拳王泰國餐廳 (Closed)

夏天食泰國菜真係應節，放工約埋幾個知己hea 下，做完facial 後約埋朋友吹水一睇都知係吹水格局，幾個女仔可以傾3-4個鐘侍應好親切，通常泰國菜侍應比較隨和，感覺似舊街坊每枱都有一碟蝦片，脆卜卜，吾多油，一定吾係開左放幾日果d，塊塊都爽口幾分鐘俾我地班女仔消滅左生蝦必食，新鮮彈牙，自制生蝦汁好香吾太辣，最鐘意辣椒同蒜頭，辣得黎好回味蒜茸包，烤得好香，軟身，多蒜茸，我鐘意一人一塊吾洗爭濕炒河，夠獲氣，勁多配菜，有豆，菜，菇，粟米仔，羅白，豬肉，河粉好滑，好味燒豬頸肉，估吾到份量都多，燒得岩岩好，點秘制醬汁好好味，幾個女仔都爭住食整體食物水準高，價錢又吾貴，下次可以再去過

本身已經超級鐘意食泰國菜，今日同個朋友行開銅鑼灣見到有間拳王泰國餐廳，就一於入去試下。一入去佢就俾左兩間餐廳既meun 我哋，一個寫住原燒原場，一個食住拳王泰國。我哋load 唔到點解有兩個meun。原來職員話佢哋一間舖可以叫兩間餐廳既食物。哇！有冇咁正啊？我哋叫左一個香葉肉碎炒飯（送餐飲），我同友人本身都鐘意食小吃，所以叫左軟殻蟹芒果沙律、燒牛舌、燒墨魚咀、燒茄子同香辣蟹肉夜明珠。香葉炒飯炒飯乾爽、味濃軟殻蟹芒果沙律本身我哋以為係黃肉芒果的，但原來佢係生青芒果，比起木瓜沙律酸啲，有啲櫻花蝦加埋軟殻蟹，味道可以中和一些燒牛舌、墨魚咀薄切牛舌真係好好味，燒得岩岩好，香口有不乾身。墨魚咀爽口、鮮甜燒茄子醬汁一流、味道配合得宜，茄子軟滑香辣蟹肉夜明珠荔枝加入蟹肉絲，荔枝多汁清甜，加入香草更能帶出蟹肉既鮮味配上的粉絲吸收到所有的精華，十分滿意的佳作！

朋友想試拳王好耐, 唯有陪君子過海食返餐, 地點唔難搵, 出地鐵站大約3、5分鐘就到.在門外已經見到裡面有電視播放打拳比賽, 不負拳王之名.以為淨係有泰式食物, 睇餐牌, 原來仲有原燒選擇先上菜的係泰式游水生蝦刺身, 1碟6隻, 蝦本身清爽, 配搭蒜片和辣椒, 還有特製醮汁, 相當惹味(辣椒堅辣, 唔係得樣唔辣的品種)主菜是蛋包泰式炒金邊粉, 賣相雖然和餐牌的圖有啲差異, 但實物觀感比較好食,打開蛋皮, 冒出熱辣辣的金邊粉和配料, 完美配搭, 花生放埋一旁, 唔食的可以避開下.另外眼闊的我們有2道原燒小食, 分別係明太子燒雞翼和炸軟殼蟹以前食過明太子釀雞翼, 今次食燒雞翼, 明太子的感覺上比較咸, 但唔影響我對明太子的喜愛,雞翼剛熟, 外皮煙韌內裡香軟, 食落香口.軟殼蟹雖然只有2隻, 但size唔細, 都有近1隻手板左右蟹炸得香脆, 但內裡不會乾身, 有少少汁流出黎, 還有沙律醬醮.愛食軟殼蟹的人萬勿錯過.飲品分別是菠蘿梳打和Margarita菠蘿梳打底部大量新鮮切的菠蘿, 鮮菠蘿味濃郁.Margarita杯緣晒滿鹽粒, 口感豐富, 不過飲完會醉醉地.另外, 見到餐廳店員笑面不斷,

我們一行2人的為食兵團，今次我們就來到名為「泰王泰國餐廳」, 聽了名字 就知食泰國菜的，我們進入餐廳就看到很多拳擊相關的佈置，牆上掛了拳套、拳褲、沙包，皮革椅子背後掛了鐵鏈充滿了格鬥味道，加上電視不斷播放激烈的拳賽及人頭湧湧的食客，我們彷彿走進了MMA 格鬥場了,熱情高脹，我們要爆了(是爆食啊😎😎😎)。一坐低侍應便熱情招待我們，送上薯片給我們作小吃，我們叫了不同菜式，其中「金柚大蝦沙律 」的金柚新鮮多汁，沒有澀味，大蝦彈牙，賣相吸引， 酸酸甜甜的味道很開胃，不錯!另外「原隻菠蘿炒飯」有青口、元貝、菠蘿肉、腰果，提子乾，蝦及墨魚仔等材料非常豐富， 飯粒煙韌，滿瀉的份量尤如滿瀉的幸福呢!因為吾係間間餐廳菠蘿炒飯都會有咁多料總體來說，這間餐廳環境甚具特色，服務及食物均有水準，下次有其他朋友生日的話，我也會再來食，不過記住早少少訂位，否則望門輕嘆!

依間有好多好評的新式泰菜餐廳，裝潢好有特式，電視仲播映泰拳比賽。食泰菜必叫的泰式生蝦，生蝦大而新鮮，配一般生蝦的酸辣汁，正正常常，沒甚特別。另外仲叫左個半份海南雞，上菜時會淋上湯在雞身，令雞keep住濕潤同溫熱。雞係滑的淋的，但雞味一般，雞皮都係淋的。最有驚喜的菜式！巨型多汁荔枝去核，裏面係有香料的蟹肉，底部放有粉絲吸收哂上層的甜酸香料，可惜蟹肉完全冇蟹味，價錢亦略貴。南瓜海鮮咖哩配法包意想不到的用原隻南瓜，偏甜口味的咖哩，南瓜如果可以蒸得更淋就更好了，南瓜肉厚，十分飽肚。

重要嘅事情說三次一定要訂位一定要訂位一定要訂位話說我買咗團購券 打算今早12點就到 食個快飯去到 餐廳很大 座位很多 大把位嘅情況之下個waiter同我講因為我係團購 所以我唔可以入去我話我只係食一陣 好快佢都係堅持唔俾我入其實身為服務業 係有座位嘅情況之下是否可以通融一些呢人都已經到達左餐廳 有時咁堅持啲守則 可否留住啲客呢？至少係我心入面嘅印象 已經成為只去一次嘅餐廳了

係香港有特式既餐廳真係唔多，而係銅鑼灣既呢間拳王泰國餐廳就係其中之一啦。老闆好有心機咁佈置到同拳賽有關係，就黎張椅子都係關打拳事架！事不宜遲，就等我即刻share下入面有咩值得食啦，上面呢款係月亮蝦餅，絕對足料，又唔會太膩🤤另外呢個係XO醬鐵板牛，啲肉幾嫩口又多汁呢個係拳王炒飯🤤相信大家都知炒飯要好食既話要用隔夜飯，佢地既飯就正正係呢種感覺啦🤤呢碟串燒都唔好睇佢相貌平平，其實係整好食！街邊果啲完全比唔上，再點埋佢地秘製醬汁，一流呀！

難得同中同飯聚，當然食啲特別既野啦，於是就揀左呢間泰國菜.. 被餐牌所吸引，但認真覺得唔算物超所值..上菜次序比較奇怪，有主菜先有飲品再有前菜，然而蝦醬炒飯真係令人大所失望..椰汁冰太甜，串燒同小食拼盤就不過不失，冬蔭功就酸味蓋過辣味，飛天通菜味道唔太夠，芝士年糕同羊肉串(屬於日本料理，因呢間係日本加泰國料理混合)，最後係芒果糯米飯，飯好食，芒果就唔太夠味，所以個人認為唔算抵食總括而言，論所有方面，都唔會再黎

本身諗住去一蘭食個拉麵但係排隊真係等好耐，於是去咗隔離拳王泰國餐廳食泰菜。入面裝修就好似去到泰拳擂台一樣，無論餐廳裝修，有四部電視播放着ViuTV MMA 比賽，拳拳到肉， 睇得肉緊，定係餐廳嘅枱椅都有擂台比賽嘅特色叫咗個海南雞，份量都算多，見到啲雞金黃色，再用高湯淋上雞件，令雞吸收了高湯嘅味道之餘仲添加了高湯嘅溫度，雞肉好嫩滑！飛天通菜，去得泰國餐廳食嘢，一定要叫返番炒通菜，貪佢夠鑊氣而且炒得辣辣地非常開胃冬陰公細除咗通菜之外另一個必叫嘅就係冬陰公，能夠食出餐廳嘅功力，喺度嘅冬陰公用料豐富，酸酸辣辣，好惹味炒金邊粉餐廳好有心思用蛋漿整成一個網包住金邊粉有得睇有得食！金邊炒得非常出色，麵質煙煙韌韌，亦都好友鑊氣除此以外，餐廳更可以order 埋原燒道場既食物，我就叫咗個脆炸金栗薯餅，外皮炸到好鬆脆，入面淡淡金薯蓉，是一個不錯的甜點

都市人運動量一般都不會太多，醫生經常建議我們每日做半小時帶氧運動，但忘碌的香港人放工返到屋企可能都已經８點，仲係恩賜先可以哩個時間就返到，就算俾你做5-day，放假好多時都寧願訓覺或者在家休息。即使有運動的，通常都係跑步或者行山，唔洗架撐最簡單方便。但自從數年前一套《激戰》，到年頭曹星如登上超蠅量級拳手第一位，香港不論男女玩拳擊的人亦多了起來。我自己冇乜運動細胞，跑步行山即使十年都冇一次，都叫做可以參與，拳擊就唔洗預我，但為左湊湊近年的拳擊熱，知道銅鑼灣有一間以拳擊做主題的泰國菜館，我就用我個口同肚黎湊熱鬧啦。＊＊＊＊＊＊＊＊＊＊＊＊＊＊＊＊＊＊＊講緊嘅係拳王泰國餐廳，餐廳入面除左牆上掛滿拳擊比賽的照片同拳擊褲，喺餐廳一角仲有一個沙包喺度，而座位背面有鐵鏈掛住，亦甚有拳擊味，電視更加播放住拳擊賽事。餐廳晚市只可散點，餐牌選擇都幾多，有前菜、湯、飯麵、甜品同飲品，比較特別係因為樓上係日式燒烤店，餐廳除左自己本身的泰菜menu外，另外亦有樓上燒烤店的menu可以點，所以除左泰菜，想食返幾串串燒都可以。小食($10)每枱都有一小碗蝦片，蝦片但少少辣味，亦夠脆口。荔枝沙冰($38)餐牌特別寫住

今日去完書展，行左去謝菲道搵好野食，行到去銅鑼灣，見到有一間好吸引既泰國菜餐廳所以就決定左食呢間拳王泰國餐廳^_^行到熱辣辣，叫左杯龍眼冰，杯龍眼冰唔太甜，好清涼，絕對係消暑解渴佳品泰國生蝦隻隻都晶瑩剔透，爽口彈牙飛天通菜週時都有得食，呢度既通菜條條都咁嫩，火喉啱啱好，好食食泰國菜唔少得串燒，好多時第二度食既串燒會因為燒太耐而令到肉質變韌，呢度既串燒唔會太燶，唔會韌，口感啱啱好，配埋特制醬汁，絕對值得推薦焗黃金蠔好味道，芝士蒜蓉無得輸！泰式燒軟殼蟹係呢餐其中一個我覺得一定會再encore既菜，因為新鮮炸起，雖然炸過，但係仍然可以食到軟殼蟹既軟，真正做到外脆內軟，淨係睇伴碟既青瓜切到咁簿就見到誠意十足最後係蛋包泰式炒金邊粉，睇個賣相就見到幾有heart，係另一個一定要encore既菜

同朋友係銅鑼灣搵一搵宵夜食，就搵中呢間充滿驚喜既餐廳一個拳王既logo加上電視節目既推廣，就吸引左我地lu內在環境都幾吸引，好多泰拳既裝飾佈置 充滿特色服務員介紹樓上仲有間日本餐廳，兩間係一齊開既，咁我地就揀左係上層坐，都幾驚喜，一個地方可以食哂泰國菜同日本菜日本菜同泰國菜分開兩份menu，不過兩份都咁吸引，好難揀呀先黎一個香辣蟹肉夜明珠，因為個名咁特別，又唔會食滯，緊係叫黎試下，唔試由自可，一試真係返唔到轉頭，外在係一粒非常新鮮既荔枝肉，包住無數既新鮮蟹肉，漲到爆哂出黎，再蘸上泰式既香料同汁，成個味道可謂充滿驚喜，而且有意想唔到既開胃作用，十分十分推介大家試下之後叫左個炒金邊粉，外表就相當靚仔啦，味道都絕對唔失禮，金邊粉充滿口感，而且酸甜適中，配合什有心思既蛋絲，色香味俱全試完泰國菜，當然都要試下日本原燒，價錢相當吸引，呢塊豚肉燒，40蚊都唔駛，仲要有好多熱溶芝士係上面，配合淡淡既沙律醬，豚肉口感柔軟，d皮唔會甩哂出黎，好好味呀 不過建議大家早d叫 因為等師傅燒都要d時間架

約左朋友係銅鑼灣食飯，朋友未到，我就一路行一路揀，點知係間泰拳館隔離就見到間泰國菜我估應該係同一個老闆打理 有噱頭入面仲有幾部電視直播住拳擊比賽，非常有氣氛入面都幾多泰國菜揀，冬蔭公，明爐烏頭，咖哩蟹都應有盡有，揀都揀左15分鐘飛天通菜，泰國人既撚手小菜，好重鑊氣，值得一試4人份量既冬蔭功，份量好多，兩個人絕對飲唔哂，係傳統冬蔭功既味道，d蝦仲要幾大隻，好足料，美中不足就係有少少油黃金軟殼蟹，叫既時候仲以為係咖哩軟殼蟹，點知原來係秘製蛋黃醬，好香好特別，同大大隻既軟殼蟹襯到一絕，而且蟹膏又多，一食就咇哂出黎，真係食到一路流口水，碟底仲有茄子，夠哂驚喜，拎黎蘸醬就最岩去樓上洗手間既時候，仲發現原來樓上仲有個日本原燒打通左唔駛講咁多，緊係即刻試下雖然已經食到好飽，但都忍唔住叫左個厚玉子燒同牛肉串，雖然都要等一陣先燒起，但絕對物有所值，何況原燒就需要時間嘛，玉子經過調味但仍然充滿蛋香，牛肉串就好似一口和牛一樣，口感柔軟，但又不失牛味，絕對配得上原燒二字今餐真係食到好飽，一個地方可以食到泰國菜同日本菜，夫復何求呀

As a big fan of Thai food, I will go around searching for Thai food in Hong Kong. This time round, we decided to go to a Muay Thai themed restaurant. Champion Thai restuarant was located at Causeway Bay, and is the first in Hong Kong combining Muay Thai and food. When we entered into the restaurant, it was filled with Muay Thai apparel and belts displaying on the wall, tables and chairs resembling Muay Thai equipment and TV screening boxing matches etc. Their menu was very comprehensive, offerin

又約左妹妹周圍逛周圍食兩兄妹成日食西餐今次心血來潮想食泰國菜妹妹揀左依間拳王泰菜館佢最近學boxing , 亦愛上了依項運動佢上網睇完依間餐廳既相，大讚好有特式嚷著要黎試當晚大約1900 黎到都頗 full，好彩有book 台餐廳裝修的確特別牆上掛著boxing 既poster ，衣物等等場內有電視播著打拳既影片，又有沙包裝飾很符合「拳王」個名叫左好幾款食物樣樣質素都頗高我叫左最喜歡既泰式游水生蝦刺身生蝦肥美 配上生蓉、辣椒，魚露特製醬汁好好食 酸酸甜甜辣辣很開胃芒果軟殼蟹沙律我地兩兄妹都好鍾意食煎炸香口食物尤其喜歡炸軟殼蟹炸得很香脆水果之中，亦最鍾情芒果泰式芒果切絲，酸酸甜甜，好新鮮好開口加埋軟殼蟹去食，減輕油膩感海南雞半隻 平時食泰國菜冇試過叫海南雞今次想試，係因為佢既食法幾特別用蒸籠承載著海南雞上台時，職員會淋熱湯保持海南雞的溫度及濕潤很棒大開眼界雞肉亦很肥美鮮甜是晚晚餐很滿足下次會同三五知己再來P.S 餐廳奉上既蝦片好香脆，少少辣正！