粵舫老趙

Open Now

Now Closed

去開元朗，周圍搵食，見到有間在校長燒肉旁邊的餐廳，餐廳沒有門，全通的，門口已睇到晒入邊。響門口睇左陣餐牌，價錢合理，食小菜，好吸引。兩個人 叫左三道菜乳鴿、冬陰公花甲、小炒皇乳鴿就不過不失啦，始終唔係守食乳鴿嘅地方。冬陰公花甲真心大推，上到黎見到咁大煲都嚇一跳，因為太大煲，入邊共有約45隻花甲（食完數番），出邊一定唔會咁多，又大隻。個湯都落足料，味道正。小炒皇又係一大碟，落足料，有蝦有魷魚，又有肥豬肉。我地兩個人清晒所有菜，捧住個肚仔走。價錢好抵食，我地叫埋個白飯同可樂，都係2百幾左右。

冇book位大約5:40去到都仲要等位所以大家去之前一定一定要book位‼️‼️食完呢餐之後我就知道點解咁多人呢一個鹹魚蒸肉餅，係超級好食😋唔好睇佢嘅鹹魚咁嘅衰樣佢嘅鹹魚唔係死咸，所以你用嚟送飯係超級好食好鮮味但係我個人就覺得佢嘅薑絲比較多佢嘅肉餅唔重薑味嘅，只係鋪喺上面嘅數量有啲多佢嘅肉餅係超級大個而且啲肉都好滑整得好豉油甜度亦都啱啱好好友住家屋企嘅味道炸乳鴿雖然佢係餐廳但係佢呢個乳鴿炸得好似大排檔一樣嘅風味入邊係好juicy仲有肉汁魚肚煮菜心你見到佢魚肚嘅數量係非常之多，不過我就覺得佢未係好林菜心亦都好多佢啲蒜子整得非常之好食京都一字骨肉嘅數量好多洋蔥煮得未夠林如果在林少少可能會好啲咁佢嘅一字骨係有炸過但係佢連埋啲汁一齊煮嘅時間可能唔係好多所以啲汁唔係包裹得肉好平均咁但係好食嘅肉同埋脂肪嘅比例都可以接受唔會剩係得啲肥膏不過如果俾小朋友食就會建議嗌京都骨或者咕嚕肉會好啲，因為肉會多少少🤏

飯聚好腳點送酒水小菜 小炒王，足料有鑊氣不過如果腰果可以再脆口d 就正正正白飯魚仔好香口 蝦乾都大隻一枱4人 個個都話好好食係這店招牌菜 如果6位食每人都可以食到2塊好在同行者都係男士 食量都大 KO咗成碟如果4人細食 應該食唔曬 因為幾漏吓佢個醬汁 酸小甜 唔會蓋過食物本身嘅味道其實仲有點多兩樣餸菜但唔記得咗影千祈千祈 唔好唔好order上湯魚滑浸時蔬 萬萬不能上菜個時 第一個想法係 貴版生菜魚肉？同行者笑到。。成餐飯美中不足 就係這個餸叫魚雲 叫海鮮 都唔好叫魚滑星期四由1830坐到2030 都仲係full house佢都好好生意 會再encore 試吓其他小菜

初訪好餐廳  Openrice上發現了這家餐廳，似乎不錯。專誠架車入元朗去，車程超過半個鐘。［粵舫］門面寬闊、算是兩面大單邊，環境光潔明亮。店家给了我們一個靠窗的大卡座，舒適！餐牌上琳琅满目，忽然偶遇選擇困難症——看了又看。最後點了幾個小菜，没想到，驚喜由此一個接一個的送上來。這刻回看了一遍手機上以下這些小菜，仍然回味！🌟［白灼雞腸］🌟驚喜處：1 少見的新鲜貨👍👍2 烟韧有嚼頭。每一條的雞腸都很長，想必是店家都特別的吩咐了供應商，小心的處理吧，所以才有可能做到雞腸都是没被切斷。3 腸衣满帶肥膏，營飬口感俱佳。4 賣相美、配菜很多。🌟［菠蘿咕噜肉］🌟驚喜處：1 近年這小菜，坊間之其他出品，俱只得十件八件細小得可憐的乾肉。而圖中所見的這一碟，卻完完全全的呈現出小時候一般中菜館所應提供的份量。以现今的一個例牌份量而言，我們這一碟份量之大，相信食家們看了，也必嘩然，不用多说了。2 至於賣相，大家透過看圖，自然也會看得出来，真是個具有［擺盤］意味的誠意作品。3 説到味道，我的描述是：咕嚕肉，皮脆、肉厚而軟滑。配菜多，顏色配襯鲜艳，菠萝爽口。🌟［黄金鱿鱼］🌟驚喜處：1 新鲜靓货👍👍👍。2 鱿鱼肉厚

2021年4月21日(三)晚餐倆姊妹又來粵舫老趙食小炒薑蔥霸王雞(半隻)$88同上次東江雞一樣，肥美肉嫩，上次就比較偏鹹同嘢味，今次就比較淡口。菠蘿黑毛豬咕嚕肉$88黑毛豬係唔同啲，肉嫩可口，如果可以炸到外面脆卜卜再兜返個甜酸汁就完美喇時菜豆腐魚雲湯$98好大窩，一圍人都夠飲，內有豆腐、魚雲、白菜、菇、芫茜，非常足料，鮮甜可口，健康之選。脆皮大豬手(原隻)$168即叫即炸，等左35分鐘才上枱，真係好大隻，豬皮炸到脆卜卜肉爽又Juice 四樣菜都食淨一半，明天的中午飯又有着落了

2021年4月7日(三)晚餐倆姊妹撐枱腳到粵舫老趙試下室內大排檔啲手勢二人叫左5款餸，食餸飽，食到飽飽，有餸剩，仲可以打包埋，明天做午餐。所有小菜都係即叫即炒，火候十足，值得一讚，所以炒及炸嘢，全部都唔油膩，烹調手勢一流，食完野碟上邊幾乎唔睇唔到有油漬佢所有餸菜都係偏濃味及咸，非常適合配啤酒及白飯椒鹽雙拼(鮮蝦+鮮魷)$128大龍躉兩味$188-金銀蒜粉絲蒸斑頭腩-XO醬西蘭花炒斑球東江沙薑雞(半隻)$88生炸乳鴿(一隻)$58粵舫老趙@元朗達輝徑1號足彬大廈地下1號舖椒鹽雙拼(鮮蝦+鮮魷)$128蝦球有7粒，鮮魷份量都多，炸到脆卜卜大龍躉二味$188金銀蒜粉絲蒸斑頭腩酒樓級蒸魚我最愛的味道，鮮大龍躉二味$188XO醬西蘭花炒斑球食唔出有XO醬，不過清清地咁炒唔錯大龍躉兩味，一定要叫東江沙薑雞(半隻)$88入晒味，肉嫩香口，食唔停口下次試埋佢嘅霸王雞生炸乳鴿(一隻)$58咁多道菜，只係乳鴿冇咁好，明顯唔新鮮，肉質太乾，太老，又鞋，似係煮好之後，放咗一排風乾左，再返炸過。

同朋友喺附近行街，搵唔到下午茶食咩好，朋友話想是但搵間茶餐廳坐低，涼下冷氣食啲嘢就算，好啦，咁我哋就是但入咗一間茶餐廳， 呢度地方好大好寬敞，下午茶時間，得兩三枱客，冇咩人，所以座位任揀睇咗一陣餐牌先決定食咩好，朋友嗌咗西多士，我嗌咗炸肶加薯條我哋兩個都飲凍檸茶侍應嬸嬸好有禮貌，服務周到等咗一陣嘢食就送上黎啦！嘩～香噴噴由於實在係太熱，好口渴，所以飲咗啖檸檬茶先，估唔到又幾令我喜出望外 佢啲檸檬茶又真係幾好飲， 唔會太甜但係又唔會太苦澀， 因為我去茶餐廳都會嗌檸檬茶，好看重檸檬茶嘅質素然後食一啖炸雞髀，脆卜卜好香口雖然隻雞髀唔算話好大隻但亦冇話炸到好燶，啱啱炸出嚟，好熱，所以真係要趁熱食。如果再咸返少少嘅話會更加好，因為味道有少少淡，同埋啲邊邊位炸得有少少太硬，用刀切都難切，腍返啲會好啲薯條就都ok嘅， 略嫌味道有點太淡，加上啱啱炸出嚟好脆好香口，熱辣辣侍應嬸嬸畀咗支蕃茄醬我任倒我倒咗好多點嚟食，咁就perfect

21/6/2020(日)book左18:00,我地一行7人17:45左右到, 17:55已經點完菜, 總共叫左10個餸,其中一道是"生炸乳鴿", 其他菜好快都上,但去到18:30都未上乳鴿,問他們有沒有整?如果無就唔要。佢地話有落單,炸緊。18:40見到隔離檯遲過我地黎和叫野食,佢地果碟"生炸乳鴿"都上檯了。18:45與職員說:唔該,人地隔離檯遲過我地叫的乳鴿都到,我地果隻唔要啦,都差不多食完。職員回覆: 炸緊,生炸乳鴿係要耐d。原來45分鐘炸唔到隻乳鴿,反而隔離檯嗌左無20分鐘就炸好,明白晒!職員再說: 你地唔要唔緊要,我幫你取消,生炸乳鴿係要時間既。其實現在問題是漏單但唔承認。所以不會再次光顧,特別受氣。

一直朋友嚷著要帶我去元朗一間乾淨衛生，環境舒適，具大排檔風味的粵式餐廳吃晚飯，他對這裡的菜式讚不絕口，今天機會來了，我終於可以一嚐風味。我們六點便來到了，一進去，服務員服務周到，很有禮貌地招呼你進去，幫你量體溫，收銀處還設有消毒液方便顧客出入消毒雙手，而且餐廳衛生環境乾淨，光線鮮明，非常企理。食物方面，朋友話這裡的餸菜都好大碟，怕我們兩人吃不完，所以只點了四款。重點推介脆皮豬手，皮脆肉嫩，我第一次吃這麼脆皮的豬手，有別於在德國餐廳吃的，這裡的醬汁配上泰式酸辣醬及黃芥末，很特別，我個人喜歡蘸上泰式醬，更為開胃，更顯肉味。第二款，我們點了酸菜魚，一鍋酸菜魚夠四個人份量，放了大量酸菜、鯇魚片、粉絲，不辣但酸味十足，非常合我的口味，吃到底還可以夾到魚片，果然足料。第三款點了沙薑雞腳，因為個人喜歡吃雞腳關係，所以才點這個小吃，一上菜，沙薑汁還滾滾發熱，沙薑汁很入味，我幾乎把所有雞腳都吃完，喜歡吃沙薑雞腳的朋友絕對不可以錯過。最後點了一碟蒜蓉炒菜心，味道無特別，但是份量也很多，少油一些會更好。總括而言，所有食物真是真材實料，非常好吃，回味無窮！

上星期老朋友聚會，提議到元朗找找有什麼東西吃，這一間餐廳朋友推薦價錢平份量多味道好，結果果然沒有失望看到店舖竟然還設了包廂，包廂面積非常大，一大班男人亦坐得舒適東江沙薑雞，味道非常濃厚，雞肉嫩滑，在街鋪中菜館很少吃到這種級數的沙薑雞，驚喜每次到小炒館必點的薯仔牛柳粒，這間餐廳同樣處理得好，薯仔外皮香脆，牛柳粒入口嫩滑，而且份量很多，以98元價錢來說沒有挑剔嘅空間朋友搞笑，點了一道椒絲腐乳菜心，第一次嘗試這種配搭的我又覺得有驚喜，菜心新鮮爽脆豆腐魚雲湯，足夠三至四人食用，湯底魚味濃郁，非常回味埋單時看到原來還有生猛海鮮，可惜今天沒有嘗試，下次來必定一試

老公今晚收晏，晚飯都變宵夜喇😭不過發現新驚喜，search到呢間食小菜嘅粵舫老趙，抵食夾大件🤤店裏面非常光猛，牆身裝上鏡子，地方望落闊落好多；d櫈仔顏色鮮豔，整體感覺非常舒適。食物款式都幾多，有雞煲，小菜，海鮮，滷水小食等。發現大龍躉兩味都係$188，當然要試下，另外再叫左椒鹽雞軟骨同瑤柱蛋白炒飯。兩味分別係金銀蒜鮮竹蒸斑頭腩，上枱已經傳黎陣陣嘅蒜香味，斑頭腩都幾好肉，蒸嘅火喉掌握得剛好，肉質非常嫩滑，加上金銀蒜一齊落鑊蒸，最底層嘅粉絲同鮮竹索晒d味道，非常好食，食到我地一舊接一舊。另一味係XO醬西蘭花炒斑球，斑球用西蘭花同炒，口感豐富之餘，色澤繽紛，倍加吸引。味道方面，有西蘭花嘅清甜，再加上斑球啖啖肉，夠滑又彈牙，好快就清晒碟lu，如果多加xo醬應該更惹味😋金黃色嘅椒鹽雞軟骨，炸漿包住每粒雞軟骨，做到外酥內脆嘅效果，每啖都卜卜脆，索索聲，加入椒鹽做調味，樸實簡單，但減輕左油膩感，配啤酒一流，唔係，我地係配可樂🤣都係咁一流瑤柱蛋白炒飯好足料，有瑤柱香氣，炒飯粒粒分明，加入青綠嘅蔥花，成個炒飯賣相提升⬆️。用蛋白同瑤柱一齊炒，炒飯夠鑊氣之如又唔會太油，感覺清新不膩，好味道👍碟碟餸都好大碟，

深宵時份，夜闌人靜既時候，元朗既西裕街燈光火猛，宵夜好地方。經過粵舫老趙仲有好多人食緊，就決定入去醫飽個肚先覺覺豬🐷餐廳座位好多，下次可以一班朋友去食😝滷水鵝腸$68/超多既鵝腸仲要係爽口架馬拉盞炒通菜$68啫啫雞煲$98砵酒焗生蠔$168，生蠔隻隻都大大隻，酒味濃郁黃金雙拼～～魷魚加蝦球$148，極力推薦，蛋黃勁多，隻隻都包滿咸蛋黃，蝦球新鮮彈牙又大隻，魷魚又唔會韌👍🏻👍🏻👍🏻酸菜魚$168，呢個真係抵食夾大件，食極都仲有魚片🤣🤣

今晚要OT， OT後約埋班同事去附近食宵夜，同事提議去元朗粵舫老趙食小菜，順便啤一啤鬆一鬆望望菜牌，都有好多款小菜選擇， 價錢唔算貴，我哋order左1個小食、幾個小菜，包括有滷水鵝腸、黃金雙拼、酸菜魚、砵酒焗生蠔、馬拉盞炒通菜、啫啫雞煲$68滷水鵝腸，好大碟，好抵食，平時去食潮州打冷價錢貴又細碟，但依碟價錢便宜，又大碟，鵝腸滷水滷得入味，配埋辣椒豉油，黃金雙拼，雙拼係蝦球及魷魚，蛋黃夠，炸得香脆蝦球亦彈牙入味$168酸菜魚，好大盤好足料，酸菜夠多，魚片夠滑，抵食砵酒焗生蠔，生蠔夠大隻，新鮮炒通菜夠鑊氣夜晚唔想食飯，可以order湯河，配埋沙嗲醬食一流總括來講，配合價錢及服務，抵食夾大件，晚飯、宵夜首選

之前同老婆嚟過食早餐，當時對呢間餐廳印象已經唔錯，座位同隔離枱之間距離夠寬，唔會坐到逼。疫情而家緩和左，想出街食晚飯就第一時間諗到呢間，貪呢到有冷氣之餘又通風，坐得安心。$188大龍躉兩味好吸引，金銀蒜鮮竹蒸斑頭腩好大碟，底鋪滿左粉絲同腐竹索哂鮮魚汁味。另一味係xo醬西蘭花炒斑球，龍躉肉起得好乾淨無骨，食落啖啖肉，啱哂唔識吐魚骨既老婆食，xo醬味又較到啱啱好，唔會搶左魚既鮮甜味。見枱枱都叫乳鴿，就叫左隻試下。都好肯定係即叫即炸，上枱熱辣辣，鴿皮好脆，因為係乳鴿bb，肉質好嫩。椒鹽雙拼揀左鮮魷同雞軟骨，炸粉漿薄薄一層包裹炸到好香口，鮮魷好驚喜，食到出係新鮮貨。因為第一次食，唔知道呢間餐廳份量足，仲叫左干炒牛肉炒河，河粉好有鑊氣但又唔會太油，牛肉唔韌。由於眼闊肚窄，最後加左$4拎外賣盒打包左2盒餸拎走聽晚繼續食，又食又拎甘埋單先4百頭CP值好高。

很久沒有去吃東西了，這次去吃早餐嘆杯茶走☺。去到的時間看到有不少人在吃東西🤭，看來挻受附近居民歡迎。💥港式早餐 HKD$39，這個套餐份量十足很有份量，選擇了金牌沙嗲牛肉麵拼吉列魚柳配烘底牛油多士火腿炒蛋。沙嗲牛肉腍身挻入味，吉列魚柳很酥脆又大件😋。💥西式早餐 HKD$37，這個是平價牌的全日早餐😋，也是很大份份量十足。選擇了茄汁焗豆特大火腿奄列配烘底牛油多士煎蛋雞肉腸。味道雖然簡單，但吃到很飽肚很滿足😍。💥凍檸檬茶 HKD$3 (跟餐價) | 茶走 HKD$0 (跟餐價)，兩杯飲品味很濃。凍檸檬茶味道不錯，茶色是通透而不混濁的顏色，茶走味道很"溶"，煉乳不會放得太多剛好。