珍意泰國菜館 (Closed)

今晚突然想食泰國菜 當然要黎呢間食！7點黎到已經好多人等緊 等左6張枱 大約20分鐘就入得 入到去果然全場爆滿😆我地點左個 海南雞飯 咸肉炒芥蘭 椰汁冰海南雞飯佢係用油飯 飯粒好煙韌 有小小似糯米既質感咬落有好香既香茅味同雞油香🐥而佢既雞好嫩滑 雞皮食得出係煮熟完過左冷河 令佢好彈牙佢個醬係甜豉油加左啲辣椒🌶點小小提起晒雞肉既鮮味 又唔會太辣同鹹咸肉芥蘭份量適中咸肉炒完都仲係好脆 好香口略嫌芥蘭有啲硬 再炒耐啲就更好🤢但佢既薑蒜辣椒都好惹味🤪椰汁冰椰香味好濃 飲得出唔係溝出黎既 十分高質！😍咁樣2個人已經好飽 埋單155$ 都唔算好貴會再黎食！😋

東大街搵食好易會選擇困難，行下睇下去到呢間泰菜，接連幾日都中式港式，是時候轉下口味，就佢啦！由於有大有細唔食得辣既關係，隨便點左個老少偕宜的豬扒炒飯，一上枱簡直驚艷（見圖） 大過塊面既豬扒炸的靚到呢。。。超薄粉漿最岩鍾意脆但唔鍾意食厚粉既我，肉質軟韌度剛剛好，最重要仲有底下個蝦醬炒飯超好食，一向唔係好食飯既小朋友都要添多碗份量大一家人share都唔難搞😄今次試既野唔多，絕對會再黎試多啲

今晚同老婆去筲箕灣，搵咗間係東大街嘅泰國菜餐廳，點左個海南雞飯、豬手飯及生蝦，食物唔錯，個生蝦好鮮甜，個醬汁都好入味，美中不足嘅係點飯冇餐飲跟，大家經過嘅話一定要試試

這是油塘其中一間泰菜分店，想不到會選址在筲箕灣，實在太驚訝！呢度當然比油塘貴小小，應該鋪租負擔幾大吧?!它保留了原先前鋪的裝修，菜單添加了泰粉(呢個湯底清甜，很好吃的！)，仍然簡單光亮，味道如一。餐湯清甜我之前是天天吃泰粉，是他們的小粉絲，卻在筲箕灣第一次吃海南雞飯！油飯粒粒分明，油脂分佈均勻而不膩；雞件清瘦有彈力，口感剛好細滑；豬紅當然非常好吃；青瓜青甜！事實上，份量並不多，對於我這名女生而言只是剛剛好！餐廳還有很多進步空間，加油！

呢間可以話由藍田食到黎筲箕灣既泰國菜館，一開始係藍田結業後都搵唔到間又抵又好食既泰國餐館，終於係朋友口中得知，佢係早幾年開返😋😍。雖然九龍城泰國餐廳多的是，但相比起佢呢間既服務、食物質素同環境，呢間可以話非常合格，由你打電話去訂座既態度至到入座都非常有禮，最起碼唔會限時限刻趕人走呀！今次我都約咗幾個朋友去食，因為可以食多D唔同既餸菜。而家出街食一餐飯除咗食物質素，服務態度真係另一個好重要既考慮因素。CP值超高，值得推薦👍👍

屋企人話黎呢條街試下泰國菜，坐下後有位好似好新嘅員工黎落單，我叫海南雞飯，個個員工就叫我地叫半隻海南雞，咁就叫啦。可能我們的問題太多啦，個員工落單時就黑面囉😑，呢一點就😔😔😔我係因為被個海南雞已經被吸引了，所以唔同佢計😑😑。但係個雞就麻麻，但係個豬紅超好食，有少許辣辣地，而且係超好食，所以最後再叫一碗，都只不過係$30，抵食又好食👍🏿。另外個豬手都唔差，熱辣辣得黎又入曬味，而且又淋，正呀😍。我再叫埋油飯，馬拉盞炒通菜，龍眼冰。超級大滿足。

筲箕灣東大街岀名多好嘢食，呢間泰國餐館亦唔例外，我最鐘意係食佢地嘅海南雞，泰式無骨鳳爪同埋柚子泰式沙律！ 價錢合理，睇落去好似細細碟，但食落都好多下！三個人叫左4餸1飯都食唔晒，埋單只係$3xx 係咪抵食丫！

同老爺奶奶出去食飯好耐無聽過佢地讚啲食物好味老爺對食要求好高以前奶奶後生時煮得一手好菜依家人漸老，無咁好精神體力煮九大簋想食豐富啲唯有出街食可惜，要搵好味的餐廳唔容易是日慶祝奶奶生日奶奶話好耐無食泰國菜想起了上次到過珍意老爸讚不絕口或許老爺奶奶都喜歡一口氣叫了多款給兩老及家人試老爺奶奶一路食一路講「好味」不下5，6次老公都讚今次無介紹錯先來咸肉炒芥蘭惹味夠鑊氣去骨豬手上次路過買了一份外賣給老爺奶奶佢地念念不忘係encore之選配有咸酸菜吃不停泰皇咖哩軟殼蟹咖哩汁無得輸一口氣KO了兩客蒜包幾乎碟底都舔乾淨炸蝦餅鮮香味美泰式燒鰂魚外層粗鹽封得好燒得極之靚一打開，香氣撲鼻魚肉剛熟，非常juicy鰂魚不是貴價食材但可以做到貴價魚有的鮮美一流👍👍👍是夜還有叫生蝦燒雞芒果糯米飯可惜全部在入鏡前已被收進各人肚子沒法跟大家分享

應該是年頭吧？係油塘楓意食緊泰粉時，聽到街坊閒談話係筲箕灣開左新鋪，我實在太驚訝！筲箕灣東大街太多太多餐廳起起伏伏，係呢度甘多年，都唔知它的存在？原來係頂左泰菜間鋪，冇左以前海南雞拼豬脾飯，換來我喜歡的豬扒泰粉，頗好吧！香茅豬扒泰粉+熱飲$40始終比油塘價格貴了一點，幸好味道質素一樣，湯底偏清，但我們都習慣再加魚露（有兩款）、辣粉等，弄到非常惹味！泰粉份量適中，仍然保持爽滑，唔錯！可惜豬扒弄得比較乾身，麻麻地。同事叫左咸肉食，咸肉係呢間店整得好好食架，脆香而不太咸，浸係湯裡都能保持脆口的感覺，所以我地兩個各人叫一個泰粉，再一齊share黎食，這樣又省了點$！得閒會再過來幫襯，你地要加油！

是夜帶埋老爸老媽來珍意兩老多年沒吃泰菜了記憶仍留在我們兒時常去的香辣屋(跟現在food court內的香辣屋不一樣喔！)當年最回味的咖喱蝦多年後也沒再遇上可媲美的是夜在珍意給我們找到了泰皇咖喱大頭蝦吃一口充滿蛋香的咖喱汁啲感覺返晒來沉默寡言的老爸主動開口讚好味一人K.O.了一大隻!咖喱汁送蒜蓉包，大伙兒又K.O.了2客包烤雞充滿碳香即叫即燒就是要等20分鐘都值得等泰式滷水豬手杧果糯米飯都美味得不可錯過P.S. 實在太美味，一上枱已極速清碟沒拍到美食照大家就親身去感受一下吧！

今日陪朋友去筲箕灣處理一啲事情，之後去左筲箕灣東大街搵嘢食。由於我哋5:30pm就去搵嘢食,有好多餐廳仲未開門，於是我哋搵咗一間泰國餐廳。我哋叫咗無骨豬手，泰式炒金邊粉，大蝦冬陰公，炸蝦餅。無骨豬手鹵得好入味，而且好淋；泰式炒金邊粉酸酸地，幾開胃；冬陰公同平時飲嘅有少少唔同，好杰身，好濃，隻蝦都幾新鮮彈牙，不過飲到尾有好多辣椒籽；炸蝦餅同平時都係有少少唔同，平時食嘅會比較扁身，哩個比較厚身，但味道差不多。兩個人最後都食唔晒，需要打包。

之前已經聽聞佢重開，但一直就唔到時間去。相隔五六年，終於找回它的味道。我的娘家在藍田，由2座街市檔到啟田地舖，它一直陪著我成長。過往，每星期終會最少食兩次。直至6年前珍味盞結業，當時墟冚的情況歷歷在目。可能是緣份，數月前它們竟在筲箕灣東大街重開，就在我老爺家附近，我知道後開心到彈起，但又有啲懷疑究竟係咪舊班底，食物質素如何。。。今日，趁幫老公拎藥俾奶奶後，攝左時間黎呢到。舖位坐落在東大街尾位置，行到門口，看見門口貼著的食物照就認得是它了。下午3點多，客人數目不多，只有三四枱。過黎落單的員工問我是否藍田客?她竟然認得我，之後仲見到其他舊員工，大家都話認得我，很親切呢。今日得自己一個人，叫唔到太多野食，淨係叫左我嘅favourite 鴨太。原本諗住食咸肉鴨太，但原來果時係下午茶時間，鴨太有優惠，我呢啲師奶，梗係唔蝕底。鴨粉附送幾舊豬紅，久違了的豬血依然出色，入味嫰滑，一個字"正"。鴨嘅水準依然保持，35蚊一個餐連埋野飲，咁嘅食物質素邊度搵。講開又講，佢而家嘅湯底，比以前仲做得出色。太子女介紹左兩味signature food,海南雞同豬手。又真係見到好多人都食呢兩樣，又買外賣，下次堅要試下

今晚同老公又去東大街覓食，突然好想食泰國菜，又冇食過呢間，所以二話不說就去拎位😬晚飯時間，餐廳已經坐滿人，大概有9成滿。餐廳乾淨企理，估唔到店內都幾大，分上下樓層。因為樓下已經滿坐，所以我們坐樓上，上層以大枱為主，比較嘈。食物都有唔少選擇，我地叫左「泰式肉碎生菜包」$65，「泰式鮮蝦炒金邊粉」$68，「泰式香芒糯米飯」$52，「鹹檸雪碧」$25肉碎生菜包不太辣，很適合我們口味！芒果糯米飯，芒果份量不少，暖暖既糯米飯淋上滿滿既椰漿，好味！

爸媽試完海南雞飯午餐後覺得不錯，所以晚上再同我一齊嚟晚餐。毫無懸念就叫了無骨豬手，芭提雅燒雞，我至愛嘅蝦餅，飛天通菜💓 豬手邪惡但確係必食之選，油而不膩，配上酸菜更正，淡化了油膩感更滋味😋 建議可以比多啲酸菜，因為豬手未食曬酸菜就食曬喇，想再加啲要收$20就貴咗啲喇👉🏻👈🏻 食豬手點可以無飯配呢？所以叫咗個油飯， 微香唔油，送豬手一流🤭 芭提雅燒雞用咗特別嘅香料醃製，味道唔錯，但要等30-45分鐘就有啲奈，雞脾ok但雞胸就燒得有啲乾😐 通菜喜出望外的帶辣味，啱曬我口味！🌶 食飽飽再加埋芒果糯米飯，芒果夠香甜，糯米飯嘅椰汁帶微咸，夠地道，唔錯👍🏻😋 美中不足係我地張枱好近廚房，比較熱，而且椅子較細，又無地方擺手袋，手袋放椅子就無咗半張椅坐.... 坐得較辛苦😥

史上最好的泰國食物。 我曾多次到過泰國，並在香港嚐過很多高檔餐廳，我會說我很難取悅並留下深刻印象。 但這家family經營泰國美食的餐廳給了我一次美妙的體驗。 它毫不誇張地說它是鎮上最好的泰國食物，比傳統上以泰國食物聞名的九龍城更好。咖哩蟹完全打動你的腦子，甚至連它附帶的大蒜麵包都很脆。豬肘，它的口味，當你的奶奶為你做飯時你可以擁有。和他們的招牌菜芒果糯米飯。 芒果本身非常甜，它不需要椰子汁來增甜它。我喜歡這家餐廳，因為它會照顧到每一個細節。 他們不只是有幾個招牌菜，欺騙你到這個地方。 每道菜都是心機，甚至是蔬菜，都能讓它脫穎而出。這個地方絕對是一個隱藏的寶石，雖然它有點遠，但是完全可以坐taxi來這裡。 由於你在這裡比在CWB / TST中dinner 肯定節省了幾塊錢。工作人員很好，這個地方乾淨而寬敞。 因為我和我1歲的孩子dinner，一直關注餐廳的環境，但這個地方非常舒適，對嬰兒很友好。 難怪這個地方總是滿滿的。Best Thai food in town. I have been to Thailand many times, and tried a lot fancy re