潮．悅 (始創中心)

Open Now

Now Closed

今時今日仲係收費入坐起計算，無下次幫襯，唔比以下午茶入单。待應態度十分極度差，問佢攞下午茶纸入单，十問九唔應，最後先講入坐起計算，食物祇係一般，收費太貴，水唔滾。確實冇下次

超級失望永不再來！！本身睇留言，諗住食糖醋麵，石榴雞，拔絲反沙芋，滿心期待。點知去到坐低三樣都冇！強烈建議如果你想試呢三樣野唔洗黎。無奈既情況下嗌左三餸一湯既set, 味道普通，過得去。最後嗌左拔絲反沙芋 但冇拔絲！落單嗰時完全冇同我地講，貨不對版！！最差係under staff，成晚得3個部長，見到你舉手都唔會走過黎扮見唔到。最後仲要埋單時見到第二張枱有上到糖醋麵！！好失望既一餐飯，永遠不會有下次。。

好耐冇食點心喇，真是懷念。 這新開酒樓位處太子，搭地鐵去也很方便。下午茶時間，都要等位㗎，相信這時候有好生意，食物水準應該唔錯喇🙏。一嚟見下午茶點心紙超抵，仲要有好多想食嘢喇。潮州酒家食個潮州粉粿先，幾好食個皮唔會爛，入面花生仲香脆，芹菜，菜圃餡份量啱啱好。綿花雞一嚟嚇一嚇，超多魚肚。蝦餃賣相幾好，脹卜卜，食落爽口喎，又過關。 其他嘢都OK啊。 最後，食埋個紅棗糕，唔太甜，棗味沒有過份濃，糕的質地有彈性，最緊要食後冇酸味，唔會影響食後感。 最可惜，我哋嚟遲咗d，水晶包賣哂喇，下次一定要食倒

因為新開，附近有些酒樓也在休業，所以沒有什麼選擇下，便一行四人過來試試，生意很好，需要排隊。連電梯口也放滿餐枱。員工不足，所以服務未到位，水壼缺水，難以找到服務員加水，枱上吃了東西後的竹籠，也沒有收拾。點心也是一般般，只是芋頭糕和蛋白杏仁茶，較為出色。雪山义燒飽，賣相可以，但吃起來，有點粘牙蒸魚骨，則略嫌腥味灼菜心也很難出錯黃金炸豆腐，也算可以接受燒賣則為普通出品，沒有驚喜，也沒有失望整體來說，食物一般，服務欠缺人手

無無聊聊好耐冇飲茶就搵間茶樓飲下， 就係位於始創中心4樓嘅朝悅酒家，裝修幾靚吓，似專俾人搞結婚嘅婚宴場地。由於係星期日叫碟 蝦腸都要44蚊， 有機會我哋係坐到全場最尾嗰台， 想搵個侍應落order都冇， 我忍唔住走咗去最前嘅收銀見到個侍應佢好似當我透明咁， 就算我將張點心紙放喺佢眼前面， 佢都好似無感覺， 有點過分， 如果有得用電腦落單我會自己落單唔使麻煩你哋囉，其實之前已經見到佢見到我眼神,佢立即垂低避開我眼神嫁啦，何苦呢。 點咗啲大路嘢例如燒賣,炸錦鹵雲吞,鳳爪, 芋頭糕同埋 牛肉球等等, 其實食物完全冇問題牛肉球好食， 舊軟熟炎食唔到有梳打“哪”過嘅味道， 而我覺得最好食嘅係芋頭糕佢煎得剛剛好唔會太燶而又夠香口除咗食到芋頭粒仲食到有一啲豬肉鬆別有心思。如果茶樓負責人見到依篇文章， 希望正視問題吧！（我聽到起碼有三枱人都因為冇侍應有不開心的說話）

係呢個疫情下已好耐無出去食飯，今晩搵到間係太子始創中心有個 $188 三送一湯吸引我去試下，首先叫咗個咕嚕肉，滑蛋炒蝦仁，炒碟清菜及個例湯。咕嚕肉就肉幾軟及入味，份量都 ok, 滑蛋蝦仁蛋炒到濕濕哋所以幾好食，只係份量少咗 d,炒清菜果碟就一般，因為淨加咗鹽落去就，蒜蓉都無，份量又少，但終結都 ok, 埋單加埋飯，茶錢 $280 及送咗一支消毒手液， 都算係 ok,係疫情下都算係咁。

兩個星期前，試過早茶，覺得好抵，所以今晚（28/3/3020）再嚟食晚餐。嚟到潮•悦，接待職員在一入門口，已告知全場正價餸菜八折，還有三餸一湯及2647龍蝦精選孖寶優惠，四個人食，點了2647龍蝦精選孖寶優惠及三餸一湯~菠蘿咕嚕肉、菜甫肉碎煎蛋及南乳炆粗齋，例湯是菜乾豬肉湯。真係幾抵食，上湯波士頓龍蝦伊麵1隻，龍蝦仔配伊麵，好飽肚；潮州鹵水拼盆，份量都唔少；菜甫肉碎煎蛋，好耐無食過，菠蘿咕嚕肉及南乳炆粗齋，三個餸都不過不失，至於菜乾豬肉湯過咸。埋單每人一要五十元，真係抵，應該會有下次。

兩個3月壽星今日黎到新開既潮州菜館「潮．悅」試菜同慶祝生日❤️一坐底就上左2個前菜，分別係醃酸菜同豆腐菜圃，本人特別偏好後者，豆腐菜圃醃得相當入味，而且帶有少少辛辣感，令人胃口大開。燒乳鴿皮脆肉嫩，味道偏濃，送酒一流👍🏻椒鹽九肚魚炸得外脆內軟，炸皮厚薄適中，魚肉肉質鮮嫩，非常香口😋😋胡椒豬肚湯火侯夠，辣度適中，飲完成個人即時暖笠笠😘滷水拼盤（五花肉、鵝片、鵝掌、豬大腸、蛋、豆腐），一碟有6款食物，岩哂有選擇困難症既我，每款食物都滷得入味，五花肉入口膠質重，食到舔舔脷😋😋😋龍蝦伊面🦞麵條吸哂龍蝦精華，令人忍唔住一口接一口，龍蝦殼本身已經開左，所以就算蟹鉗都可以方便食到，絕對啖啖肉🥰生日點少得壽包，但呢個造型真係未見過🙈加左拔絲糖漿成件事升左級，高貴不失禮，好睇又好食😋仲係少女們必要打卡既位置🙊聽聞仲有反沙芋頭及拔絲香蕉，期待下次再黎試🥰總括黎講CP值幾高，食得出廚師既手藝同功架，亦都感受到食材既新鮮，臨走見到有個$188套餐包3餸一湯，有多款小菜可供選擇，搞到我都心思思想下次再黎試埋佢添🙈

呢排屋企因為有啲事而好忙， 所以媽咪唔係成日可以煮到晚餐，今晚去始創茶樓，點知有幾間都無開，見到有間新茶樓（即係以前嘅譽宴）就上去試吓～ 八寶荷包海參 一件好厚肉嘅大海參，裏面包住好多不同嘅材料粒，包括鮑魚粒，山葯粒，雞粒，帶子粒等，由於食材新鮮，㕑師只係加左很少調味，已經食到個配料嘅鮮味而又沒有蓋過海參嘅味道！ 太極素菜羹 上菜時，覺得碗羹好靚，因為佢好清晰將綠色同白色嘅湯分開咗形成一個太極嘅圖案。 唔好因為佢係素菜，所以覺得佢好淡，其實廚師精心用咗高湯加上蛋白花造成湯底， 再以菠菜打成蓉 形成綠色嘅太極,夠曬清淡但係可口. 鮑魚黃酒炆雞喜歡香港雞煲嘅不能夠錯過這一道菜,醬汁係似平時香港食開嘅雞煲，而件件雞都厚身啖啖肉, 爸爸唔係好飲酒 所以佢覺得酒味特別濃， 煲內有四隻炆得好好味嘅鮑魚，唔太 韌，又入味！好抵食！ 黃金叉燒叉燒超級鬆化,肥瘦分明,蜜糖嘅份量剛剛好係我喜歡嘅味道,真正做到內軟外脆嘅效果, 外層被燒得有少少燶，但係唔影響食物嘅質素。 糖醋麵 坊間少有地將糖醋麵煮成心形， 店員很細心咁 問我哋會唔會影相，如果我地需要影相，影完先幫我切。 好耐未試

因為疫情的關係，由新年開始已經大多數留在家！當今個月的疫情稍為緩和，終於約咗幾個朋友仔一齊聚一聚！揀咗地點方便嘅太子始創中心，原來商場開咗間新嘅潮州餐廳 - 潮悅，新開張仲有優惠，咁就試咗一下！當晚食客都幾多。食潮州菜，一定要試吓佢個滷水拼盤！好喜歡佢個拼盤，每樣都非常入味，尤其係個滷水豆腐！滷水鵝+鵝翼亦肉質鮮美！跟住叫咗個鹹菜胡椒豬肚湯。分量應該至少有八碗。我最鍾意係佢個黑椒味，食完令我成個身都暖暖的，湯裏嘅豬肚同雞腳都已經煮到非常柔軟。好掛住阿媽啲湯嘅我，真係仲飲咗兩三碗！蠔餅亦一定係潮州食品嘅精髓。估唔到蠔餅裏便有非常多嘅蠔，同埋每隻都幾大隻，加埋嗰蛋餅，亦非常飽肚！最後加個菜，炒芥蘭加咗啲魚乾、冬菇，唔會過老，亦感覺比較健康！呢度嘅餸都好大碟，而家新開張有七折，真的性價比非常高！

因為疫情，已經好耐沒有跟朋友外出見面或者食飯了。朋友介紹最近始創中心有間新開的潮州菜　—　潮．悅。有很多優惠，例如有7折、更送大家最需要的口罩。就Give It A Try吧!潮州滷水拼盤潮州菜必食的當然少不了，包括有滷水鵝，豆腐，滷水蛋，滷水五花腩。五花腩油脂味甘香，厚薄度剛剛好，不會吃得整個口都是油膩感，令人想一件接一件。滷水鵝肉質很嫩滑而且味道剛好，不會太咸卻又帶有很香的五香味(八角、桂皮、小茴香、丁香、花椒)潮式煎糖醋麵一度非常潮州的名菜，大廚非常驚喜地將整個糖醋麵整成心形。煎得金黃香脆的麵加上砂糖和醋，酸酸甜甜的，無人不會喜歡吧。鹹菜胡椒豬肚湯胡椒味濃郁，豬肚份量很多而且很容易咬，很暖胃。潮式煎蠔烙非常足料，簡直就是每啖都有蠔仔。金泊杞子桂花糕清甜的桂花糕作為晚餐的結尾。

同幾個同事一夥兒到始創中心試新嘢。逆市開酒樓， 咁大膽！ 咁就要試下有幾真材實料！豬手粒最快到， 很惹味很香口但不確喉。 鹹水角十分趣緻， 形狀似啤梨， 食落又唔黏牙。 齋腸粉都很滑， 不過粉皮似乎厚咗啲。 安納芋蕃薯酥個樣就真係麻麻地， 但係食落好有驚喜！ 筷子一夾嘅時候， 啡色嘅外皮脆裂， 見到紫色嘅番薯， 夠熱又鬆軟， 內裏還有一些黃色的汁醬， 口感一流！ 潮式煎筍果 有潮州風味， 金錢肚及牛肉球也不錯。 海皇煎薄撐 就爭少少啦， 材料唔夠多， 都要 30多元。 韮王炆伊麵夠曬大碟， 材料也很充足。 流沙包真係流沙， 鹹中帶甜。 叉燒包十分正！ 材料足， 汁醬亦唔會傑撻撻！ 接近流沙階段！食個lunch，埋單都有八折， 仲想點呀！？ 真係拍曬手掌啦！

潮悅第一次到潮悅吃飯，它的裝潢和一般的酒樓一樣，沒什麼特別。菜莆煎蛋菜莆煎蛋本是很普通的菜色，但是就是因為普通的菜色，才能顯出廚師的厲害。煎蛋有很香的蛋味配上菜莆，很有層次感。欖菜肉碎炒苦瓜如果喜歡吃苦瓜的人，這道菜也是不錯的選擇，因為欖菜炒苦瓜很好下飯。滷水拼盤滷水拼盤有滷蛋，鵝翅，滷豆腐，調味道也不錯，若是配上一碗白粥就更美味了。總的來說這餐廳可能是因為套餐的關係，所以份量不太足，略嫌少了些。

上兩個星期十點幾路過，見好多人，都等位，無等，今日（13/3/2020）早上九點幾再嚟，可能還早，一到即有位。賣點係一蚊燒賣，當然要食，另叫咗承傳手藝叉燒包、安蝦啤梨咸水角、黑毛豬叉燒腸粉、醬皇金錢肚、潮州蒸粉果、香蔥糯米卷及小心食流沙包，八個點心，三個人食，埋單$138，平均每人$46，抵食。粉果、燒賣及糯米卷，一般，咸水角、叉燒包及叉燒腸，好足料，好食，金錢肚麻麻，唔夠味小心食流沙包，真係要小心食，流沙好熱及多，一咬即湧出嚟

百花釀六頭鮮鮑真係一道考功夫既式，入面既蝦肉彈牙爽口，鮑魚又夠入味，滿足一定高級既享受。海參彈牙，膠原滿滿，係女人必吃的一道菜，而且重有新鮮帶子炒姑，實在番尋味，老人家都應該非常岩食，無骨得黎又軟滑。愛好素食既我每一餐都一定要有青菜，呢道集合左幾款唔同既蔬菜，重有瑤枉同金華火腿調味，清得來又吃得出鮮味，而且擺碟都非常吸引，係一把扇的設計。最後一道係叉燒，真係真係一定要試，燒得焦香，甜道和肉味恰到好處，肉質軟腍，而且滿滿肉汁，送飯一流，剩係呢道菜都已經加晒分。