臺坊 (加拿分道) (Closed)

熱辣辣嘅天氣總係想飲珍珠奶茶😛尋日經過厚福街，見到以前許留山嗰個位變咗台灣小食店，店內全部都係年輕人，走入去八下試吓先！😎座位唔多，不過都唔算太迫，同朋友坐低傾咗一陣都算係舒服😌👍🏻本來見到飯同埋面都好想食，但係啱啱飲完茶，怕浪費，所以我哋都只係每人叫咗一杯嘢飲同埋試咗一個炸豆腐🧋🧋我叫咗最傳統嘅珍珠奶茶（佢哋好窩心，真係做到少甜同埋少冰俾我）🥰我朋友叫咗杯牙奶茶加珍珠加椰果（超級貪心），佢話椰果同珍珠一軟一硬，口感好得意好開心喎🤣🤣🤣 熱飲有一個紅色嘅紙杯，我覺得好靚😍😍😍個炸豆腐其實有驚喜，佢呢啲小店都唔會期望好新鮮咁炸俾你，通常都係返咋，比較韌，但呢度做得好好，而且個醬汁有類似蒜蓉撈埋喺裏面，好香😎😎佢有一個特色台灣蛋餅，下次一定要來試🤪

黎尖沙咀拎貨，送便食下野，行過見有間叫臺坊嘅小店，天氣咁熱飲杯珍奶都好喎。睇下餐牌先，有飯有麵同小食等，選擇唔算好多但有幾樣野都想食，唔…叫咩好呢。到收銀位落單，先付款再揀位坐。叫左一個伴麵同一杯飲品，本來想加多份小食但又怕食唔晒。叫左呢樣鹽酥雞肉操拌麵，賣相都唔錯喎。鹽酥雞有五件，炸得酥脆香口。麵條有咬口，撈左肉操鹹鹹地幾好味，不過食到尾凍左都幾油嘅，襯熱食啦。飲品點左黑糖仙草凍，見個個食客入黎都係叫呢杯喎。黑糖幾香，份量啱啱好唔過甜，仙草滑口，天氣咁熱真係消暑良品。小店坐位不多，下午時段都好有人氣要等位㗎，快快食完讓番張枱出黎。

尖沙咀厚福街頭這間台灣小店幾好食wo 😯 點解咁驚喜，因為本身無咩期望🤣 當間間鋪頭都要排隊，而佢唔洗，你就會懷疑佢的顏色或者質素。.我點了一個鹽酥雞肉燥拌麵加一杯少冰珍珠奶茶。估唔到肉燥一啲都唔鹹，感覺無味精，我可以食哂。鹽酥雞唔會炸到過硬，但保持到脆口，正👍 當然佢唔係最好食的鹽酥雞麵，但係我會推介及encore的小店。.珍奶茶底夠濃，而且甜度剛剛好，不用叫少甜，亦沒有死甜。珍珠煲得夠淋同埋煙韌。好鍾意杯茶，但唔記得問係咩茶底😂.🍗 鹽酥雞肉燥拌麵 $57🧋 珍珠奶茶 跟餐加$6

今日約左同學黎呢邊食個飯之後先上堂😋店舖細細間 自己去收銀俾錢叫野食 我叫左個芝士肉鬆蛋餅同百香果蘆薈綠茶🍏 個蛋餅熱辣辣好多芝士同肉鬆 覺得好足料好飽滿 仲用小熱Pan上呢點幾特別 至於個綠茶就有我好鐘意嘅粒粒蘆薈 小小偏甜 不過就冇影到相🥲 呢兩樣一齊食好match😁 好飽👻

炎夏來了要透心涼既感覺，唔一定食雪糕，飲汽水。食個冷麵都有同樣效果，加多杯凍珍珠奶茶，更是錦上添花。今日行過尖咀，滿口大汗，正好有大半個鐘先夠鐘，就走左入呢間台式小店，黎個速食冷麵，休息下，加下油。位置不多，佈置簡約，地方整齊清潔。入口有部自助order機，很方便炸豆腐冷麵$55炸豆腐，熱辣辣，即叫即炸，口感外脆內滑，面層還灑了一點椒鹽作調味。如果加埋辦醬，就好似食緊臭豆腐咁正。冷麵有大量青瓜絲和蟹柳絲伴麻醬，夏天食落好舒服。珍珠奶茶（跟餐價$6）叫左少甜少冰，甜度剛好，岩我口味。加埋呢杯珍奶，幾熱都唔怕啦。不過啲珍珠太多啦，食唔哂浪費之余，我想飲多兩啖茶羅。

忽然間好想食台灣菜 出開尖沙咀就搵下有啲咩台灣菜可以食🤤見到依間餐廳感覺好似唔錯咁就一於去試下 入面都幾有台灣風味 貼左啲台灣當地嘅相 令你覺得去唔到當地都可以食下當地嘅野食炸芋球即叫即炸 入面既芋頭涵好豐富 咬落去外脆內軟 入面既芋頭好香口炸雞扒冷麵雞扒好大塊 而且炸粉唔算厚 雞扒肉質好嫩 好厚切 咬落去肉汁又夠多 配埋彈牙既冷麵同麻汁 開胃得來又好食 配菜仲有青瓜同蟹柳 食落感覺好清新 唔錯既一個冷麵 咁熱嘅天氣有時唔多想食熱辣辣嘅野食 依啲就岩岩好啦

我一向都好鐘意食台灣野最近聽朋友講尖沙咀有間食台灣野唔錯既就諗住去試下個地理位置都幾易搵 係加拿芬廣場對面就係 入到去地方細細 裝修都幾有心 post左d台灣相 乾淨企理 （好想去旅行）我叫左一個古早味肉燥飯（49$）肉燥飯平時最怕就係唔夠肉燥 飯多過肉燥 好彩哩間d肉燥俾得好足 碗飯好大碟 最後係食唔曬49$一個飯黎講都算平！一杯小麥胚芽奶綠（跟餐+6$）之前未試過小麥胚芽 都唔錯！我之前怕個肉燥飯唔夠飽 就叫多個黃金茄子（$25）哩個真係好好食 佢其實似炸天婦羅茄子咁 用面粉炸茄子 最後再加肉燥做topping 我平時最驚食天婦羅就係太多面粉太厚身 哩一間只係薄薄地一層 個粉一D都唔厚 熱辣辣食個陣 外脆內軟 再配上肉燥汁 口感一流！我食完所有茄子先食埋個飯最後埋單都係80$ 但係就食到好飽！係尖沙咀黎講CP值超高！值得推薦俾人食！

喺尖沙咀做完嘢之後 突然好想食下台灣菜 今次就決定試試依間位於厚福街街口既台灣菜舖頭座位唔多 應該係主打外賣店 牆身掛左啲明信片 keep住播耳熟能詳既台灣歌 超級懷念 幾乎首首歌都可以哼住唱🎶🎶🎶舖頭有一部自助點餐機 可以直接點餐然後俾錢 亦都可以揀同店員落單俾錢#紅燒牛肉麵 $57牛肉咬落幾軟身 唔會靭🥩牛筋夠曬入味 入口即溶蘿蔔有三大舊 煮到好入味 又夠曬甜個麵底份量好夠 湯底飲完唔會口乾味道幾好 又飽又抵食👍🏻👍🏻👍🏻#珍珠奶茶🧋跟餐$6揀左少甜 珍珠有咬口🧋唔會黐埋一舊舊個茶底都幾有喺台灣小店飲嘅感覺#黃金芋圓波 跟餐$25外皮炸到香脆 內裡係香甜軟糯既芋頭蓉食落煙煙靭靭 好鍾意個口感唔會太甜 好快就一個人食晒五粒 好好食😋😋😋

成日係台灣旅遊節目見到但我從未食過蛋餅,呢度有得食,即刻叫左!大滿足呀!有幾種口味選擇,我選了芝士火腿,芝士好熱,真係好CHEESY的!GOOD!飲品就叫左珍珠奶綠,食得出係自己煮過的珍珠,係自家既味道呀!而炸豆腐都好好味!MTR轉角不遠處就有呢間小店,掛滿明信片既相,令人好懷念台北之旅呀!去唔到旅行,食到地道既台灣小食,都止到渴既!呢度仲有好多款美食,小店真係充滿驚喜呀!而且價錢都好相宜,值得試!

老公在hktvmall見到呢間餐廳優惠，帶我來吃台灣麵， 以為特價嘢都對佢冇乜期望，但嚟到我覺得好有驚喜喎。google form安心入座，全店親切的黑衣服務員，一看就知有意思。紅燒牛肉麵，個碗唔大，但滿滿的，誠意的雙手捧上。每碗都有兩大件牛肉，兩條牛筋，兩大件白蘿蔔同埋一舊紅蘿蔔， 當然全部都是有又淋又入味。湯底都唔味精，好清甜。跟餐仲可以用六蚊加飲品，但因為我們已經係優惠價，所以只能用原價，都係$20，和一般手搖店差不多， 但這裡的珍珠奶茶覺得茉香奶茶做底，係特別香。好想偷師，真係做得好好的台灣麵。

久久都冇踏足過臺灣，但依然掛念臺灣嘅美食，今日在尖沙咀，忙碌中來個午餐，意外地發現呢間臺式小店<臺坊>，原來是如此令人回味。<紅燒牛肉麵 $57>牛肉麵好大碗，眼看已經非常驚喜。牛肉有三大件，每一件都又厚又大件，屬於重量級的牛肋腩肉級數。牛肉入口好有牛味，而且亦炆得夠腍身。除了牛肉，還有一件又滑又軟身嘅牛筋，配菜是大大件厚切的紅蘿蔔和白蘿蔔，吸收曬濃郁牛肉湯底的精華，入口多汁之餘還有牛肉的鮮甜味道，非常好味。牛肉肥瘦均勻，恰到好處。麵量好多，麵質入口微軟得來亦帶煙韌口感。<蒜汁雲耳 $18>雲耳是冷盤小食，有淡淡的蒜香味道及微甜的自家醬油味道。雲耳入口帶爽骨口感，非常開胃。<珍珠奶茶 跟餐加$6>跟餐衹需加$6便可以飲珍珠奶茶，相當抵飲。珍珠量好多，而且珍珠夠彈牙煙韌，雖然茶味不算很濃，但奶味重而滑，都幾好飲，值得一試。餐廳除了供應牛肉麵，仲有好多其它臺式主食和小食，如冷麵、肉燥拌麵、炸豬扒飯、鹽酥雞拌麵和台式蛋餅等。小店地方雖然不大，但供應的食物水準質素高，而且份量多，價格又不貴，屬抵食又好食之選，值得支持呀！！～

多數台式餐廳都係魯肉飯、牛肉麵同蛋餅，不過尖沙咀呢間新開既臺坊除左以上食物外仲有多款冷麵，勾起兒時回憶。餐廳位於街角，裝修頗為簡約，座位唔多。- 蒜汁雞絲冷麵配料有大量雞肉，蟹柳絲同青瓜絲，冷麵口感幾好，唔會話太硬，雞肉肉質比我想像中好。不過蒜汁先係主角😍，彌補番賣相嘅不足，一食就停唔到口。- 紅燒牛肉刀削麵每次食紅燒牛肉麵我都會轉刀削麵🥰，湯頭香料味不偏不倚，味道甘香。牛肉方面用左牛筋腩，入口香稔，另外仲有蘿蔔兩大件，入晒味好正。- 肉鬆蛋餅餅皮煙韌有蛋香，而且有蔥花，肉鬆幾香口，一夾上嚟就見到拉絲嘅效果，可惜嘅係蛋皮同蛋有少少分開。主食加$6可以揀飲品，蜂蜜冰綠茶同清甜冬瓜茶都係一個唔錯既選擇。牛肉麵同冷麵高質，上菜時間幾快，速食一流！

近期厚福街轉角位置開了間新的台式料理店內裝修以木系為主，帶給一種簡單·窩心的台式小店。看到店內有部自助點餐機，感到相當驚喜👍🏻店內雖然不是很大，但亦在店內增設點餐機以大大減低繁忙時候的等候時間不過點餐機只有一種付款方式就是八達通付款😉今次，同友人二人同行便點了兩款主食、一款小食及兩款飲品😝*蒜汁雞絲冷麵* $54這款雞絲冷麵包含青瓜絲及蟹柳絲2者與雞絲冷麵一起夾著食，增加爽口口感層次外，更帶點清新味蕾拌入的醬汁有些少微辣更醒胃😋*鹽酥雞肉燥飯* $57這款肉燥飯份量十分好，鹽酥雞炸度掌握不錯，不會令肉身變乾。肉燥醬汁與配菜拌入飯中吃，帶出另一種爽口味蕾。*芝士肉鬆台式蛋餅* $39蛋餅份量相對較大，淡淡的蛋香煎餅帶著濃濃濃的芝士口味，企夾起來更有拉絲的效果，相當驚喜！！*熱珍珠奶茶* $20奶茶熱度剛剛好，想嚐一杯熱飲這款真是不二之選。另外，甜度亦很適合不太喝太甜的飲料。*清甜冬瓜茶* $20若然想飲杯解膩的飲料，冬瓜茶便是必選之一。適合不適合喝含奶類飲料的朋友😉

充滿回憶，以前尖沙咀厚福街轉角位嗰間許留山眨吓眼已經變咗做一間新餐廳，見到都有唔少人排隊，就入去叫左啲小食。尖沙咀來講價錢都比較貼地，叫一個主食嘅價錢都係$50至$60左右, 然後叫多一杯珍珠奶茶或者其他台式飲品都係$6, 學生都afforde到既晚餐價錢！因為同朋友都鍾意食鹽酥雞，所以一個叫咗鹽酥雞肉操飯一個就叫咗鹽酥雞肉操拌麵😂😂 兩個都係$57，個人認為鹽酥雞肉操飯好食啲😬 之後嘢飲叫咗冬瓜茶！有驚喜！冇叫到少甜都唔係太甜，又有冬瓜味，最驚飲啲太甜嘅嘢所以真係唔錯😍然後好彩加咗錢要個小食，黃金芋圓波既炸芋圓！最好食係佢❤️ 本來以為入面係芋圓果種不過原來係芋泥。因為我真係好鍾意食芋頭，佢入面嗰種番薯同芋頭肉互相交融然後個皮又炸得好好，下次行街經過當小食要來食都OK，即刻覺得好似返咗台灣夜市咁😚

今日離開尖沙咀食嘢所以呢就決定嚟呢一間台灣味道嘅舖頭啦，雖然六點幾但係都幾多人下。今次我就叫咗個雞絲伴麵，同埋黃金芋圓波做甜品不少一會兒就有好快嘅雞絲伴麵嚟咗啦，都幾好味嘅，另外都好足料，食咗一半其實都好飽，可能因為我細食如果肚餓啲嘅話就非常好啦。另外加埋呢個芋頭波入邊係真係芋頭嚟㗎，出邊呢就揸到非常之香脆，啱啱新鮮炸號，真係好好食如果係多幾個朋友嚟食嘅話呢就可以叫多幾樣唔同嘅小食同埋甜品啦，因為其實價錢都真係幾平，見到佢啲蛋捲啊嘢飲其實都好似幾好味但係因為我今次太飽就冇事了，不過下次可以叫外賣返學校食都唔錯🥸另外入邊都非常之有台式嘅感覺㗎因為有見到好多台灣嘅相片喺度做裝飾，亦都令我好掛住去台灣旅行嘅日子呀