潮州合成甜品

Open Now

Now Closed

有朋自遠方來，佢話想食一些傳統的甜品，我就想到合成了，而且附近都有好多車位，唔會搵唔到地方泊車，很方便呢！我就點了蓮子雪耳百合， 熱的。 以冰糖的糖水做底，很清潤，又不會太甜。另外，仲有好幾粒清心丸，清心丸煙煙靭靭，好有咬口，在炎熱的九月，具有清熱消暑的作用。而雪耳都好爽脆，仲有一些百合，整個糖水好足料。朋友想要一些清涼的，店員就推介了綠豆百合清心丸（凍的）， 朋友覺得幾好味，整碗糖水很清涼，飲完真係有消暑的感覺! 整個menu就像「合成」出來的，有接近80款的選擇! 花多眼亂，但總有一款合心水的

來到合成,留意到桌面的舊剪報,標題:"車仔式甜品"..簡稱百搭材料任君配搭.於是也湊熱鬧跟著點了碗.說實話,外觀一點都不吸引,有點不倫不類,馬蹄沙和紅豆沙應該分開吃..合併一起像嘔吐物.我誤以為紅荳跟蓮子百合同是粒狀,現在唯有小心翼翼勿撹勻一起,否則味道變得雜七雜八.整碗糖水感覺滑潺潺,不利落,不能說是綿稠細密,我有些微失望.相信不是所有材料都可以或應該混在一起,因為每種食材有獨立個性和味道..太雜亂,只有弄巧反拙.朋友的説是不過不失,不過我想腐竹加馬蹄沙應該不太差.糖水和甜品是同科但不同類,甜品講求花巧精緻,而糖水這東西,還是原煲用心和時間烹煑出來,原汁原味簡單純正些為正道,當然這只是個人觀感而已.

附近食完飯，心血來潮諗起清心丸，就買碗回家吃，合成最大好處就係啲料可以自己加加減減，就嫌甜左少少（叫左少甜）都⋯⋯⋯緣豆蓮子馬蹄沙清心丸腐竹清心丸傳統糖水買少見少，家庭式生意加左一份人情味！間唔中都係一個落腳點黎

合成糖水既糖水係合成出黎嫁。講完好似冇講。廢得不能再廢。但係又真係正確無誤。張餐牌好似好多字好煩。但係用現代甜品鋪方式去表達就係先揀湯底。馬碲。紅豆。綠豆。再揀配料。蓮子。百合。清心丸。杮餅。西米。大珍珠。仲有生果呀涼粉呀咁。夠重口味全部溝埋都仲得。今次我要左蓮子百合杮餅馬碲底。蓮子百合焗得透又唔會粉碎仲有啲咬口。杮餅清甜。馬碲夠多夠碎夠爽。比我歸類為傳統糖水既。食完都真係飽肚😂

聞名已久的專營傳統糖水店，今天終於一嚐~看看餐牌，九成糖水都用上蓮子及/或百合，這是潮州特色嗎? 看到標明是潮式特產的薑薯蓮子百合糖水(季節性)，從未聽過或嚐過，看相片好像也不錯，就來了一碗~ 糖水內有豐富的蓮子和百合，糖水中亦有數片半透明白色薯塊，應該就是薑薯吧，爽口粉嫩，頗特別  糖水底是以黃糖煮成的，所以顏色啡黃，質地偏稠，是因為加了薑薯粉的關係，但糖水仍然清澈不濁，味道清甜不膩，很好  男友更說是他小時候吃過的味道呢~男友則點了他愛吃的腐竹糖水，配蓮子雪耳~ 糖水份量同樣豐富，蓮子多，雪耳大顆肉厚，腐竹煲至半溶呈片狀，香滑有口感~ 雖然這兒沒有新式糖水舖那樣多元化的甜品選擇，但它的傳統糖水才是吸引之處~ 這兒的店員也很親切，我們邊吃，他們就邊介紹薑薯的好處，告訴我們平時可用來煲湯，對身體很好的

食完火鍋慶烚烚，成個人上曬火，點都要食碗糖水滋潤一下 .... 在眾多糖水當中，打正旗號賣潮州糖水以我認識就只有這兒~蓮子雪耳龍眼肉燉百合 $45清瑩的糖液滿載蓮子、雪耳、龍眼肉、百合，甜潤適宜伴著燉至鬆化的蓮子、百合，龍眼肉厚粒，食落清甜有口感，雪耳滑溜溜的在口腔裏浮動~滋潤 .... 滋潤 ....

個日去左九龍城食糖水但好後悔入左合成當初見佢面前懷舊 開左咁多年同埋又有唔少明星相咁以為好安全 但係原來都會中招講番個日先啦係隔泥街唱完K 諗住食糖水但平日食開個間滿曬聽朋友介紹之後泥左呢間雖然門口都係有成堆人塞住但老闆話我地少人可以快D比到枱我地咁我地就係度等等左十幾分鐘就有枱見好似唔係幾對路咁諗住淨係叫D安全野我就叫左芝麻糊我朋友就叫左紅豆冰諗住吹下水 食完就走我食第一啖 好膠陣味其實都好難再食落去 但唔想曬野 慢慢咁飲完碗野真係面都黑埋我朋友杯紅豆冰先令我奇怪可能係懷舊鋪頭啦變左一碗碗 味道係點就唔知啦 但應該唔係咁好整體泥講感覺好差 唔明點解咁多人仲推介呢間糖水鋪

今日又黎到九龍城既合成糖水食我至愛既清心軟紅豆沙，紅豆好大粒，夠誠意但清心軟無以前食咁煙韌，唔太好味，小丸子都仲好味過佢。而糖水超級無敵甜，甜得太過份呢碗野完全令我大失所望。雖然合成糖水已經做到出左名，但質素下降了。

同女友 同一班人食完主菜，之後係附近糖水鋪食糖水，鋪頭細細但有好多人去食...等左5分鐘有位，我我就叫左紅豆沙清心丸，等左5分鐘又有得食了 一上檯，聞到好香，紅豆唔會煲到爛哂溶哂，內有少量蓮子，仲有清心丸，清心丸煙韌好食整體味道好好，唔會太甜，岩我呢D唔重口味既人 ，口感又適中，下次經過再來吧！

吃完火鍋，來到這一家潮州甜品店， 試試這裡的甜品｡ 我叫了一個椰汁蓮子黑糯米加湯圓。我本來以為湯圓是放在黑糯米糖水內的， 但原來兩者是分開上枱的， 一冷一熱，感覺十分特別。 説回甜品本身，我覺得黑糯米不是很甜，椰香也不算突出，味道只算是合格｡ 不過無可否認，糖水中的黑糯米和蓮子真的很多，是名符其實的真材實料｡至於湯圓，花生餡十分香口，外皮煙韌，可算是對辦的。店的環境充滿老店風格，不能夠對點的舒適度和服務有太高的要求。 這裡的店員都是上了年紀的叔叔和姐姐。印象最深的是店員的聲線，真的十分洪亮！隔了一條街也可以聽到，可算是這裡的特色之一。 如果想吃足料的潮州糖水，感受一下老店的氣氛，這類仍是值得一試的。

上星期,同朋友去完九龍城開飯,打算轉場食甜品時,收到朋友電話,原來他們都剛剛離開,約都無咁"橋"就一齊去食甜品,九龍城有好多西式的甜品店,即是心太軟那些,朋友說有龍岡道有間食中式甜品的店子,歷史悠久,某程度上,中式甜品比西式甜品更加健康,滋潤之外,亦有養生的功效!!好啦!最後一行八人來到 潮州合成甜品,都幾多人等位呀!門外見到不同雜誌報紙專訪的剪報,不過都應該一段日子了,其中的蔣雅文已經退出了娛樂圈,年初還嫁了人.....店子在龍崗道的舊樓底,兩條大石柱刻著"合成糖水"四個大字也真Old School!!!!等了一會,店員安排我們坐樓上雅座,閣樓樓底比較低,要小心中頭獎....研究了餐牌一會,我們也各自選到了心水~~~其實我對中式糖水認識不多,最多也是燉椰子,木瓜雪耳,湯丸那些,今晚身痕,想試試新東西, 就叫了全場最多字數的來試試~潮州開邊綠豆薏米馬蹄沙講的時候都怕咬到自己條脷,不過店員姨姨在我還未成功說完前,已說知啦!上枱時,我只見到一些馬蹄沙,不見開邊綠豆,攪一攪,才見到綠豆在底,之後見到蓮子粒,百合等等的材料,如果係咁樣分佈,即係臨上枱前先照單執藥,好似車仔麵咁,整體味道屬於小甜

想來試很耐了這次有一群人話要來,我當然第一個支持糖水,甜品永遠我都會支持的.店內有樓上,在地鋪,全都坐滿人要在外等待10分鐘才有位第一次來糖水款式多款到不知吃那款好只知蓮子是出夠好吃貨真價實,滿滿的一大碗的湯水,好似一個麵碗中式糖水給我是要飲熱的,才夠傳統.湯水清而不太甜,清心丸好煙韌,好像蘆薈粒的感覺蓮子百合功效有補肺、潤肺,清心安神、消除疲勞和潤燥止咳的作用又好味~加有補身功效一舉兩得後加了芝麻湯丸糯米的煙韌感,是湯丸的特色加上內有香滑的芝麻,甜味十足糖水的收費不是便宜的,但是真材實料在家自己都未必做到.在現還在回味中,很想再去試其他款的湯水,沒想到中式的糖水有這樣大的魔力

食完晚飯搵個地方同男朋友仔傾一陣計食個糖水, 九龍城見到呢間合成糖水老字號, 又想食D傳統糖水, 心諗呢間穩陣喇啩, 點知出事呀一入到去上2樓, 一張大枱搭枱坐11個人, 真係好鬼迫, 手都郁唔到咁制, 2樓樓底好矮, 而且人坐得好密, 未食就已經好唔舒服, 嘈音達10級, 諗好食咩啦, 由於太多人又得一個侍應, D人上上落落好混亂, 又冇人招呼, 等左成10分鐘都冇人理, 又嘈又燥一心想走但又不好意思, 最尾終於有人叫左個綠豆連子同腐竹連子意米, 可能潮州糖水食唔慣, 佢綠豆連子真係糖水+綠豆+連子, 冇一齊煲過咁, 但味道都OK腐竹連子意米就普通喇, 冇咩特別唔多講傳統中式糖水黎講30幾蚊一碗又唔係十分出色, CP值都幾低食左15分鐘都拿拿聲走, 又多人又嘈又迫又混亂, 嘈過街市, 環境太差了, 食到我同男朋友都一致認為唔會有下次 BYEBYE

我最近成日去九龍城食飯,成班朋友之後一齊去試不同的糖水鋪,今次我地去了一間好出名食中式的糖水鋪"合成糖水"。1行8人分2批到達,嘩店裡好多人呀!~~~因為我地人多,需要等一下大枱。我在門口睇佢地的介紹,有好多不同的款式,佢地強調是多料的。我第一次黎食,唔知佢多料到什麼程度。好快老闆已經安排位置比我地啦。客人食完好快離開,所人流流動快。我地各自點自己的糖水。我點了紅棗蓮子燉雪蛤,補一補,女人唔補唔得嫁。燉盅是一個個分開燉的,一送到我面前已經有好香的雪蛤味,隔離位的朋友也試了我的糖水,佢都話好,我一睇就見真的好多好多材料呀!~~~成個燉盅都是雪蛤呀!只是$58咋,好底食呢。雪蛤又滑又大粒,紅棗又甜又去了核,蓮子煮到好淋入口即融又去了心,甜的程度剛剛好。我見到其他朋友的糖水也很足材,下次我一定要食其他款。

　　最近是星期一至日都忙個不停。週六早上九時多就跟學校Field Trip去了元朗農莊活動，急急吃過午飯，馬不停蹄趕去浸大看展覽。　　只可惜我們還是趕了一步，未能跟負責人談談有關我們小組計劃的事宜。還讓對方等上我們不短的時間，真的很抱歉。結果原本想著會聊上一會的，現在是頓時變得空閒。既然出來了，又不想太早回家。不如就一起去九龍城吃吃逛逛吧！　　吃過午飯卻沒有一點糖氣，總覺得悵然若失。既然來到九龍城，又怎能不試試出名得會有客人特地駕車來買的合成糖水呢？因為先前已經路過數次，只是不入，要找出店舖位置確是不難。就在昭拍耶和清真牛肉館附近嘛，都頗有名氣，不會錯失。　　餐牌簡簡單單，就是一大堆糖水名加上價錢。也有加入客製化的選擇，迎合客人個人口味，這點創新是不錯的。薑汁或椰汁加$5，雪糕加$10，薑薯加$25，轉凍加$1，外賣加$1。驟眼看價錢，感覺算公道的。　　餐牌只有文字，沒有圖片。唯有以店內放置的報道作參考，看看是什麼來頭吧。店裏周邊有張貼特色食品，不少都是季節限定的，就例如薑薯。不妨多留意，也可以一試　　環境就是茶餐廳格局，光猛呢點唔錯既。周邊沒有太黏笠，衛生情況尚可吧。主要都係大枱，坐