快船廊

Open Now

Now Closed

最近新年想寫返舊年食過嘅新年自助餐🧧文華東方一向都係Old Money嘅象徵💰由細個開始嚟食飯就覺得係一種Classy優雅既高級感🪞 自助餐雖然價錢唔平但好有穩定既水準❤️ 抱持期望黎食今次係旅遊網站買到買二送二既套票就非常失望💔 非常食得出係將貨就價質素大大打了五折都比多🌚而且做兩輪嘅關係職員忙到踢晒腳🫠完全欠缺文華東方Signature 既服務質素☹️ 坦白說不介意比貴D但需要保持質素🥹海鮮方面亮點主要由龍蝦同埋蟹但係雪藏感比較較重欠缺鮮味🦞 即切嘅牛肉Station都係比較韌烤得有點過火🥩 熱盤可能因為新年嘅關係以中式菜式為主🧧口味同一般酒樓差唔多 最令人失望嘅係甜品區🍬除咗招牌文華Cheesecake保持水準意外🧀之前唔少嘅原個蛋糕變咗做一件一件嘅甜點🍫味道單調欠層次

一個很不愉快的經歷😫朋友為我慶祝生日，預早訂咗文華酒店快船廊。扣分 1😣因酒店buffet分開兩個時段，6:00-8:00及8:30-10:30，因等齊人放工，所以訂了8:30那場，五星級酒店有咁嘅安排也少見🧐我們一行四人也是第一次到文華酒店食buffet,懷着滿心歡喜的心情到達。扣分 2😣安排入座後，感覺座位與座位之間非常密集。坐下發現餐枱上連基本的濕紙巾也沒有預先擺係枱上。要問侍應取才有。 扣分 3😣食物方面刺身堆到一大盤，但感覺好唔衛生，一望就想唔係呀。扣分4😣雪糕都係自助嘅一架雪糕車，有四個筒放住四個畢雪糕嘅雪糕殼，四個筒嘅雪糕水，望落去都幾唔衛生。我和朋友打趣說，會唔會肚痾？朋友回應我，佢先畢之後個雪糕殼給我，叫我再直接畢唔好點嗰啲水，可能減少你杯雪糕嘅細菌。但真估唔到😖扣分5😖食完buffet行去搭車唔夠10分鐘，開始肚痛。好彩MTR有洗手間，好肯定係buffet食物唔乾淨。因本人腸胃比較敏感，所以朋友無事，只有我一個人肚痾。經過今次，我唔敢再去文華酒店食buffet 😫😫😫

今晚嚟到文華東方酒店嘅快船廊食自助晚餐。自助晚餐長兩個小時。食物有各式冷盤、冰凍海鮮、各類熱食、甜品、雪糕等等。冷盤食物都一般般、煙三文魚好鹹。冰凍海鮮有唔少選擇，最吸引同受歡迎當然係龍蝦啦。不過佢哋味道都麻麻。龍蝦啲肉仲有啲啲腍。熱食最受歡迎就係焗蠔，基本上一上菜就會比人擺哂，我都要出咗去幾次先見到有。不過味道都係麻麻哋。但其他熱食更唔好味。各種熱食都好令人失望😞有即煮粉麵區嘅，不過要等廚師得閒返嚟嘅先有得食，員工人手都好不足😅有海南雞等等熱食，海南雞味道都算唔錯嘅扒類有牛同羊。味道都ok嘅，唔算太好味又未至於難食。麵包芝士味道則唔錯👍🏻有四款味道雪糕同兩款雪葩，仲唔同嘅配料。雪糕味道幾好👍🏻，雪葩就太酸啦。配料都好好味😋不過，雪糕同雪葩都要等員工攞。員工人手不足，經常都冇人。甜品區就最令人滿意，有好多款唔同嘅甜品，基本上款款都好好味👍🏻飽咗都覺得好食🥰餐飲方面就每人只有一杯，要同員工落單嘅我要咗熱奶茶，都ok嘅，正正常常咁。餐廳環境裝修就認真麻麻，好似好殘舊咁。員工方面，服務態度都ok嘅，但人手好唔夠。出面要員工幫手先攞得嘅食物，好多時都冇員工，要等員工得閒先。每人一杯嘅餐飲，唔主

每年公司都會搞好多唔同嘅活動，好等唔同部門、唔同分區嘅同事可以聚一聚🍻 呢晚我哋一班大小魔怪襯住新年，又抽到公司嘅special offer 🥳 浩浩蕩蕩咁嚟到「香港文華東方酒店」樓上嘅「#ClipperLounge #快船廊 」一於吃個飽😚裝修過後嘅Clipper Lounge，感覺上classy好多，我哋張餐枱就安排喺seafood buffet bar前邊，琳瑯滿目嘅 #凍海鮮 🐟🦐🦞非常吸睛👀 #龍蝦、#麵包蟹、#鮑魚、#長腳蟹 … 樣樣有齊，不過我就獨愛佢哋啲 #生蠔 🦪 蠔肉雖然係瘦咗啲，但係勝在蠔味夠濃，豪食半打啱啱好😉 講到 #魚生刺身 一樣都唔差，尤其係佢哋嘅 #甜蝦，黏黏甜甜嘅口感，非常有質素😉至於佢哋嘅 #熟食 就唔多吸引，不過嚟得幫襯，梗係要試吓馳名嘅 #海南雞飯，#油飯 非常香口，配埋鮮嫩嘅雞肉，不愧係 #文華東方 嘅 #拿手好菜🤤 #甜品 方面擺盤唔算繽紛，#芝士蛋糕、#朱古力mousse 依然保持到水準… 但係就比我想像中嘅甜品天堂似乎爭咁啲😅 不過最後都要讚一讚佢哋貼心嘅員工服務，單係一個眼神一個轉身，就已經有服務員箭步過嚟幫忙，不愧為香港頂級嘅酒店之一

話說朋友book左食buffet, 上網睇評語都知道賴野，諗住唔緊要啦！應該唔會咁差既😓😓點知真係好差！去到全部我眼見既野係最恐怖又失敗既係，刺生係完全無雪住！垃圾咁放係到等你自己夾！你知唔知生野食物係要有雪櫃係咁意扮下野雪住呀大佬！冷盤係失敗之中既失敗！鮑魚係淋到放入口我即吐返出黎！🤢甜品少款！大部分既野係熟食！本人最欣賞係舊brie! 仲有，得兜生果仲要好似黑衣咁！四方形切哂一粒粒，出水，啲西瓜個表面係爛晒🙄🙄🙄 真心攪唔掂！$1000一位究竟我食左咩野！垃圾既食物！我拎$1000去食煲仔飯無咁嬲！另外，熟食方向，有人招呼你切個塊牛扒係唔錯既！比起出面其他buffet既煎得香口啲既外皮！ 總括：唔好試唔好食唔好黎！可以唔信，反正我都唔會再去！

餐廳經理的態度毫無禮貌， 作為接待客人來說他完全係唔合格！自助餐只包一杯餐飲， 我們完全無預計過，2小時自助餐中期間無任何員工為我們加水，照常理嗌第二杯餐飲亦相當合理，我們先向一位女侍應示意，但當飲品到時， 該位經理欄截並走過來向我家人毫無禮貌地拋下一句「你地每位只包一杯野飲㗎咋」…..當下我和家人都覺得氣氛十分差， 而且佢亦很無禮貌， 作為餐廳經理是否有更好待客之道？ 即使只包一杯餐飲， 其實表達方式是否應更禮貌向客人表達？

星期日夜晚跟同事去食，今期有一人一隻大閘蟹，應該最多四両，正正常常，唔需要為蟹而過嚟。其他食物好普通，啲蠔同呢度見到嘅相差好遠，比OS 10蚊蠔嘅質素更差。三文魚刺身有骨，海南雞嘅肉比較鞋，其他野食都普普通通，中式麵建議唔好㨂粗麵，好重鹼水味。 甜品嚟講比較好食嘅係tiramisu, 雪糕麻麻。冇特別影相因為真係好失望。職員態度麻麻，答你嘅時候唔會點望你，好唔耐煩咁。食到最後半個鐘職員嚟提醒我地，然後問都唔問就收曬食蟹工具同沾醬，就算你仲食緊，仲有隻蟹喺度，都照收，有啲驚訝。呢間嘅質素最多包加一五百蚊。考慮埋附近仲有咁多選擇，真係唔會再嚟食。

係landmark行完街就Google search 下食咩tea好。見到附近MO有個望落去唔錯既下午茶咁岩又3:30就去試下。無訂位，係reception 企左大概2分鐘就有員工招呼，被安排坐係好窄既二人枱，放曬食物同飲品岩岩好夠放。我地仲加左杯Rose champagne。埋單1160.8表示好飽，基本上除左蛋糕都係啲易飽既食物。佢1963文華芝士餅配蜂蜜柚子好好食，一啲都唔漏，仲好香芝士同柚子味，好夾！scones 真係飽到一件都食唔落。最後唔想浪費就外帶左6件野番屋企。茶我揀左taste of legend。感覺到橙皮，同有啲jasmine味，睇番description 係有好多味mix埋一齊，可以一試的。環境方面，食食下有隻蚊飛番黎～同埋好似係普通cafe食野咁，好嘈，就算background 有古典音樂都無心情欣賞。員工反應都好快好helpful，想加水，賣單都好快完成。

提前一個月預定了文華秋季下午茶，剛裝修完重開的，金閃閃的老錢風，簡約不失優雅，低調的奢華，果然是文化出品，必屬精品🤭 🥞scones來文華東方下午茶必食的松餅有傳統和提子味，早就聽說自制的果醬很厲害，玫瑰花果醬真的太香啦！吃完滿嘴芬芳🌹牛油忌廉好絲滑 🌟 sandwiches經典四味三明治拼盤，加冕雞杏仁黃脯葡萄乾🥪濃郁咖喱醬混合葡萄乾，好驚艷！傳統雞蛋沙律車打芝士蛋黃醬加了香草，味蕾徹底被打開。再來一口三文魚酸忌廉檸檬刁草三文治，酸酸的清新口感，太特別！用吞拿魚醬小牛肉酸豆鯷魚火箭三文治結尾。一盤三明治用了幾十種材料！味蕾的盛宴 🌟desserts甜品六選三，選了經典1963文華芝士餅配蜂蜜柚子，綿密的cheese奶香十足用蜂蜜柚子提鮮，香橙朱古力奶油泡芙會爆漿！橙色誘人的酥皮滿滿都是朱古力餡。焦糖咖啡山核桃撻好驚艷，撻底完美融合了山核桃的香味，焦糖咖啡慕斯是點睛之筆，入口就化了！ 🍞bakedQ彈的表皮，咬開被馥郁的香草rum酒味包裹住，綿密厚實的口感很有嚼勁😍 栗子瑪德琳蛋糕鬆軟可口，濃濃的栗子味。朗姆酒香草雲可麗露太美妙了！ 🫖可選單雙人套餐，配一壺香茶/咖啡，在這裡感覺時間都

大家食自助餐，不單要食物種類夠多，而且要有保夠回本位，最好係遍地開花樣樣齊。文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。即開法國生蠔雖然不是當面開，但吃得出的新鮮肥美，蠔味重之餘，更喜歡邊位的爽口。城中自助餐往往是有生蠔就無龍蝦，想不到快船廊可以把兩者並存，厲害。龍蝦是揀手貨，好多都有膏，當然係任食啦！除了上述兩款回本海鮮，更有好受歡迎的鮑魚，當然又係free flow。其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。刺身有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。壽司有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。燒味即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。湯麵吧今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。Carving Station文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正

啲嘢食都等咗20分鐘先上，好彩有啲餐包頂住先係自家製嘅法式包🥖外脆內軟，配上香草醬好清新好味▫️ 公司三文治 ($318)賣相幾靚，可以揀白包或者麥包，麵包可以烘得燶啲餡料充足，有好多蕃茄🤣每樣餡料都切到有一定嘅厚度，個人覺得芝士太厚又唔融冇咁好食薯條新鮮炸 夠脆好食🤤▫️ 文華素食漢堡 ($278)用咗新豬肉漢堡扒 煎到外脆內軟 唔會好乾好食👍🏻 可以揀配薯條或者雜菜沙律🥗 沙律菜同埋車厘茄都好新鮮▫️ 文華經典漢堡 ($338)牛肉漢堡扒腍 外脆內軟 保留住肉汁+$18 可以加隻煎蛋 無可挑剔嘅流心蛋黃🍳 ▫️ 星加坡海鮮喇沙 ($318)湯底香濃椰奶味重 可以再辣啲份量大 配料足，有新鮮蝦仁、青口、手打魚蛋丸、豆卜，配米粉，收得咁嘅價錢都有返啲質素嘅整體食物質素唔錯 對應返個價錢😌 想食個奢侈啲嘅午餐可以考慮嚟呢度 ✨ 但係要預坐得耐啲，因為上菜速度比較慢😅—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: maybe💳 𝗉𝗋𝗂𝖼𝖾 $300-400 𝗉𝗉 🌟 𝗈𝗏𝖾𝗋𝖺𝗅𝗅 7/10📍 Clipper Lounge 快船廊中環干諾道中5號香港文華東方酒店閣樓

大閘蟹：冇香味，醋太甜唔酸嘅！又冇薑，生蠔：唔新鮮又瘦魚生只有四款燒牛肉：無特別海鮮：冷盤，烚熟咗嘅海鮮囉海南雞飯幾好食嘅小籠包：皮厚無食其他熱食Tiramisu 唔係果回事！點解呀。。。。酒店水準？？雪糕：綠茶雪糕唔係creamy 有冰碎要叫啲待應才收嘢。我哋四個人叫咗兩支酒。7:30待應已經提示8:00還枱。未夠八點已經叫埋單。8:00走埋嚟叫還枱，但係仲未飲完杯酒，侍應話俾我5分鐘飲晒佢。結果連杯餐茶都未飲完就要走。好趕客！

被網上食評誤導, 一行5人去食dinner buffet 慶祝生日. 首先食物選擇少，質素與服務非常一般。食不到一半就叫你點餐茶，我哋回應遲一陣先，佢表現錯愕好似阻住佢嘅schedule咁。酒店complimentary 嘅生日蛋糕就咁劈低俾比我生日嘅朋友，跟住就行開！…有一種快啲食完好走的感覺。 整個體驗性價比差，唔會再去。

終於嚟到文華Clipper Lounge食期待已久的Afternoon Tea🍂Menu可以認真用心睇睇介紹咗個Afternoon Tea小歷史話明食Tea 先介紹左Signature House BlendTaste of Legend 文華東方傳奇茶又烏龍、又茉莉、橙皮、雲呢拿咁其實係真係幾香 同 好飲💕但真心 茶唔夠熱 （水唔夠滾）呢個真係少少敗筆 浪費左個茶香下午茶係主角啦打卡able , 又食得夠哂豐富真心 文華東方酒店的甜品係唔會令人失望 係香港🇭🇰酒店界甜品中最好食的以下 甜品 衷心覺得好食1. pecan tart, caramel, coffee焦糖咖啡山核桃撻2.chocolate entremets, coffee, sable法式深咖啡朱古力餅另外，鹹點都 大推薦🩷🩷🩷真心again 全部三文治🥪 都好好食大癲！ 係食完都想再食一碟！ 1. coronation chicken, almond, apricot, raisins加冕雞杏仁黃脯葡萄乾三文治2. egg salad, cheddar cheese, mayonnaise, herbs雞蛋沙律車打芝士

我半百歲人，慶祝結婚周年紀念，於文華12/9/2024快船廊第一次自助晚餐（亦是最後一次），未食過一間食物質素味道咁差，種類又少，嘅自助餐。概括講整體過程感覺，一開始攞凍海鮮，蠔🦪身屬中型，蠔肉好似蠔仔咁細但係勁瘦勁削（蠔仔餅啲蠔飽滿好多）。長腳蟹屬於細身形味道太鹹，肉鬆散又黐殼，無一可取。麵包蟹、鮑魚、翡翠螺正常👍🏼，龍蝦我冇攞，但見到凍櫃大量放喺度冇人攞，可推測知質素如何😪。跟住取其他食物繼續試，攞咗碗蟹肉羹，嘩！一股死鹹味（剩係得個鹹味冇其他食物嘅味道）繼續衝擊我嘅口腔，擺低。沙律、煙三文魚、各類火腿屬正常。甜品要讚，👍🏼尤其芝士cake又滑又cream ＆雪糕雪葩😋。熱食炒粉麵飯我冇試，小弟個肚quota唔多，揀咗小籠包食咗7粒，算是入得口好吃（通常自助餐蒸籠食物除咗頭一轉之後隨着時間越耐就越乾，過火唔好食）。總之一句今期文華快船廊垃圾，究竟好食嘅文華去咗邊？😪定抑或係傳說？🧐