佢仲要係麻辣味添， 啱晒我地嗜辣啦。另外就點左個皇牌焗豬扒飯。我地專登唔叫鐵板扒類是因為最近吃肉太多， 今次想食番啲溵粉質野平衡番🤭。正我我點埋飲品想話係咁多時， 媽咪竟然話想試埋佢地嘅菠蘿包喎😅。咁又會唔會多左啲呀！我飲品叫左朱古力咖啡，佢係有啲沙冰狀態咁上嚟， 好有朱古力味，飲落透心涼，但咖啡味就好淡。鐵板炒麵吱吱聲登場， 個麵係我地細個食嗰種脆麵質感，所以特別香脆可口， 配埋微辣醬汁，好惹味。焗豬飯芝味十足， 有拉絲質感，炒飯底都做得很好， 豬扒預先切好再舖面焗， 所以食落非常方便。最後不得不提個菠蘿包， 夾左芝士火腿蛋固然豐富， 但個包本身都好懷舊， 佢唔似坊間咁落好多牛油， 用西式方法做， 而係似番我地兒時嗰隻，鬆軟綿密，面頭層酥皮黐得好實， 唔會一食就甩哂👍。我地竟然大部份野都食得哂喎， 不過真係捧住個肚走囉😏。

#中環茶記香港地道茶餐廳，價錢親民抵食‼️有舊式既炒粉麵、鐵板餐、多士小食、懷舊飲品等等 --🔅美國牛柳配大蝦鐵板餐牛柳好大舊，五成熟左右，唔韌好易咬開大蝦切開左兩邊，燒得好香，仲可以見到蝦膏黑椒汁好濃烈，牛柳同蝦都好入味但薯角要記得翻下，唔係好易燶 --🔅瑞士汁雞脾配薯角、奶油多士瑞士汁好甜，略嫌唔夠多汁，但雞脾肉都算嫩連埋雞皮咬真係好滋味‼️😋薯角炸得夠脆又熱辣辣，多士略略烘過、脆脆地中間查左勁多醬，奶油味夠香滑 --🔅竹炭豬扒包豬扒都算大塊，竹炭包比較健康如果醬汁再豐富d 會更加正😋 --🔅懷舊雪兔同紅豆冰小編從未飲過雪兔，原來好似有汽既雜果賓治色彩繽紛，仲有棉花糖浮係上面，幾得意紅豆冰係用好香既椰汁建議紅豆可以再浸耐d，軟身d會更好味評分： 7.4 / 10

今日放工又約左兩位閨蜜食飯~其中一位話呢間茶記又好食裝修又特別可以影相呃like，於是就跟佢黎試下!去呢間餐廳要上斜路或樓梯，好彩今日冇著高踭鞋~到左之後發覺門面好特別，係懷舊風既霓紅燈配色!入到去真係連裝修都係懷舊風~唔怪得閨蜜話係呃like勝地~😂Menu係檯面簡簡單單一頁過~我地3個就叫左3個主菜再加3杯飲品share~咖哩蝦球蔥油餅首先黎既係咖哩蝦球蔥油餅，因為知豬手會好滯所以專登唔配飯而配蔥油餅，一塊切開4份點咖哩汁就可以當成一個小食~咖哩汁係港式咖哩，濃而不辣，仲有D炆得好粉既薯仔係入面，而蝦球就明顯炸過，食落彈牙不過被咖哩搶左佢D鮮味~朋友馬後炮話咖哩同雞應該夾D~招牌焗豬扒飯呢個係閨蜜指明一定要叫~話D豬扒係好好食!上到檯係一貫焗豬扒飯既樣子~不過一食落口真係食得出個分別，豬扒大塊切件而且厚薄適中，冇乜骨又啖啖肉，醃得好香而且肉質一D都唔鞋，炒飯底粒粒分明，醬汁酸甜度平衡，熱辣辣好好食!鐵板香燒豬手一上檯即刻要相機食先!豬手好大隻，淋上蒜蓉汁係鐵板上即刻咋咋聲~引到隔離檯岩岩坐低都ORDER左一份~XD豬手外皮厚，切開要用d力，切開後更加見到勁多肉，不過呢個一定要同人s

邊到可以感受到香港文化？ 茶餐廳吧！ 茶餐廳完全感受到香港中西文化！ 我講咁多，都係因為我琴日同老公去咗間滿滿香港情懷的茶餐廳。 我個人真是好少因爲餐廳裝修靚而入去食飯。 琴日同老公去中環拍下拖，接近黃昏時分，見到有一間店閃下閃下， 行近些望一望，原來是一間茶餐廳。我咁驚訝，是因爲覺得區區一間茶餐廳不用咁豪裝修嘛！ 心想入邊吃東西應該好貴！ 睇下餐牌發現價錢不貴，再望一望內邊的裝修，好美，美在擁有老香港的情懷是網紅拍攝的好地方。 走進去，餐廳很大，樓底高，沒有侷促感！ 他們的餐椅是墨綠色的，好懷舊。 我好喜歡。 餐牌的菜式都是老香港的菜式，價錢也在中環區來說可以算是便宜。 以前比較有錢小小的老香港家庭可以在晚餐吃一餐牛扒餐已經算是富貴，已經算是幸福。 而昨晚，我和老公都像以前的人一樣，來豪一次我叫了煎美國西冷牛扒 配蒜蓉汁價錢$148 還配上餐飲。 西冷牛扒好厚身，他們的粗薯條炸的好好食。 牛扒7成熟，煎得不錯。 如果下次叫5成熟應該會更好味，肉質會更juice 我老公叫了皇牌雜扒 配黑椒汁雜扒分別有 ： 雞扒、豬扒、牛扒、煙肉、司華力腸、薯菜。 每一件都好大塊，一個男人都覺得飽肚。

喺中環老蘭附近的中環茶記，用上老香港風格的懷舊裝修，招牌是大家熟識的霓虹光管。店內是標準的茶記用的紙皮石，牆壁掛了很多老香港的照片，遊客至愛！招牌奶茶茶濃奶香滑，不愧為招牌貨，正！凍檸樂大大杯冰底，夠晒透心涼！香煎美國西冷牛扒 $148跟黑椒汁，配薯角，呢個價錢仲會送埋嘢飲，鐵板超熱出晒煙。上菜時西冷約三成熟，切開是超嫩的粉紅，煎多陣就啱啱好，肉味濃郁。配菜的薯角香脆可口，不要錯過！原隻燒春雞 $128特別推介原隻燒春雞，配燒汁，份量大得誇張！燒春雞表皮金黃香脆，內裏的肉仍保持Juicy，就算係雞胸位都唔會鞋，配埋燒汁真係勁惹味勁正，推介！郊外油菜 $18吃得太多肉，要叫返碟菜黎中和一下！鐵板原隻燒春雞超驚喜，而最印象深印嘅係呢道啲店員全部嘅態度都係超Nice，又有笑容，令客人有種賓自如歸嘅感覺，抵讚！

在中環區，茶餐廳數目不算少，但價格卻不算便宜；中環茶記是我覺得性價比較高的一間。星級常餐在晚市時段繼續供應自選了蘑菇和秋葵作為奄列的配料，物如其名，奄列在軟熟多士堆成小山般。加入明治牛奶炒蛋使口感更滑順。招牌沙嗲牛肉米的牛肉夠腍最抵嘅係跟餐點紅豆冰不用加錢，紅豆冰富有椰汁味。烤豬扒拼鰻魚，黑椒汁另上。店員細心的多給一隻碟，以免鰻魚在鐵板上的時間太長以致焦燶。豬扒厚肉亦腍嫩，鰻魚醬充沛惹味，兩者皆美味。XO醬炒芥蘭腍甜可口，跟餐白飯好大碗！柚子茶水準合符預期

今日同朋友喺呢頭搵嘢食，距就記得有間裝修幾好懷舊風嘅餐廳喺附近，行左行就見到啦，都幾易搵到嘅。呢間中環茶記 喺位於中環威靈頓66號裕榮大廈地舖間餐廳喺鏞記附近仍保留著傳統茶記風味，令人感覺好舒適好乾淨。 朋友叫左個皇牌焗豬扒飯 ，上面是豬扒， 番茄醬汁，有芝士 。豬扒比較香和厚切，啖啖肉，而且很juicy。咖哩羊腩蔥油餅，咖哩羊腩又香咖哩味。。其實除左可以同蔥油餅配，仲可以選擇配白飯，兩樣都唔錯。 見到隔離台個原隻燒春雞好似幾好食 我地又叫，雞用鐵板上，上來嘅時候仲聽到吱吱聲。除左整隻雞以外仲有薯條同雜菜。切開雞有好多雞汁流出來，雞肉嫩滑。我就好中意食鰻魚嘅，見到餐牌有個鰻魚炒烏冬，就點左個。上到來真係好驚喜，居然喺原條鰻魚。口水都流曬，好滿足。

星期六同女友行完大館，佢呻話好熱好辛苦，所以想係附近搵地方坐下。又唔想成日都係去星bucks，咁啱行到落威靈頓街見到呢間茶餐廳。門口D燈好光猛好靚，佢玩懷舊feel，係中環黎講做茶記佢既價錢都好親民!! 而且最重要係大熱天時冷氣夠哂涼，一入到去成個人已經舒服哂，正!橫掂都就快晚飯時間，我地就決定食埋野。先叫左兩杯特飲涼一涼下先。紅豆冰好足料，椰奶甜度剛好，紅豆煲到夠哂綿，好食又好飲! 女友叫左個懷舊雪兔，佢話其實佢細個都冇見話呢款野，顏色都幾夢幻，其實就係什果賓治，再加D棉花糖做toppings，女仔打卡一流飲野黎左就叫埋野食啦，我揀左個扒餐，女友就食鐵板甜酸蝦球雙麵王，佢話難得茶記都有兩麵王去叫，唔駛一定要去酒家食。黎到賣相好好，個麵炸到好香脆，配上甜酸汁又唔會乾。我試左就覺得汁既份量有D多，令到個麵食入口偏酸，但女友就話剛剛好，哈哈! 而且個蝦球都好脆，一定係剛剛炸好再上汁，因為外脆內軟，個蝦肉都好大隻同彈口，配菜都好多，高分通過! 我揀既香煎美國牛柳配大蝦亦都冇令我失望，先試個牛柳肉質好嫩同好新鮮，煎到剛好肉既心仲係粉紅色，而且食落口好軟熟，呢個牛柳真係冇得彈! 仲要係茶餐廳都食