Chapter ONE

Open Now

Now Closed

餐廳環境極差 食餐飯不停被蚊咬 廁所污糟又邋遢 廁紙亂擺 設施爛爛容容餐廳勁多蚊 噴勁多蚊怕水都冇用 地下黐立立唔知幾多年冇拖過咁 食物質素唔想講 已經完全冇食慾都係因為睇到評語有隻貓仔幾得意先過來潮拜 點知係個伏！感覺利用緊貓仔做生意 嘢食一般般 見到佢哋用微波爐叮熱再煮個汁撈埋一齊 可以講無技巧 用最低成本食材擺盤打卡 正常味道 價錢各花入各眼 應該有嘅服務都有嘅 嚟到一杯水咁囉 起碼唔係用qr code 入單先總括黎講 無期望無失望

黎呢度係因為朋友介紹，呢度位置唔算好方便，喺鐵路博物館隔離，平時都好少過黎我地兩個人，一人叫左一杯飲品，因為有揸車，所以唔飲得酒精飲品，淨係叫左mocktail, 另外再叫左1個小食拼盤同埋牛油果大蝦pizza, 諗住唔夠再加食物。拼盤一黎到 真係嚇親，超大份，炸蠔有4舊，魚手指有3條，洋蔥圈大約有6舊，仲有好多薯角，食物熱辣辣，點埋茄汁同黑松露醬真係好好食牛油果大蝦pizza超多芝士，拉極唔斷，味道正常，邊位脆卜卜最最最重點係隻貓，職員話係英短黎，叫小柑，早兩個月先喺附近執佢番黎養，成為鋪頭生招牌，佢真係好得意呀，又唔驚人，又會行過黎聞下我地，睇下我地做緊咩職員會同我地傾下偈，講下隻貓，好友善親切，希望佢地生意會越黎越好啦，要支持香港嘅小店！P.S.餐廳出面有咪錶位，揸車過黎都唔驚無位泊車

經過呢間鋪幾次，見平時冇乜客。第一次嚟食你 ，估唔到普通嘅pizza可以整到咁難食，完全無胃口！飲咗杯勁難飲嘅Cocktail，雖然唔貴，但唔怪之生意做唔起！唔明呢間鋪點解仲可以唔執

7點入座，全場得一個人侍應，他放下餐牌稱「今天沒有main course」，先點兩杯餐牌有的飲品，第一杯15分鐘才調出，另一杯見個侍應看電話、搵晒全場酒樽，25分鐘後前來話「無其中一款，你叫果杯沖唔到」。好啦，驚見得佢一人咪改朋友飲緊果杯順便落單，問咗佢，原來另一位同事出咗去買嘢。咁無main course，即係要叫小食，單骨雞翼無，最後3個人只叫了個pizza、闊麵、炸物併盤

踏入Chapter ONE，感覺已經好寫意。呢度嘅黑松露忌廉通粉簡直係精品中嘅平民價，松露香撲鼻，真係食到個人都心情爽朗😍。忌廉汁滑嘟嘟嘅，緊緊地圍住啲粉，一啖落去真係滿足到爆！話說返上菜色，我重點推介個小食拼盤，食材炸得啱啱好，香脆得嚟唔油膩，尤其係炸蠔，肥美又juicy，蘸下酸酸甜甜嘅醬料，真係正👍！再嚟個牛油果大蝦Pizza，呢個組合意想不到咁夾，份量十足滿足，芝士多得嚟吾會覺得膩，皮薄餅脆，啖啖蝦肉，忍唔住要多嚟幾片。環境方面，Chapter ONE係間舒服嘅地方，無論係悠閒嘅下午，定係放工後嘅抖一抖，都啱哂嚟小聚。仲有一講，店員服務周到，幫手介紹菜色同餐飲，真係貼心到不得了。落區記得試吓呢間，保證滿足你嘅味蕾同心情！🥳🍴

在繁忙的城市中，尋找一間能夠提供美味佳餚和獨特氛圍的餐廳並不容易。然而，最近我發現了一家迷人的酒巴式西餐廳，位置比較隱蔽，繁華中的清靜，好適合放工後來鬆一鬆。裝修風格以歐式紅磚配上土耳其水晶彩燈，餐枱有吧枱，圓枱和方枱，能夠融合情侶或三五知己。聽住背景輕快音樂，飲上一杯清涼飲品，顯然特別放鬆。炸蠔，炸至金黃色，能品嚐到蠔肉的鮮甜和炸餅的香脆口感。炸魚手指其實係炸魚柳，配上黑松露醬，給人帶來了一種獨特的味覺體驗。外層酥脆，每一口都充滿了美味。黑松露醬的香氣豐富，與魚肉的鮮味完美結合。至尊辣肉腸pizza的薄餅底薄而酥脆，餅面撒滿辣肉腸並搭配熔化的芝士。帶來豐富口感，使人回味無窮。飲品選擇了Mojito，是一款清爽又適合夏天的飲品。這款經典的雞尾酒以新鮮的薄荷葉和青檸調製而成，搭配著適量的糖和檸檬汁。每一口都散發出清新的香氣和微妙的酸甜味道。另一杯是California lemonade，外型呈紅色，較勻後再點柑橘類水果的清爽口感，帶來淡淡的柑橘香氣是一杯不錯的消暑的飲品。餐廳門口是大量泊車錶位，如果你揸車過嚟亦很方便泊車。

Chapter one😋😋😋土耳其彩燈chill bar大埔仁興街、有間土耳其色彩bar and Restaurant、被圓拱型的門口紅磚吸引住眼球！餐廳內懸掛幾盞特色賽克吊燈、和同類型小擺設、視覺藝術效果、融合土耳其文化！坐下來、飲番杯、打卡一流👍🏻肉醬意粉$76 ⋯大大碟、意粉煙韌有嚼囗、蕃茄醬甜甜酸酸、夠開胃！辣肉腸pizza $128⋯即叫即做、薄批、薄薄pizza皮面塗上、蕃茄醬、辣肉腸、再鋪滿厚厚芝士、烤烘金黃、咬一口脆卜卜、芝士香氣撲鼻、無🉐️輸！辣肉腸至愛、好味食唔停囗！😜小食拼盤$138⋯包羅萬有、最抵食嘅小食、洋蔥圈、炸蠔、炸手指、薯角、炸物炸至金黃色、脆口不油膩，配埋黑松露忌廉醬、蕃茄醬、配合一齊食惹味又滋味！飲料：🍸🍸你今日飲咗未？$98⋯⋯名字很特別、值🉐️再encore、色彩鮮明、鮮黄色、微酒精的成份的飲品、帶🈶️橙香夾雜芒果甜、微量冧酒味、好好飮、小心過量、避免飲醉🙃🙃Chapter one大埔仁興街12號地舖港鐵太和站A出口、步行約8分鐘

📍Chapter ONE (大埔)大埔仁興街12號地舖今日喺大埔做完嘢，想搵個地方坐得舒服少少，醒起呢間性價比唔錯嘅餐廳，決定再Encore試吓上次想食嘅嘢。🍕至尊辣肉腸Pizza $128Pizza熱辣辣出爐，呢度選用薄底餅皮，特別香脆😋芝士好香仲有厚厚嘅拉絲，成個配搭都相當好味！🍝美式肉醬意粉$76 自家手打嘅肉醬加新鮮蕃茄好有咬口，意粉硬度適中，比較乾身嘅烹調，唔會太膩👍🏽🐷黑松露忌廉肉丸 $88滿滿忌廉口感，黑松露同忌廉嘅比例適中，肉丸質地彈牙頭，食完兩個甜甜酸酸嘅主菜，轉下口味都唔錯🫶🏾🍸蜜蜂糖 $88我朋友就叫咗一杯檸檬味嘅cocktail，加咗蜂蜜糖清清甜甜，好啱中和今日成個晚餐。🥭楊枝Rum露 $108隱藏餐單之一，楊枝甘露加上Rum估唔到又幾驚喜，小編好鍾意芒果嘅飲品，呢個啱晒我嘅口味，聽講要夏天先可以飲到㗎！🔔總共：呢個地方越夜越多人，都幾啱嚟傾偈chill吓🍻食物質素真係非常唔錯，兩次嚟到都冇失望💯地點⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️⭐️（5星為最高分）

今晚同姊妹傾心事所以放工特意去左Chapter ONE同姊妹飲野酥炸蒜香雞中翼 $78我最鍾意食生炸雞翼, 雞翼夠咸香味，蒜味香濃，岩曬送酒小食拼盤 $138拼盤有洋蔥圈、魚手指、炸蠔和薯角。我冇諗過拼盤份量咁多特別魚手指幾好食，炸得唔乾仲juicy牛油果大蝦Pizza $148餅底香脆，芝士香濃，大蝦爽脆特飲：你今日飲左未？$98估計內有益力多、芒果/橙汁，梳打水，酸甜好清爽原本飲品有酒精，不過我特別要求走酒精California Lemonade $68內含Whiskey、檸檬汁、橙汁和梳打水姊妹又係唔飲酒，所以走Whiskey都係好有果味，幾好飲明明黎飲野，點知最後忍唔住食左咁多野三五知己黎飲野傾計真係好好

今日同好友去完大埔鐵路博物館，周圍行吓覓食，發現－間充滿異國風情，裝修別緻嘅餐👉👉👉「Chapter ONE」， 大家總得環境唔錯，入去試吓先！ 簿皮《牛油果大蝦披薩》，Pizza 大大個，材料豐富，包括有爽口大蝦、牛油果& 勁香芝士。脆口薄餅底，配上creamy 牛油果，味道超正，好滋味！《BBQ烤春雞配薯角》，外皮烤得香脆，超多肉汁， 雞質鮮嫩， 配上薯角， 炸得脆口， 正呀！ 《炸洋蔥圈》，剛剛炸起，熱辣辣，超級香脆， 鬆化可囗，好食！ 食炸野，梗係要叫飲品啦，《Moiito》，加入薄荷葉， 味道特別，味道好Fresh， 夏天好啱！

呢間感覺俾我係間好靚好有feel既酒吧～與朋友or伴侶黎呢到飲下野都幾唔錯～黑松露忌廉長通粉🍝佢嘅味道濃郁而香，令我回味無窮！通粉煮得恰到好處，筋道有嚼勁～加上豐富嘅黑松露忌廉汁，真係令人難以忘懷。每一口都可以感受到黑松露嘅味道～仲有唔少菇片同煙肉碎😋辣肉腸pizza🍕佢嘅餅底薄身又鬆脆～一咬之間就可以感受到酥脆嘅口感😋上面那層番茄醬份量啱啱好再加上芝士同大量嘅辣肉腸，每一口都係一個美味的結合！辣肉腸嘅鮮香同薄身餅底嘅酥脆真係絕配😆德國鹹豬手🐖呢碟啱啱上嚟，我就聞到豬手嘅香氣～好吸引😚豬手外脆內嫩，外皮烤得金黃酥脆，一啖咬落去，嫩滑多汁嘅豬肉就溢出嚟，令我唔禁咀嚼好耐唔肯吞下去😂豬手配埋啤酒，真係一啖一啖都令人愉快，好似喺德國啤酒節咁🤣飲品嗌佐Corona同California Lemonade～happy hour會優惠啲～California Lemonade個漸變色好靚～甜甜地易入口☺️唔錯總括而言，係呢到食飯飲野俾我感覺幾chill幾舒服～食物同嘢飲質素都唔錯😚推薦～

就係大埔火車博物館對出兩個開闊既圓拱門及高樓底坐落十分舒暢異國特色既吊燈及木枱櫈 充滿土耳奇風格推介既奇異果大蝦薄餅及炸咸豬手都做得出色各自配上生啤或Cocktail 都十分岩key牛油果大蝦pizza $148近期澳洲大牛油果當造必定要試下新鮮既大蝦仁加上大量芝士醬舖係薄脆既餅底整個pizza 十分配搭而口感順滑清新脆炸德國咸豬手 $198巨型份量既咸豬手上枱前已細心切成一口尺寸脆口既豬皮 咸香既豬肉 彈牙既軟根配上清新既生啤簡直一流！豬手及生啤既份量之多 體現外國風情的豪邁脆炸蒜香雞中翼 $78炸至雞皮超鬆脆而肉汁飽滿既雞翼經過蒜蓉調味既肉質十分適合酒前小菜

收工試左間異國風情的bar，原來餐廳分兩段時段， 6pm 前係橙皮咖啡，6pm後係Chapter One 酒吧，好特別。我早左到仲有得試咖啡，叫左杯橙皮咖啡梳打，非常岩女仔飲，咖啡味唔會太濃或者太多糖，算淡口但幾好飲而且好靚好打卡。牛油果大蝦披薩 $148一上枱好吸引，薄皮pizza超級多香濃芝士，可以拉絲。脆口薄餅底加上酸甜茄汁，配大量芝士、大蝦、牛油果。蝦好大隻咬落爽口，牛油果熟度剛好非常香軟，用料十足值得推介，好滋味。黑松露忌廉長通粉 $108好多好多黑松露同少少煙肉粒， 份量都幾多，長通粒熟度合適。最重要係黑松露忌廉汁煮得好香好入味，好欣賞佢個忌廉汁，汁份量剛好唔會太多。 酥炸蒜香雞中翼 $78我哋睇住佢剛剛炸起然後直接送上枱，全部都熱辣辣脆卜卜，肉汁香! 雞翼有6隻份量好多好抵食。黑松露忌廉肉丸 $88香濃嘅黑松露忌廉味，6粒肉丸大大粒，肉丸好Juicy！

入大埔修理架‘’錢柒‘’竟然無心插柳，找到大埔新蒲點(Chapter One)，裝潢英式拱門，浪漫異域風情馬賽克燈飾，情調一流，店員好nice。🌟BBQ春雞拼薯角~燒春雞醃得好入味，肉質柔嫩細膩，加上🍻啤一啤最好選擇。薯角外面香脆 ，內裏軟綿綿。🌟辣肉腸pizza~Pizza係薄底批， 辣肉腸渗出微微辣油香味，加上香濃芝士更加惹味。🌟肉醬意粉~茄汁肉醬酸中帶甜，肉質鮮味，意粉爽滑，酸酸甜甜吃起來開胃。🌟Mojito~古巴經典雞尾酒之一，清香得來帶薄荷味

每個故事總會有Chapter One，記錄故事嘐開始，愛情故事都唔例外！每段感情都有獨特嘅Chapter One，令你愛上對方。大家不妨嚟位於大埔，主打酒吧餐廳嘅Chapter One，一邊摸着酒杯底，一邊重溫你哋之間嘅Chapter One！你今日飲左未我哋叫咗「你今日飲咗未」嘅酒精飲品，以vodka做base，加入芒果汁同益力多調製而成。酒味唔算強烈，味道帶酸酸甜甜，非常容易入口！BBQ烤春雞配薯角表面嘅雞皮燒得十分香脆，一切開啲肉汁就流晒出嚟，絕對保持到雞肉鮮嫩多汁。另外，薯角新鮮炸起，脆卜卜，，非常可口！黑松露忌廉長通粉嗰長通粉一嚟到就聞到好香嘅黑松露味，長通粉嘅烹調時間控制得啱啱好，非常彈牙，每條長通粉都掛上濃郁嘅黑松露醬，再配上煙肉碎、蘑菇片同火腿碎，食落一啲都唔膩，口感豐富，非常滿足！吉列炸蠔（8件）吉列炸蠔新鮮炸起，炸到金黃色，賣相非常吸引！蠔肉十分肥美，值得一讚嘅係炸粉一啲都唔厚，薄薄一層，十分脆口。炸蠔再配埋特製黑松露醬，提升炸蠔嘅豐富味道！