City Art Steak．Grill (Closed)

同藝術家慶祝當然要揾間有藝術感既餐廳, 最後選擇左City Art Restaurant ,起碼餐廳名同Art有關呀, 唔會俾友人話無心思啦,相信餐廳唔多唔少都有點Art元素滿足到友人掛,結果真係無失望。入坐後就發現友人其中一位好鍾意的藝術家Piet Mondrian的作品,畫中雖然只有不同的線條,顏色也不太豐富,友人表示是去描寫秩序，其實那些大小不一的方格是源自樹木的形態、不同顏色及長短線條創造出和諧及韻律,睇多幾眼又真係好有美感。不過藝術呢家野我又識咩呀!選擇左5道菜色的晚餐。上菜時才發現藝術品不只在牆上還有在枱上。1.薄切意大利西西里紅蝦本木瓜沙律配香檳啫喱, 上菜時已經好有驚喜,像前往欣賞冰雕藝術一樣。紅蝦的味道鮮甜配上香檳啫喱,口感不錯, 而且清新開胃。Tahuna Sauvignon Blanc 2014,Marborough$75 /Glass,味道容易入口,而且比較fruity,夏日之選。麵包熱辣辣,而且香香甜甜,仲十分柔軟,而且每款包都有點微甜,正中本人口味。法式火焰海龍王忌廉湯海鮮分量十足,而且有個湯仲有廚師即場烹調,龍蝦湯十分濃郁,都食到帶子既清甜,隻蝦勁爽口彈牙

在城市中生活的香港人，大都過著重覆而刻板的生活，在壓力中渡過每一天。而生活的藝術，或許就是在乏味的時光之中，找到令自己喜歡或心跳的元素。那怕，就只是一頓慰藉心靈的晚飯？我們有時候，愛窩在家裡玩煮飯仔，味道未必最好，但肯定最幸福。有時候，工作得累了，就想走進環境舒適的餐廳，吃一頓豐富晚宴。沙田帝都酒店的 City Art Restaurant 是我們最近嚐過的，不錯的一間西餐廳。　City Art 的門面，玩光影藝術效果，一串串光管和燈飾，似乎象徵城市的摩登現代化。走到入面，卻是另一番景象。一個個像是獨立間的寬闊卡座，加上幽暗的燈光，有氣氛，有情調，也有私癮空間。這晚，我們便坐在這兒。　這間西餐廳，平日供應半自助西餐為主，但亦有供應 Fine Dining Menu。今晚的 5-Course 餐單，包括頭盤、湯、主食、主菜、甜品，配咖啡或茶兩杯。紅酒是另外點的，Tahuna Pinot Noir Hawke's Bay, 2014，十分順喉，不俗的餐前酒。　麵包籃有四份微溫的麵包，並無突出之處。若跟之後我們吃到的菜色比較，算是比較失色，可以改進。　頭盤一上桌，便令人驚喜。因為這道冷盤，是

這晚跟友人飯聚，選址屬意在沙田區，若說要在沙田找—間高質素餐廳的選擇不太多，最終我們選了位於帝都酒店的City Art Restaurant。晚上19:30，一行四人來到餐廳，入門口先經過自助頭盤及甜品區，來到長走廊兩旁的用餐區域。用餐區一邊是整列的四人沙發座，而另一邊則是二至四人的table 檯；空間感十足，不會感到擠迫。我們被安排在餐廳最入面的六人沙發卡座，卡座私隱度甚高，加上座位非常舒適，配合餐廳柔和的燈光，營造出一個絕佳的用餐氣氛環境。入座後，侍應先詢問我們要有氣或是無氣的水。晚市除了有European All-You-Can-Eat Dinner歐陸任點任食套餐 $568外，還有新推出的5 Course Set Dinner五道菜套餐 $658；看過餐牌後，大家都—致認為Set Dinner的菜式頗吸引，於是就決定點來嚐嚐。飲品方面，有各式酒類、汽水、果汁、啤酒等選擇。而我們認為吃西餐要配上餐酒感覺才夠完美，於是選了Wine of the Month來自新西蘭的紅/白餐酒。Tahuna Pinot Noir 2014, Hawke's Bay $75/Glass $350/B

為咗生日大餐，左諗右諗，最終係wishlist搵到依間餐廳。可能因為係閒日，所以餐廳冇乜人，俾咗張好大嘅枱我哋。加＄30就可以要埋頭盤semi buffet，咁當然要食埋佢啦! 佢嘅頭盤semi buffet 吾算好多款，但勝在質素幾好。有四五種火腿，四五種燒瓜，當然仲有煙三文魚。特別要讚一讚個tapas, 個餅同醬都勁好食，豬女食左好多哈哈。狼仔就狂食煙三文魚。最後我哋冇食晒啲麵包，絕對唔係因為佢唔好食，完全係因為太多嘢食。個麵包其實整得幾好，幾鬆軟。同我想像中嘅有啲唔同，並唔係一個creamy嘅湯，咁落去反而有清清地嘅感覺，飲得出青豆味，而且有好多火腿絲，有一種幾新鮮嘅感覺。蝦幾新鮮爽口。兩個主菜都幾好，意粉醬汁調得幾好，鴨亦都整得嫩滑。最令我讚嘆嘅係佢嘅甜品！右上角嘅橙雪吧，超級美味，有香濃嘅橙味，冰凍又香滑！朱古力慕絲配上爆炸糖，感覺潮爆，極有創意。macaron 同芝士蛋糕雖然冇前兩者咁出色，但都絕不令人失望。非常舒服滿足的一餐，多謝狼仔嘅悉心安排！

數年前，曾來過City Art，享用了這任點任吃的自助餐；現在的我，比較懶惰，很少會去沙田一帶了，但原來那天下班來這裡，也只不過45分鐘，其實也不是太遠吧。這次的歐陸任點任吃晚餐的主題是和牛和鵝肝，除了有即煎即吃的鵝肝外，最重要的是那一系列的任點任吃美味吧!價錢方面，星期日至四為$568/位，而五六及公眾假期則是$598，使用恆生信用卡則享有75折的優惠，折後其實每位不用$500，價錢上是吸引的! 如果6點來到，享用2小時便埋單，更享有7折的優惠呢。有任點的主菜，當然也有任吃的頭盤吧。有數款火腿和芝士。鵝肝多士這便是即煎鵝肝的counter，喜歡鵝肝的朋友吃多些吧；鵝肝煎得美味，入口即化，十分美味。另外還有多款沙律。更棒的是這裡有任吃的生蠔，這夜有兩款澳洲蠔和一款美國蠔；平日的我不太喜歡吃美國蠔，因為美國蠔一般都比較肥，個人喜歡吃爽口的蠔，而這夜提供的是Taylor oyster，爽口又鮮甜，充滿海水味，喜歡。除了生蠔外，還有青口、麵包蟹、長腳蟹和蝦；長腳蟹味道十分鮮甜，肉質亦鮮嫩，是必吃的。龍蝦湯吃完凍盤，來一碗熱湯吧，這裡的龍蝦湯很香，味道可不錯喔。以下的食物都是任點任吃的，每款都

不常到沙田，自然也不常到沙田的帝都酒店吃飯，不過近日繼在這酒店內的中餐廳「帝玉庭」出席過友人的婚宴後，還來過這裡享用了一頓挺豐富的龍蝦鵝肝任點任吃半自助晚餐。這個半自助餐的主菜是由客人從餐牌中點選的，每款主菜份量不大，但款式就甚多，足有接近二十款，讓客人可以在試過不同的菜式之後，再加點自己喜歡的菜式。至於自助餐的其他部分，好像凍海鮮、沙律、甜品等，就與平常的自助餐無異，都可以由客人自行前往拿取。這兒的凍海鮮很頗不錯，新鮮即開生蠔足有三款之多，分別是來自澳洲的兩款生蠔 Coffin Bay和 Smoky Bay 與及美國的 Taylor Pacific，三款生蠔的大小、味道和口感各有不同，相信每位顧客總會找到自己喜歡的一款。要讚的是這兒的翡翠螺，全部都十分大隻爽甜，而且隻隻無沙，螺肉上的蓋也全部早經去除，餐廳的細心值得一讚。而除了生蠔和翡翠螺外，這兒其他的凍海鮮就還有長腳蟹爪、青口和凍蝦，都十分新鮮。頭盤小吃中，自己最喜歡的則是一款名叫「香辣帶子韃靼伴意大利青瓜配日式蛋黃醬」的小吃，這以匙羹裝載的迷你小食，味道清新，做得真的不錯。任吃的「鵝肝多士」是這自助餐的回本之選之一，由專人負責即叫

經朋友介紹下，和幾個朋友星期日去左呢間意大利餐廳歎個豐富既lunch buffet.......食過後真係喜出望外! 首先，一行入去，一個好寧靜既環境已令我好舒服😊。。。Like!!主菜menu有4款，我地決定要哂，可以試哂所有：1，藍尾蝦帶子意粉---蝦同帶子都好新鮮，汁好creamy2，咖哩安格斯牛尾---咖哩味濃，牛尾軟硬度適中3，意式豬柳---平時唔特別喜歡食豬既我，呢個最令我喜出望外，肉質好嫩，馬沙拉汁同豬柳好夾4，香燒鯕鰍魚---一向好怕魚腥既我，開頭都唔敢嘗試，但朋友話好好味，咁我又試下，一食，果然無腥味，烹調方式好襯魚肉質感至於頭盤同甜品都係自助，幾多款式，頭盤沙律都有幾款選擇! 甜品我強烈推介法式焦糖燉蛋整體，和幾位朋友都好滿意呢餐豐富既午餐，有機會再食過!

 今晚約左幾個姐妹去食BUFFET，皆因我地幾個都好鍾意食BUFFET。因為咩都有得食，最重要係CITY ART有三款即開生蠔，緊加岩晒鍾意食蠔既我地呀!!!!當晚既Taylor Pacific Osyter又夠肥又夠大隻，簡直食到停唔到呀另外佢係半自助架，海鮮沙律甜品就自助拎，仲有個MENU任點任食。有3款既湯，7 - 8款既意粉及意大利飯，主菜方面都有好多選擇。今次主題係"安格斯牛肉"，MENU都啲野食都圍繞"安格斯牛肉"。其實主菜除左牛之外都有羊鞍、銀鱈魚、鯕鰍魚、芝士焗阿拉斯加蟹腳、鴨腿等等...選擇都好多，所有野都係任點任食。每樣份量少可以ORDER好多次都得。我地食到連甜品都食唔落呀!!!!下次要再黎"蠔"食過先龍蝦濃湯鵝肝意大利飯西冷扒

今日同老爺.奶奶.媽咪同老公一齊去食自助餐興祝生日.我原先都滿懷喜歡去食.但入到見到其實選擇唔多我以為睇餐牌會多啦.點知一望到個餐牌個一刻有無限既失望.因為選擇真係太小我認為不值得再試.但當然啦佢既水果真係好甜.而且生蠔有3種，海鮮都非常新鮮，但如果，偏向鐘意熟食就千其唔好試啦湯有3種選擇，我個人認為味道非常普通肉類就就唔滑唔好食。似食香口膠既感覺。

我一向喜歡食buffet, 因不須頭痛决定什麼菜式, 喜歡食的菜式一定有, 不喜歡的可不選擇, 自由度甚高.這裡是半自助的, 頭盤和甜品可隨意.   沙律吧, 基本上材料是新鮮, 但唯一Rocky菜有些枯黄, 要注意品質.  甜品方面選擇比較多, 味道不會太甜, 適中, 好味.至於主菜我點的是炭燒西冷扒伴洋葱炒薯及燒南瓜配雞油菌青椒粒汁, 牛肉我怕血淋淋, 所以要7成熟, 燒得剛剛好, 不會硬, 肉質佳, 中間少許枌紅色但沒有出血水, 達到我的要求.  配菜方面炒得非常好, 微微的香, 不油不膩.

風和日曬, 去了沙田逛街順道吃午餐, 得知帝都酒店有意式風情半自助餐, 試試吧!坐了梳化位夠寬敞, 聊天可輕鬆自在.  頭盤和甜品是自助的, 主菜有四款任選一款.  首先服務員遞上一籃麵包, 微暖, 質感鬆化.  頭盤自助吧款式不少, 火腿種類都有6,7種, 沙律類有薯仔沙律, 螺絲粉沙律, 吞那魚沙律, 青菜, 番茄 栗米等等.... 還有芝士類.  總体材料新鮮.  湯是西蘭花忌廉湯, 西蘭花味濃, 咸度適中, 不會太膩, 不錯.  主菜選擇了香煎老虎蝦伴松露薯蓉及炒雜菌,  老虎蝦爽脆, 薯蓉香甜, 不足之處是松露的香味感覺不到.  至於甜品種類亦頗多, 格仔餅是自製的, 可自動調較鬆脆度又好玩, 可伴以花生醬, 煉奶, 朱古力醬, 蜜糖...任意配搭, 再加上雪糕配食亦不錯.  另一款甜品我本人非常喜歡, 是特濃朱古力餅, 香濃美味, 相信朱古力用了80%以上的可可.  還有抹荼mousse疍糕, 糕底鬆軟, 抹茶味出眾.  最後當然飲杯香濃咖啡啦, 算不上回甘持久, 尚可.  整体價$$合理, 質素中上.

我和太太慶祝生日打算在這裏吃午餐。怎樣也想不到洒店服務員態度很差。waiter 帶我們坐最窄的二人枱（但到處都是大空桌……弄得我們冇位放東西）……一坐下那個侍應生講了些英文好像問要不要什麼的，完全聽唔到佢講乜，我當然say no la.....之後他就很高傲走開。有點看不起人的感覺… 在食物質素方面，龍蝦湯入面竟然有蝦殼碎；我太太點了個魚，佢話好腥……佢一向很吃得腥，我都知一定好腥，於是試了一囗……真係好腥好難食……算吧！ 結賬又等很久（成15分鐘)，趕住出車因只有2小時free parking....佢地一次替多個客结账，拿着很多单……等一個一個結账，最後才到我們……頂！ 服務差，食物質素差，效率低，仲要趕住走，價錢又唔平...冇下次！

每一次farewell dinner都有著重大的意義，一方面要祝福主角，另一方面又帶著不捨的心情，由於公司在沙田，所以大時大節，生日食飯，farewell dinner 都會選擇在沙田區。今次我們選擇了帝都酒店的City Art Restaurant 為同事送行，晚上6時至10時，四小時任點任食，每位要$558+10% 算是中高價位。6時15分，我們一行四人就到達餐廳，被安排了餐廳較入的位置，餐廳環境及格調都十分舒適寧靜，一開始我們便向海鮮冷盤進發，三款即開生蠔，每人每次可以拿3隻，個人比較鍾情澳洲既Coffin Bay, 海水味濃、蠔肉鮮甜。除了Coffin Bay還有USA Taylor Pacific 及 AUS Tasmania Oyster 源源不絕供應，當然更少不了長腳蟹、青口、螺及蝦讓我們食個夠。沙律, ham 及芝士的種類都很多，前奏已如此豐富，難以想像進入正餐會有多豐富，必定令人滿足而回呢!單面的一張餐牌，可以任點任食，當中有前菜、湯、飯麵、主菜、扒類及伴菜，任點任食的菜色份量小，所以每款都可以點來品嚐一下。前菜點了墨西哥辣椒凱撒沙律伴香脆鮮蠔卷及波士頓龍蝦伴木瓜沙律

「聚散分離，原是永恆」，有朋友為著身體健康問題，急流勇退，就趁還有幾天上班的日子，跟她吃吃飯、聊聊天。沙田帝都地點可說就腳，上次自助餐宴留下良好印象，今次就由朋友決定，去位於二樓的City Art。其實City Art以semi-buffet為主，但很奇怪，用餐時段分為6:00pm至8:00pm / 8:30pm至10:30pm，客人認為時間不足，大可加多$200，就可以由6:00pm用餐至10:30pm。餐廳內桌位不多，由二人情侶組合到八人檯都有提供，環境簡潔，雖然是自助餐格局，但卻分割成獨立的空間，而客人大多自覺地壓低聲浪，就連服務員都是充滿笑容。先說說buffet區，最誘人的莫過於即開任食生蠔，餐廳共提供三款不同品種。先取來在香港甚受歡迎又廣為人熟悉的澳洲Coffin Bay，蠔味比起美國蠔當然濃郁得多，裙邊爽口，只可惜明天上早班，否則早已來一杯香檳配襯。再來同是澳洲的Tasmania Oyster，層次會較分明，特意叫開蠔師傅無須沖水，連著海水的鮮味一併入口，先咸後甜的味道，肉質清爽，三款中最吸引。第三款是來自美國西北岸的Taylor Oyster，有別於以往對美國蠔大而無當、

中午同個老同事farewell，食間好d既，呢間餐廳Semi lunch $188另加一， 我地夾份請埋個同事就$260落樓Semi lunch 包一個main course，而salad bar 同甜品區就任拎，另外湯就只有蘑菇湯供自取 (如果有埋菜湯/紅湯更佳)。Salad bar 仲有一d冷盤小食，有Parma Ham同煙三文魚等等，仲有蜜瓜同哈密瓜供配搭進食，Parma Ham偏咸水果清甜，total食左3 roundmain course揀左帶子番茄天使麵，帶子新鮮，番茄味濃郁，配合幼細既天使麵味道更顯突出甜品方面，Cut cake 都有5-6款供選擇，但去到尾聲 其實都食唔落d cake (因為仲要食Häagen-Dazs 雪糕)Häagen-Dazs 雪糕 4款口味任食 (朱古力/綠茶/士多啤梨/芒果)，配埋窩夫黎食效果仲正(雪糕既凍同甜配窩夫既熱同淡) 中和起口感好match不過雪糕櫃似乎唔夠雪，所以d雪糕比較快溶整體黎講滿意，尤其係個環境，不過lunch黎講就高消費左d，考慮下次同老公黎食