千葉鳥

Open Now

Now Closed

一排冇黎食，又係星期六既early dinner，一坐底個侍應就upsell是日special - 拖羅。$188包赤身，中拖，大拖，雪花拖羅各一件，再加3件拖羅卷，老婆話佢應該夠飽，所以叫一客，我就叫壽司加烏冬既定食。另外見到有北海道激甜粟米刺身，$32一客，又試試佢。拖羅黎到侍應仲提醒師傅已經喺上面搽左自家製醬油，老婆逐件食，佢話食得出越黎越肥同埋好好食，絕對值回票價。個粟米係好甜，但得4小件，份量略嫌太少。點都好，天水圍食日本野，佢暫時都係最佳選擇。

其實好多人話天水圍無咩好嘢食，我唔係幾認同，至少呢間日本嘢都唔錯，唔使出城市掛咁誇張!喺屋邨商場開得都好泵本裝修，好日本居酒屋feel ，同朋友今晚嚟啤下佢。叫咗日本麒麟生啤，日本啤酒真係幾好飲，啤酒味夠呀。店奉送一客池魚一夜干比我地，我第一次食，烤過的池魚干，外脆內軟，超有魚味且表面有D甜甜地燒汁，送酒好正。另叫咗D自選刺身，油甘魚好食，新鮮嘅順滑，魚味濃，而且有油份，食落豐膄。那晩帶子和海亦蝦都好好食，是中上貨色，溶雪夠，保留到刺身的鮮味，喺放題食嗰D刺身，真係行埋一邊。壽司做得好好，D醋飯夠實，紫菜夠爽，黃金蟹膏壽司，火灸三文魚腩壽司，活赤貝壽司全部都好好食，蟹膏的甘香，三文魚腩魚油甘香，火炙過魚味勁正，另外活赤貝的鮮味，食完令你再想encore! 臨尾叫咗個泡芙雪糕大家食，甜品都OK! 天水圍日本野，食硬呢間，重有呢度D日本野好多款揀。

同中學朋友食飯,見大家相約既地方附近,搵到呢間叫千葉鳥既日本野,就決定試下!估唔到7點未夠,已經咁多人等位,好彩, 等左10分鐘左右就有位,入到去,環境好靚,有好多燈籠同壁畫做裝飾,好有氣氛!打開餐牌,花多眼亂,樣樣都好吸引,揀左一陣,最後各自揀左個魚生飯,同埋一個小食-紫心薯餅。可能人多既關係,等上菜既時間都要5分鐘左右,但第一味上到黎既紫心薯餅仲係熱辣辣得黎仲係好鬆脆,絕對唔係放左一陣,變得又凍又淋,係咁忙既環境都可以keep得住上菜速度同質素,十分抵讚!之後再黎既就係魚生飯,分別係朋友點既 大大粒什錦魚生飯 同我點既 特大赤海蝦海鮮飯！當兩碗飯一到已經嘩嘩聲，因為個份量真係好多，加上個色水好靚，未食都知好新鮮！絕對係良心食肆。魚生嘅份量多到真係由我第一啖到最後一啖都有，又新鮮，又無雪味，口感一流！又大份，又夠多，埋單連加一216，喺呢個環境之下加上啲咁高質嘅食物，絕對抵！

知道樓下商場開左間日本菜，梗係要落去試下！果日係星期六中午，人已經好多，睇來大家都好鍾意食日本菜。環境舒服，座位闊落，燈光暗暗地，又播住日本歌，裝潢都好有日本既感覺～坐低之後就睇下餐牌，午市都幾多選擇，叫套餐既話仲可以有小食贈送！因為同朋友兩個人都極肚餓狀態，所以叫左兩個套餐😚😚🐮牛肉火鍋（午市套餐）$90一拎上來已經嚇死人，成座山咁高🤣🤣。除左牛肉之外，仲有菜，粉絲，菇，秋葵等等...份量好足，隨餐仲送一碗珍珠飯，兩個人都夠飽！牛肉切得薄薄地，有牛味，日式濃湯有加洋蔥，煲到最後撈飯食一流，啖啖肉汗爆出來😚🦐特大海赤蝦海鮮飯$92隻蝦又係大到爆😂口感爽甜，有咬口，肉質偏實。飯入面有希靈魚，三文魚，芥末八爪魚，蟹籽等等，好足料又夠新鮮！😚😚抹茶厥餅+雪糕泡芙（隨餐附送）兩樣甜品都不過不失啦，泡芙應該岩岩係雪櫃攞出來，有D硬！🤣🤣最後加埋兩杯野飲，飽飽！每人平均$100唔洗，已經食到好滿足haha😚😚

晚食 —— 脆蝦角及吉列蝦豚骨湯拉麵🍜＋串燒拖羅雞肉🍢區內小有的日式餐廳。裝潢設計用心，充滿日本情懷。食物選擇多，壽司、串燒、定食、鍋物等應有盡有，麻雀雖小五臟俱全。脆蝦角及吉列蝦豚骨湯拉🍜• 以瓦鍋呈上，溫度保持得更為長久，• 豚骨湯底偏向清淡，不會過於油膩漿口，• 配料份量豐富，舖滿表面，• 脆蝦角不過不失，• 吉列蝦炸得鬆脆，內層蝦肉保持爽口。串燒拖羅雞肉🍢• 雞肉鮮嫩，醬油惹味均勻沾滿雞肉，• 燒得恰到好處，大小也剛好一口一件。

千葉鳥在天水圍都有不少朋友講這裡的菜式味道不錯，價錢又不貴就今日難得探朋友就話想試這間餐廳，入到去好居酒屋感覺款式都多而且價錢真的十分便宜，我地幾個就叫了刺身，壽司同熱食甜品，一路食一路飲啤酒傾下計。我們叫了一個刺身拼盤有活魚，蝦，三文魚，帶子海膽，好鮮甜而且味道好新鮮活魚口感十分好又香魚油香，海膽鮮甜可見十分新鮮，帶子厚身，蝦又爽口。壽司好多地方都有蟹膏食，但這間的黃金蟹膏壽司驚喜好味，味道新鮮份量多，蟹膏同飯混一起食十分滿足，濃濃蟹味在口中食完再飲茶再食我最愛的活赤貝壽司，好爽口的活赤貝，這裡的海鮮好有驚喜。鹽燒池魚一夜干和麒麟生啤配得最好，一夜干夠乾身，好香而且帶少少鹽味，配冰凍啤酒最岩。最後來的甜品都十分大份，泡芙上有朱古力醬，泡芙軟熟又有點朱古力醬味，三人份剛剛夠食，朋友的確沒有介紹錯。

第一次黎到呢間餐廳食晚飯，見到餐廳環境好日本風，店員都會講日本語歡迎我入座。一就座，店員就俾左2杯日式玄米茶，同介紹左本日精選，服務態度很好！餐牌方面，有壽司、燒物、丼飯、烏冬，十分豐富我嗌左個櫻花蝦隻燒三文魚手打烏冬 ($58)+自家制厚子燒玉子壽司($18)+蘋果梳打300ml($18)烏冬入面包含 三魚漬、櫻花蝦、粟米、椰菜絲，令人口感豐富！而且材料都好新鮮，推薦喔！壽司方面，選左廚師精選自家制厚燒日子壽司，甜甜地，入面包左少少飯，令人口感一啖甜蛋在口中，但有d飯中和返，恰到好處朋友嗌左個三文魚三寶飯($65)+青蘋果梳打300ml($22)十分推介 呢到個三文魚丼飯啲米飯粒粒分明，與壽司醋的比例調和得剛剛好，三文魚和魷魚刺身非常新鮮，味道鮮甜，沒有任何腥味，旁邊爽口的三文魚梓和沙冿醬，兩種不同的口感使整個三文魚丼飯的口感變得富有層次。

無論幾時經過都好多人排隊 因為價錢真係性價比好高 首先餐廳無論店面或者店內裝修都好日本風 牆壁上面都掛左好多日本風格既畫同廣告 菜品款式種類有好多 餐牌仲要圖文並茂 真係好吸引 令人樣樣都想嗌7安士炭燒美國頂級安格斯牛扒定食 $95(配白飯及面豉湯)(美味指數: 😋😋😋😋😋)牛扒好juicy 每一啖都有肉汁 仲配炸蒜片 提升左牛扒既香味鹽燒厚切牛舌心(兩串) $49(美味指數: 😋😋😋😋😋)好欣賞千葉鳥既牛舌 好厚好大塊仲好香 表面燒得岩岩好 賣相非常吸引 而且入口好嫩好爽口燒雞皮(兩串) $21(美味指數: 😋😋😋😋😋)雞皮燒得好香好脆 用左少少海鹽黎調味 而且份量算多大大粒什錦魚生飯 $82(美味指數: 😋😋😋😋)好有驚喜 大大粒什錦魚生真係好大粒 比起出面餐廳大8倍 有三文魚 希靈魚 魷魚 大蝦 油甘魚 材料好豐富 好食好新鮮仲一d都唔腥😍(5分為最高)整體食物質素: 😋😋😋😋性價比:💰💰💰💰推薦指數:👍🏻👍🏻👍🏻👍🏻

星期六嘅午餐時間嚟到，餐廳已有八九成滿座，好彩兩個人都唔使等位雖然舖面睇上去好似一間小店，但係餐廳入面都幾大，目測都有4x50張枱，入面有啲梳化卡位私隱度高，適合一班朋友仔一路食一路傾星期六都有set lunch 提供,可以揀一款主食配一樣小食或者飲品，我哋叫咗一個生牛肉烏冬配薯條，一個壽司定食配蟹子沙律，另外叫咗一份燒牛舌同埋燒菠蘿生牛肉烏冬本來見到牛嘅顏色以為應該煮到好熟好un 但食落非常之嫩，咬落有肉汁亦都有牛肉香味👍🏻鹽燒牛舌本人最愛嘅牛舌，好好味，牛舌表面燒到少少焦脆，但係又唔會好乾，牛舌本身都厚身，咬落牛舌入面好腍，冇太多嘅調味但係有啲海鹽喺面，已經好好味燒菠蘿同平時食到嘅燒菠蘿差唔多，特別嘅係佢會配咗話梅粉，話梅粉會令到菠蘿嘅甜味更加突出啲壽司定食壽司上的刺身都算新鮮，每嚿壽司飯本身算細嚿，最有驚喜嘅係吞拿魚茸卷，卷入邊包左啲天婦羅脆脆，令口感有層次，先會食到吞拿魚茸嘅油香跟住食到炸物脆脆嘅香脆

呢間嘢好耐未食過，對上嗰次食都已經成年前了。 今日去探個朋友經過，緊係要再試下午餐啦。原來午市都好多人食，特別係學生比較多， 所以餐廳都有特別優惠比穿校服嘅學生。頭盤叫咗個三文魚刺身， 刺身夠晒新鮮肥美， 魚油超香，非常有口感。午餐我選了極上壽司盛合， 當中有八件壽司，三件卷物和一件蛋。 壽司整得非常精美， 每件壽司都有所不同， 可以樣樣都食下，滿足下口感。午餐額外可以配多一個小食或者飲品， 我就揀咗蟹子沙律。 一人份量非常足夠，用料十足。另外一個餐就叫咗鰻魚定食， 鰻魚都好大條， 燒到金黃色，62蚊嘅價錢非常抵食， 午市時段仲要冇加一， 真係要畀個like小食揀咗紫心薯薯餅， 薯餅送到上嚟還是熱辣辣的， 香脆粉薄，紫薯帶些少甜，非常美味。午市套餐分得好清晰， 有拉麵套餐，咖哩套餐，壽司套餐，和食套餐等等， 選擇非常多。 上次食嘅水準都好高，今次食水準依然保持得非常好， 值得推介。

通常食親日本野都會去元朗或者出九龍食！今日想去天水圍搵吓有冇新嘢食！見到你間千葉鳥😍鋪面同入邊裝修都極具日本風格，午餐時間人流都唔少，所以決定同屋企人試吓！好快就被安排坐卡位卡位都好闊落👍🏼午市set lunch勁多選擇，有張紙俾你慢慢揀！仲有小食配送埋大概有幾十種午餐👍🏼我同媽咪都揀咗極尚壽司盛盒有13件壽司，而且仲有海膽軍艦，三文魚子軍艦，花之戀壽司，三文魚腩壽司，仲有幾件吞拿魚茸卷，吞拿魚，魷魚等等食材新鮮而且size細細舊感覺非常正宗👍🏼👍🏼

一直都聽過天水圍既千葉鳥好好食，但就未去食過，夜晚同朋友想近近地醫肚，所以就去試下，門口都會寫住好多時令推介，內裡裝修有好多日本壁畫充滿日本風。坐低見到張紙有好多美食選擇，除左壽司、刺，都有好多串燒、日本菜和火鍋選擇，揀緊野食個陣就有服務員過黎推介今日限定既南非鮑魚拼盤刺身$208，本身好抗拒，因為去日本食既飽魚刺身我覺得好硬好爽，但職員話呢款係磯煮南非鮑魚配個特別醬汁，口彈彈牙，而且係L size，另外會有其他時令刺身，咁見岩岩新鮮送到又係限定海鮮，所以我地就點左一份，果然鮑魚真係好新鮮好淋身好甜，而且其他刺身都好好味，職員無介紹錯，下次可以再試佢地其他時令海鮮！另外點左火炙三文魚腩壽司，壽司飯不會太大舊，可以一啖放入口，充滿魚油香。北海道鮮帶子牛油燒好juicy！一啲都唔乾身！仲有檸檬調味，突出帶子鮮味。鹽燒厚切牛舌心燒得好香而且不un，不乾身，好爽口！我地都叫左個豚肉泡菜鍋份量好多，好多蔬菜和豚肉鋪滿係個鍋上面，豚肉味好濃，泡茶湯底香辣惹味，我地連湯都飲埋。千葉鳥係天水圍性價比高既餐廳，高質素之選

晚上我同朋友一起去在天水圍近天恆邨的千葉島食日本料理晚餐，尤於很肚餓很有興致找好野食，於是去試試，都想在夏天選食開胃的日本料理食品。我們首先叫了一碗櫻花蝦灸燒三文魚手打烏冬，以紅色小蝦灸粒及燒切三文魚塊作主賣點，特別吸引人，令人食慾大增， 又有栗米粒及紫菜條等，當然不少得好味的清湯底，再食堆櫻花蝦，加上麵質爽夾嫩滑的烏冬，是一個很豐盛晚餐。點了一碗灸燒三文魚拉麵，以燒切三文魚塊，咸蛋栗蔥菜米粒等......，拉麵麵質具彈性入口具質感，再加上白色豬骨湯作湯底味道就更令人滿意，更加覺得拉麵好味。當上菜的同時已被餐單中小食吸引了目光，要了個鹽燒多春魚是香脆內滑，能突出了多春魚的味道，及棒棒軟骨餃子等，熱辣入口咬落香脆鬆爽，當時特別喜歡餃子裡的軟骨夾雜著蔬菜，感覺係日式膳食中不可缺少。見店員落單、幫我們倒茶、收碗碟都好勤快，值得加分，下次要再來食飯。

今日嚟到天水圍食飯，朋友住天水圍，介紹一定要黎千葉鳥度食飯，話天水圍街坊都好鍾意黎呢度食，星期六日一定要來排隊添！呢度裝修都好靚，有好多壁畫都好有日本風格！一坐低職員都會耐心介紹食物，佢推介今日限定嘅磯煮南非鮑魚拼盤刺身$208，咁耐以來都未試過食鮑魚刺身，所以即刻揀咗呢個刺身拼盤。職員果然冇介紹錯，鮑魚真係好新鮮好淋身！豚肉泡菜鍋份量好多，好多蔬菜，啲豚肉鋪滿係個鍋上面，好抵食！火炙三文魚腩壽司都好好味！好嫰滑好香！北海道鮮帶子牛油燒好juicy！一啲都唔乾身！仲有檸檬調味，我自己鍾意咩都唔落！食最鮮嘅味道！鹽燒厚切牛舌心一啲都唔un！有黑胡椒調味！正！雖然天水圍都有唔少野食揀，但呢間真係係我心目中天水圍高質嘅三甲餐廳之選！

上星期晚上帶我太太在家附近商場找地方食飯，最後一同前往位於天水圍天澤商場的千葉島品嘗日本料理晚餐因見此食店是特別多人等位。首先，我們叫了一碟四塊的紫心薯餅，其面頭是油炸生粉皮咬落香脆，內裡是紫色的嫩熟的惹味薯蓉，很有香口感。再加上千島醬調味最合適不過。然後便叫了吉列豬扒拉麵。香炸吉列豬扒切條咬落自然煙韌美味，當然不少得千島醬鮮醬油配料，而麵質爽夾滑的拉麵亦配以熱辣白豬骨湯底，以及咸蛋日式雜菜等，份外好味。再叫了碟咖喱吉列豬扒飯。飯同樣是配以香炸煙韌吉列豬扒切條，以及一些切粒薯仔，再配以香濃的日式咖喱汁芡於飯面頭，成碟飯自然入口好味。當然也會再叫了一些小食，如最流行的加洲飯卷壽司等。橙色粒的蟹子包薯壽司面頭，飯裡則配以紫菜雜菜粒等.....