悄悄食堂

Open Now

Now Closed

結婚週年慶祝，由看早場電影「我談的那場戀愛」開始，之後到這裹吃午餐；當日全店滿座，真不愧為人氣食店，唔訂位真係未必有得食。😱午餐分A,B,C,D四個選擇，我們同樣選了A(幽庵燒本灣懵仔魚)，不知是魚的部位不同，還是煮的時間有出入，我的魚明顯偏熟，好在味道還幾好。😞老婆的魚就比較似樣，肉質嫩滑入味，旁邊伴有醃漬蘿蔔、小菜及白飯。😋飲品我要咗「本地薑黃印庋香料熱奶茶」，剛飲嚐到濃郁的香料味，之後是香濃的薑黃味，最後才嚐到淡淡奶香味，但茶味就明顯比較淡薄，口感香滑，也算不錯但不是我所認識的奶茶味！😅水準唔穩定，一好一普通，看你彩數！😓悄悄食堂地址: 太子荔枝角道143號康和閣地舖電話: 26511185

一向都是很懶的人，能讓我即日出post的話通常只有兩種情況，超級好吃或特別難吃。遺憾地今日遇到的是後者，先戴個頭盔味道很個人 。幾年前來吃過一次，當時已經覺得主食不好吃，甜品還好，他家有的茶粉我家中都有了，所以一直未有再訪 。對於喜歡打卡的人，榻榻米的確很吸引，我就興趣不大 。最廣為人知的應該是他的牛舌可惜我不吃。促使我再訪的原因是最近推出了特濃抹茶 Tiramisu（之後再說） 。位置對我來說是相當不方便，但為了美食我願意，如果真的是美食 。午餐時段必須叫一份餐點，點了醬漬蘭王蛋鹽麴燒牛小排丼飯，雖然主力是來吃抹茶的，還是期望他在主食上會有進步 。不得不承認牛小排調味及口感都進步了不少，敗筆就在米飯 。配上醬汁蘭黃蛋是一定要撈飯的，可那米飯軟爛爛的黏在一起，勉強吃了幾口真的吃不下去，向店員反映後得知最近換了新米（好奇換之前不是應該自己先進行反覆測試？） ，店家offer 免了餐點的服務費，對我來說作用並不大，因為我需要是一碗好的米飯 。結果埋單時，也是有加一的 。我沒有刻意去提點，反正我決定來前，這個消費已經在我考量當中 。只是如果說出來做不到的話，那就不要說。Bad Friday

朋友想吃呢間好耐同埋佢生日就佢話事 就同佢訂左枱先去既 用inline 網站上面book 想嘗試牛舌但晚上full booking 所以嘗試左個lunch 先Lunch 限時90分鐘既 同埋有得俾你簡想坐邊 我地簡左榻榻米 除鞋 食個飯間餐廳收現金Visa Master Apple Pay 生日正日前一日同後一日都有八五折優惠去到先知 有驚喜店員都好細心會問你係咪第一次喺呢間餐廳食 。 會介紹Menu 同埋講唔同綠茶品牌有咩唔同嘅味道呢杯叫日本蜜柑蜂蜜soda ($64)酸酸甜甜 開胃飲品呢個係熱嘅抹茶拿鐵係用森之白品牌 好濃抹茶味（$56）呢個漬物每一日都唔同要送飯先得牛小排好嫩 加埋可以生食嘅蘭王蛋 都幾好送飯Set B ($188)呢個咖喱有無花果有洋蔥 酸酸香香辣辣建議細食嘅女仔嗌小飯 佢嘅份量比上一個牛小排餐多 同埋雞扒都好嫩滑仲有天婦羅南瓜食到好滿足set D ($138)雖然定價唔算性價比 但係間唔中同朋友嚟食吓 都係一個唔錯嘅地方其實喺太子地鐵站行過去餐廳都要10幾分鐘 所以如果可以搭12A巴士就最好可以喺門口落 希望幫到大家如果晏晝都可以唔限時就好啦朋友生日有八五折，

呢間居酒屋已經係我嘅check list入邊好耐了，之前係睇threads， 成日見到有人推介，話佢個牛舌係世一，一直都好想試，今次朋友話想食日本嘢，就過咗嚟食。首先，一入到悄悄食堂，大家都覺得個氣氛好正，有種去咗日本嘅感覺，我哋都專登等咗陣，為咗坐榻榻米位。😂之後店員都會過嚟同我哋介紹個Menu，見個Menu都有心，會定時出啲期間限定，又會有Crossover Menu，有啲嘢食要提早訂定。食物方面，🌟牛舌： 呢個係重頭戲，牛舌厚得來中間仲係好粉嫩，表層燒到有啲焦香，係幾好食，不過未去到世一 （其他居酒屋有食過我認為更加好食嘅）🌟沙白：大隻鮮甜，連啲湯都可以飲埋，不錯不錯。🌟燒飯團： 外面燒到好香口，裏面包住蛋黃，簡單但又好好食嘅一款嘢食，必嗌！🌟柚子燒茄子：呢樣係全晚最驚艷嘅嘢食，茄子上面放咗層柚子去燒，有少少焦糖嘅感覺，估唔到柚子同茄子嘅味道咁夾，呢樣係我會想再食嘅嘢食！🌟炸雞： 炸雞就普普通通，都算大份同入邊都keep到啲肉汁，但未去到好好食。🌟燒和牛：好嫩滑又好Juicy，勁有肉汁，feel到係個口入邊爆出嚟，係略嫌價錢有啲貴，要三百幾蚊一份🥺🌟吞拿魚炊飯：正正常常，食完已經

🇭🇰悄悄食堂🇭🇰這家在太子真的很出名！walk in 根本不可能，一定要提早預定才行，每天都有很多人慕名而來。真的一點也不失望。裡面還有榻榻米，bar 枱，卡座等位置，很適合和朋友喝酒聊天！🐮自釀醬油麴燒厚切牛舌芯🍗IPA 啤酒脆漿炸雞配蜂蜜wasabi 醬🐟醬油吞拿赤身高湯飯真的是我暫時吃過最好吃的牛舌芯了！牛舌芯結實但很嫩而爽口的口感，牛味也特別濃。配上一點鹽，更加香。啤酒炸雞個頭大，外脆內軟，肉汁非常多，超喜歡那個醬汁，很開胃。吞拿魚飯，味道不錯但是會有點咸，配飯也是一流。

這個周末，我和家人一起出街享受了一頓豐盛的晚餐，選擇了海鮮魚湯鍋作為我們的主菜。餐廳的氛圍溫馨，讓我們感到輕鬆自在，準備好一同品味各式美食。首先上桌的是海鮮魚湯鍋，湯底清澈透明，散發著海鮮的鮮香。鍋中放滿了新鮮的魚片、蝦和貝類，煮熟後的海鮮肉質鮮嫩，湯底則吸收了海鮮的精華，味道鮮美無比。每一口湯都讓我們感受到海洋的氣息，特別適合寒冷的冬天，讓人倍感暖和。接著是燒粟米，外脆內軟，搭配上特製的醬汁，香甜可口，是一道非常合適的開胃小菜。每一口都讓人回味無窮，讓我們在享受正餐之前就已經感到滿足。名古屋脆雞翼則是另一道令人期待的美食，雞翼炸得金黃酥脆，肉質鮮嫩多汁，帶著淡淡的香料味，口感極佳。搭配上酸甜的醬汁，讓每一口都充滿驚喜，彷彿在享受一場味覺的冒險。明太子烤山藥也不容錯過，山藥外層烤得微焦，內裡綿軟，搭配上濃郁的明太子醬，讓人一試成主顧。這道菜不僅美味，還充滿了健康的元素，讓我們感到心滿意足。清酒煮蜆更是點睛之筆，蜆肉鮮嫩，搭配清酒的香氣，讓整道菜充滿了獨特的風味。湯汁清淡而鮮美，讓人每一口都充滿海洋的氣息，令人陶醉。最後，明太子魚鬆茶漬飯讓我們的餐點畫上完美的句號。飯粒鬆軟，明太子的鮮香

Bookmark左好耐既一間餐廳，前排朋友生日終於去試下～🤓 一間位於太子的日式居酒屋，地點唔算太就腳，但食物都唔錯既🥩自釀醬油麴燒厚忉牛舌芯HKD128被譽為牛舌天花板，肉質軟嫩，而且肉汁更中豐富～牛舌燒至大約五成熟，令牛舌芯呈嫩粉紅色，牛舌旁配有山椒鹽，一定要點埋一齊食！絕配～🦪二重奏廣島蠔炊飯 HKD258廣島蠔有三隻，每一隻都好肥美～個飯汁好重蠔味，中意食蠔既食佢就一流～🍜豆乳擔擔冷麵 HKD88呢個係一款純素主食，素肉加左白蘿蔔絲，再用埋豆乳做湯底搭配冷麵，個人幾中意食～🌮忌廉芝士三文魚吞拿魚酒盗HKD98麵包烘得好脆，而且三文魚同吞拿魚鮮味搭配埋忌廉芝士，食唔停口～🍹熱情果糖漬鐵觀音 HKD75叫左三杯飲品，呢一杯係最出色既～鐵觀音味濃郁，加上熱情果酸酸甜甜，mix埋一齊有啲驚喜～

悄悄食堂 📍太子荔枝角道143號康和閣地舖日系居酒屋，地點唔太就腳，社交平台勁多人推薦所以一定要提早訂位，尤其係想坐榻榻米，食物好似好多都係特製，但味道真係普通，而且人均竟然要超過$500，真係只限打卡，唯一可以讚下係服務態度幾好👌熱情果糖漬鐵觀音👎柚子鮮雞濃湯鍋 $448呢個係我覺得最唔抵食嘅，成個鍋味道係偏淡，雞唔太滑，其他蔬菜都唔太特別，最後店員會整你用湯底整炊飯👎名古屋脆雞翼雞翼唔脆，而且個醬超咸，雞翼控直接放棄無食晒👌IPA啤酒脆漿炸舞茸配牛油烤汁冇用菇炸得脆，但係略有油味👌自釀醬油麴燒厚切牛舌芯網上叫佢係牛舌世一，但覺得只係唔韌，但味道偏淡👌Vlron buddha saint honore呢個係badmood 出品👍特濃抹茶Tiramisu宇治 碧翠園 大極 x 八女 星野製茶園 木蓮就係被呢個甜品吸引左 ，但$108 成品真係被我想像中細好多，大概手掌禁大，當然可能係因為佢用左兩種高級抹茶粉，成餐呢個係最好食#悄悄食堂#日式居酒屋#太子美食#打卡餐廳#我又被社交平台吸引去左

呢間都係間念念不忘嘅餐廳，因為會恆常轉menu，而且會用啲特別啲嘅食材，所以間唔時就會想食下。醬漬蘭王蛋鹽麴燒牛小排丼飯想食牛小排丼飯的話，可以係book位嘅時候一早留定先。牛嘅份量幾多，鋪滿成個飯面。用鹽麴醃製嘅牛小排，肉質比平時軟熟，食落口竟然唔會有過份嘅咸，而係保留到牛小排嘅味道。中間隻蘭王蛋醬漬過，質地係流心半凝固狀態，撈飯一流。幽庵燒本灣懵仔魚我記得之前有試過佢地嘅幽庵燒，意外地好食。今次選用嘅懵仔魚係本土養殖，同樣用呢個方法烹調，肉質保持到扎實嫩滑，魚嘅油脂平均，但份量略少，因為太好食了。自家製GoldenRum焦糖忌廉芝士雞蛋布丁因為加咗忌廉芝士，所以整體係扎實型布丁，口感比較豐滿。而落咗golden rum酒，食落係大人口味嘅布丁。整體係一間間唔時想去食嘅餐廳，會期待佢嘅新Menu，新嘅食物配搭。今次因為生日去，撞正佢地嘅birthday promotion。

-Threads大熱牛舌-Book好枱但無預訂任何餐點，不過幾好彩去到都有得嗌（最後無嗌到😂）。明太子烤山藥有驚喜，山藥脆脆地嘅質感配明太子幾好食。自釀醬油麴燒厚切牛舌芯牛舌芯嫩滑有少少彈性，食材本身好食，燒到剛好配簡單醬油麴就夠。。二重奏廣島蠔炊飯是餐MVP，同朋友都驚艷，廣島蠔飽滿多汁，炊飯上有牛肝菌醬，拌食好香。。自家製GoldenRum焦糖忌廉芝士雞蛋布丁似雞蛋布丁樣嘅cream brûlée。鳳梨味噌椰子燒酎sour 少少fresh，酒味唔重。玉荷包荔枝燒酎sour 差啲懷疑自己嗌咗mocktail，近乎無酒味😂菜式比較精緻，環境同氣氛一流，服務都好貼心，會逐一介紹菜單。價錢都反映質素，都唔預食飽走～

呢間近排社交平台好多posts，即刻打電話問有冇位，聽電話個阿姐好歡欣，令你好期待呢餐飯，阿姐話有位，我即刻衝過去點咗牛舌、炸雞、擔擔冷麵、布丁、加杯調酒，低消一定要嗌嘢飲，聽到隔離後面幾枱埋單嘅時候被提醒牛舌好腍，配個鹽都好香口，食落似先炆腍咗，再燒一燒嘅口感炸雞唔錯，配沙律醬，唔夠味要問店員攞啲七味粉，唔係勁脆嗰種個擔擔冷麵就慘囉，料同面完全分離，一啖料一啖面要喺個口入邊自己撈埋布丁係比較結實嗰種，焦糖好香，唔係好苦嗰種杯調酒清淡順口，如果可以唔嗌嘢飲，我會skip

喺香港食過好多間嘅牛舌 都冇悄悄整得咁奶香濃郁又彈糯 濃濃嘅牛肉奶香氣 口感煙韌內心柔軟 一份$128 大約有10件 10分抵食！ 食完好想再encore🥹 大推佢哋嘅飲品 玉荷包荔枝Shochu 本地釀製梅酒梳打 porcini 秋季吟釀 三款都好優秀 清酒嘅選擇好多 每一款都有好details嘅description 方便每位客人挑選屬於自己嘅口味～ 我今次揀呢款係秋季限定入口清爽微甜 入口感覺唔厚重 好適合配搭清爽類型嘅海鮮 整體好喜歡試過午餐同晚餐個人感覺晚餐整體感覺更加喜歡 背景音樂嘅配樂令氣氛好好 好chill 好適合同三五知己傾偈食飯 值得一讚係店員嘅態度好熱情 亦十分詳細介紹菜品👍🏻

太子l 榻榻米風居酒屋醬油麹牛舌芯 $128 8/10燒牛舌火候控制得剛剛好，好軟腍得來又有少少爽口，牛舌油油脂感很足夠，配山椒鹽食落有少少椒麻味，很驚喜二重奏廣島蠔多士 $108 8.7/10廣島蠔調味幾好，熟度岩岩好，外面又有少少焦脆，內面仲係好juicy，多士烤得酥脆，中間仲有啲蠔碎炒既醬，令成件事蠔味更濃芥末山藥泥醬油潰三文魚拌飯 $98 6/10拌飯較淡，醬油漬味唔出，芥末山藥泥令拌飯口感幾特別，食落滑捋捋特濃抹茶tiramisu $113 9/10必試！用左兩種抹茶，甜度岩岩好，好適中，係就嚟覺得太甜既時候就會突然有抹茶味出嚟中和番，成件事好和諧。同classic既tiramisu唔同，用左Gin代替Rum酒，好有心思青森蘋果汁 $35芒果蜜糖漬soda $58Overall, 覺得定價有啲貴，但係都會想再去食多次悄悄食堂 (太子)太子荔枝角道143號康和閣地舖

之前有一個星期日就同另一位家人去咗呢間位雷生春附近嘅一間和風餐廳食午飯。呢間餐廳基本上如果你唔預先訂位，星期日基本上都好難有位。呢間餐廳唔大，座位有限，有普通枱/ tatami 枱/ 吧枱，由於餐廳都多人食，其實都冇得揀。整體嚟講唔算坐得好舒服。午餐通常只得四款餐可以選擇，我嗰日就嗌咗個懵仔魚定食再叫咗杯幾世之昔嘅綠茶latte。條魚嘅味道同埋質感都幾好，係會有少少骨，但都無傷大雅，係個份量偏小。而杯綠茶latte就非常有綠茶嗰種甘味，我個人好推薦。最後埋單兩個人都接近$500 ，以午餐嚟講係會有少少貴。

上次食完晚市覺得幾出色，今次就試吓佢哋嘅午市套餐。原本打算叫牛小排丼飯，可惜已經賣晒，如果想食嘅建議book早少少，最後我哋叫咗幽庵燒本灣懵仔魚同埋羅勒雞腿馬薩拉。幽庵燒本灣懵仔魚（$208）懵仔魚嚟到賣相幾靚仔，魚皮煙韌有咬口，中間魚肉唔係全熟，店員表示係刺身級別嘅魚，所以會煮到七八成熟，都幾好食。 南瓜白香果漬物呢個配搭幾特別，酸酸哋幾開胃。羅勒雞腿馬薩拉（$138）呢個份量相對大啲，雞扒煎得好香脆，雞肉嫩滑，南瓜天婦羅就不過不失，嗰汁水份比較多，少少咖喱味配搭蔬菜嘅甜味，味道都唔錯。佛手柑蛋白霜撻（$78）除咗佢哋嘅自家製雞蛋布甸，另外都有唔同嘅精緻甜品可以叫，我哋揀左佛手柑蛋白霜撻，感覺似平時食嘅檸檬撻，餅底好脆，但係略嫌甜咗少少。試咗呢度嘅晚市同埋午市，個人比較鍾意佢哋晚市嘅菜式，下次會再嚟食😋😋