新志記海鮮飯店 (Closed)

星期5同妈咪行完街~就帶佢去試"新志記"~我覺得食物也ok.我地叫左1.生炒骨（D排骨炸得好脆）2.翡翠炒斑球（好滑,值得吃）3.生炒糯米飯（好香）4.杏汁菜膽燉豬肺湯(好清甜）

今天在網上看到有人讚就試下啦點知原來正一不知所謂個廚要炒得啦先叫兩隻炸乳鴿不但不'趣'而且好'林'蝦醬通菜炒牛肉又咸到死海斑兩食個湯又'腥'斑肉又少又生叫佢番炒又'銀'生炒骨有雪味唔'趣'梅梅林林咁生果盤比d橙全部酸到死埋單又貴又唔好食又逼簡直則錢買難受各位唔信可以試下咪話我唔點醒你啦7.3.2011最慘今日係我啊媽生日啊媽生日快樂and對唔住你啊搵左咁差的飯店和你慶祝原諒我吧

其實對這一間食店有一份特別的感情，由它們在基隆街頭做大排檔時已經有去幫襯，到了八十年代中間政府要清拆城中大部分的大排檔時搬到現址，數數都大約有二十多年了，多數都是做街坊生意的。志記是在運動場道和砵蘭街的交界，太子地鐵站D出口一出就會看到，非常容易找到，每天下午六時多行過都會看見一位職員在店外處理蟶子，每天風雨不改都是這樣做的，因為這裡的蟶子是非常出名的。店內的佈置也是十分簡單，有一個類似燒味部的在正門的附近，入到去裝修都是一些偏舊式的中式食店一樣，沒有什麼裝飾在內，牆上排上了很多的餐牌和價錢，而內部是有兩間大房，近門口的是放四人枱的大約有七至八張左右而另一間房是放大枱的，枱和枱之間的距離都很近的，坐落都有少少窄窄地。食飯當日是星期五，大約六時半左右去到，見四人枱個間房已經接近坐滿了，見有空位就選了一張在旁邊的位子就坐下了。餐牌都是一般的中式食店差不多，有小菜類、海鮮類、煲仔類等等，還有這裡有四種的老火燉湯選擇，價錢都是七八十元左右，而這裡每天都有生擋大石班的，喜歡大班兩味或是飲石班骨湯都可以選擇。今天就沒有試石班和蟶子，就叫了一個杏汁菜膽燉豬肺湯、豉油王煎大蝦和西芹炒象拔蚌帶子。杏汁菜

星期日同外國朋友行完山~就帶佢地去試下依間"新志記"~之前都有去食架我覺得整體食物水準keep得到~而且唔會好多味精~食完當晚都唔會話口渴~好ok囉!依晚我地叫左 1. 海斑三味(時菜油泡生斑球) : 魚肉好嫩滑味道亦好中和..唔會太鹹(清蒸斑腩) : 配料好足~原粒炸蒜好香~魚腩骨充滿果皮蒜蔥香味..清清地又唔漏(時菜豆腐湯) : 時菜用上芥菜~味道唔錯..好清甜2. 生炒骨 : 招牌菜次次都會點~水準keep得到..排骨炸得好鬆脆而甜酸汁調得好平衡3. 酥炸桶蠔 : 桶蠔用料好靚~唔會粉粉口感而且好有蠔鮮味~炸得鬆脆之中又唔油膩最後仲送綠豆沙~個綠豆沙煲得夠粉軟而且仲有果皮臭草香~甜度剛好! 整體食店keep得到水準! (更多相片 : http://hk.myblog.yahoo.com/yanomi_chung/article?mid=74039)

男友知我近來無湯水, 特登間舖有靚湯水, 真係心甜 叫左沙蔘玉竹燉龍骨, 西蘭花炒帶子象拔蚌, 蒜蓉牛仔骨沙蔘玉竹燉龍骨D湯既甜而且濃郁, 一盅有五碗, 好飲西蘭花炒帶子象拔蚌D帶子又腥又超細粒, 象拔蚌無味又硬, 差差差蒜蓉牛仔骨一陣’騷’味, 難入囗呢餐飯除左有靚湯水外, 只可以用 ‘又腥又騷’ 黎形容

月前還趁著天氣未真正回暖之時~友人發起一局期待已久的糯米飯局~不好米麵飯的小比卻偏好這味~~於是就趁著有燉湯有糯米飯的一晚往太子赴會~可惜出發前在家發生了點意外~~致壽星仔沒有了蛋糕吃~~有點失意~~不過心還在~有拖無欠~~這店原來真的與地鐵出口為鄰而已~不難找~~每人點自已想吃的吧~~~結果這晚點得太多~haha先來沙參玉竹燉龍骨[$58]~小比是個中湯愛好者~相信一個人也可清到一整盅燉湯~薑味十足的燉水~有如汁般濃鬱~~而且盅內的湯料豐富得很~果然真材實料~接下來的海底椰雞腳燉螺頭[$58]~小比一向怕雞湯~始終油份較多~但面前的燉湯並沒有此通病~同樣濃而厚實~螺頭當然也爽而彈牙~把精華都煲出來~~第二輪叫上川貝琵琶燉鷓鴣[$78] ~賣相令大家爭相埋掉了那無辜的鷓鴣頭~hhaha~此湯用上川貝琵琶難免有點藥材濃味~對小比來說有點過龍~只喝了一點~~三個燉湯之中較喜愛沙參玉竹沙薑雞~完全入味!不過咸~轉眼間已清碟~新鮮雞的肉質嫩滑帶點雞油~醃料滲得透徹~點一點惹味的沙茶醬更加醒神~生炒骨有色無味酸度欠奉~~~原叫薑汁芥蘭暖一暖身卻來了蒜蓉荳苗~~不是來錯也不是來多了~~芥蘭當然最後

fd介紹呢間, 想黎試好耐啦, 昨天下午係深水埗食野, 老公問dinner去邊食? 我就suggest呢間, 七點多, 八成滿人, 但事頭婆似係做街坊生意般叫我地坐低, 唔見得好客氣呢, 但張枱麻麻地好, 我見有張枱岩岩有人埋單於是我地調位啦 我地之前食左少少野先黎, 所以唔叫飯啦, 只食餸飲湯 , fd之前話燉湯出名, 見有四款, 於是order左海底椰雞腳煲響螺湯, $65, 好多料呀, 夠熱, 雞腳都有成五, 六隻 , 味道好正呀, 好真材實料架, 都好多湯呢, 兩個人飲岩晒, d料點下有青椒片豉油, 唔錯呢老公order一隻乳鴿, 肉質好滑, 保持有肉汁, 點d淮鹽喼汁, 特別美味, good呀仲有XO醬炒象拔螃, 好辣呀, 油左少少 , 大半碟都係西芹, 我同老公都麻麻地食架, 總之問下佢用咩菜炒啦見d隔離枱d糯米飯好正呀, 唔知係椒鹽鮮油定九肚魚呀, 好大碟架, 下次想試下 , 見人地糖水, 我地叫埋單都無既 , 可能佢地太忙啦, 於是我問下佢, 佢話有架, 立即送上兩碗熱辣辣既雪耳雪梨馬蹄木瓜湯水, 好食唔太甜, 雖然係送既, 但都一樣咁足料架, 讚 , 地方唔算闊落,

無論電視飲食節目、報章雜誌都介紹過呢度既生炒糯米飯，住得咁近既我今日終於試左啦！生炒糯米飯$38碗：糯米飯真係生的炒，最重要係D糯米飯炒得均勻又唔會好油膩，飯粒粒粒分明夠乾身，而且材料亦唔少，有：潤腸、臘肉、臘腸、蝦米…飯面還鋪上花生、芫茜、蔥花、芹粒…整體真的不錯，吃時口感煙韌彈牙，簡直色香味俱全啊！正！水準之作，不愧為招牌菜啊！P.S：點解無蛋絲？

一行三人去食晚飯叫咗一湯, 生炒糯米飯, 芝士龍蝦伊麵同炒咗個菜燉湯$58-------超正, 一盅有四至五碗 very very good生炒糯米飯$38/碗------本人覺得油咗d, d friend話生炒係咁架喎, 料足, 味道都好唔錯ge芝士龍蝦伊麵$138-------本身幾好食, 但好可惜係龍蝦仔, 有d失望蒜蓉炒菜心---------都係丙承傳統小菜館-------太油, 菜其實好新鮮可惜炒得熟咗d其實如果可以改良少少會更好食仲有糖水送, 蕃薯雪耳-----好味店內仲有好多傳統小菜, 可惜我地得三個人試唔到咁多小店雖然簡陋咗小小 (亦都係傳統小菜館的特色), 但總算乾淨企理, 招呼都算唔錯

是夜國慶加上中秋做節,所以上街食飯本來打算去鼎泰豐,但想起放煙花,一定多人到嘔,所以放棄於是上網找找~看到這間評語不差,於是跟阿爸提議~於是一行五人八點到達,可能睇煙花啲人去哂尖咀,只坐八成客~所以順利有位因為做節,所以叫了六餸一湯:嚮螺燉雞腳湯:飲得出真係用燉,味濃得像老火湯一樣~ 不似一啲酒家煲好一大煲再入盅扮係燉沙薑雞半隻:雖然用上四斤雞,但依然嫩滑,有雞味~不過有啲位生咗啲~海班兩食:油泡球同清蒸頭腩都ok~夠新鮮骨髓三鮮 :招牌菜當然要試,果然夠鑊氣,個汁送飯一流~ 不過膽固醇超高(骨髓+鮮魷+庵春蛋)但好食無計蒜蓉粉絲蒸蟶子:這個ok la,夠蒜蓉但末夠肥美~ 不過最搞笑係個阿叔碟送來的時候,突然大約蟶子到, 搞到其他枱嘅人都望過,勁搞笑...hahaha生炒排骨:係我哋五個一致認為最好食,炸得夠鬆化,個汁甜酸度適中,係我細個時才有的風味~ 比起很多大

由於在家的附近，所以常常會來這裡食晚飯，不過今次就無飲它出名的燉湯和生炒糯米飯，而試了另外一些餸，希望有新的驚喜。海班兩味 - 1.時菜豆腐骨湯 : 阿媽話今晚想食大班兩味，所以就試下，先黎一個時菜豆腐骨湯，其實是芥菜豆腐班骨湯，飲落好鮮味，好有魚味，不過是魚湯，要熱飲。GOOD海班兩味 - 2. 翡翠油泡球 : 選了西芹炒，魚肉大又有鑊氣。要熱食骨髓三鮮 : 另一個去志記一定要食的餸菜，多年都能保持水準，料多鑊氣夠，正由於是星期二，不是太多人食晚飯，而D伙計有時無野做會和你談談，好有老店家庭的感覺。

自從半年前來過之後，一直都未有再來幫襯，前幾日老婆無煮飯，外出搵食路過這裡，老婆話不如入去睇下有無之前兩次我好想試但係去到都賣晒無得食嘅「南北杏菜膽燉豬肺湯」。係喎，都好喎！於是入去問下。哈！真好，可能天氣熱，無乜人會飲燉湯啦，又有喎！坐低即來一個靚白肺湯，再加多個芝士焗計龍蝦（伊麵底）同西蘭花炒帶子象拔蚌，來番餐豐富D嘅先。個湯先到，味道不錯，落足晒料，有好多豬肺，正！龍蝦同小菜隨後來到，因為個龍蝦唔係逐隻秤計數關係，所以個餸只係得兩隻偏細隻的開邊龍蝦，不過個芝士汁同伊麵就都幾多，食落都幾惹味！至於個西蘭花炒帶子象拔蚌，鑊氣都幾夠，味道尚佳，係d帶子同象拔蚌細左D咁啦！一輪掃蕩之後，食到飽飽，原來臨尾仲有個昆布海藻綠豆沙做甜品，咁就完滿結朿呢一餐，亦都圓了自己想試呢度個馳名南北杏菜膽燉豬肺湯嘅心願啦！

自從半年前來過之後，一直都未有再來幫襯，前幾日老婆無煮飯，外出搵食路過這裡，老婆話不如入去睇下有無之前兩次我好想試但係去到都賣晒無得食嘅「南北杏菜膽燉豬肺湯」。係喎，都好喎！於是入去問下。哈！真好，可能天氣熱，無乜人會飲燉湯啦，又有喎！坐低即來一個靚白肺湯，再加多個芝士焗計龍蝦（伊麵底）同西蘭花炒帶子象拔蚌，來番餐豐富D嘅先。個湯先到，味道不錯，落足晒料，有好多豬肺，正！龍蝦同小菜隨後來到，因為個龍蝦唔係逐隻秤計數關係，所以個餸只係得兩隻偏細隻的開邊龍蝦，不過個芝士汁同伊麵就都幾多，食落都幾惹味！至於個西蘭花炒帶子象拔蚌，鑊氣都幾夠，味道尚佳，係d帶子同象拔蚌細左D咁啦！一輪掃蕩之後，食到飽飽，原來臨尾仲有個昆布海藻綠豆沙做甜品，咁就完滿結朿呢一餐，亦都圓了自己想試呢度個馳名南北杏菜膽燉豬肺湯嘅心願啦！

Came here for the 2nd time with a bunch of friend, the first time was around 4-5 years ago. To be honest, I didn't even remember the shop name, just the fresh seafoods swimming at the front of the restaurant! . In fact, I have never even checked the Openrice reviews before coming, :星班三食-1) One is the wok stir-fried of the fresh fish's fillet. This had a gingery outer coating with the uniquitous julienned scallions, served slightly wetter than expected. It did not have a lot of 鑊氣 nor did it hav

又係一間想嚟好耐但始終冇機會嚟嘅‘名店’！？今晚終於的起心肝...雖然得兩丁友，但都叫咗生炒排骨、生炒糯米飯、金銀蛋莧菜、豉汁帶子蒸豆腐。前菜有花生同辣豉油，花生偏咸，但幾脆。唔‘好’辣豉油，冇試到。生炒骨炸粉唔算厚，炸得幾鬆化。肉質有肥有瘦，好彩唔太油膩。啲汁唔會好稀，甜酸度適中。份量好多，差啲食唔晒！糯米飯同想像嘅差唔多，夠乾身、料超多。不過，盡量趁熱食，凍咗比較油。金銀蛋莧菜只係普通貨色，咸蛋直係好咸，味道一般，勝在夠份量。豉汁帶子蒸豆腐絕對係叫錯咗，豆腐雖然都幾滑，但完全冇味道，靠超咸嘅豉汁、豆豉頂住！帶子亦唔見得好食...最後加送糖水：蕃薯糖水。雖然非我所好，但都幾甜、薑味幾重。食到超飽，潤一潤都唔錯喎。原本對呢類老店服務冇期望，點知竟然遇上個新手牌，服務分當場加唔少，真係始料不及！總結：‘出名嘅’菜式總算名副其實，唔出名嘅總有佢嘅道理o羅！