臺坊 (加拿分道) (Closed)

呢間新開係厚福街嘅台灣餐廳抵食好味 🤤 佢地點真係好方便呀，係厚福街街頭 👍 餐廳細細間，木系裝修，幾有台灣感覺，啱返工黎食lunch或者下午茶，都見好多人買外賣。我係下午茶4點時間去，所以無叫佢招牌的飯麵，但我見到好吸引，下次再叫！我叫左個芝士肉鬆蛋餅+小麥胚芽奶綠加珍珠，好邪惡好幸福的下午茶 🥰唔好以為蛋餅得芝士同肉鬆會好少份量，份量好足，食完好飽 😂小麥胚芽奶綠有驚喜，好重小麥味，表面仲有d小麥胚芽碎，好正 🤤🤤🤤 會再encore! 侍應們好年輕，都好好態度 👍

人在尖沙咀肚餓想食台灣野，見厚福街有呢間餐廳咁就入咗去食喇。店舖小小，唔係好多位，適合一至兩個人。全部都係面向牆或窗的座位，好似日本拉麵店咁，在現在疫情之下都幾好。紅燒牛肉麵好大碗麵，滿滿的好豐富，好香。首先試試湯底，香濃，但又唔油，幾好飲。好足料，有三大塊牛肉，一塊牛筋，兩塊白蘿蔔，一塊紅蘿蔔。麵條夠滑，也能掛湯。牛肉夠稔，好入味。驚喜地有牛筋，通常牛肉麵都沒有，淨係得牛肉，個牛筋夠稔，好有膠質的感覺。蘿蔔都非常大塊，夠稔夠入味，又冇渣。食完碗麵，好飽。蒜汁青瓜全部切成一口size，好方便，爽脆清甜，清新口感味道配濃濃的牛肉麵好match。小麥胚芽茉香奶綠加六蚊幾抵，大大杯，而且都唔少小麥胚芽。

厚福街係尖沙咀出晒名嘅食街各式各樣餐廳都搵到~行完一圈都係返番去街頭嘅臺坊除左價錢吸引😏最緊要係有我最中意嘅珍珠奶茶🤣臺坊細細間舖大概只可以容納十二個顧客平日嘅下晝堂食客人一個接一個而外賣單亦不斷有蒜汁雞絲冷麵$54不論雞絲定麵嘅份量都超多！每件雞肉都超大件細食嘅女仔一定要帶多個男朋友肚分享😆而蒜汁遍佈麵同餸絕對唔會乾真真~自己好中意食蒜對於個汁嘅味道超滿意😼炸茄子肉燥飯$54啖啖肉燥撈飯一流！超有台灣嘅味道🤩炸茄子嘅炸粉好薄就算啲茄子炸過都唔會好老煮過龍中意食茄子嘅朋友唔可以錯過~黑糖仙草凍(左) 珍珠奶茶(右)跟餐叫飲品只需要加$6/$10先講左邊嘅仙草凍雖然個底係花奶但完全唔會蓋過黑糖嘅味道😯最classic嘅珍珠奶茶茶味重同唔會好甜珍珠軟硬度適中~又係非常出色👍🏼整體黎講估唔到係尖沙咀最平$48+$6就食到地道台灣餐連飲品🤤下次一定要再幫襯試埋佢地嘅小食！

你到尖沙咀 嚟個速成 就去到加拿芬道見到有一間新開的台灣 美食 呢度有飯有麵 有嘢 飲。咁首先我就要咗個最出名的紅燒牛肉麵紅燒牛肉麵大大碗即叫即煮 有好多舊牛肉 仲有牛腩牛筋 流感好林 好嫩滑 牛肉味濃 牛的口感豐富仲有蘿蔔同埋 青蘿蔔 紅蘿蔔好甜 有落去青甜麵身好友好煙韌 用上正宗台灣麵之後加十蚊可以加多一杯嘢飲我就叫咗凍黑糖仙草 少冰少甜少冰少甜食樂會健康啲 黑糖仙草 味道甜甜地 入口鮮甜 配 仙草 的清香 下火清新解渴邊個服務態度好好 天氣大多數都係後生仔

台坊位於尖沙咀，今日限聚令嘅完結之下，終於可以出去食下飯啦。當然，位於尖沙咀，人流當然都會好多啦，但係好彩過晚都唔使好點樣排隊，台坊嘅裝修10分有文清感覺，周圍都是木質地嘅裝修，令人好似置身係台灣的文青小店。 飲食方面我哋叫咗一個紅燒牛肉麵、一個涼拌雞絲，同埋一杯嘢飲。老實講份量唔算好多，如果係比較大食嘅男仔可能都會唔夠食，但係如果本身係細食嘅女仔來講，份量就啱啱好，價錢亦都唔算好貴。味道方面，紅燒牛肉麵嘅牛肉都算得上高質，最令我驚艷嘅就係佢嘅湯底十分之濃郁但又唔會好油膩，我哋加錢要咗個刀削麵，因為出面比較少餐廳有得食刀削麵，而呢個刀削麵十分滿意，口感彈牙得來又唔會太過硬。整體來講成間餐廳都不過不失，如果鍾意食台灣野或者鍾意食牛肉麵嘅朋友都推介佢試一試。

紅燒牛肉麵，咁入邊除咗有牛肉，仲有牛筋添。牛肉同牛筋炆得好冧，好入味。白蘿蔔同紅蘿蔔都係，好軟身，味道幾好。另外加咗$3轉刀削麵，租上面較為粗身，好有咬口，煙煙銀銀👍🏻個湯幾清，又不失牛骨味，但碗麵嘅份量就唔算好多，如果係男仔就未必食得飽啦。肉鬆芝士蛋餅，用料十足，每啖都有肉鬆同芝士，餅皮好薄，唔會咬落去有麵粉味，剪得好香，再加上面頭有啲甜甜嘅醬汁，味道好夾。雖然蛋餅買$39唔算好平，但分量十足，好飽肚。😃😃

第一次試呢間估唔到個飯可以整到好似漿糊 好難食下。個滷肉又好咸。人流唔多 廚房有五個人都可以等成半個幾鐘。開台灣餐廳個滷肉飯係最基本。但可以差到咁，無言。期望有改善！

星期六晚9點厚福街間間都要排隊咁濟，趕趕地時間又見呢間有位就即入去啦！餐牌都幾多選擇，不過第一次就食招牌嘅紅燒牛肉麵，加$3轉咗刀削麵。首次湯底好甜，味道濃但唔油膩，唔錯！佢係半筋腩嘅，煮得夠淋、重牛味、分量都足。刀削麵好Q彈，不過唔夠麵粉香味，下次如再食會試返普通麵。最後要講驚喜位係蘿蔔（笑），大大舊又入晒湯嘅味道，好正！總括而言都覺得有台灣嘅味道！服務員都親切有善，上菜速度好快！尖沙咀區50幾蚊食到好食嘅牛肉麵，絕對可以再食！

餓餓地又想飲台式飲品，見到有食客攞住珍珠奶茶行出黎，似乎台式餐廳可以符合我要求。店內用台灣風景明信片裝飾，好有文青風格的佈置，簡單得來都有可以欣賞嘅地方。墻上有店鋪自備嘅登記資料link，掃一掃上去google doc填資料就可以。電話冇位裝埋D古靈精怪APP都可以安心進食。叫一個鹽酥雞肉燥飯、加6蚊就可以有帶得走嘅台式飲品，呢個係冬瓜茶、健康飲食要有D蔬菜，所以加個黃金茄子。飯係用粒粒飽滿嘅珍珠米。配肉燥每啖咬落去都好有口感，可以feel到每粒飯圓滑嘅外形同肉燥醬汁嘅鹹香。鹽酥雞表皮香脆，有鹽花嘅鹹香，入面嘅肉好嫩滑，肉眼已經可以見到肉汁。茄子用粉漿炸，有D似天婦羅。配埋粗粒肉燥調味，口感味道都更豐富。茄子咬開好軟滑。冬瓜茶係特別驚喜果樣。以前都有飲過一D台式飲品專賣店嘅冬瓜茶，甜到完全冇茶味，但呢一杯嘅茶味非常突出同埋清香，同冬瓜味嘅比例非常平衡。食完影一影，珍惜食物唔好浪費。

咁大件事冇人講？！ 尖沙咀新開咗呢間大大嚿、大大碗紅燒牛肉麵，幾正喎！ 點解冇人講嘅？冇人講咪我講囉。。。話說今天做完運動， 轉角遇到呢間台式料理， 在十二分肚餓之際，決定入嚟一試。紅燒牛肉麵 $56咁大碗麵我想食！ 見到咁多科就梗係想迫埋一份試番碗啦， 香港人都是唔執輸啊！碗內有三嚿超大的蘿蔔。。。白蘿蔔 x2 + 紅蘿蔔 x1。。。 蘿蔔吸收了紅燒牛肉的精華，變得很juicy，很美味！紅燒牛肉有五大嚿， 其中一嚿，竟然是我最喜歡吃的牛筋腩， 滿滿的骨膠原。。。驚喜！！五個字總結這碗麵： 「大件夾好味亅！ 又好味、又性價比高，值得推薦 ！！蒜汁青瓜 （跟餐＋$18）很清爽的前菜， 剛好中和了牛肉麵的油膩感， 跟今日的牛肉麵十分搭配。珍珠奶茶(少甜) （跟餐＋$6）很久沒有喝了 ！喜歡煙煙靭靭的珍珠， 今日就放肆一次吧！ 幸好剛才做了運動，有 quota！。。。🦉咁好味嘅大碗麵冇人講？所以現在咪我講囉！ 接收資訊同發佈資訊嗰個，都可以係同一個人嫁， 乜嘢話題都有第一個人講㗎啦 ！😄咁講完又真係幾有優越感嘅！！完。。。。🦉福福郎staycation食評系列， 有全港十八區的特色餐廳介紹

尖沙咀厚福街出名多野食，俾呢間喺轉角位嘅台灣餐廳吸引，門面同裝修都比較簡約，有啲古早味嘅感覺。店員都非常有禮貌，入到去可以先坐低睇咗食咩再出收銀落單，我今次就叫咗餐牌上面推薦嘅幾樣食物，分別係蒜汁雞絲冷麵、炸豬扒肉燥飯、麻辣海蜇雞絲、以及食台灣野必備嘅珍珠奶茶。落咗單之後5分鐘內就已經上齊嘢食，真係非常有效率，而且每樣嘢食都非常滿，一定唔怕唔夠食。蒜汁雞絲冷麵個汁非常好味，加埋啲雞絲非常嫩滑，撈埋啲青瓜同冷麵配搭非常好，我自己個人非常喜歡呢個，如果夏天食更加係非常適合。炸豬扒肉燥飯都非常唔錯，炸豬扒會已經幫你切件，非常貼心，個炸豬扒炸得好鬆脆，豬扒肉質亦都唔會好實，肉操上面加咗啲菜脯，撈埋啲飯同肉燥一齊食嘅時候更加有口感同好味。麻辣海蜇雞柳作為小食非常開胃，佢個麻辣食落都幾辣，加埋海蜇同雞肉呢個配搭，味道唔錯。珍珠奶茶同出邊飲嗰啲都差不多，亦都可以選擇甜度同冰量，我自己就嗌左半糖小冰，如果個海蜇覺得好辣嘅時候就可以飲幾啖啦！整體食物味道都很好，而且性價比高，就好似去咗台灣咁，地道得黎冇一啲浮誇嘅擺盤，值得一試！另外都見到餐廳設立自助外賣機，如果想買外賣就唔使排隊等落單啦，非常方便！

o係netflix 睇完某套台灣金馬電影，突然又很思鄉——「異鄉」個鄉啦。唔得，要食番d 台灣o野解下相思之苦，於是揀中o左呢間餐廳，細細間，o係厚福街大街轉角位。裡面全部都係長檯單邊座，裝修主要用上水泥牆同磚頭，感覺粗獷，掛上少許台灣明信片。試o左個蒜汁雞絲冷麵($54 無加一)，以紙盒盛載，猶如便當一般，增添一點台灣風情。適逢新正頭，食之前先來大刀闊斧咁亂摷一通，但求撈到風生水起！呢個冷麵個蒜油簡直係精髓，惹味非常，能夠將個麵提昇一個層次。menu 上提到有微辣，不過都真係好少辣o者。食過出面一d 日式冷麵，d 拉麵好粗身，或者d 汁俾得唔夠，turn out 只係滿口粉漿o既口感，但呢度就o岩o岩好，麵身爽口又吸汁。至於d 雞肉，就未算好大驚喜，都係便當一般常見o既quality，可謂不過不失。叫一個飯麵可以以優惠價加配小食同o野飲，當然要叫埋。記得之前去九份食過o既芋圓超好味，香港唔少台式餐廳都得叫，但炸o既版本好似真係第一次見。黃金芋圓波(跟餐$25) 同想像中感覺好唔同，係圓碌碌一大粒。佢外層好熱，裡面滿滿紫色芋圓o既甜味，口感則似棉花糖，好特別，值得一試！飲品點o左珍珠奶

偶然發現厚福街轉角位這間餐廳，所以就來試試了。紅燒牛肉麵 $56味道不錯、濃度適中、牛肉味夠，偏甜不算太辣。如果嫌平常的牛肉麵有點辣吃不到，可以試試這一間。個人覺得各有各好，按心情選擇吧。黃金芋圓波 $25跟餐價叫的小食，$25有5粒，是一口能吃下的大小。黃金波內大概有一半是餡吧，芋頭的味道很甜很好吃，可能算是最驚喜的一道菜吧。鹽酥雞肉燥拌麵 $57對比牛肉麵份量會少了一點，而且是用紙盒裝，感覺有點像台灣夜市。肉燥汁夠入味，鹽酥雞炸得剛剛好，熱辣辣又不會太厚粉。跟餐可以加$6叫飲品，我們就點了珍珠奶茶及珍珠奶綠。沒有特別叫少甜少冰，但味道也是剛剛好，讚。總括而言，小店的食物每樣都不錯，是簡單的台式味道，而且價錢合理，是可以間中光顧的地方。

下雨天的下午就黎到呢間開揚嘅台式餐廳望住街外人流細味品嘗台式慢活生活（放假真係好好）Menu有主菜 小食 同台式飲品 跟餐價好抵畫完menu就可以落單同付款先 餐廳用木色做主色坐落好舒服蒜汁雞絲冷麵一上枱好色彩繽紛好似撈起咁蒜汁就好似當年好興嘅撈撈冷麵店賣嘅味咁個汁好香 得好少好少既辣味 蒜味就重既值得一讚係個麵已經撈好晒汁唔駛自己搞雞絲都多嘅 加埋青瓜絲同蟹柳絲個麵其實好豐富甜不辣有六塊咁多 面層香脆內裡煙韌 唔會乾 同面頭燒汁好夾食完無油淋淋嘅感覺珍珠奶茶呢度嘅珍珠奶茶有茉莉花味我叫左正常都唔會太甜呢個早午餐 食完真係好滿足

今日出開去老尖攞野。。。。行過一間小店(我又未食lunch)所以比門口既海報吸引住😍台灣牛肉麵😋 入到店來。。。坐位只得十個八個，店員話隨便坐😅😅坐低檯上有餐牌供看，但大家注意不用圈叫D咩食👉因最終糸要行出收銀處買🤷‍♀️🤷‍♀️我叫左香辣牛肉湯麵+蜂蜜冰綠茶，食物好快到😃真糸無諗過甘大碗，首先梗係試下湯底（真係好濃味）系我杯茶😍😍😍無味精味👍牛肉有4，5件同牛筋一件，肉質都淋身入味😋重有2大件蘿白同1大件紅蘿白，整體碗麵有92.34分👍😍😋杯飲品正常無咩特別