池記 (Closed)

時間較匆忙，想儘快解除餓意，來到池記。有廣東的粥飯麵及中式糖水，在午膳選擇中算是有特式了。店員做事有效率，很快給我安排了座位。看過餐牌，想吃得清淡點，要了芫茜魚茸湯飯配桑寄生紅棗蓮子蛋茶（熱）。不消幾分鐘，湯飯和糖水都來了，的確很有效率。雖然芫茜是有益食品，但個人有點怕吃，不太習慣茜味。此店所做的芫茜湯飯只有很輕微的茜味，本人能接受，加上配搭略有嚼勁的魚肉，挺配合的；再者湯底味足而清，湯飯份量恰當，一路吃著，感覺美味滿足。至於糖水，看到料齊，喝下味夠，甜度剛好不濃，滋潤有益。店員態度友善，適時收碟加茶，挺注意食客的需要，值得讚賞。要吃一頓快而有質素的午膳，此店做得到，有機會再嚐。

芥蘭淨水餃 $28皮薄,有韌度,同埋層層分明唔會一埋糊咁食落唔油唔膩,湯底清甜<---細蓉湯底內餡好足同埋肉好鮮味,木耳爽口,加埋一齊有兩種質感但互相配合到豆漿熱的,但太甜了;( 薏米水可能更好豬軟骨飯豬軟骨好軟稔,好似果凍但比較痴口,豐富膠質(Y)連帶既豬肉比較老左D,鞋左少少,但同軟骨一齊食就會好似鞋同滑互補番白蘿蔔好淋身好入味飯對一般人硬左少少,係食完會硬胃果種不過幾啱我口味,粒粒分明之餘又好有咬口米香飯甘,一路咬會慢慢滲飯既甘香黏性都幾大,有少少似糯米囉但唔係$6x(原本$8X)用了COUPON食滿$50送$6 COUPON一張,D員工仲會問埋你有冇COUPON同有幾多張,會幫分單,是好人的可惜佢真係太多人食,好多時候要等位(但快既)同搭枱同埋D staff冇咩時間理你,想點菜都要等好耐

胃口每天不同，甚至肚餓才想到自已想吃甚麼，這天在德福想搭巴士回家時，又想吃雲吞麵，結果繞回池s記吃下午茶。這裡的下午茶有幾款選擇，我就要了$30的雲吞麵配熱飲下午茶餐飲品可選薏米水豆漿等，而我的熱檸茶也等了良久才來，每次廚房樓面都是等齊一盤才送出去，看見我的檸茶，心一沉，深啡色實色，把檸檬篤到底就完全見不到其蹤影，已經不是加不加糖的地步，苦得喝不下雲吞麵中規中矩，畢竟舖愈開愈大，愈開愈多，從前的質素找不回。還有強仔出現在我坐的馬蹄形梳化，快快吃完即走。

同朋友行開呢頭, 平時都係食快餐店, 今次就轉吓口味, 試吓呢間時值晚市時段, 有晚市套餐供應, 問店員有咩好推介, 店員推介雲吞麪 於是就叫咗個雲吞麪餐, 配紅油三寶, 另外+$4要咗杯薏米水値得一提嘅係店員嘅服務, 幾有耐性同一直都面帶笑容 値得一讚上菜速度頗快, 首先係薏米水少少甜同有D薑味, 唔錯跟住係雲吞麪雲吞麪幾爽口, 冇乜鹼水味, 雲吞入面的蝦幾爽同鮮甜 最後係紅油三寶, 係D雲呑水餃, 水餃材料比雲吞豐富, 幾好味另外朋友叫咗牛筋腩飯, 佢話幾入味同幾腍, 仲有炸雞翼都好香口, 以極速被我哋KO總括而言, 食物同服務都好好, 有機會會再幫襯

去開呢頭睇戲, 未食lunch, 之前聽朋友講呢間食雲吞麵幾好, 所以試下...入到去周圍都坐滿人, 每張枱都圓形好大張, 通常呢類型都走唔甩要搭枱...我地叫左下午茶餐, 雲吞麵同埋牛筋麵, 仲有2個小食: 瑞士雞翼, 炸鯪魚球+冰鎮奶茶d野食黎得好快, 但見到嗰2碗麵真係細碗到呢....雲吞麵湯底淡左d, 麵質好爽口, 雲吞細細粒容易食牛筋麵湯底比雲吞麵濃d, 我較為喜歡呢個, 牛筋好少, 食左幾粒就無喇瑞士雞翼無驚喜, 仲要甜左d 炸鯪魚球都唔差, 但又唔係好香口熱辣辣嗰隻冰鎮奶茶絕對係必叫, 奶茶好滑, 而且冰放o係出面唔會越飲越淡....感覺似快餐店, d食物上得快, 人客走得快...份量亦太少, 不過未食過試一次都無妨...

夜晚唔知食咩好，決定試下呢間都幾多人的舖頭。叫左兩个餐，一个係雲吞撈，另一个係牛筋撈，再加一碟油菜同一碟炸鯪魚球，雲吞細細粒，雖則味道唔錯，但係真係細粒得有啲離譜！牛筋都叫入味！鯪魚球炸得唔夠乾身，失望！最得人驚係果兩个撈面，每个都唔知有冇三啖，面身頗乾，唔算彈牙！極之失望！每个餐收我五十幾蚊，真係太過份，貴夾唔飽，一去冇回頭！

今天也是下午才上班, 眼見已經是下午茶時段, 那就順道入池記醫肚子, 記得幾年前在銅鑼灣都有光顧過, 味道還記憶猶新. 希望現在還保持著應有的素質吧. 這家分店橫裝不錯. 看到嗎? 下午茶餐$29. 這段時間也蠻多人, 很多都是附近的街坊吧.調味料用中式木器盛載著. 那就點一個下午茶餐 - 雲吞麵配熱奶苶.奶茶沒有茶香, 奶味太重, 要來止痕還可以.雲吞麵約10分鐘才送到枱上, 有點久. 湯底仍是清, 香, 甜帶了點蝦子味, 麵夠爽, 雲吞也新鮮, 蝦肉彈牙. 不錯. 這家連銷店一向都是較貴價, 但$29 吃到下午茶來說就相對地較便宜. 唯獨是份量實在少得可憐, 不消三口就已經鯨吞了這碗雲吞麵.說到雲吞麵, 紅磡大光燈仍然是我吃過最好吃的, 可恨已經不在了...

如果在德福想吃粉面, 大概只有1,2家選擇.所以這天晚飯又在池記攪店.我點了零吞水餃面面好小呢....雲吞也十分細粒, 是超細粒! 不過內裡的蝦還算彈牙.水餃就比較大只一點, 材料也足, 比雲吞好吃.套餐配油菜我點的是介蘭, 沒什麼油, 尚算軟淋.加$3有杯意米水但這次薑味太重了, 重得很難入口, 飲了半杯, 很辣, 放棄.另一半點的是蘿蔔牛腩菜飯吃了少許, 蘿蔔入味, 牛腩不太韌, 菜飯是最好吃的,跟套餐的紅油三寶那個紅油只是醋加豉油, 還要跟雲吞分開上, 完全不入味, 味道也很怪很酸.水準其實真的超普通, 價格也是比較貴. 不過在德福內除了快餐, 就只有這些算是比較便宜了.

那些港鐵沿線的商場，食肆近乎千篇一律，還是連鎖飲食集團當道，真難想像去不同地區，只能吃同一間快餐店，酒家，壽司店，生活流於Stereotype，香港越來越乏味，不論是雞無雞味，魚無魚味，人無人情味。。。。。。早上要在德福買點東西，見到池記已經營業，便進去吃個早餐。不過，早餐是沒有雲吞麵吃，只有那些粥，炒麵，炒米粉。很可惜，連豉油皇炒麵也賣光。生滾粥是生菜碎牛粥，此粥身綿而有米香，但薑絲味太過強，始終只是碎牛，不是魚粥，無須拼命下薑絲來辟腥。其實，豬腸粉很難做得難吃，只要腸粉新鮮熱辣，再撈勻甜醬，麻醬，豉油三合一，吃豬腸粉最重要的，是混醬，這三種醬料是命脈。要做到好吃，不難。見到桌上的辣醬，是余均益的出品，最後，本來的三色醬變成四色醬，真係混你個醬！

係德福想食碗面或者粉, 其實選擇甚少..今晚又冇住家飯食, 唔想食米飯, 唯有再次幫襯池記.上次試左佢既湯面,佢既粥, 佢既雲吞更加唔洗講. 今次輪到試下佢既撈面.叫左一個撈面餐, 有一個撈面,一碗咖哩魚蛋蘿蔔,同埋一杯薏米水.要試野梗係試個最特別既,豬軟骨撈面.面就依舊彈牙,不錯. 豬軟骨份量都幾多,都幾入味,肥瘦適中,不過軟就唔係幾軟,肉都係有點硬.還好係佢唔會好乾,仲有點汁伴住.咖哩魚蛋蘿蔔基本上有5粒大魚蛋,真係幾大粒. 老實講,味就真係唔係好入味,不過好在魚蛋夠彈牙.咖哩汁有點辣,不過對於唔食得辣既我來講都尚算接受到.蘿蔔就真係少得可憐,得2片好細片.薏米水估唔到薏米水咁足材料,好多薏米之餘仲竟然有一大粒密棗!!散叫係$10杯, 不過咁足料我覺得都值回票價.今次呢個餐都唔失水準, 雖然唔係好食到令人印象深刻, 不過都會再幫襯.

食物:細蓉/鼓油王炒麵 - 細蓉的雲吞皮薄餡靚，而麵的口感更是一絶，媲美澳門六記的竹升麵。炸兩 - 超薄皮，油炸鬼香脆。服務:門口永遠冇人招呼，尤其是一位著Suit看似是部長的中老年長髮阿姐或一個亦是著Suit的唔知係唔係部長的男人，毫無秩序地安排座位。根據同事們多次的光顧經驗，假如閣下為年紀稍大人仕似可消費多點的一般可穫「優先」安排坐卡位，年輕人多數會被安排近門口或非卡位座位。今時今日咁嘅服務態度，真係非常唔得，食物點好食都冇用!!!!

去到這個系列的第四集, 即是前傳的第一集, 其實興趣不算大, 但最後也買了飛去看. 入場前當然要找點吃的, 要吃得夠快, 不吃快餐之餘, 還有這個選擇.店子是極度旺場, 全場爆滿, 人客相當多. 叫套餐比散叫得吃, 就要兩個套餐分吃. 晚市C餐中揀了雲吞麵配豉油皇雞翼, $49. 晚市E餐揀了壹桶貴妃雞飯配菜心, $60. 另加$3要了杯凍豆漿.雲吞麵: 7分, 麵質幾好, 沒有鹼水味, 但個湯底就不夠清甜, 雲吞有四粒, 小小的, 蝦肉新鮮, 感覺還幾好.豉油皇雞翼: 6分, 豉油皇不太入味, 雞肉是無乜味. 坦白講, 文迪做的雞翼比這裡做得出色不少.凍豆漿: 文迪要的, 我沒有試了.壹桶貴妃雞飯: 7分, 相當大桶, 其實有成三碗飯, 一個人吃的話, 真係黑洞都吃不完. 雞肉嫩滑, 加上飯粒入味, 不俗.菜心: 7分, 還算鮮嫩, 簡簡單單吃碟菜, 清清地, 也幾好.環境是麻麻, 擺位極逼, 侍應做事相當趕, 是令人有點透不過氣的感覺. 當然, 趕時間來的話就一定合適.

呢間店裝修唔錯.不過入到店內.得5成人客.仍給店員安排搭枱.而且店員主動性不足.我要求水.幾次也沒有給我...不過下午茶28元...都合理.28元只限湯麵.如果要撈麵.加埋飲品...要40元以上...雲呑麵:4粒雲呑散尾.豬肉份量較少..麵的確幼而無鹼水味..不過食不出蛋香味..而湯底魚香.蝦殼味均無..反而重羅漢果味...凍檸茶:茶味的確好濃.檸也有多片,不過自動走糖..入口苦澀...2個人埋單71元....雖則,不是難吃.....但間店的確有要改進的地方

今日放假，去開九龍灣行街，响德福廣場看看有乜食肆，最後決定去池記食午餐。店內環境擠迫，座位之間又窄，坐得唔係太舒服。服務方面，店員雖然忙碌，但有禮貌，這點令人滿意。可惜味道方面，只屬一般，用來填飽個肚絕對冇問題，但要再次幫襯，就要諗諗。今次叫了蟹粥同兩個午市套餐，套餐揀了飯同小食,另加$3可選豆漿或薏米水。吉列豬扒菜飯配咖哩汁，豬扒炸得外脆內軟，又唔油，咖哩汁有少少辣,味道一般,菜飯味道剛好，唔會過鹹。炸鯪魚球唔係太好食，炸過了火，外皮又乾又韌，鯪魚肉唔彈牙，而且調味太鹹。金衣蟹皇粥，粥底綿又唔鹹，可惜隻蟹全沒有鮮味，蟹肉還有少少霉，加了鹹蛋黃扮蟹膏，感覺有少少取巧，價錢要$58一小碗，我覺得以這個質素來計，唔係太值。五寶湯飯，有雲吞、冬菇、蝦球各兩隻，菜肉雲吞、水餃各一隻,一大碗看來好豐富，其實味道一般，最唔滿意雲吞同水餃，餡料唔係太新鮮，反而冬菇厚身又好味。湯底唔知係咪加了味精,食完好口喝.南瓜炸蝦卷，香脆唔油膩，可惜南瓜唔清甜，蝦肉有雪味。成餐飯最大驚喜係杯薏米水，味道唔會過甜，有陣陣嘅薑味，薏米多，又濃郁，好好飲。

太多嘢做了, 今日要開 ot. 一早到左德福搵嘢食, 番左咁耐 kln bay 都未食過池記既早餐, 今日見人小小就去食下.叫左個 set, 本身想食粥餐 $26, 又想飲奶茶, 點知要加 $$, 要 $31 囉....是但啦, $31 就 $31 啦...有個珍姐服務一流, 笑容又好, 值得一讚....!!好, 講番d嘢食先, 個菜乾粥好好味, 又多豬骨, 又香, 正!!!個炒麵就一般喇.....奶茶都係茶餐廳既好~~我會再去食粥~~