川燒 (Closed)

擒晚一行 15 人一齊去食川燒, 起初只係普通食飯心態, 點知有大大驚喜, 表面平平無其嘅食物, 但整的好好食, 埋單只係每人約 $200 左右, 有機會下次要再去食呀...仲有係個度啲 waiter... 好有水準, 即係... 靚仔... haha...

朋友仔正日生日...所以要一齊食餐好...第1次試lee間川燒...我哋都覺得好味...d海鮮幾新鮮...燒聖子...燒蠔...燒帶子都好好味...係除咗燒螺肉&燒墨魚咀麻麻哋外...其實總括嚟講所有我哋點嘅食物都好味道...可惜我哋太遲order...試唔到個燒鮑魚...我哋已經決定一定會再去多次...希望今次試到個燒鮑魚啦...員工&老闆都好nice...

川式燒烤越開越多，昨晚剛試過天后的一間，感覺不錯，今晚轉戰到尖沙咀這間好評如潮的川燒再下一城。小店以棕色為主調，店面大致為中國傳統客棧的裝潢。雖然只是閒日晚上，但客人頗多，所以我們只能被安排到面向燒烤廚房的單邊位置，但可邊吃邊欣賞師傅燒出各款美食也不錯。食物方面，這裡主打各類串燒食物，除了傳統的肉類，還加入不少蔬菜類，當然也不會少了我們最喜愛的海鮮吧。 川味涼拌雞腎：由於其中一位朋友未到，所以我們先點了涼拌雞腎邊吃邊等。雞腎本身沒有甚麼特別，只是把雞腎煮熟再待涼，誠意欠奉；反而那個隨雞腎奉來的醬汁才是精髓，醬身類似豆瓣醬，但味道略帶麻辣味，不錯。 燒生蠔：燒蠔一份有六隻，索價雖要 $78，但味道很好，蠔夠鮮甜，加上鋪面的蔥蒜更能帶出蠔的鮮味。 燒蘇格蘭蟶子王：蟶子王很巨型，做法與燒蠔相若，蔥蒜香味滲進蟶子內，鮮甜味美。 燒大元貝：元貝很新鮮，但說是大元貝，卻比一般扇貝較小，有點不夠喉吧。 燒 7 吋大海蝦：大海蝦連殼燒得香脆，外面再灑上孜然粉，賣相吸引。味道方面，蝦頭不算太多膏，但也不錯；蝦肉很爽口，沒有被太多的調味蓋過本身鮮味，不錯。 燒自家製海蝦魚翅棒：名字很長，但其實是

行左成日, 去左赫德道既川燒食,, 好好味xDD(1)自家制既魚翅XX棒, 個感覺好似食緊雞泡魚干xDD(2)就算個牛利咁厚, 都仲係好彈牙=3(3)煙肉年糕, 都係唔差~(4)個栗米冇咩驚喜@@成個餐, D野食都唔錯~ 只係衰左D通菜好好好咸=0=但食完咁咸既通菜, 再食波蘿, 正~~~多汁=3係有個女服務生D態度唔係幾好, 其他侍應都唔差.另外, 覺得食物落錯檯都應該講下, 而唔係冇啦啦拎走其中1串囉

早前聽友人講,在佐敦的燒烤店"重慶燒",水準突然之間下跌,原來,重慶燒其中一位主理人,走出來另開新店,就在赫德道的"川燒".選址地點正確,因為這處酒吧林立,單憑做酒客生意,已經生意興隆.是夜飯局總共有十多人,因其中一位朋友與老闆認識,所以安排我們坐在廂房內.夠私癮,高談闊論也不會打擾到其他食客,而且更對著大電視,完全照顧到喜愛電視送飯的朋友.因為人多,所以可盡情地試多點.首先吃到的是冷盤凍番茄,配上特製的醬油,鮮甜得來又惹味.燒牛柳粒也不俗,帶有濃香的孜然味,肉質亦不是太粗.燒通菜用上孜然粉,與腐乳蝦醬相比又是另一種態度,但同樣地惹味.而且火喉剛好,沒有燒到乾巴如柴.涼伴豆腐是用上盒裝百福豆腐,本來平平無奇,但加上自家醬汁同榨菜同吃,又有點石成金之妙.接下來的是燒生蠔,我是蠔痴,見到大喜,用蒜茸燒鮮味盡顯.肉質鮮甜而充滿水份.只是一人一隻,未免有點"到喉唔到肺".用錫紙包著來燒的金菇菜,相比其他串燒,顯得平平無奇.在串燒店吃溏心皮蛋?聽者都覺得有點怪,不過吃串燒沒有什麼規限,一大班人吃最緊要開心.此皮蛋用羹盛上,每隻帶有溏心.質感豐厚.可見單是區區的皮蛋,也不會馬虎了事.用鐵板上的蒜茸

睇雜誌見到介紹呢間川燒所以特登同男朋友黎試下可能係時間/地點/落雨既關係我地由6點食到7點半先見到有另1枱客入黎唔知係咪因為冇咩人既關係食物上枱既速度都好似較快所以有D食唔切食物會有少少變凍不過如果熱食既話食物水準1流我同男朋友都食到唔停口個人少少意見:如果餐廳會自動provid茶/水會好好多因為果日係要我地要求先佢地先俾左2杯水我地因為呢個始終係餐廳基本要做既野

我上次去係夜晚11:00鐘到,入面完全一枱客都無,個感覺好驚,明明有好多好評,但係個場面o甘o既?我地點o左牛柳粒,嘩!!超"鞋",完全鞋到要吐返出o黎,不知所謂,自家制手打海鮮棒實屬普通,我覺得就好似將d龍蝦丸壓縮成條狀一樣,雞軟骨一般,唔係特別好食,燒雞中翼唔入味.............................我o個晚o甘肚餓都覺得mama地,我唔敢再點o甘多,我地食左2百幾蚊,但唔俾"look" card,要食夠$300先可以 ,一杯水都無提供,太差啦,我以後唔會再去~!

工友食評不久前食過這開業不久的串燒店，雖然燒得心急，d嘢好多唔熟，不過款色同調味(細分要不要蜜糖/ 辣粉...)上都有特色，今次再來，不過...同來的老死跟上次的飯局的友人口味完全不同，我們點了完全不同的東西:蠔: 肥美，但係芫莤味蓋過一齊，食不到鮮甜鱔同"魚立"魚: 燒得不香口，仲要腥魚肝: 沒有應有的濃郁香滑，食左一半，棄之!上次encore再encore "自家製墨魚八爪棒: 變左一patpat，不知是燒得不夠時間, 定係手打時出左問題了唉，還好有一個菜式是好好食的就是"雞腳筋"，香口又有嚼勁其實都不算好差，不過這樣好難叫人有一試再試的意思。

上星期五放工相約一班同事放工去公司附近的一間串燒店食晚飯, 其實都係朋友介紹, 我朋友話這間串燒店不時都有名星光顧, 佢話佢上次見到許志安呀, 所以我除左想試下佢d串燒之外, 我都想碰碰運氣, 睇下會唔會見到自己偶像…到這間串燒店食飯必須提早訂位, 間鋪唔係話好大, 不過一班同事一邊食串燒一邊吹水都算坐得舒服啦食物方面都算唔錯喎, 特別值得一讚係佢地個燒蠔同燒菠蘿, d蠔好鮮, 個片菠蘿燒完之後d汁鎖晒係入面, 一咬落去d汁就係咁流出黎, 熱辣辣咁食, 真係好正, 仲有佢地既燒羊架都係一絕, 反而我朋友介紹的特大老虎蝦就有點兒失望, 因為唔係我想像中咁大隻囉, 不過都算好好食…唯一唔好就係佢地冇水提供, 口渴就要迫住買佢地d飲品, 是問食串燒又點會唔口渴呢, 不過佢地d串燒都幾好食, 都值得久唔久去食一次

8月27日（星期四）晚，早前收到食友的邀請，來試吃這間新開張的串燒店，於是和女友赴約。大約七點半來到，我和女友到達時部份食友已經在場，因為食友認識老闆，所以預留了VIP房給一眾食友，之後各位食友亦陸續來到，十多人就坐在VIP房內，很熱鬧。不過可能因為間格限制，出入有點不便。人開始齊了，便開始點食物，亦因為人多，可以掃menu，是晚點了很多食物，多到幾乎連自己吃過甚麼也不記得，不能盡錄，不過大致可以分為海鮮類、肉類和蔬菜類。燒海鮮類有白鱔、貴妃蚌、生蠔、12吋特大老虎蝦和自家製手打海鮮捧……等，其中自家製手打海鮮捧最好食，外型十分似蘿蔔糕，墨魚滑很鮮味，爽口彈牙，八瓜魚粒亦很有嚼勁；貴妃蚌很新鮮，肉質鮮味爽滑；老虎蝦果真很大隻，長度和筷子差不多，肉質爽軟而不霉，證明很新鮮。肉類方面有牛柳、牛肉粒、煙肉年糕/車厘茄卷、雞翼等，當然還有燒全羊架！雖然羊架燒得有點過火，但肉味濃郁，最重要係夠羶！不過肉類比海鮮較遜色，因為烹調手法千篇一律，把肉類燒熟後再加上味鹽和孜然粉，如果可以因食材而適當地調味，相信效果更佳。蔬菜類有燒通菜、菜心、原條茄子伴蔥花蒜蓉、蛙蛙菜、冬菇、洋蔥等，款式選擇很多，把蔬菜

先此聲名,川燒老闆係朋友,不過我寫食評都係從一般食客角度寫...無偏心~另一個朋友生日,就揀左呢個朋友新開既食店慶生~裝修簡單有風味~舒舒服服,食得串燒冷氣又夠哂涼~正~~仲有房坐~先講涼伴~ 最想食既飽片賣哂,惟有試下個冰鎮芥蘭..都幾爽口...仲有成個生茄都好新鮮~串燒黎講個牛舌真係唔錯,飽魚都燒得好香口...黃金雞翼都好抵食~最得我歡心就係海鮮棒,同男友SHARE一人半條都唔係好夠...老闆請食既腸唔知咩名堂,食到最尾先送上黎...已經好飽,點知條腸鬼咁好食....飽一飽都食哂~燒蠔我無份食,不過個個都食到LAMALAM LEI...似乎都要推介下~芝士西蘭花做得幾好,女仔實岩食~OVERALL 真係幾好食...咁有咩位彈呢,都要講兩句既..就係個燒蕉....老闆話十個九個鐘意食,但我地同檯六人都無人欣賞HAHAHAH....SORRY...講到底香港地食串燒都幾貴,但川燒真係做到一個好價錢....抵食大哂~

周六司徒先生飲食團又出發，一行四人去左尖沙咀赫德道新開既川燒﹗張咭片整得幾靚呢﹗呢間野係佐敦重慶燒班底開的，星期六晚訂位爆滿，我地又唔鍾意搭枱死都要四人位，所以搞到等左一陣先有得入座﹗有青島生啤供應，梗係飲番杯，不過叫支裝抵飲0的﹗燒美國穀飼牛粒，牛嫩口有肉汁，不過我咁岩食0個粒0的鹽花下得太多，鹹左少少﹗涼拌青瓜夠哂麻辣，不過0的青瓜唔夠凍，食落口感一般﹗芝士金菇，芝味濃郁，金菇香甜，愛芝人士之選﹗呢個好味﹗手打海鮮棒﹗以八爪魚粒、墨魚等打成，既彈牙又香，滿佈的八爪魚粒令食落更有口感，我地order左三次﹗友人仲成支自己食哂添﹗丸類只是麻麻，特別係個咩麻辣包心丸，是街市打邊爐之流﹗芝士丸可以再燒耐一點，芝士效果會更好﹗雞翼一路燒一路有搽上醬汁同燒，不過唔係太熟﹗友人醉醉地竟然連血水雞翼都食埋﹗又話唔熟又食鬼哂﹗吹脹﹗久遺了的燒白鱔，友人話肥美香口，不過食家0個家就因太厚切唔多熟﹗燒韮菜香口好吃﹗當然成條都充斥住大陸的孜然風味﹗味道可以再濃o的﹗七吋長大蝦賣十四蚊條，真係幾啖啖肉喎﹗抵吃﹗呢個就要鬧，十幾蚊串魷魚鬚佢俾得幾粒我，放上枱都覺得寒酸左少少﹗很少吃到的大眼雞，因為實在係細條所

預祝亞爸生日，所以揀咗呢間食串燒我個人比較多元化，唔會食黎食去都係個樣嘢囉約咗7:00，佢地都未到個人太燥，點咗支大啤飲住先侍應生哥哥好好人，提點我不如點啲嘢食先啦點下點下，都點咗好多嘢食不過佢地到了，食物都未到燒自家制手打海鮮棒蝦膠打得非常之好，好彈牙，加上有八爪魚粒，有啲咬口，好香，一定要再黎多串啦燒7吋大海蝦燒得夠乾身，多膏焗芝士牛油帆立貝個芝士真係比十個讚佢啦，我為芝士瘋狂燒雞中翼個皮燒得夠香脆，不過唔太入味，啲肉無味囉燒肥牛一啲都唔un嘅肥牛，再叫多兩串都唔夠呀燒南瓜細細粒，好甜南瓜燒豆角 & 燒白豆角無分別，都係咁好食燒菜心嫩個部份好食，菜都唔好食嘅話都好大鑊侍應細心有禮，勤換碟，值得一讚啲相唔夠位post相關網誌 : http://hk.myblog.yahoo.com/jessicalim1112不過未post