Chef's Stage Kitchen

Open Now

Now Closed

這家餐廳環境舒適和，而且食物的質素也不容小覷。我點了一份二人精選晚餐，開始我們的餐點是一份新鮮的麵包條和白麵包。這些麵包蓬鬆且口感不單一，給了我們一個開胃享受。⭐️ 薑茶這杯薑茶的味道香淡。⭐️餐湯提供了龍蝦湯和餐湯。龍蝦湯口感濃郁，鮮味十足。而餐湯則是一道充滿濃郁風味的蔬菜湯品，吃起來非常開胃。⭐️珊瑚柚白啤酒這杯啤酒帶有微妙的柚子風味，清爽宜人。⭐️香煎珍寶帶子及釀煙三文魚酥皮餡餅三文魚餡餅則酥皮酥脆可口，帶著三文魚肉，還有香煎帶子，十分開胃。⭐️黑豬鞍扒搭配香草牛油焗波士頓龍蝦尾這道菜更是一道絕妙的搭配。黑豬鞍扒十分鬆化，好好味。配菜中的珍珠筍、翠玉瓜、茄子、車厘茄和薯仔，為整道菜品增添了豐富的口感和色彩。⭐️慢煮甜酒燴和牛面頰肉配寬蛋麵和牛面頰肉入口很嫩，牛肉味道很突出，寬蛋麵入口有嚼勁，口感很棒。

放假同朋友嚟將軍澳四圍逛下，行完就去附近搵間餐廳食晏。上網見有人推介天晉匯地下呢間「Chef's Stage Kitchen」～～餐廳由三位擁有豐富經驗嘅西廚創辦，以綠色園林為主題，設有室內和戶外座位，室內裝潢時尚，環境高雅；而室外則可以與寵物共享，適合攜帶毛孩人士用餐。餐廳午市有 Set Lunch 供應，定價由 $98 - $168 不等，包餐湯、沙律、牛角包及餐飲。是日餐湯為蘭度豆湯，質感綿綿，豆味濃郁，入口即化。墨魚、墨汁及翠玉瓜燴意大利飯 ($118)  意大利飯煮得啱啱好，軟硬適中，每啖都有黏黏口感，墨魚汁鮮味十足，配埋煙韌軟嫩嘅墨魚一食，海洋鮮味滿載。另外呢客炭燒澳洲羊T骨伴忌廉千層薯及燒雜菜配蜜糖芥末燒汁 ($158)  亦非常值得推介👍 T骨以炭燒手法炮製，將肉汁完全鎖住，加上邊位帶適量脂肪，入口肉嫩富油香，蘸點芥末燒汁吃，清新微辣，滋味倍添。餐飲點咗鮮奶咖啡 (+$18) 同 薑茶 (+$19)，咖啡香濃幼滑，味道唔錯，可以慢慢嘆住飲。

{二人豪華晚餐 - $960}餐桌有時就係廚師的舞台，將一碟碟作品呈現於食客的眼前！去呢間Chef's Stage Kitchen 令本麻甩收工後好似去左一個美食show 咁，2人晚餐有好多嘢食，勁滿足！♦️頭盤沙律湯一開始送上一盤麵包，勁香小麥味！南瓜湯香濃，紅菜頭青蘋果沙律好清新，為我們的味蕾做足準備！♦️ 香煎珍寶帶子及釀煙三文魚酥皮餡餅前菜兩樣食物，先講釀煙三文魚酥皮餡餅，外皮超酥脆，牛油香味爆發，配合高質的煙三文魚，咸香同唔同層次嘅口感真係好正！香煎帶子，成功將面頭煎得焦香，而且帶子好新鮮同先甜！實在係我近期最喜歡的帶子，好正！♦️墨魚汁鮮帶子海蝦扁意粉黑色食物往往帶著神秘的吸引力，同樣有前菜入面好新鮮嘅帶子，今次仲有濃濃蝦味嘅海蝦！成個意粉帶著香濃海鮮風味，真係好滿意，不過記得要抹咀😋♦️炭燒美國極黑豬鞍扒拼香草牛油焗波士頓龍蝦尾成件事一上碟就覺得好豪華，大大去豬鞍扒，用了12小時慢煮嘅手法，再用炭火烤香！一邊切肉汁不斷流出，成個煮法做到封鎖全部肉汁，令豬鞍鮮嫩多汁！龍蝦非常新鮮，焗嘅時間準備剛剛好，表層香草牛油香噴噴，龍蝦肉仍然鮮嫩爽彈！成碟都真係豪華級的享受

今日星期四晚上黎到將軍澳，行完Popcorn，想食西餐，見到天晉商場地下有呢間，望落去裝修好靚好好食咁😋一坐低，侍應會即刻擺低燭光、薄荷水👍🏻睇Menu見到有呢個二人餐，好吸引🤩有餐包餐餅，配左個類似沙律醬嘅醬比你點😋我地揀左一客紅菜頭蘋果沙律、一客甘筍忌廉湯；沙律甜酸適中，蘋果好食😋 忌廉湯好好飲！！🤩 唔會太漏，個味道係你會keep住想飲，記得趁熱飲😆香煎珍寶帶子及釀煙三文魚酥皮餡餅：帶子煎得好香好好食，喺屋企真係唔會做到呢種煎法🥹 三文魚餅都好正，冇腥味慢煮甜酒燴和牛面頰肉配寬蛋麵：調味易入口，唔會好重酒味，我唔飲酒都食到，牛肉好嫰👍🏻炭燒豬鞍扒拼香草牛油焗波士頓龍蝦尾  +  薯條：豬扒好軟熟，一擺入口就咬得爛，龍蝦肉好貼心幫你挑起上黎，留埋個殼比你打卡📸餐飲揀左一杯玫瑰花茶🌹，有真花喺杯底；一杯茉莉花茶，用茶包沖。值得一提嘅係，員工服務態度都好好，好nice，會一直觀察你有咩需要。👍🏻☺️

慶祝生日食左餐，餐廳抵讚刁草忌廉汁煮青口澳洲青口有大約20隻。個醬汁好惹味，食完青可唔可以用嚟點埋嗰三嚿蒜蓉多士，食盡晒啲精華🙂黑松露牛肝菌蘑菇燴意大利飯本身我老婆嗌嘅時候我冇咩期望，因為怕牛肝菌意大利粉會好滯。但食落都有啲surprise嘅係感覺都幾OK，係我食過最好食㗎啦👍🏼德國香脆鹹豬手配菜有薯仔沙律和酸菜，仲有個蜜糖芥末醬。我中意個個醬唔全太鹹，唔會太濃，微微甜酸。豬手嘅份量都有唔少，三個人分嚟食都得。服務態度都真係值得一讚，有兩點：第一係，侍應（經理？）見到我老婆坐嗰張梳化嚟張枱好遠，主動幫手推近啲。第二係，餐廳冇室溫嘅紅莓子果汁，佢就主動幫我佐熱咗。暖男！

將軍澳南有間隱世高質西餐廳位置其實都近TKO地鐵站不過位置比較隱蔽餐廳裝修好精緻美觀座位闊落舒適非常之適合同三五知己聚埋傾偈食嘢Lunch set配番茄湯、沙律、牛角包蕃茄湯望落去已經知道用料充足味道相當濃郁茉莉花玫瑰白菊花茶（for two)D花用料上乘👍👍👍味道有淡淡的甜味😋清新療愈😌Ice Chocolate CoffeeTaste good as well👍😋炭燒美國豬鞍扒$158少少脂肪的豬鞍扒好香好好食碟上的裝飾亦好靚用心製作英式豬肉腸、毛豆、紫洋蔥及牛油汁扁意粉 $108個sauce都好match扁意粉份量足夠一個人的份量食完好飽喜歡alcohol的朋友呢度都有提供多款酒精類飲品好多選擇☺️

將軍澳海旁的西餐廳，環境幽靜幾舒服，好適合同friends一齊傾下計食嘢～⭐️炭燒美國牛肩胛板腱 $158伴甘荀蓉、香煎薯仔配燒汁牛扒有炭燒過嘅香味，切開之後係粉紅色，仲有少少肉汁！不過覺得配菜比牛扒更加出色🤣！甘筍蓉甜甜地又好綿滑，又唔會好膩，薯仔煎得好香又鬆化！⭐️香煎比目魚 $148伴甘荀蓉、香煎薯仔配蘑菇忌廉汁忌廉汁配上較清淡嘅魚肉好夾，醬汁味道好好，但係太少啦。兩道主菜嘅少少缺點就係有啲唔夠熱餐廳仲有唔少特色cocktail🍸🍹，我哋就嗌咗以下兩杯！⭐️Earl Grey Martini (set+$58)呢杯由Gin、Earl Grey 同 lemon juice 調成，Earl Grey 嘅味道就飲唔出，反而係似加咗Gin 嘅lemon tea⭐️Dirty chocolate （set+$58）呢杯由bailey、vodka 同cream 調成嘅酒，係適合女仔飲嘅cocktail!

揭開飢腸轆轆之旅，我今次去咗間舒服夠晒氣派嘅餐廳。初初，熱氣騰騰嘅麵包，啖啖香脆，咬落去滿口幸福感，簡直正到爆燈💥。湯品方面，濃郁得黎唔膩口，仲有推介必試嘅生蠔🦪，每隻新鮮得滑嫩，海水味剛好，鮮甜得嚟絲絲入扣！來到主菜，咋咋聲嘅炭燒豬鞍扒，肉質嫩滑得黎香噴噴，搭配喺旁邊嘅波士頓虎蝦尾，鮮嫩多汁，我一啖一啖嘆舌根都快融化😋。緊接著，卡邦尼粗管麵嘅表現都唔差，每粒麵手感剛好，轉個幾圈入口，奶香味溶入心扉。最啱心水嘅，係嗰清新過癮嘅Kiwi Mojito同Dirty Chocolate，一杯醒神，一杯濃郁，啱晒唔同喜好嘅朋友。飲品之嘉嘅呈現，成日引誘我唔停試新嘢。食完之後，我只想話，如果你想滿足味蕾而又唔想揼錢包，這間西餐廳肯定值得一試！食物質素、環境氣氛都同價錢成正比，咁嘅好味道，真係令人回味無窮👍！

難得平日放假, 所以同老公去左澳南度行下海傍! 順便黎試下朋友介紹左好耐既西餐廳! 行到黎餐廳既呢條街, 感覺都幾chill😎..可能係因為平日同時間尚早既關係, 餐廳仲未係好多人! 侍應安排左我地坐一張靠窗既四人枱! 坐得好寬敞好舒服! ..然後我地就坐低睇下個menu📋..見到Burger嗰頁提醒客人佢地有濕紙巾😂 好貼心♥️因為出去食burger最驚就係搞到對手油淋淋!!!!..選擇困難症的我們最後揀左二人餐!..有餐湯同沙津各一, 今日係吞拿魚沙津同粟米周打湯, 沙津用黑醋汁, 酸酸地好開胃😚粟米周打湯味道濃郁唔會過咸👍🏻係一個唔錯既開始呀🫶🏻..頭盤我地揀左香煎珍寶帶子及釀煙三文魚酥皮餡餅📸帶子煎得好香, 好鮮甜! 酥皮餡餅好鬆脆🍽️點下側邊d薄荷汁會有種好fresh既感覺🌿..主菜有得揀一個意大利粉/飯🍝加一碟扒🥩我地揀左墨魚汁鮮帶子海蝦扁意粉🤩墨魚汁超級夠! 食到我地個嘴都黑晒😆海蝦好香好鮮味!! 意粉既質地剛好!! 有少少咬口🤏🏻份量都好足夠2個人分黎食🤤..到主角🤯炭燒美國極黑豬鞍扒拼香草牛油焗波士頓龍蝦尾😋本身我鐘意食牛多d, 但呢排食得太多, 轉下口味, 所以揀左豬!

原來將軍澳有間咁高質既西餐廳，地鐵站行過去5分鐘左右，暗暗地2人世界都幾有feel，我地早去到，夜啲就多人了，最好訂位~我地叫左Dinner Set for 2，覺得比較掋食。多D人叫5-6人set仲掋！下次聚會可以考慮。我地揀左一個普通餐湯，另外加錢升級左龍蝦湯，好濃郁，唔錯。跟餐有手指餅配，好香口，可以點醬或者湯黎食。Appetizer我地揀左炸車打芝士青辣椒+秘制美國水牛城辣雞翼，朋友唔食得辣，所以特上左辣汁，不過青辣椒都有輕微辣~但係！配車打芝士，creamy得黎唔會漏，第一次食呢個口感。主菜我地揀左Crab Risotto！份量2個人share岩岩好，而且每一啖都食到蟹肉絲！肉方面點左Pork&Lobster，佢個炭燒美國極黑豬鞍扒真係好juicy！超好食！完全唔柴唔un！香草牛油焗波土頓龍蝦尾都算大隻，我地2個share都啖啖肉。配燒汁仲有菜有菇同埋忌廉千層薯，唔係普通既薯蓉only！口感有層次，忌廉好食。跟餐仲有2杯飲品，好多選擇，凍凍地我點左黑糖紅棗薑茶，飲完暖番曬。朋友叫左Tropical Forest，配西餐都幾解渴。

今日行完將軍澳海傍，就順便食個early dinner,就搵到一間好有情調既西餐廳名叫Chef's Stage kitchen。餐廳格調好好，令人感覺好舒服，衛生環境亦都很舒適，好適合同情人黎享受。我地今日點左個二人套餐。頭盤我地要左一個吞拿魚沙津同一個龍蝦湯。吞拿魚無腥味，新鮮的蔬菜配上酸甜的醬汁非常開胃。龍蝦湯味道濃郁滑溜，感覺好足料。前菜是香煎珍寶帶子配釀煙三魚酥皮餡餅，帶子煎得岩岩好，生熟程度剛剛好，不會Over cooked，非常鮮美，煙三文魚餡餅很有特式可以一試。主菜我們要了白酒煮紐西蘭海鑽蜆扁意粉，和澳洲穀飼肉眼扒配香草牛油焗波士頓龍蝦尾加忌廉千層薯。海鑽蜆很鮮甜肥美，海水味濃配上白酒煮意粉清新而有點少辣，很開胃。而牛扒軟淋有肉汁龍蝦肉爽甜，非常夾，而且忌廉千層薯很有驚喜，香滑又有薯味，值得一試。飲品點了推介的冰磚鴛鴦，奶茶底香濃配上咖啡凍磚，好飲而又得適合打卡。另一杯點了Princess Heart, 外形美麗有層次，味道甜美，非常適合女孩子飲用。由餐廳環境食物飲品和服務都很好，值得推薦。

上次觀塘分店消費有送$100 coupon可下次消費用。呢日午餐特登來到將軍澳海邊食呢間Chef’s Kitchen 。餐廳有室內及室外位置可供選擇，十分舒適，卡位闊落。沙律有調味，新鮮而且好清新。Eggs Benedict 荷蘭醬汁好好味，配水波蛋一流。是日餐湯配小牛角包明太子意粉超好味道，醬汁好香好濃郁。叫了Green Tee Latte , Coffee Latte，咖啡同樣很好飲。連咖啡平均$150一個餐，性價比高。

今晚同書友仔去食咗一個好正嘅晚餐~ 就係去咗「Chef's Stage Kitchen」~我地叫左二人餐再加野食，先試咗佢哋嘅炭燒穀飼澳洲肉眼扒拼香草牛油焗波士頓龍蝦尾～正常啦，冇特別之處，但都好好味。肉眼扒係好嫩滑，龍蝦尾就算焗過都仲保持住鮮甜嘅味道然後，我又試咗佢哋嘅燒法國春雞，真係好香嫩皮脆！個皮烤到金黃色，咬落去有啲脆脆嘅口感，雞肉都好多汁，以雞黎講唔算平，但又真係巧食～最令我地驚喜嘅係佢哋嘅法式生牛肉他他！呢個真係太好食喇！佢哋將生牛肉切成細粒，再加入各種調味料同埋鵪鶉蛋，混合得恰到好處，每啖都帶出牛肉嘅鮮味同口感。一黎到就畀朋友食曬，相都影唔到切，佢哋都大讚～最後係初榨純橄欖油蒜香白酒煮紐西蘭海鑽蜆扁意粉。意粉煮得好爽滑，蜆肉鮮甜多汁，同埋有啲蒜香同白酒嘅味道，好開胃。意粉軟硬度適中，食落好有嚼勁。總括嚟講，「Chef's Stage Kitchen」嘅晚餐真係好出色！佢地D 奶茶都巧巧飲~ 呵呵 

今日放假約朋友行街街，朋友知我為食，推介一間西餐廳[Chef's Stage Kitchen]。朋友係將軍澳屋民，我當然有信心啦😊。去到餐廳門口已經覺得好靚，外觀裝修簡約精緻，設室外座位，有點歐陸氛圍。室內設計同樣精緻高雅，座位闊落，空間感十足，感覺好chill。睇過餐牌，以午餐價錢同時享受這個環境，相當抵🤩。沙律及湯配牛角包沙律菜非常新鮮，配上微酸又爽口的青蘋果絲及香甜的車厘茄，混埋酸甜黑醋汁，好味又醒胃。南瓜湯味道香甜，牛角包外脆內軟。炭燒澳洲羊鞍扒 $158.-羊鞍扒煎得非常靚，表面焦香有燶邊😍，肉質軟腍油脂豐腴，肉味香濃帶輕微羊騷味，好好食🥰。扒類伴有燒薯仔，口感幼滑又惹味及煙肉炒椰菜，炒得香口惹口，同樣好味。炭燒美國牛肩胛板腱 $168.-牛肩胛兩面燒至焦香，肉質軟嫩具彈性，肉味香濃😋。拖肥薑鮮奶(熱) 跟餐價$38.-熱辣辣鮮奶，奶味濃郁香甜，每一啖都伴隨著陣陣拖肥及薑味，好好飲。焦糖鴛鴦 (凍) 跟餐價$38.-面層放有一粒特濃咖啡冰，慢慢融入奶茶後變成鴛鴦，味道香濃幼滑，加入焦糖，更加香甜好味😋。

今次又去左食二人套餐☺️介紹左好多朋友去食個個都大讚食左3年都仲係keep到水準👍🏻今次係同埋朋友連埋小朋友六個一齊去食Staff安排左梳化位置比我地坐Menu有好多選擇 但我地覺得二人set抵啲仲有個前菜沙律🥗好清新嘅味道香煎北海道帶子 三文魚酥皮評分：👍🏻👍🏻👍🏻👍🏻👍🏻煎到帶子邊位微脆而肉質又夠爽口三文魚酥皮好好食 好酥脆 炭燒美國極黑豬鞍扒拼香草牛油焗波士頓龍蝦尾評分：👍🏻👍🏻👍🏻👍🏻👍🏻呢個主菜真係超級好食 賣相仲好靚豬鞍扒仲好嫩滑質感 本來以為龍蝦尾冇乜肉估唔到原來都幾多肉😋軟殼蟹意粉評分：👍🏻👍🏻👍🏻👍🏻👍🏻軟殼蟹炸得好香脆 味道仲啱啱好唔會好油膩意粉軟硬適中配埋好creamy嘅汁真係好好食芒果伯爵茶拿破崙評分：👍🏻👍🏻👍🏻👍🏻👍🏻好脆嘅拿破崙 仲要係有伯爵茶味 真係好特別 同芒果都好夾 必食嘅甜品🍨