陳新記

Open Now

Now Closed

今日來到鴨脷洲，一心一意想試海鮮加工，一班朋友過來，之前沒有預先book位，諗住中午時間唔會太多人，點知場面十分墟冚、人頭湧湧！全場熟食攤檔只有佢座位滿晒，令我哋更加期待！之後馬上到樓下海鮮檔買海鮮，結果買了幾樣馬上上去，好彩之前上去攞咗位，買埋海鮮啱啱好！首先，叫咗兩個前菜，分別係招牌炸三寶，同埋個炒麵！炸三寶真係名不虛傳，即叫即炸，而且都幾好食！之後個炒麵就正常，都算乾身唔會油膩！終於嚟到海鮮環節，第一味係豉油王大蝦，呢個確實好味，炒得都幾乾身，亦都保持大蝦的鮮味，裏面仲好濕潤！值得一讚！之後係椒鹽鮮魷，呢個我就覺得麻麻哋！啲椒鹽太鹹，蓋過晒所有味道！個個人都負評！之後就到蒜蓉粉絲蒸蟶子，呢個就中規中矩，比較淡身！食完再叫咗個一口多士，呢個係招牌菜，多士炸得好乾身，都唔錯！但係環境十分逼夾，人背人坐，我覺得呢個質素，其實好多大排檔都有，如果經過就可以試吓，特登我覺得就唔需要！

今日同朋友就嚟咗鴨脷洲呢一邊搵食，就去咗呢一個鴨脷洲市政大樓嘅街市買啲海鮮上去加工，聽講呢度有一間幾出名嘅海鮮加工餐廳，所以就特登過嚟試吓，我哋就買咗瀨尿蝦鮑魚同埋都赤米🙈🙈椒鹽瀨尿蝦真係非常出色，每一隻都做得非常挺身，而且我覺得瀨尿蝦最好就係椒鹽，佢呢一間餐廳嘅做功非常好，有鑊氣之餘，而且味道上嘅調味唔會話太辣，啱晒啲食唔到辣嘅朋友🙈🙈 鮑魚我哋就叫咗清蒸，加少少陳皮成個味道更加昇華！赤米就白灼，所以都冇乜太大功夫！最後加咗個西多士，加工費都唔算太貴，我覺得可以接受🙈

打風過後嘅星期六book檯食海鮮加工慶祝埋生日。最緊要留定餐牌無嘅招牌紅豆西多士。老闆仲提示可以下次whatsapp預留。係樓下最多人果間穩記買哂所有嘢上黎加工，好nice嘅老闆娘同我地一齊傾下點整。每樣餸都整得好好味，尤其老闆娘介紹嘅薑蔥炒龍蝦，感覺到龍蝦應該有先油泡再炒，好正又創新其他餸都好好食，椒鹽鮑魚食落依然好嫩。蟶子用左秘制醬皇去炒，有濃香嘅豉油味。招牌魚蛋夠爽脆。最正係menu上無嘅紅豆一口西多士，有滿滿紅豆粒，仲加左大量花生醬同練奶，極度邪惡賣相又好吸睛老闆娘送西多士過黎時仲同我地一齊好開心唱生日歌，難怪呢間鋪被稱為網紅大排檔，好識做生意。下晝兩點先到已經全場爆滿，走果時都係full house。最後食到飽哂好滿足咁捧住個肚走。

今次專誠來鴨脷洲是要試陳新記出名的“招牌秘制一口西多士” ，話明招牌，果然名不虛傳，即整即食，夠熱，夠脆口，夠蜜糖漿，很難唔好食豬扒通粉通粉湯底淡而無味，薄切豬扒細塊又無骨，不用試

閒日熟食中心內街坊食客魚貫入場,坐滿整個檔口.貴為南區鯉魚門,除咗可以海鮮加工,亦有多款必食名物～市政大樓網紅店雖然價格高少少,但確唔係虛有其表!✨秘製一口西多($37)西多士切成大方形,大件厚身,不是一口就可完成.入口外脆內軟,而且帶空氣感,口感非常好!放耐咗亦唔會淋晒～而且將煉奶與花生醬完全融合,沾滿整件西多.有別坊間！確係名不虛傳！✨椒鹽魚蛋($50)即叫即炸,入口熱辣辣.咬落非常有彈性,爽口.加上椒鹽表面,非常惹味(一個人都可以食晒成碟🫢雖則$50得8粒）而其他炒麵,牛腩河亦唔錯.好多食客中午已叫到成枱海鮮,等我有機會下次再試試~

女朋友今日早上突然call我，話同我預祝生日，帶我去一個好特別嘅地方，原來係香港仔陳新記。上到去熟食市場1樓，服務員非常殷勤招待，面帶笑容，我女朋友特登幫我叫咗一個一口西多士，裝飾得好靚，西多士上面有生日牌，又有生日波波，又有蠟燭，好有生日氣氛，而靚靚老闆娘更加不斷同我講生日快樂，又同我影相，又送朱古力，真係賓至如歸，只係幫襯幾十蚊，而家香港有咁嘅服務態度，而食品質素又好，真係好難揾。非常欣賞大家，大家繼續努力。

見附近開咗新商場專程長假過嚟呢邊行吓已經10幾年冇嚟過鴨脷洲呢邊印象呢邊好多屋邨但原來都有好多好嘢食.今日就去陳新記試吓佢個一口西多士一出利東站直行就見到熟食中心搭𨋢上一樓已經有幾間食肆 記得唔好亂坐啊🤭假期午餐時間到全場都幾多人去幫襯，最聰明嘅做法就係去到陳新記同佢講幾多位，之後佢哋就會幫你手搵位或者唔好彩嘅就要等位啦😆.其實本身有幾樣嘢都好想食但因為我哋又來一個美食之旅，怕食唔晒😆，只好精挑細選一下揀咗以下三樣食物👇🏻🐟魚蛋河$38🧈一口西多士$37🥟招牌炸三寶$80🥤可樂$10一落完單勁快就嚟咗佢嘅招牌脆炸三寶成個上菜速度都好快🥰脆炸招牌三寶$80😍有炸魚皮炸魚角同埋炸雲吞，另外配咗甜酸醬同埋沙律醬，呢個配搭平時出邊都比較少有少啲見佢嘅魚皮比較薄身，唔會好鹹就咁單食都覺得好食，唔一定要浸埋湯先食，冇咩油膩味👍👍炸魚角比較普通咗啲，但佢個炸粉本身唔太厚，但略嫌唔夠魚味但彈牙嘅驚喜係個炸雲吞，因為而家好少有，入邊仲要足料喎！有蝦有豬肉雲耳冬菇，點埋個醬嚟食幾好幾正😬覺得如果有外國朋友過嚟都不妨可以帶佢哋嚟試吓！😌😌魚蛋河$38河粉偏厚身嘅，魚蛋同魚片正常，湯底係普普通通，呢個就下次未

太好食了，炸三寶必點，係炸魚皮，雲吞，魚角，全部超好食，魚皮及雲吞鮮脆，chokchok聲，已經唔捨得放入湯來食，雲吞含細蝦豬肉末及冬菇，如果係晚市，必點，配啤酒沒得輸。湯河白滑，放涼後的河粉都沒有黏成一舊舊。記得餐廳只收現金。

朋友原本在上個星期就想來試，剛好遇上老闆及全員工放假。這個星期複桌成功，向第三代老闆呻完之前幫襯不成功並攀談一番後，老闆娘爽快以打卡相為證下給予9折優惠。當日坐在店內角落靠窗位置，尚算有“半海景”view。並自備海鮮到店加工，分別是薑葱炒蟹，椒鹽魷魚及豉椒炒蟶子。加點招牌一口西多士。埋單$290。強烈建議先到店內取號留座，再跟店家夾好預計想食哪幾種海鮮，獲得建議後才去街市選購最理想。因為新手買海鮮加工，不知道蟶子加炒粉底要揀厚殼的，因為薄殼款易炒碎殼，如配以炒粉麵飯底會很易碎殼卡喉產生危險。雖然我們是可以要求店家剝殼加工，但心諗薄殼易碎即係易割手，倒不如直接爆炒讓肉殼分離，反而最後是老闆娘人超好主動提供了挑殼服務。

—🥪 一口西多士🍢 椒鹽白魚蛋❤️•🐚 椒鹽鮑魚🦑 椒鹽鮮魷🦐 白灼赤米❤️🦐 椒鹽斑馬瀨尿蝦❤️🐚 蒜蓉粉絲蒸蟶子—感謝好朋友推薦同carry帶我黎呢度如果吾係 真係吾識自己黎😹😹😹呢度可以又吃海鮮又吃西多士 太開心了😬由於我吾太識揀海鮮 我都係負責等食😹係樓下街市買完海鮮 就可以拎上黎即場加工 非常新鮮! 當然要睇自己買咩食材同想點煮啦…想食海鮮又吾想去西貢鯉魚門咁遠 又多個選擇了👍 有機會再黎😇

必食西多士-鴨脷洲陳新記平時都會去鴨脷洲市政大廈食海鮮，今次就試吓下午茶過去，都已經坐到好full😅要等咗一陣先有位，嚟到陳新記梗係試吓佢哋必食嘅一口西多士啦😛仲點咗個豬手麵，同炸魚皮呀🤤一口西多士整到好似座山咁，好有儀式感，啱晒打卡🤣上面佈滿牛油，花生醬同煉奶😍好邪惡，新鮮製造好香脆，聽講仲有個隱藏menu😂係紅豆西多士，大家可以問吓🤣

為咗呢一個西多士, 不枉我哋攀山涉水入嚟鴨脷洲食佢, 一早網上面已經有好多人推介呢一間嘅一口西多士, 果然名不虛傳, order完咗之後要等大概15分鐘先整好, 全因為佢即叫即整熱辣辣, 一口西多士配上花生醬同煉奶, 感覺上花生醬好似開稀咗少少, 令每舊西多士都可以尖上充足嘅醬汁, 價錢合理, 如果住附近可能會經常嚟食😜食嗰日係星期日嘅下午, 見到好多街坊都喺鴨脷洲街市買海鮮然後拎上嚟加工, 感覺好有feel, 下次一於約埋一班朋友買海鮮上嚟食👍🏻

一直網上都好紅嘅一口西多士，的確每一面都炸到好香脆，而且每一舊多士都好厚好實，絕無偷工減料，所以食多幾舊真喺好快飽。啖落去真喺做到外脆內軟，同其他heahea茶記嘅下午茶，成舊軟林林嘅個種西多比較之下的確好唔同。 除咗一口西多士外，見到隔離啲街坊好多都叫咗碟炸三寶，有炸魚皮、炸雲吞同炸魚蛋。個魚片已經好出色，一咬落去有少許魚油香，超級鮮脆。另外炸雲吞都真喺不容忽視，新鮮炸出嚟，再加上包裹喺入面嘅鮮蝦，鬆脆得嚟又彈牙，其實個人覺得比一口西多士更值得一試😎

今日同屋企人諗住去食個tea，係大街海旁行左陣就決定左上去熟食中心食一口西多士😆😆去到當然已經好多人啦🤣不過好彩有得搭枱，總算唔洗等太耐！我地兩個人叫左三樣野share~1. 招牌秘制一口西多士餐 $42係煉奶同花生醬嘅mix，唔會話太甜，幾易入口！而且個西多士炸得幾脆，放左一陣都唔會話淋晒😆坦白講呢，依個西多士唔算係好特別，但係係好食嘅！2. 招牌牛腩飯 $52整體係正正常常牛腩飯，幾好味嘅，睇個人口味，我地就略嫌啲牛腩有少少太肥🙈🙈雲吞賴粉 $36個雲吞齊晒應有嘅味道，有蝦，有豬肉，有鮮菇！而且個皮唔會太厚！所以幾好嘅！賴粉同湯底就正常偏淡🙈野飲方面就揀左奶茶同檸水，都係正正常常冇咩特別😂

想俾人無理取鬧嘅就真係嚟食下！唔知啲鋪頭做起咗 係咪就好legitimate 咁態度差，串串貢！新客第一次幫襯，等個位都要俾人訓話咁，你人多好生意，你咪寫多啲指示牌，整個排隊區囉！完全明白係熟食中心唔係預期要服務態度100分，但未至於要咁受氣！食個飯都咁受氣，真係好鬼掃興。慕名而來 去試下個名物 粒粒西多士不過不失。粒粒西多係浸過蛋漿再炸，花生醬同煉奶淋埋先上菜。係擺盤方面叫靚靚哋，俾人打卡用。再嚟一個招牌炸物3寶 $65 新鮮炸起 喉嚨痛之選整體食物質素一般，試過就算！