辣辣屋

Open Now

Now Closed

餐廳距離港鐵站15分鐘路程，店舖環境乾淨企理，店員服務態度100分！餐廳主打烤魚，今次揀咗酸菜湯底，湯底足料，可以另加材料用黎打邊爐，酸菜味道香濃，好正，配啤酒一流！另外，串燒，燒蠔都好好味，夠曬辣！飲品方面更加抵！$4x左右說有800ml，兩個人都飲唔曬！

政府發送現金消費卷第一日，就想豪食一餐。疫情之前都會北上食下探魚，可是疫情後就冇係香港食到d 似樣d 嘅酸菜魚。今日遠征去粉嶺試依間餐廳，其實都係博一博。如果唔係上網做過下research,係聯和墟咁多野食嘅地方經過依間餐廳係唔會入去。門面光猛簡潔，同聯和墟其他小店唔太似。環境都算乾淨，星期日晚上6點去到未就太多人流。食食下就開始多人我地係依個menu 到豪叫夏天食烤魚，重口味又辣點可以冇d 凍飲送。所以見到有800ml 嘅大冰凍野飲，稔都冇稔就tick 左。水果茶份量就夠哂，兩個人成餐飯可以唔洗再叫野飲。偏甜，店員主動幫你加冰減甜，加分。其實叫左好多野，唔全部up 相，up d 特別嘅。其他果d 都係打邊爐會叫嘅野，薯粉，鴨血，萵筍，金菇等等。依個安格斯肥牛，真係好高質。唔薄，有口感，唔韌，重牛味。可惜份量唔太多，價錢唔算平，不過出面貴火鍋店都食唔到牛肉嘅質數竟然係粉領食到食烤魚前叫左d 小食。叫左牛舌，黑毛豬唔鹹，價錢合理。唔點汁都夠味。牛舌，夠厚，有咬口，唔錯燒日本廣島蠔有幾隻味選擇，試左蒜，同辣兩個都係重蒜，蠔唔細隻，唔臭，好食都係烤魚前小食，新鮮燒，好熱的最後到主角50hz

喺附近收工順便同同事去食埋晚餐,然後佢推介食辣辣屋,因為我本身好鍾意食烤魚,又鍾意食串燒!所以佢滿足左我2個願望🙆‍♀️整體來講嘢食質素好高質,而且店員姐姐好貼心👍當時3號風球驚我哋拎漏野,提我地拎傘服務好好!餐牌上係有好多不同國家菜式俾你揀,有台式,泰式等等…真心唔錯總有一款啱你食!燒廣島蠔⭐️有蒜蓉同芝士俾你選擇,而我實在太鍾意食蒜蓉兩隻都叫晒🤣蠔味好濃郁燒到好惹味,而且蠔肉鮮味十足又飽滿好好味😋觸電烤魚(麻辣味)⭐️第一次見到烤魚有7種口味!不過我自己鍾意食麻辣,因為食到個口又痹又過癮好正,江團魚好大條!肉質鮮嫩又少骨,食到我哋兩個舔舔脷😋而且配菜都有好多,有鴨血,芽菜,娃娃菜等等…我覺得好抵食十分推介👍薯粉⭐️自己覺得食烤魚一定要叫薯粉🤣吸晒d麻辣湯汁食落煙煙韌韌又飽肚超級正😋水果茶⭐️酸酸甜甜好開胃😋而且咁大杯足夠三個人飲只需要$42超級抵!而且味道好濃郁,夏天飲好解暑!

呢到晏就就係食普通中西餐，夜晚就可以食埋烤魚，款式都有好幾個簡，有泰式，有酸菜魚，今次就食左香辣泡椒，麻同辣度可以簡小，中，大，因為唔太食得辣，所以叫左小麻小辣試一試，另外，加左份萵荀同薯粉。條魚一上，都有少少嚇親，好大條，上面有D 芫茜同埋椒，原來本身入面都有好多料，有娃娃菜，鴨血，豆芽，海帶。之後追加既萵荀同薯粉都好大份 ! 一份烤魚應該都夠2-3人食! 另外，見佢仲有串燒，就食左燒韭菜，茹子同埋泰式雞肉串，雞肉串配個個沙嗲醬好香，串燒都好食，如果可以再辣D就更惹味。呢到既野飲好抵飲，800ML既水果荼都係40幾蚊，仲要好足料，有百香果，橙，蘋果等等，飲落好FRESH。之後仲叫左個香蔥肉碎拌面，麻辣味重，幾好食!

<<Thursday Couple 尋食記🐖🍌>> 日日係聯和墟打躉嘅我，一發現呢頭有好食嘅餐廳，緊係要第一時間通知大家☺️🤩呢排已經見到之前嘅海星餐廳轉左型，變左呢間辣辣屋☺️最愛辣嘅我男友，第一時間抆左我去試！同埋見佢食嘅嘢幾多元化！想食烤魚，燒烤終於！☺️唔洗岀到咁遠！☺️😎呢到都有間！正嘅！😍🙈入面環境好唔錯！舒服，枱枱凳凳有心思☺️但我唔記得影😂😂🤣叫左4隻芝士烤蠔，好抵食，正正常常！☺️炭燒豬頸肉，好高質，岸燒味重之餘，似係用醬燒，有啲汁，好juicy ，唔會乾🥳孜然粉好香，味道同口感都一流！推薦！😋😋呢個醬烤原隻魷魚，都係正到燒，彈牙，魷魚味夠☺️佢嘅醬汁係精粹，又濃又香，惹味，每舊都充滿味道，魷魚鬚都切好曬！最高！🥰🥰🙈黃金皮蛋都係好推薦，好多人怕普通皮蛋，黑色唔靚仔，可以介紹佢食呢個金色靚靚嘅皮蛋😂😂易入口好多☺️而家佢偏向少少鹹蛋香氣，舒服，唔係話好濃味！最愛嘅茄子到了~~~~原條，保留到最多嘅汁，新鮮，多水，仲有超重蒜，同孜然粉，惹味，夠淋🔥🔥之後係香煎雞扒肉碎飯😂仲有個炸金菇，幾特別🥳🥳肉碎炸得香，多濃味，可以撈飯😋😋雞扒無乜特別，但盛在煎得夠香

平時想食烤魚雞煲 通常會揀上水間巴辣仔今次就試下新野 try try粉嶺舊聯和墟路過見到既呢間辣辣屋除左主打既烤魚 佢menu都有好多串燒既選擇 而且單價亦唔貴蘆筍雞中翼 $32/2串去骨雞中翼燒得外脆內Juicy 仲有蘆筍同埋紅蘿蔔絲喺入面 口感豐富燒牛舌 $38牛舌一串三件 雖然係薄切 但都保持到有咬口 食落juicy且牛味濃 加埋少少孜然粉同七味粉好惹味烤魚（老壇酸菜）$298個湯少少酸 重蒜味 唔算油膩亦唔辣 唔食得辣既朋友就岩哂江團魚都幾大條 魚肉嫩滑得尼唔會夾起就散晒 厚肉又少骨酸菜就咁食都好味 味道唔會好辣 酸而不澀酸菜魚我地一定會加土豆片 用尼吸下湯汁2年無番過大陸食烤魚亦未必再食到 係呢度過下口癮亦唔錯菠蘿特飲 $36無諗到係咁大杯 佢直頭係一JAR!  2個人食住濃味烤魚尼飲都飲唔晒

今日約咗朋友響粉嶺食飯，佢話屋企附近開咗間新餐廳，咁不如就去食新嘢。餐廳地方都唔細，牆上有啲手繪壁畫，都幾得意。職員安排咗我哋坐卡位，卡位闊落舒服，環境乾淨。打開menu見到好多選擇，咩嘢類型都有。見到烤魚個張相好吸引，我就叫左烤魚，另外配左份薯粉，跟住再叫左兩串串燒。烤魚有好多味道選擇，有辣有唔辣。我哋就揀咗泰式冬陰功，香濃微辣。烤魚嚟到嘅時候就覺得好壯觀，條魚好大條，滾嘅時候就已經聞到好香冬陰功味道，食落湯底味濃，但又唔係好辣。呢度用咗江團魚做烤魚，呢款魚入口嫩滑，小骨，魚肉幾厚。裏面仲有海帶，雲耳，芽菜，娃娃菜，豬紅同埋秀珍菇等配菜。最後落埋薯粉一齊煮，所有配料同薯粉已經吸曬啲汁，薯粉食落煙韌，配菜爽口，整個烤魚非常惹味，味道越煮越濃，好好食。其中一款串燒係水牛城雞中翼，呢個雞中翼都好大隻，燒嘅時間剛剛好，唔會太燶，好香口，有淡淡芝士味道，旁邊仲有小小沙律菜伴碟，食落都好似冇咁有罪惡感，正。另一串燒係泰北黑毛豬串，呢個燒得都幾好，豬肉軟軟，比較多肉汁，重豬味，辣辣地，唔錯喎。兩款串燒調味幾好，鹹味剛好，唔需要多加醬汁。飲品就叫咗一罐可樂，佢呢度仲有其他飲品同啤酒叫。

呢間餐廳名為辣辣屋，我以為真係食四川麻辣菜，點知原來即有不辣的選擇，而且價錢公道，親民價錢而且份量都大烤魚很少見到冬陰功湯底，今次有驚喜🤣一望到以為好辣🌶點知原來不辣，而且超級惹味，冬陰功味道很濃郁，帶椰奶香的味道，味道有新鮮感，而且湯底十分開胃湯底加了不少香料：香茅、金不換、芫荽、青檸、紫洋蔥🧅等而且配菜也十足，包括蕃茄、雞髀菇、粗薯粉、雲耳薯粉本身烤魚套餐已包，它能夠吸盡湯底精華，咬口彈牙條魚先係重點🤤條魚的份量很大，店舖指平均1kg，魚身先煎，另外皮更香，魚本身已熟兩個人食十分飽魚肉亦十分滑不知道湯料本身已包不同食料，我以為得條魚，所以額外嗌了其他配料，每項加$18，價錢合理蒜燒茄子🍆巨型size，加入超濃蒜香🧄孜然粉

咁耐以來lunch都冇試過嚟呢間食，主要係因為勁多人排隊。今日落左黑雨一返到公司就先放飯，見今日小人左，狗衝嚟試下。望下餐牌，都幾啱食，一般茶記價位，ok la唔諗直入。入到黎發覺啲裝修都有啲玩味，有幾分韓式燒烤店嘅感覺，好多色彩繽紛嘅壁畫，同埋烤肉店嘅油桶型座椅。舒唔舒服就見人見智，但我覺得起碼唔算坐得迫，幾好嘅。佢哋個餐牌都幾多嘢食，有川菜，有港式，又有東南亞！所以我都唔知點將間餐廳定位，可以話真係百貨應百客。我就唔諗叫左個set lunch，炸蝦炸魚柳芝士意粉，好大碟下，芝士味濃，意粉煮得幾好，冇投訴啦！朋友就試左喇沙雞飯，幾得意喎，上面係喇沙加椰奶，唔辣嘅，幾香咁。啲雞肉夠嫩！喺聯和墟搵開食嘅都應該知，呢頭有幾間都有雞食，辣辣屋呢間都幾好，可以入top 3，鍾意食雞嘅可以過嚟一試。餐牌上面狂推凍啡，咁一定要試下啦，真係ok wor，即磨水準，值得推介。呢度值得回頭再食，長期多人排隊果然有道理。

食過幾次今次終於記得影相，難得影咗相就寫埋食後感先。今日食花膠雞湯飯，補充下啲骨膠原！啲雞唔錯，肉質嫩滑。都幾多花膠，飲埋啲湯，真係有粘住咀唇㗎！個湯幾好味，唔會過鹹，我覺得係冇味精嘅，不知不覺飲到落底添。咖哩吉列豬扒飯，有日式感覺，個豬扒上面加左啲紅薑，紫菜絲。啲咖哩感覺上都係用日式咖哩磚，唔辣，微甜。塊扒好大塊，男士都夠飽！聽講咖啡係必試，所以黎親都係飲啡。確實係比同類茶記沖得好飲嘅，走甜都唔會話太酸太澀。覺得佢哋幾有heart，食物種類繁多，食過幾次都仲係有新意！會再嚟食！

今日朋友生日，同佢去附近行完街就約埋佢屋企人一起出黎食晚飯，朋友見到餐牌話好多小菜都好想食，跟住拎起支筆劃唔停，我就無眼睇放心交比佢拍板，交左單之後唔洗十分鐘，兩大Jar水果茶放到枱上，800ml份量，So Big,兩者分別係Signature水果茶同凍檸檬八香果。Signature水果茶橙汁味濃兼有多種鮮水果係當中，檸檬八香果就茶味較濃有檸檬同八香果籽係當中，店員比左幾隻杯我地分黎飲。食物開始陸陸續續上枱，第一款小食口水雞：雞肉嫩滑，辣度適中，每舊都唔係好大件，方便咬黎食，雞肉下伴隨爽口青口，非常開胃。泰式酸辣鳳爪：望落都跟足泰式配方製作，酸辣度適中，用左無骨鳳爪，骨都唔啜。 韓式炸魷魚鬚：食落唔係10分辣，脆薄薄，炸得剛剛好,小朋友都好鐘意搶住食。 泰北雞肉串：微辣，每塊雞肉都可以一口一啖，肉質實正。水牛城雞中翼：燒到金黃色非常吸引，面層充滿蜜糖，肉質嫩滑野味。 忌廉芝士雞翼：咬落creamy,芝味無窮，油香四溢。燒豬頸肉：微焦兼爽口，食左幾塊都唔覺膩。

媽媽最近愛上食酸菜魚，於是係網上搜尋搵到哩間餐廳，今晚帶左佢去品嚐，餐廳今晚非常熱鬧，我們被安排坐在卡位，和媽媽一起看餐牌，係最底一頁就發現我地想食既酸菜魚，而且仲有6款煮法可供客人自由選擇配搭媽媽怕食辣，其中有兩款煮法係唔辣的，我地最後選擇左老壇酸菜魚煮法，我地仲叫左個蒜香燒茄子魯肉飯同兩杯熱飲。等左大概20分鐘時間，所有食物都上哂枱，酸菜魚好大盤，條魚有我兩隻手掌大和長，店員將它放在電爐中開著電制並叮囑底部的湯滾燙後便將面層的配料元茜、炸蒜、酸菜等嗶落湯中才會入味湯滾後我地照做，酸濃的湯香飄逸，我地開始起筷，媽媽說食得出這條是海魚，肉質比較實兼爽口，無泥味，較養魚鮮甜，加上無咩細骨，只係得中間一條大骨，方便食用，我地覺得只食魚有點單調，於是叫多幾款配菜，土豆、鴨血、金菇、雲耳、萵苟和土豆，配菜索左酸菜魚的湯食落更加美味，鴨血嫩滑，比平時食開的豬紅較實正及濃味，雲耳大大塊好爽口，正。蒜香燒茄子魯肉飯： 連同三款廚師小食上（蒜蓉黑木耳、中華沙律、肉丸）茄子好多蒜粒係面，個飯都幾大碟，有埋半隻滷水蛋及一些椰菜，媽媽一邊送魚一邊食，不自覺就食哂成個飯，睇返餐牌見到原來哩個餐 (+$18)有

大熱天時,我哋嚟咗呢間➰辣辣屋➰“挑戰”熱辣辣嘅天氣♨️😉餐廳內嘅塗鴉藝術壁畫,見到人都會開心D,而油桶形嘅座位就幾特別！特色美食都幾多,門口大大個餐牌介紹烤魚,吾講都知係呢度嘅Signature Dish主打吧！再望下隔離左右,幾多客人食喎,我哋都嗌返盆試下先！老人家比較"穩陣",叫咗杯可力。我就叫咗杯鮮菠蘿特飲🍍,吾係,應該係一大jar先啱😲！so…ooo big…ggg烤魚呢就有麻辣、香辣、微辣、吾辣6️⃣種味道,我哋揀咗老壇酸菜味(吾辣)。由落單到上檯都算幾快,服務員放下一大盆烤魚後,開着爐溫馨提示我哋滾咗就教到最低度數。見到金黃色大大條江團魚,真係足足有斤半重或以上,上面鋪上大量老壇酸菜、香炸蒜蓉、蒜粒等。D湯滾起時已聞到陣陣蒜香同酸菜香味,忍吾住飲咗頭啖湯,開胃！江團魚肉嫩滑、新鮮，最重要係冇咩幼骨,好啱我哋呢D想食魚又怕啃骨嘅😻😻,酸菜爽口味鹹酸。除咗主角酸菜烤魚,仲有鴨血、芽菜、海帶、娃娃菜等增加口感！我哋加追左份薯粉,長長長嘅薯粉好滑好煙韌,Q彈！十分推薦。想食就要早啲order呀,好搶手！炎炎夏日嘆住冷氣加大大jar冰凍鮮特飲食酸菜烤魚,真係好爽㗎。呢晚幾旺市,服務員都保

聽到個名都知道呢到主打辣! Lunch time 黎到，食物選擇好多，有lunch set，有咖哩系列，有芝士撈丁等等，仲有辣辣小食，重點係全部都好抵食。同朋友一共叫左2個lunch set¸叫左蔥蓉豬排蛋飯 同埋泰酸辣湯雞翼金邊粉。蔥蓉好香，豬排好大件，而且唔會UN，蔥蓉既油撈埋飯食真係一流! 朋友個碗金邊粉湯底清甜，唔會話好重味精咁食到好口乾。另外，我地食左皮蛋同埋口水雞，皮蛋主要係蒜味較重，都做到D 溏心效果! 口水雞夠辣，而且雞件冇骨又滑，真係幾推介! 我地仲叫左佢杯招牌咖啡，奶味偏重，又幾好飲。見到佢呢到原來晚市就會轉MENU，夜晚仲有烤魚同串燒都好吸引。

去開朋友屋企，我地就近去咗呢間串燒烤魚店dinner.夏天咁熱，見到menu有mega size系列嘅野飲，即刻叫咗杯嚟試試。檸檬柚子蜜，1L咁大杯都只係$32，真係好抵🤣。主菜方面叫咗串燒同一個丼飯，兩個人share好夠飽，真係份量十足！1. 串燒拼盤Big ($168)有豬頸肉、燒牛舌、豬同雞串各兩串。呢度串燒全部都有甜酸醬，好有泰式風味。2. 汁燒魷魚 （$78）魷魚好厚肉，大大隻呢個價好抵。魷魚控必食🤤。3. 泰汁黑豚腩肉丼 （$58）呢個飯有溫泉蛋，配埋泰式燒汁，甜酸味好開胃。豚肉燒得好香，份量十足🥰。4. 另外叫咗個口水雞小食 （$48）怕辣嘅朋友唔洗驚太辣，呢個口水雞中辣，平時食開三小辣嘅都覺得佢唔太辣。