祥囍煲仔小廚

Open Now

Now Closed

去過兩次，白灼鮮魷同椒鹽鮮魷都好好味，新鮮又唔貴（百零蚊），無味精，不是千年油，係位置稍為無咁方便，而且空間狹窄d，以味道取勝。記得要訂枱，walk in要平日好彩先有枱。

聽朋友介紹，所以先知道呢間地方咁偏僻，。但係聽聞真係好好食，好有鑊氣嘅中菜館，我哋兩個入到去要起碼等超過30分鐘，出面好多人排隊，但係我哋都堅持繼續排隊，終於都等到可以入座，我哋兩個人分別叫咗一個豬肺菜乾湯，佢話呢個湯唔係成日都有，我哋嗌嘅時候係夜晚8:00係已經係，最後賣剩一碗啊，我哋真係好好彩呀，飲落去非常非常正，而且基本上佢嘅份量來講係價錢嚟講非常超值，而且好多菜感覺好健康，我哋另外嗌咗一個椒鹽九肚魚份量非常多，好香脆，魚好厚肉，而且裏面嘅魚都係出煙嘅，啱啱好非常之出色。另外我哋嗌咗一個白鱔臘腸煲仔飯，呢個煲仔飯係我覺得全香港最好味嘅煲仔飯，同廟街嘅煲仔飯嘅質素根本冇得比，佢嘅飯用水嘅比例非常好，而且佢嘅飯焦啱啱好，一粒黑嘅米都沒有，而且咬落去非常香脆，而且係可以飯焦係金黃色㗎，我哋咁樣刮咗啲飯焦出嚟基本上所有嘅飯底都會有非常一流，而家我都仲記得佢煮得咁好食，為一個缺點就係佢嘅環境坐得唔係咁好，因為我哋係坐外面咁啱嗰日有個傻佬喺我哋張枱後面，坐喺度飲啤酒，令到我覺得餐飯就係爭少少，呢間餐廳係非常之好味，係我咁多間中菜嚟講排第一

地點有少少難揾，千祈唔好信google map會行多好多路，地鐵站一出黎過對面馬路，向柴灣方向行，見到OK便利店上去條巷仔入面。今晚一行8人去食，埋單$1622，非常抵食👍🏻臘味蝦乾煲仔飯煲仔飯上面鋪滿臘肉、潤腸、臘腸、蝦乾，個侍應教我用豉油淋喺個煲蓋邊，再焗10分鐘就可以有飯焦，咁樣整出黎嘅飯焦又唔係太燶同太硬，好香口椒鹽九肚魚份量好多，外皮脆卜卜魚肉嫩滑再加上炸蒜，送啤酒一流豉椒炒蜆炒蜆冇沙，但蜆肉比較細粒豉汁蒸白鱔白鱔充滿油香，肉質肥美彈牙，完全冇任何腥味豉油王鵝腸份量一樣係巨多，鵝腸帶有少少肥亦保持咗爽脆嘅口感油浸筍殼魚原條嘅炸魚配上豉油汁薑蔥絲，肉質依然保持嫩滑，亦唔會有太多骨，好適合送飯蜜椒香薯牛柳粒呢一款最值得推介，除咗份量多，薯仔經炸過後粒粒都裹上蜜糖汁，牛柳亦唔會un 同冇梳打粉，一粒接一粒食唔停口香茄子煲味道比較普通，乜魚香味椒鹽鮮魷亦係比較推介嘅菜式，一樣係巨多嘅份量，炸粉好薄，鮮魷大大件亦唔un 啫啫通菜蝦醬味道濃郁，略嫌有少少鹹排骨雞煲仔飯加潤腸📍祥囍煲仔小廚 (筲箕灣)筲箕灣愛民街6-28號新利大廈地下5A號舖人均消費：$200食物：⭐️⭐️⭐️⭐️環境：⭐️⭐️⭐️回頭

話說有日同夫人响港島行街，突然好想食煲仔飯，咁咪上網search下同問下d港島朋友有冇推介啦！跟住有個朋友whatapp我叫我試筲箕灣間祥囍啦！佢話包我好滿足咁走？不過去到可能要等好耐咖！咁緊要？咁即刻坐車落去試吓啦！去到，可能過咗繁忙時間，一去到就有位啦！都未坐定。。。已經見到有隻巨型豬手响我哋身邊刷身而過，我同夫人已經呆咗。。。都未望menu，又見到好大碟炸九肚魚飛過，真係嘩咗聲，於是即刻嗌嘢食挑戰下啦！第一樣嗌嘅係蝦乾臘味煲仔飯，一嚟到，姐姐嗌我哋唔好開蓋，落豉油响邊等佢滲入去做飯焦，隔咗幾分鐘，開蓋，嘩！好多料呀♥️飯同料嘅比例幾乎有7/3咁濟，放入後啖啖都有臘味同蝦乾，好香，可惜可能焗得唔夠耐，好少飯焦；第二樣嗌嘅係椒鹽白飯魚九肚魚雙拼，上枱碟嘢份量多到高過罐可樂，好大碟呀！九肚魚外脆內嫩，熱辣辣好正，白飯魚條條炸得好脆，好食到停唔到口；第三樣嗌咗啫啫蠔煲，d蠔大大隻有口感，不過遺憾味道太鹹。。。要飲返兩罐可樂中和下先得。。。

又去食煲仔飯🍚呢間幾年前已經去食咗好多次，好多脆飯焦🤤臘味蝦乾好食，有油份得黎又唔太肥🥓黃金墨魚餅好邪惡，炒得乾身唔油膩又香噴噴🦑菜乾豬肺湯夠潤同試到係老火🥣湯🍲炒蜆同雞就比較普通啲，但都係好味嘅🍗好彩有book，特別冬天係超級多人等位～價錢合理，多人但上菜幾快🥘所以食物新鮮。環境係一般大排檔咁，但食風味都幾好👍🏻靚景指數：💛💛好食指數：💛💛💛💛💛抵食指數：💛💛💛💛

晚飯時間🕣•排骨滑雞煲仔飯香噴噴既煲仔飯 打開蓋加埋豉油再焗佢一陣就可以開動排骨同雞都剛剛好 滑飯仲有少少飯焦添 煲仔飯係唔會食得厭既飯💓•雲耳勝瓜鮮魷簡簡單單唔會太油膩 勝瓜仲保持到個水份 加埋爽身既雲耳同鮮魷 不錯•黑醋一字骨呢個我最鍾意 個汁係似平似食開中式牛柳汁果種 一字骨夠哂入味 送飯一流💓•菜乾豬肺湯湯后不能缺少的湯 仲要係菜乾豬肺 好飲 好正 連湯渣都要食埋添呀

一直知道祥囍出名食煲仔飯，但係冇諗過啲小菜都咁出色，而且價錢親民，非常推薦朋友或者家庭聚餐嚟食！香脆炸子雞 ($148 半隻 / $258 一隻) 👅:99.13分‼️ 必叫炸子雞！ 雞皮炸得非常香脆，調味足夠，配埋椒鹽一齊食更加惹味，最重要肉質非常嫩滑，同行的朋友都邊食邊讚嘆。街坊嘅價錢，酒店級嘅質素。椒鹽鮮魷 ($128) 👅:94.23分炸衣厚度剛好，好脆身，魷魚爽口。冰鎮梅子骨 ($108) 👅:71.43分 呢個有啲失望。原本以為冰鎮會令到梅子骨面頭啲糖有脆身嘅效果，即係好似冰糖葫蘆咁，但嚟到唔係果回事，餐廳可能想重用啲冰塊，加咗層保鮮紙隔住，所以每次梅子骨嚟到仲係熱辣辣🥹芥末蝦球 ($108) 👅:93.71分 蝦球非常彈牙，芥末醬唔會太攻鼻，整個配搭幾清新。蒜蓉粉絲蒸娃娃菜($88) 👅:92.44分 呢個菜出乎意外有驚喜，蒜蓉份量非常慷慨，粉絲同娃娃菜都吸收哂啲蒜味。臘腸煲仔飯($78) 👅:88.69分 梅菜肉餅煲仔飯($78) 👅:89.32分 煲仔飯飯焦做得不錯，但米飯不太吸收到食材的味道，同埋偏乾身。

黎到祥囍，緊去食煲仔飯，今日慕名而來嗌咗兩個煲仔飯，一個係白鱔煲仔飯，另外一個就係排骨雞煲仔飯。兩個煲仔飯，一到咗之後就要落少少豉油，跟住冚蓋焗多佢一至2分鐘。咁個煲仔飯就會有飯焦。非常香口。另外仲叫咗豉椒鵝腸椒鹽九肚魚同埋薯仔牛柳粒。全部都不過不失，但係如果話薯仔牛柳粒好食呢我就覺得萬發好食啲。不過食肆係冇完美嘅，如果想食煲仔飯，祥囍可以滿足到喺筲箕灣住嘅人嘅需求。不過最好就要係一早book定枱，因為星期五六日非常多人。叫咗四支啤酒買三送一，性價比非常高的一間餐廳。

天氣一凍凍地，就會唸諗到食煲仔飯，祥囍煲仔小廚出名煲仔飯，今日過黎試一下，雖然位置比較偏僻，不過都唔影響佢嘅出品。叫左個黃金墨魚餅(餐廳必食菜式)，墨魚彈牙，味道足，夠香口。菜乾豬肺湯（餐廳熱門推介）清甜潤肺，鍾意食菜乾，多多都同你食晒，湯味濃郁。蜜椒香薯牛柳粒，味道可以，牛柳粒夠嫩，唔會鞋，薯仔甜甜地。鵝腸好耐冇食了，點左佢個鵝腸，好爽口，又夠入味，唔會太鹹，而且無奇怪嘅味道。小炒王夠鍋氣，味道可以。

first time try, 估唔到咁好味，我由進埸，6pm, 到走都有大排人等僅，旁边果兩間店就好少客，呢度員工都好好，起初話我遲左，我話好難揾location 😄，跟住佢地好快安排入坐，好客氣，我同個friend 捻，haha, 唔通驚我地寫劣評？因為we book through open rice , 由於我只係兩個人食，不能叫大多，望見隔離左右叫唔同食物，賣相唔差，值得推介，椒鹽九肚魚，好大碟，完全冇厚粉，煲仔飯好味，like

小菜炒得渣。炒牛柳粒內有薯仔粒用老抽一齊炒，用老抽炒就會黑黑上了層深黑色表面，再 配搭洋蔥、青椒炒唔夠熟身， 純粹溝埋一齊壯大碟牛柳粒， 鹽調味下唔夠， 味道唔夠黑炆炆牛柳薯仔粒。 煲仔飯水準唔穩定，飯香欠缺， 煲仔飯未收乾水 ，就已經急急上枱， 打開飯，米仍濕身，白鱔腥味滲入飯中， 豆豉醬調味唔夠， 煲仔飯靈魂豉油毫無味道， 趨向求其， 以往見大姐整煲仔飯係開心堅定樣貌，今次再見已經疲態畢露失去已住開朗，看到她工作純不斷煲飯，緊緊臉容，氣勢大不如前。打工仔不斷工作質素唔到佢話事， 老闆只係要大姐快出煲仔飯。 熟客唔排隊優先無可厚非，但係真係唔好做得咁出面，大家都排隊有眼睇。 西環龍頭煲仔飯坤記點解始終第一， 因為一份堅持及時間。

————————————————————————祥囍煲仔小廚Cheung Hei地址：筲箕灣愛民街6-28號新利大廈地下5A號舖Shop 5A, G/F, Sun Lee Building, 6-28 Ngoi Man Street, Shau Kei Wan天氣冷當然要吃些暖暖的，筲箕灣人氣煲仔飯🍲，位置比較偏僻但是很多人慕名而來，最好提前book位就能夠享用到即叫即煲的煲仔飯了~！🟠推薦食物 Recommended 🔹招牌臘味蝦乾煲仔飯🍲🍤（$98）：😀即叫即煲，招牌臘味蝦乾飯加入切臘肉、臘腸、潤腸以及加上大大條蝦乾，層次感十足，飯焦也十分完美💯🔸黃金墨魚餅（$148）：足料起沙的鹹蛋黃🥚🦑🥚包住墨魚，每一口都很香濃，墨魚肉也很彈牙🔹椒鹽鮮魷🦑（$128）：超級大一條，面衣剛好，不會太厚，一定要點醬汁享用呀！🔸蜜椒香薯牛柳粒🥩（$128）：份量十足，牛柳軟嫩，薯仔包裹著蜜糖🍯🔹啫啫生菜煲🥬（$88）：十分入味，有蝦乾和肉碎作輔，很是下飯🟡不推薦食物 Not Recommended 🔹 無 No🟠員工 Waitresses 有效率，用餐有時間限制所以會較為催促🟡環境 Environm

真係如果唔係朋友 都唔會嚟呢度食朋友同我講呢間好出名食煲仔飯行完山好肚餓 秋天嘅感覺到 聽到煲仔飯就好想食大約7:00去到好多人排隊好好彩咁岩有兩位我哋就即刻有得坐得兩個人真係叫唔到好多嘢，盡咗力叫咗三樣嘢一上到嚟覺得樣樣都好大碟椒鹽白飯魚一上枱嘅時候我哋一齊‘wa’咗聲！好澎湃！白飯魚好肥美又好香口 呢個好食🤤反而個口水雞我覺得就遜色咗少少雞夠滑但係味道爭啲窩蛋牛肉飯每一啖都好香飯焦味🤤🤤🤤🤤🤤🤤而呢一度嘅價錢真係好合理下次要再嚟，試埋唔同嘅嘢🤤

朋友介紹我嚟呢度食煲仔飯，真係冇介紹錯。我哋食咗佢個黃金墨魚餅，潤腸煲仔飯，白鱔煲仔飯，鴛鴦腸煲仔飯，同埋最常見嘅鹹魚肉餅煲仔飯，樣樣野都係咁好食。因為嗰陣時實在太肚餓，唔記得影完相先至食。佢個飯焦真係煲得好好食，料都好夠。佢個黃金墨魚餅真係都好出彩，有鹹蛋黃嘅粉末包住啲墨魚，淡淡都係香濃嘅墨魚加鹹蛋黃嘅味道，真係非常好食。夾埋我哋四個人叫咗五樣嘢(加咗碟油菜）都係俾咗$504。佢哋嘅服務質素好好，嘢食又好，第時一定返嚟食！

有一次去朋友屋企開party朋友叫咗呢一間嘅祥囍的外賣正常外賣食物 味道上都會打折扣但係外賣都幾好食所以今次特登想去試吓堂食呢個朋友要咗一個套餐都相當經濟實惠餐入邊仲包一個老火湯咁我哋選擇左 菜乾豬肺湯非常之好飲 冇味精好清甜豬肺洗得好乾淨 食落非常嫩滑黃金墨魚滑非常非常好食！鹹蛋黃非常之香 亦都口感好沙墨魚滑厚身非常彈牙爽口去到一定必食之選屬於瞬間清碟系列白鱔煲仔飯煲仔飯除咗餡料之外飯係非常之緊要角色嚟㗎飯粒煮得非常之好粒粒分明有口感底部亦有非常香脆嘅飯焦淨係食個飯都好正白鱔分量多 厚肉彈牙好正！冬天食一流豆豉鯪魚油麥菜基本上都想像到係咩味相信大部份香港人都食過豆豉鯪魚都唔需要太多介紹豆豉鯪魚都幾大塊 份量多冇偷工減料配上油麥菜好食冰鎮梅子骨圖中都睇到冰底喺下面梅子醬調味都可以嘅酸酸甜甜可惜排骨本身唔夠優質因為肉偏韌下次再試吓其他菜式