彩福皇宴 (Closed)

突然間想食片皮鴨，上網看到這間中菜有又就腳，就膽粗粗book左夜晚食飯。一出lift 見到好靚的裝修，平時應該專做飲宴。8點黎到已經好多人，好彩有訂位，但都等左一陣先有人得閒帶位。片皮鴨一食$188 隻鴨幾大，但係好少肉。個皮燒得幾好，呢度個片皮鴨果醬味道好好，加埋要薄嘅被，包住一齊食好好味。$188食得過，但係唔好同北京x樓嗰啲比較。另外叫咗兩隻蒜蓉粉絲蒸日本四頭大元貝每隻$28 帶子超大隻，又新鮮，加埋蒜蓉粉絲好惹味。牛仔骨煲 ，忘記了價錢（好似$108）牛仔骨大約有七至八件，放左啲京蔥、洋蔥所以嗰醬汁非常香，好食。叫咗四樣嘢，四樣嘢都好好食。難怪隔離隔離嗰啲都係一圍大枱，好似提早團年

午餐時常與同事出去飲茶，食物多油濃味，其實不太健康，彩福的點心比起以前食的清淡一點，吃完後不會口渴一整天，吃多一點都不會有罪惡感。xo醬煎腸粉，腸粉多到就來滿出石鍋，xo醬不太辣，大人小朋友都適合食。石鍋上碟時還是熱的，腸粉每條都沾滿了醬汁，咸度適中下次會再點。腐皮卷咬一口會有碎碎掉出來，証明煎得很鬆脆，涵料豐富爽口，喜歡這個卷有不同口感層次。紅棗糕不粘身，質地軟綿綿帶點煙韌，老人家吃得到，紅棗味很香，不會太甜。

去開銅鑼灣 某auntie 話要食 酒樓一下子都唔知可以去邊。。。好彩 皇室堡有 彩福皇宴超滿 好彩打電話去 book唔係都入唔到去食飯。。。見到大部分都係 一圍圍 12人大枱食 都有一些好似我地的 細枱客見到有好幾個 晚市 小菜set 就叫了一個 都幾抵的set 3組菜招牌燒味 湯 和 海鮮 ， 每款揀一叉燒王 拼 海蜇 叉燒 淋 沒有儂和乾乾的表面 又不會死甜 作為半個開胃菜 正！湯 揀了 紅燒花膠羹 太誇張了 來了一窩料 超多 每碗 都滿的有數不盡的蝦仁4個人 每人飲2-3碗先 食完個羹鮑魚 都好新鮮 用少少果皮 闢左泥味另外加了一個 黑松露 秋葵帶子炒蛋炒蛋和 好出名個d 冰室 一樣咁好有d 秋葵 啱晒 成日話要控制 血糖的auntie 食要了炒飯 有櫻花蝦 再加 更多的蝦仁 超濃味 其實好飽了 但都係要加多個甜品 椰皇燕窩 其實係鮮奶or 蛋白 都不是分得好清楚 只係知道好滑 椰子味香濃 但無過份搶味連椰肉 都好滑 一片就片出來 好似椰油咁 入口即溶

之前有朋友介紹過，平日中午12點左右去到酒樓，見到都有唔少人喺度等緊位，攞咗飛之後，好彩等左幾個字就入到去，不過大家最好訂定位😁首先叫咗我最鍾意食嘅燒腩仔，外皮燒得十分鬆脆，肥瘦適中，而且唔會有雪味👍帶子小籠包，我唔夠專業，冇咬過一啖影張相，不過入面真係有粒帶子，符合晒商品說明條例，比普通小籠包多咗啲海鮮味，味道唔錯鮮蝦韭菜餃，相比韭菜，蝦味較重椒鹽魷魚酥，份量都唔少，點喼汁好夾，不過兩個人食就會有啲多，本身想加得獎點心都食唔落本身想試鮑魚燒賣，覺得幾特別，同埋夠打卡。同埋黃金流沙包做甜品。可惜最後太飽，食唔落，冇叫到😁下次要再去試☺️叫咗兩個比較輕便嘅中式甜品，一個芝麻卷同埋一個燉椰皇。特別係芝麻卷，而家好少地方有得食，佢芝麻味都好香濃，感覺製作用心👍👍

約左班同事提早食團年飯，揀左位於皇室堡9樓的彩福皇宴。裝修新穎，以海藍色為主。客人都唔少，不過我地早到，walkin都唔駛點等位，上菜都算快!千島沙律蝦多士︰比較少見酒樓有得食，一碟有五件，多士香脆，蝦夠大隻，配上千島醬，好有口感。旋風黃金流沙包︰係旅發局的得獎點心，果然係名不虛傳，包皮鬆軟，內餡夠多，流心效果出眾，香口，外型加上旋風紋夠搶眼。雪菜火鴨絲紋米粉︰份量多，較淡味，唔會太多油或太咸，比較健康。米粉炒完又唔會太濕/太乾，控制得好好。5個人食左$600，價錢唔算太貴，CP值都算高

茶位15x2白飯15好貼心，最早上仲有蓋仔蓋住保溫。楊枝甘露23竟然比主菜更早上台，那我就先吃吧。每餐糖水都不能少，冰凍可口，柚子多汁，跟芒果味很夾，解渴美味。終於等到主菜上桌，真好，不是那種超速趕著的感覺，就讓我可慢慢歎茶。燒汁松子繡球珍菌炒花姿柳88食物炒得色彩鮮豔，加入松子很香口，豆角碧綠，繡球珍菌是第一次吃，似雲耳般爽口，花姿彈牙，汁像在吃炒牛河，做得不錯。招牌小炒皇90賣相掂，炒得有獲氣，又5會好油，材料十足，蝦球韭菜腰果蝦干蝦米仔菜甫等，海味有咸香又不硬，蝦很彈牙，連帶子亦很入味呀(⁎⁍̴̛ᴗ⁍̴̛⁎)醬爆花枝珊瑚蚌102份量不太多，畢竟珊瑚蚌也不便宜。珊瑚蚌爽脆，用上大量脆肉瓜同炒，熱辣辣，帶少許辣，花枝味道沒有上一道入味。食後感：叫落單花了不少時間😅三四次無人聽到，可能因為人客不少，較熱鬧吧！

一般都好少揀連鎖式嘅酒樓食晚飯，但今日同媽媽行完街，就隨意搵間酒樓食個小菜。一坐低，已經有好多個唔同嘅餐牌，選擇真係好多！有啲小菜仲係平時比較少聽嘅添。但同媽媽商討後，決定先叫個片皮鴨黎食。之前我哋都係其他酒樓食過，但比較油膩；而呢間不單止唔會俾人一種肥膩嘅感覺，皮仲好脆，肉都好有鴨香！之後我哋叫咗半隻南乳脆皮雞，雞肉好嫩滑，$68好抵！最後叫咗個櫻花蝦海鮮炒飯，估唔到我媽媽最欣賞呢個飯！因為佢話完全係色香味俱全，好清香，而且啲飯炒到粒粒分明。

今日約了媽媽飲下午茶☕️，享受一下😊。於是選擇了銅鑼灣皇室堡9/F「彩福皇宴」聴講有香港旅發局榮獲得奬點心吃，又試下啦！進入酒樓環境以天藍色為主，座位都寬敞舒適☺️點心紙上有榮獲得奬點心大獎👍，真係好吸引喎😍😍《午市自選超值套餐》＄258，非常吸引👍👍先來一籠得獎點心🌟《旋風黃金流沙包》🌟＄30食落流沙包爆漿流出👍👍，香濃味美😋😋《金牌燒味拼盤》，有叉燒、燒腩仔、海蜇、燒雞、鴨胸，可以品嚐多款食物，啱晒我是眼闊肚窄嘅人👍👍《鮮蝦星州炒米》，咖喱味剛剛好，味道一流😋😋《鮮蝦炸春卷》，熱騰騰，香脆可口😋😋《蟹籽燒賣皇》燒賣肉豐富食材用蝦膠，爽口彈牙😋😋《醬皇金錢肚》，多汁食落爽口彈牙😋😋非常滿足的一餐下午茶☕️

老公要去銅鑼灣做啲嘢 ，順便去銅鑼灣度食lunch，同我講話好耐冇喺銅鑼灣飲茶啦，不如去搵間坐下啦，於是乎咪上openrice度睇下邊間，見到依間酒樓好多個like喎，一於去試下啦，唔好咪冇下次囉。酒樓環境不錯，感覺乾淨企理。叫左一個湯麵，幾種點心，意想不到的好味，尋回兒時同爸爸成日去酒樓嘆茶的味道呀！每樣點心都唔太咸，味道好好，點心師傅手勢值得一讚。特別最欣賞嘅係嗰碟竹笙高湯鮮竹卷，個湯非常好味，甘香清甜，老公讚不绝口。终於揾到間似樣嘅酒樓啦，下次要試下晚飯先。

今晚約左幾個舊同學去銅鑼灣的(彩福皇宴）食晚飯，酒樓設計得非常華麗，十分寬敞，價錢都好平宜。蒜蓉粉絲蒸元貝$75/3隻，甘香的蒜蓉再夾了爽滑的粉絲，放在爽口的元貝蒸，令到每隻元貝都好鮮甜美味。脆皮南乳雞半隻，外脆的雞皮，嫩滑的雞肉，再配花雕酒及南乳醬更能帶出南乳雞的美味。一隻片皮鴨只是$188，真的又平又大份，皮脆多汁，非常香口，而且肉又厚，不會像坊間的薄，極為划算，又有肉味！苦瓜炆鴨，食完片皮鴨後再將鴨肉起出來，用甘香可口的苦瓜再炆鮮嫩的鴨肉，十分惹味。

彩福以超強性價比深得我心，多區都有其足跡，而每家分店除了價錢平，裝潢亦是重點，其定位是一家婚宴專門店，雅麗之餘，亦有氣派。晚市有多款優惠小菜，價錢甚至比大排檔還要便宜，但這裡是銅鑼灣皇室堡，價錢平，食物份量多，只能說五星超值。京式片皮鴨 ($188/隻): 沒錯，$188元/壹隻，比起坊間大部份中菜館足足平一倍，店員在旁即埸把原隻燒鴨片皮起肉...... 份量極多，三位男士盡了力也吃不完，最少可Serve四至六個人享用。鴨皮色澤明亮，滲出香滑鴨油，蠻香口。儘管店員刀功一般，但正正這樣，肉有一定厚度，很有肉感，比一般酒樓的A4紙厚度划算得多... 成必食推介! 椒鹽鮑魚 ($28/隻): 抵食推介，鮑魚香脆爽彈，椒魚味適中，不會蓋過鮑魚原有的味道! 海皇櫻花蝦炒飯 ($123): 蠻鮮味的一款炒飯，混入大量蝦仁、帶子、櫻花蝦等等，亦很有肉感，飯粒顆顆分明，好吃! 金箔芝麻卷 ($18/6件): 俗稱「菲林卷」的一款懷舊小食，現今並不常見。黑芝麻味一般，質感亦較結實，但用來拍個照，當嚐嚐懷舊小食也okay

趁住今日屋企人都放假，於是到皇室堡逛逛，順便一起吃個晚飯。因爲屋企人都喜歡食中菜，於是預先打電話訂定位。一開來電梯門，就見到一片花墻，好靚！即刻已經幫屋企影左張相。餐廳裝潢很雅致，感覺像是高級的中菜廳，座位舒適。店鋪大概7點的時候就客似雲來！幸好有預先訂枱。店鋪的精選9款小菜碟碟都不過100蚊，好抵食！！想不到吃什麽的朋友可以係裏面揀。椒鹽鮑魚：夠大隻，價錢好抵食！鮑魚Q彈紮實，椒鹽鹹酥香！金銀蛋浸菠菜：好大碟同埋好足料，菠菜鮮甜，金銀蛋增添層次十分惹味。脆皮南乳雞：雞皮夠香夠脆，南乳雞肥瘦剛好，味道香濃多汁，沾上有花雕酒的南乳醬更是絕配。清蒸沙巴龍躉斑：龍躉斑很大條很新鮮！味道鮮甜，肉質嫩滑！有成斤二重都係$148.怪不得差不多每枱都有點。店員都好細心，詢問我們要不要幫忙分魚，服務周到。原個椰皇燉燕窩：甜品時間，天氣凍凍地，食返個甜品滋潤下就最好la，上層鋪滿燕窩，好適合女士們吃。蛋白和燕窩都滑嘟嘟好潤。蛋白仲有椰皇的清甜味。唔好看個椰皇細細個，兩個人分黎食都已經好足夠。屋企人對呢餐飯都好滿意，最主係要味道有水準之餘又夠抵食！！！裝潢雅致又舒服，簡直係超值。

今晚來了皇室堡逛街，順道吃晚飯才走，想起之前在彩福酒樓飲過茶，不如就試下它們的晚飯小菜啦！一進門，感覺這裡地方很寬敞舒適，服務員非常有禮親切。我們點了半隻脆皮南乳雞、芹蒜鹹酸菜炆班頭腩、杞子濃湯花膠泡勝瓜、一枝藍妹啤酒、一碗白飯，及甜品點了雪蓮桃膠燉木瓜。這裡推介的小菜很有特式，南乳雞皮脆肉嫩，雞皮卜卜脆，正！炆班頭腩汁濃肉滑，配鹹酸菜送飯一流。花膠泡勝瓜簡直可以當湯飲，湯底火喉十足，杞子鮮甜，花膠料足！甜品燉木瓜更是滋陰養顔，很合現在乾燥的天氣飲用啊！整體來說，餸菜味道很好，坐得舒服，服務一流，下次一定會再來試試其他菜式呢！

今天上午在銅鑼灣上完烹飪班，已經一點多，去彩福等位飲茶，主要是被芝麻卷吸引而來的。二人枱等候時間較長，通常都先給了3-4人的，但等了大約15分鐘，有一張大枱，接待處問有沒不介意搭枱的，我們二話不說就上前去，和另外三對客人就佔據了一張大枱，本來仍有食客上前，但接待說最多4對，所以大家也坐得很舒服。因已開始肚餓，一坐下就選點心，我們兩人點了5個點心，3份甜品，連茶錢加一$257濃湯浸芥蘭 $37 - 其實芥蘭不是我最愛的菜，不過朋友想吃，反正我有菜吃就可以，就任他選，怎知竟然有驚喜，質感非常爽口鮮嫩，用上湯浸又不會油膩，而且很大碟，很抵吃。細心看看菜莖的外皮是削薄了，所以吃起來不會覺得硬，食材的預備非常用心👍叉燒腸粉 $30 - 皮薄饀靚瑤柱鮮蝦🦐翠瓜餃 $26 - 餃子皮精瑩通透，足料好味黑松露小籠包 $30 - 一點也不會油膩👍北菰棉花雞 $26 - 棉花軟棉棉，雞肉幼滑😋楊枝甘露 $23 - 足料好味😋紫醉金迷 $20 - 香濃的紫薯味，質感厚實😋一試難忘金箔芝麻卷 $18 - 濃濃的黑芝麻味，尋回兒時的味道，果然沒令人失望。吃飽後才開始欣賞到四處的裝修都很美，而且服務員全都非常有禮

昨日一家老少到銅鑼灣皇室堡，支持親戚baby出戰爬行大賽，比賽前當然要食飽個肚 (揾個理由，哈哈)，所以預先訂了彩福皇宴的座位午膳。去到果然客似雲來，即使事前訂了座位也要等一會，其點心受歡迎可想而知。來這裡飲茶當然要吃他們的得獎點心，以下兩款我最為喜歡:原隻鮑魚燒賣皇 - 上層真正原隻小鮑魚，有嚼勁而且鮑汁鮮味，下層燒賣內亦相當彈牙，估計有蝦膠在內。另一重點是其價錢毫不離地，大眾非常有口福。龍皇野菌腸 - 外層腸粉皮非常幼滑，而內裡就香脆可口，鮮菌味濃郁，吃落相當有層次。除了得獎點心，我們也點了午市組合:金牌脆皮燒雞 - 果然金牌之選，外層脆片恰到好處，剛好脆口而不過火，而雞肉就相當嫩滑。瑤柱蛋白炒飯 - 飯粒炒得乾身，顆粒分明而不太油膩，配上鮮味瑤柱及香滑蛋白同炒，香味十足。欖菜肉崧四季豆 - 欖菜很是開胃，肉崧調味恰當，與四季豆為非常合適的配搭。整體而言，這裡的得獎點心名不虛傳，而金牌燒雞及其他小菜也相當不錯，價格也很大眾化呢。