早安越南 (Closed)

原來坐地鐵入黃埔係好方便嘅，黃埔住宅多，自然野食都多，今日就去會左一會呢間早安越南嘅晚餐。一入去就覺得好特別，一D都無越南餐廳嘅感覺，因為鋪面唔係用一貫越南餐廳嘅綠色白色風扇咁，而係好似落左酒吧嘅感覺，深色裝修，紅色霓虹燈，好cyber ，但光線充足嘅，唔會係黑到睇唔到。嗌野食啦，一縱越南美食都有得揀，我地就order左蝦多士、蒜蓉炒貴妃苗、牛柳粒紅飯、串燒撈檬。蝦多士係最快上枱嘅，落單後大概十幾分鐘就上枱啦，係用法包上面鋪左d蝦肉然後炸嘅，好脆口，不過係蝦嘅味道少左D同油膩左少少，應該係麵包sok油。牛柳粒紅飯上枱係好香嘅，牛柳粒係正嘅，炒得好好味，少少敗筆係個紅飯味道稍淡，獨立食麻麻，要配埋牛粒一齊食先夾啦。炒貴妃苗我自己就會覺得炒得好香，蒜味十足，不過偏鹹嘅，配左岩岩嘅紅飯就ok啦。反而最正係份串燒撈檬，係最耐嘅，店員解釋係串燒要即燒所以花時間。今日係order曬牛豬雞三款，牛同豬我食到有香茅醃果勁香，食落勁野味，肉汁鎖曬起入面，個雞就配埋個燒烤汁就perfect。個檬粉呢係好fresh，有抵消串燒嘅功效，而個檬粉汁我自己會比出面嘅辣同酸，反而唔係好甜，唔食得辣嘅就唔好落咁多啦。

第一次食黑粉絲*同男朋友食暈全港九*琴晚同男朋友收工去黃埔搵野食，黃埔站開左真係方便好多。係美食坊呢間早安越南坐低左，因為店出門個裝修吸引左我，感覺好懷舊。我地嗌左2個晚餐，火車頭湯河粉同峴港酸辣海鮮湯黑粉絲，跟兩杯餐飲。火車頭湯河粉大大碗，最鐘意火車頭多料，有人牛肉，牛腩，牛丸，牛孖筋同埋牛柏葉，d料都ok。個湯好味，顏色清澈但味道鮮甜，加埋洋蔥，芫荽，芽菜同香料做配料，清新d。峴港酸辣海鮮湯黑粉絲第一次食呢個黑粉絲，佢比平時食開既粉絲煙韌，彈牙，雖然顏色似薯粉，但食落冇薯粉咁淋身，黑粉絲很掛湯，分量多。至於個湯底就似濃郁少少，多椰汁嘅冬陰公咁，開胃！同埋啲海鮮餸都多款，有帶子，蝦，魷魚同埋青口，都ok。熱百香洛神男友話飲完會好訓d，不過我覺得偏甜。

之前聽朋友說過，早安越南是間名氣頗大的越南餐廳，無他，這是由於這裏的菜式比較正宗，而且用料也比較新鮮。今日和朋友試試這裏的咖哩牛腩河和 鵝肝醬帶子炒飯。咖喱牛腩河的咖哩汁做得很出色，不太濃也不太淡，算是剛剛好。沾滿了咖哩汁的河粉入口非常美味，配搭牛腩是一絕。鵝肝醬帶子炒飯由於是即炒，所以等候時間比較長。但一上菜，隨即傳來一陣陣香味，雖然入口鵝肝味不太出，但 整體來說依然是一款美食。下次一定要再過嚟試其他款式嘅越南美食。

黃埔美食坊很多美食選擇，今晚被呢間古早越南吸引係因為佢個晚市套餐餐牌，因為好多選擇，包括常叫或比較特色的越南粉麵都有，仲包埋特飲都係一百蚊左右，都幾抵食!入到去當然吾止套餐，仲有其他小食蔬菜選擇，所以最後order左一個金邊粉套餐另加一個主食同小食。金邊粉炒得吾油，酸甜味剛好，而且都算多材料炒包括扎肉、蛋同海蘚，一啲都吾齋。魷魚釀糯米飯的魷魚有炭烤的香味，仲好爽口，夾着糯米飯同配上花生醬非常美味，係今餐的亮點咸魚炒椰菜苗係我同老公favour, 個為出面較少有得食，都炒得好香!春卷炸得香脆，上枱時店員仲細心提醒要趁熱食，以免個皮淋左見好多人叫湯粉，賣相都好似好吸引咁，下次一定要試下

晚市既香茅雞翼撈濛$58，濛粉大碗足料，配3隻雞翼，香脆可口，香茅味不算很濃，仲散叫左一份青木瓜沙律$56，同樣好大碟，全部材料都沾到醬汁，酸酸地幾開胃。生蝦刺身$91，一共6隻，都幾岩影相呃下like，肉質都彈牙爽口。生牛肉湯河$63，河粉同湯底都出色，但牛肉太多筋。紅豆冰甜度岩岩好，椰香味濃，好少餐廳飲紅豆冰唔洗加錢，呢間set dinner叫紅綠豆冰/三色冰/好多野飲都唔洗另外再加錢，真係幾抵。

在公司OT到9點🕘晚飯時間都快要過了🌚和同事先去美食坊醫醫肚吧😋還好美食坊10點關門🕙選擇了之前去過的"早安越南"🙆‍♀️晚市套餐跟午市的好像沒有什麼分別上次食過的黑粉絲都有在套餐內今次我點了越式炒金邊粉 配 龍眼冰🍲同事就點了法式牛柳粒 配 三色冰🐶金邊粉惹味 香口 酸酸辣辣👍龍眼冰就有點過甜🥴法式牛柳粒的牛柳就有點老 🥴連同上次的體驗總體的味道都不錯 而且服務都ok👍下次要再試試其他的套餐😋

平日經常到步伐急促的尖沙咀、銅鑼灣食飯，間中都想慢活一下，所以早日收工就到黃埔早安越南慢慢享受一餐充滿越式情懷的晚飯。食店位於黃埔天地美食坊，鄰近港鐵站，交通方面，用上半開放式設計，充滿空間感，感覺十分舒服。裝修極具特色，將越南國旗的星星、越南少女等等滲入全店每個角落，把我們瞬間帶到越南，置身其中，整個人即時心情輕鬆，減慢步伐。這裡推出的【晚市一人套餐】都像越南般抵食，除有多款選擇外，價錢由HKD50+起，仲包埋冷/熱飲品一杯，性價比超高！今次我們叫了一個小食及兩個【晚市一人套餐】。越式炸拼盤 (炸扎肉 / 炸蝦餅) (HKD88)賣相超吸引，size超乎意料，以為圓形細細件，怎料扎肉跟蝦餅都大件夾抵食，仲彈牙有咬口。隨拼盤有碟甜酸醬，沾一點味道層次會更豐富。 法式牛柳粒紅飯 (HKD93)一口牛柳粒被微酸醬汁包著，入口鬆軟唔會韌，配搭唔辣的紅飯，整體不錯。鵝肝醬帶子炒飯 (HKD93)表面上這是個普通炒飯，但原來驚喜在其中，除有鵝肝醬香味，仲幾乎每匙羹都見到大大粒帶子，豐富了炒飯口感，抵食！嗜辣者可於食物中加點特色辣椒醬，我沾了點綠辣椒醬在炒飯中，味道即添惹味！(左)：凍龍眼水味道少

因為我放大假。老公要返工我媽咪話嚟探下我同bb😊所以決定係屋企附近食佢話想食啲嘢濕口所以就揀咗呢一間越南餐廳 餐廳裝修好時髦 燈光好柔和🎏🎏大部分都有梳化椅 坐得好舒服值得讚嘅就係侍應服務好好入去counter 就會有人帶你埋位即時上曬水同你擺好餐具☺️我哋兩個唔算好餓 但係因為見到價錢真係幾抵食所以嗌咗兩個粉之外仲有嗌兩個小食😳最神奇嘅係落咗單唔夠五分鐘全部嘢一次過上曬 啱曬肚餓 趕住去醫肚仔嘅人😆👌💜牛丸湯河有五粒牛丸其實正確啲嚟講係有五粒牛筋丸連埋啲配菜一齊上湯嘅味道好濃飲落去有啲牛骨湯味🍜感覺清新不過牛丸相對唔夠彈牙可能筋太多 好在牛嘅味道好出🐮🐮如果跟同牛肉嘅比例可以再調教好少少就會更好味💜雞絲扎肉湯河比我個牛丸湯好食 扎肉有56塊 雞絲成碗都係基本上係啖啖肉咁食上面仲有啲炸蒜雞肉好軟 完全冇煮到鞋曬扎肉彈牙 湯好味 呢個抵食👍😘💜泰式鳳爪勁大碟冇骨酸尾尾非常彈牙 好開胃忍唔住食下食下食曬成碟雖然冇骨但仲留住啲雞軟骨好好咬口非常正有少少微辣就算平時唔食開辣嘅人應該都完全冇問題 carry到☺️☺️💜春捲配生菜包春捲咬落去有粉絲 肉同有少少芋頭炸出嚟好香 佢會配埋泰式辣醬畀你包埋生菜

在香港想吃泰國菜自然而然會去九龍城,可是說起越南菜卻沒有什麼idea。某天剛好約了朋友去黃埔，一出地鐵就是黃埔美食坊，所以就看看裡面有什麼餐廳, 朋友想吃越南湯河，所以我們就試了早安越南~~~~~餐廳的環境不錯，燈光暗暗的，有一點夜市的感覺。點了生牛肉河，燒豬頸肉，越南蒸粉包，番茄牛肉飯等等。總括來說食物的質素不過不失，無輪是溫度或分量都ok，最重要是環境舒服，可以好好的聊一晚。

住係紅磡區既你，一定唔會冇試過係蔡瀾美食坊到食野，上星期三同媽媽行完對面既IEON 就過左黎呢度食晚餐。 千揀萬揀最後想就越南野，就黎左呢間暗暗地有點feel既早安越南餐廳食野。-1️⃣鵝肝醬帶子炒飯+百香洛神(熱)💰93菠蘿炒飯既形狀，飯粒粒鮮明，好有住家炒飯感覺。不過唔太食到鵝肝醬味，帶子就係切成細細粒，佈滿炒飯入面，口感還好，送飯食係幾唔錯。要讚下個野飲，好香糖可口。2️⃣咸蛋黃咖喱軟殼蟹 💰128（👅：8/10）上菜呆了。原來有成三隻軟殼蟹咁多，而且仲獨立咁分開放，每隻下面都有法包同咸蛋黃咖喱。軟殻蟹炸得好香脆，而且入面係有肉同膏，咸蛋黃咖哩味道都濃，但又唔會話死咸，值得一試！3️⃣絲網海鮮春卷 💰66 （👅：7/10）個絲網做得好薄，不過兩個人食可以會覺得膩左一點。包生菜食更有口感同層次

繼續係屋企附近發掘新飯堂，今日要推介既係蔡瀾美食坊既“早安，越南”，裝修幾有特式，有晒越南風再配合k pop音樂....呢個組合幾搞笑！當然對餵食既我食物才是重點~晚餐時間黎到都真係幾full下，好在仲有1張台available 唔洗等位，同老公每人叫左set dinner,再加1款小食，share食青咖哩豬扒飯~青咖哩好香，加左d椰汁，入口都有少少辣，豬扒係鬆軟既，份量足夠，重點d汁可以撈晒成碗飯生牛肉湯河~每次食越南都必點，湯底味夠濃，唔覺意飲左大半，牛肉都有好幾舊，可以自行再加青檸/辣椒/魚露~我好鍾意 （話說有個staff見我飲左大半碗湯，會主動問要唔要加湯，好細心）炸蝦餅~size好似塊面咁大，有蝦味，亦都夠彈牙，配埋泰式辣醬，就忍唔住一件接一件食落口青檸梳打+咸檸7服務加分位~除左之前提過加湯之外，仲有另一件事令我覺得呢度d staff細心~一開始見到我同老公share 食既時候，係我仲未意識到既時候已經放定多set 餐具 （食湯粉類同飯類餐具是不一樣的），呢度既service係食客感受到既如無意外又變成我地新飯堂

氣溫越高, 胃口好像越是麻麻。在黃埔這麽多食肆也想不到吃什麽好像真的有點那個...既然上次吃過的越南餐廳不錯, 再encore 吧。簡簡單單吃碗湯河其實是個不錯的選擇。餐廳無論門面及內裏都跟當地小食店作裝飾一樣, 滲出濃濃的越南風味, 讓人置身當地。平日的晚上更有晚餐精選, 一個主食配上飲品, 最適合我等懶人選擇。先送上的是兩杯特飲, 青檸梳打一貫的清爽, 飲下去就是一股透心涼, 帶走悶氣。很久沒有點過三色冰, 甜甜的椰汁加上色彩斑斕的啫喱及綠豆等, 顏色美麗, 也令人飲得開心。如果沒有點上越式火車頭河粉, 很難說吃過越南美食。河粉的賣相十分不錯, 既有數量不少的配料, 湯河更是熱騰騰的漫着牛香。喝一口湯, 果然是精華所在, 用上大量牛骨熬製, 牛味重, 味道濃而不俗, 帶有香茅的香草清新。河粉亦是幼滑可口, 易夾易吃。其中的清湯腩也相當有質素, 肥瘦適中外, 肉嫩中有爽勁, 很好吃的一件坑腩。我亦很喜愛那爽彈的牛百葉, 把湯頭的美味都吸收去。身邊那位點了咖喱牛腩飯, 有很多牛腩呢~這咖喱飯不算辣, 反是多帶點椰漿香。 牛腩炆煮得夠火候, 肉腍味濃, 一咬即開。咖喱很難會煮得不好吃,

生蝦片既大細屬於可接受程度，試食第一隻既時候，口感出乎意料的有咬口，唔似一般既越南食店口感鬆散，而味道方面屬於中上水平，鮮甜且不帶腥味，個人認為係鋪頭必選食品之一。手撕雞凍檬粉，手撕雞既調味做得好好，少鹹帶辣，有開胃作用。而旁邊既札肉，味道唔錯，但個人略嫌清淡，至於個檬粉正常水平，分量十足同有咬口，所以手撕雞凍檬粉亦係鋪頭入面其中一個必選食品。酸辣海鮮湯黑粉絲，份量一樣都係好夠，黑粉絲有啲米粉咁，比較爽口。啲海鮮都有佢既鮮甜味，但佢個湯對我黎講有啲太甜。而椰汁沙冰帶點濃郁既椰子味道而且比人口感唔會口寡寡，配搭越南菜一流。咸檸梳打就好正常，無咩特別。

屋企無煮飯，放工唯有同女友去撐檯腳，上咗黃埔美食坊行咗個圈，見到早安越南一人餐幾抵食，有湯檬，湯河，炒飯，炒金邊粉，咖哩飯，牛腩飯，香茅豬扒飯，滷肉蛋飯等，款式又多，款款都好吸引，仲包埋特色飲品，有我最愛o既椰汁三色冰同椰汁珍多冰，就揀定入去安坐食晚飯啦。睇完Menu就揀咗兩款一人餐，包括香茅豬扒湯河同越式海鮮蝦膏炒飯，仲配咗一杯龍眼冰同一杯椰汁三色冰。見小食蒜香牛油雞翼好似好吸引就叫咗一份。另外，意外發現越南餐廳有肉骨茶都叫咗一碗。肉骨茶感覺藥材味較重，落足料。蒜香牛油雞翼大隻又香又好味，食完令人好滿足。至於香茅豬扒湯河，河粉配濃味湯頭感覺好夾好好食，湯底令人會想飲多兩啖。越式海鮮蝦膏炒飯就係我至愛，粒粒炒飯炒得又香又入味，蝦膏咸味岩岩好引出海鮮鮮味，配合埋兩杯冰飲真係天衣無縫。我特別喜愛佢地三色冰粒粒豆真係又大粒又甜好好食。食咁多野每位都係$150左右，呢個晚餐好抵食呀。

話說今日我哋嚟到黃埔，不嬲都知道黃埔美食坊成層都係食嘢嘅。咁啱我哋見到呢間早安越南，其實系早幾年前已經食過一次嘅喇，感覺唔錯，與其食隔籬啲連鎖野，不如就揀返佢啦。呢間餐廳比人感覺都係悉心打扮過下嘅，唔單止係佢外牆同埋換面嘅裝修，就算連餐具都係好對題嘅，值得一讚。呢度食飯好嘅地方就係佢有set dinner，價格經濟實惠，亦都奉送飲品，基本上一人叫一個餐，再加個小食已經夠曬飽。紅酒燴牛尾配法包。啲微信可以配飯或者法包，噉難得嚟到越南餐廳就試下法包啦。法包咬落去外皮煙韌，唔係嗰隻好硬咬唔落嘅法包。牛尾炆得都好入味同好腍嘅，但由於牛尾連埋啲骨，所以真正食落肚嘅分量相對較少，不過個汁就做得幾好食，甜甜酸酸噉樣，配法包就啱曬喇。越式炒金邊粉。今天瞓落咗扎肉，雞肉同炒蛋落去炒，食落去酸酸地都幾開胃。呢個粉炒得都唔算乾身，所以醬汁嘅味比較突出。越式小拼盤。由於兩個人食得唔多，所以叫咗個小拼盤，包括咗蒸粉包，越式春捲同埋香茅雞翼。蒸粉包就脹卜卜，入邊有大蝦，冬菇雜菜等等，食落味道都適中，呢隻蒸粉包嘅外皮就比較厚皮，鍾意皮薄嘅朋友就留意喇。越式春捲都係一啲穩陣嘅菜式，呢個春捲食落夠香脆，唔覺油膩，所以係