拾壹麵 (Closed)

朋友知我鍾意食車仔麵同飲湯，於是帶我黎呢度食靚湯車仔麵。呢度嘅招牌係冇味精既湯底，用干貝，紅棗，新鮮豬骨，農場雞，炒香既海車胡椒，老薑煮成，聽落都唔錯～我同朋友分別揀左韓國粗粉絲同新竹米粉，索左湯底一定好正～果然飲落似老火燉湯多d！好鮮甜～鹵水豬大腸+$3、韓式牛肉、泡菜台灣紅燒牛肉+ $10 韓國粗粉絲 三餸$51牛肉片好鮮嫩，原來係新鮮牛肉整架！豬大腸鹵得好入味，紅燒牛肉好淋台灣香腸、鹵水五花肉、古早回味豬手+$8生菜+$5滑牛+$5 新竹幼米粉 四餸$56台灣香腸好大條，好脆皮～五花肉同豬手都好淋，豬手充滿膠質我地食得慢，店員仲好細心幫我地加湯～小食選擇都好多鹵水雞中翼 3隻$20睇隻色就知道鹵到入晒味！秘製口水雞$27啖啖肉呀陳醋木耳$15夠晒酸，好開胃蔥油小圓餅（5件）$18爆汁，必食推介酥炸墨魚丸$25即炸熱辣辣，仲有粒粒墨魚自家製山楂洛神花茶$12自家製無花果雪梨茶$15唔太甜，好天然～三種自家製辣椒醬任揀～

台灣車仔麵真係未食過，咁特別嘅，仲用冇味精湯底，愛健康的我就被吸引了。感覺乾淨清新。多種辣醬選擇。自家製無花果雪梨茶 ($15)推介，真心覺得好飲，雪梨味濃郁，個人覺得熱飲味道更濃！豬潤+滷水五花肉+新竹幼米粉 ($38雙拼)，滷肉色澤美麗，很嫩，豬潤處理得幾好，爽口無異味，大細切得剛好。欣賞佢湯底無味精，可以當湯飲。秘製口水雞 ($27)肉質嫩滑，不會很辣。葱油小圓餅($18 /5個)，小小的很的式，餅皮軟熟有嚼勁，葱餡可以再full 少少，不過都唔錯。古早回味豬手 (+$3)+滷水雞中翼+新竹幼米粉($38雙拼)，豬手夠稔身又多膠質，雞翼嫩滑入味，仲送棵唐生菜。有好多種麵選擇，都係覺得新竹米粉好食d，超大份，一定會吃飽！酥炸墨魚丸 ($25)幾香口，口感很Q，味道不錯。香燒台灣香腸 ($20)帶甜味，有嚼勁，是正宗台灣腸口味！滷蛋 ($6)可以再入味些。菜心 ($11)抵食又新鮮。

台灣米線(豬潤,鹵水豬大腸,古早回味豬手)今次我食既係台灣米線, 唔食都唔知原來米線都有唔同產地可以選, 因為我喜歡食淋一點既米線, 呢度係可以咁樣特別要求的!! 要讚一讚 三樣餸來說都好高質, 鹵味既食材真係呢間店既皇牌, 豬手亦都係, 骨唔算難食, 而且肉很多!! 呢隻豬手既味道同口感我都好鐘意 蔥油小圓餅(5件)呢個係蔥油餅既迷你版, 更加可以方便食用, 一口一件咁, 外面好香脆, 而入面既材料好足下, 不用點醬都已經好夠味!! 自家製山楂洛神花茶超健康飲料, 聽店員講係每日都廚師製作, 用既料又多又足, 的確係好健康, 山楂味好濃, 飲完之後覺得好清新 

韓式煎餃子幾個人來吃車仔麵, 都點了一些小吃, 這個煎餃子真的很不錯, 由於小店即叫即煎的關係, 我們都等了10分鐘才上到台面, 看著餃子外面都煎到金黃色, 入面竟然能保持住鮮嫩多汁!! 真的令人很surprise 鹵水雞中翼深黑色的雞翼便知道這鹵了應該很長的時間, 鹵水味很清新, 但又不會太濃味 上海麵(豬潤,鹵水豬大腸,墨魚丸)我叫的是上海麵, 食材的選擇很多, 麵種也有5 6個選項 我高度推薦的是豬潤, 煮的時間剛剛好, 不會太乾太老, 起沙的口感很好吃不得不讚的是個湯底好好味, 完全係0味精既感覺, 有點似喝湯一樣

已有兩三年沒有post過，今日碰到一間平民麵館，卻有著非平民的麵食享受，已經很久沒有這種激動了，不得不post。這麵館主打平民麵食，沒有耀目的門面，取悅我的卻是對食物的執著及堅持。主打麵食，雖然粉麵總離不開烏冬、米粉、拉麵、米線等大類，但此店麵的種類有十一款之多：讚崎烏冬、幼滑烏冬、出前一丁、江門米粉、爽滑米線、上海麵、日本拉麵、新竹幼米粉、台灣米線、韓國粗粉絲、蝦籽粗麵。我試的是蝦籽粗麵，選了二餸，豬潤及鹵水五花肉，兩餸是$38，加$6可併自家製飲品，我今次選了熱無花果雪梨茶。此店的湯底來頭不少，每日由專人到市場親自揀選上佳之豬骨，再以農場老雞配上海南胡椒、干貝、紅棗及老薑，再熬六小時才完成，強調絕不加入味精。品嚐後其豬潤果然爽滑非常，蝦籽粗麵無論香味及質靭俱佳，湯底果然發現幾粒小干貝，湯內不同材料味道豐富，卻不會太濃，亦沒有油份，用上雞湯溫補、大棗則養血，薑棗併用則可行氣疏風，氣血兼顧。這湯底很好，全碗一滴不漏。平民之麵館，收平民之價錢，卻有宮廷麵食之質素。

今日好忙，朝早開始，就要呢度去、果度去，今朝食咗早餐之後就冇再食嘢，所以去到四五點，已經超級肚餓，要搵嘢食了，喺佐敦經過呢間拾壹麵，美少女姐姐喺門口同我介紹，話呢度出名零味精自湯底，好味又健康，就係咁我就俾佢說服左入去啦店內雖小，但店主都有用心裝飾，環境非常乾淨企理，仲有好多小擺設，感覺十分家庭式話明自家製湯底，所以湯底只有一款，但如果你鍾意食辣嘅，呢度都可以滿足你，因為佢淨係辣醬，都有三款俾你揀呢度幾抵食喎，兩餸麵都係講緊＄38，仲有好多小食，我就揀咗個泡椒鳳爪，呢個係香港比較少有機會食到，呢度做得好喎，有泡椒香，初頭食落只有微辣，但會愈食愈辣，非常過癮差啲唔記得左講，黎呢度食嘢，每人都會有一小碟乾辣椒花生，但服務員強調是不辣的，我食完覺得好得意，花生芝麻同辣椒都烘得好乾身，辣椒真係唔辣，咸咸香香好好味，我真係差啲就問有無得買返屋企食我實在太肚餓了，揀左個三餸麵，古早回味豬手、鮮滑牛肉同埋台式香腸，配韓國粉絲重要嘅真係要講多次，呢度真係好扺食，豬手只須加$3,但就有兩大嚿，而且嫩滑入味，好掂，而牛肉都要讚下，因為佢真係非常爽口彈牙，有牛肉味，湯底真係無味精，飲完唔頸渴，配粉絲好好味望

佐敦食肆林立, 最近留意到呢間係吳松街幾光鮮既麵鋪, 入去試試。有別於平時車仔麵通常裝修擺設都唔會點花心思, 呢到一入去明顯格外乾淨企理, 牆身以偽白磚牆身配以非常光猛既燈光, 令人入去都精神為之一震呢! 一洗車仔麵檔污糟難耐感覺。滷水雞翼 $28雞翼雖然唔係我愛但朋友想點, 所以揀左3隻, 雞翼非常上色, 一睇就知係炆左好耐, 一咬即開既肉, 滷水味道濃郁, 如果加添少少滷水既甜就更有層次~滷水蛋 $6隻相比起滷水雞翼, 滷水蛋更是我杯茶, 大大隻, 表面上色內裏都算入味。雙餸車仔麵 配新竹米粉我既首選一定豬潤!! 要食到好食既豬潤確係唔易, 另外係台灣紅燒牛肉同鮮牛肉兩者揀左後者。麵類選擇甚多, 常見既烏冬、上海麵都有, 台灣麵、新竹米粉同江門米粉等比較細分既麵類都有, 我就揀左新竹米粉!豬潤大約七片, 幾厚切, 口感頗為爽彈亦夠滑身, 牛肉片應該醃得幾長時間, 所以非常爽口, 餸份量算多, 而麵量更多, 一定夠飽, 而湯無需要選擇因為係餐廳自己以乾貝、豬骨連肉等材料煲製多小時, 唔加味精令湯底清淡, 個人會偏好濃味少少既湯。另一碗同樣點左豬潤, 仲有香菇肉燥同埋加錢要左豬手, 麵

今次黎到係油麻地同佐敦之間既拾壹麵小店。 店鋪設計風格簡約，原來係前酒店總廚開既小店。拾壹麵主打冇味精既湯底，所以黎到一定要試下！店舖除咗麵食之外，仲有一系列既小食可以比我地揀。因為實在太肚餓既關係，我地叫咗好多小食。台式腸黎到既時候仲係熱辣辣，食落去都唔錯，同一般既台式腸分別唔大。另外仲有韓式煎餃子，將餃子點落去師父既韓式酸辣醬上面，中意食辣既朋友一定要試！個人十分喜歡下面呢個滷水豆腐，比外面既滷水豆腐更有滷水味，可能師傳將豆腐浸落滷水汁一般時間。之後就係煎雞翼同韓式炸雞，同樣都係即叫即整，師父效率十分高！好食我同朋友分別叫咗碗豬腸雞翼紅燒牛肉烏冬同埋牛肉豬潤墨丸烏冬。佢地用既係稻庭烏冬。碗麵一黎到，我同朋友都不約而同咁飲啖湯先。果然，碗湯好清甜同可以好肯定一定冇味精！我地認為最好味既係牛肉同豬潤，牛肉同豬潤都好淋，好有鮮味，值得一試。哈哈，最後我飲哂d湯

一間良心小店, 真心要給小店一個讚! 小店的食物分量好足. 麵和配料的製作一點也不馬虎, 看得出小店經營的用心。 湯底都是新鮮調製, 但價錢非常經濟。陳醋木耳上有芝麻醬，很香。蔥油小圓餅裡面是豬肉餡料。我的豬潤麵的豬潤份量多, 每一塊豬潤都大大件, 厚身兼爽滑。咬落有彈牙的口感, 幾juicy, 一點也不乾身。另一重點是完全沒有豬潤的腥味。我選擇了蝦子粗麵做麵底。麵的湯底以豬骨、干貝、紅棗、老薑等熬製6小時而成, 完全沒有加入味精。食麵的同時還可以喝點湯, 湯底味道夠濃、幾鮮甜, 帶點薑味, 飲完湯都不覺得口渴。另外, 個人亦推介它們的自家製山楂洛神花茶, 酸酸地, 幾開胃。

最近看雜誌介紹拾壹麵用上無味精既湯底，用上干貝，紅棗，新鮮豬骨，農場雞，炒香既海車胡椒，老薑煮成，我咁鐘意食麵，當然要試下。好似車仔麵自選配料，有港式及台式風味泡椒鳳爪 $18辣中帶麻的口感幾惹味我點了3餸，有鹵水豬大腸、古早回味豬手、台式香菇肉燥，配江門米粉豬大腸入味、豬手爽口，鹵水味濃郁而朋友也是點豬手、金牌爽口的豬潤，再配幼身的新竹米粉。鹵水雞翼$20/3隻較為重口味，微甜似瑞士雞翼鹵水豆腐 $12豆腐質應好滑，但不算太入味。

這間位於吳松街的拾壹麵，同事食完回來讚不絕口，話底食又好味，今晚專程約埋老公來試試！麵店地方不大，但整體雅潔。即叫即做，湯底不用味精是店家的承諾。金牌豬潤拼鹵水雞中翼新竹幼米粉：名符其實的金牌豬潤，超爽脆，雞翼入味，新竹幼米粉爽口，湯底不加味精，仍然清甜可口，因為店家用新鮮上好豬骨、農場老雞、海南胡椒、干貝、紅棗、老薑熬制六小時而成，真材實料，入口便知。我連湯也飲埋。金牌豬潤拼鹵水五花肉上海麵：同樣是沒加味精的湯底，因為有豬潤，所以清甜的湯底亦帶點豬潤香味，鹵水五花肉入味夠林，不會太肥，上海麵滑溜。秘製口水雞：睇落好似好辣，其實食落係可以接受的辣，麻味比較濃，雞肉亦好嫩滑，不錯！韓式辣雞塊：雞肉炸得外脆內嫩。啖啖肉又冇骨，加些韓式辣椒醬，少少辣，令人食不停口。韓式煎餃子：外層煎得好香脆，韓式餃子餡料以蔬菜類為主，好健康，點些餃子醋令味道提升。鹵水豆腐：豆腐表面炸過再鹵水，鹵水汁香濃，豆腐嫩滑又夠味！鹽酥雞中翼：皮香脆，肉嫩有汁，灑上少許鹽，十分惹味！香燒台灣香腸：皮脆肉鮮甜，燒過特別香口。樽裝汽水:忌廉、雪碧

行過見到有新 o既車仔麵餐廳門口 D 報導介紹到好正o甘, 價錢又幾抵~加上阿姐又好熱情叫我o地入去試下話好好味 就一於入去試下 la!雖然依度係食車仔麵, 不過入面好企理 ar除 o左吧枱仲有四人枱坐自家製山楂洛神花茶同無花果雪梨茶係冇防腐劑ga飲落好清甜解渴 先 o黎 o左 D 小食, 係圓碌碌 o既香燒台灣香腸阿姐仲提我 o地小心太熱會燙嘴, 好細心呢韓式煎餃子用鐵鍋上好過癮~煎到脆卜卜好好食 鹵水豆腐都好滑好惹味阿!車仔麵 o黎 la叫 o左金牌豬潤, 鹵水豬大腸同韓式牛肉泡菜配烏冬金版豬潤真係名不虛傳!!!食得岀好新鮮爽口, 食落好鮮甜!超正 ar! 呢個必嗌!!!另一個麵叫 o左鹵水雞翼加鮮滑牛肉配米粉牛肉煮得 o岩 o岩好, 好嫩~個湯好足料, 熬成 6 個鐘 ga 夠晒濃郁入味而且標榜冇味精, 飲晒碗湯都冇有怕!連醬都係自家製! 不過我就鍾意原味原汁, 碗車仔麵真係好好食 ar牛肉同豬潤都唔會放過夜係好有 heart o既餐廳!!! 最後嗌多碟菜, 健康之選

咁岩行開佐敦，見到呢間話有十一款麵既車仔麵就入左去喇🍜除左車仔麵，還有有好多小食可以叫的！《自家制無花果雪梨茶》$15不太能喝出無花果的味，可能是雪梨味太甜蓋過了🍐😆《陳醋木耳》$15很少吃到陳醋木耳，一般都是麻煩，想不到酸酸辣辣更好吃，十分開胃，木耳夠爽👍《香燒台灣香腸》$20這個十分推薦！！比平常食到的台灣腸大了一倍左右，皮脆，肉不會硬，還是濕潤的可能是在香港最好吃的台灣腸😎朋友叫了滷水雞奕、台灣紅燒肉新竹米粉《滷水雞奕》只有一隻，不過非常大隻，但略嫌不夠入味《台灣紅燒牛肉》是用上腩位，炆得入味又淋👍👍好正不過新竹米粉就正常，跟一般米粉差不多啦而我就叫了滷水豬大腸、滷水五花肉、煎蛋台灣米線本來以為跟一般米線一樣，但這個台灣米線比一般米線好吃多了！比一般米線更幼，但口感更好《滷水豬大腸》特別想講，因為真的入味，更重要的是很乾淨呀《蔥油小圓餅》$18推薦！！咬的時候要小心爆汁😋😋菜也很想推薦一下😛真的很新鮮，爽脆的👍

不知從什麼時候開始吃車仔麵變成打卡的佬味象徵據聞新開的拾壹麵店主是會所總廚 雖說是車仔麵舖但店內環境乾淨兩碗雙餸麵有推介的豬潤豬大腸滑牛肉紅燒牛肉麵則是不太常見的蝦子粗麵無味精湯底是店家賣點嚐幾口稍微偏淡的口味的確是零味精整體以雞肉豬肉和紅棗熬成的清甜味為主沒有誇張的藥材味和油膩感吃完將湯一羹一羹飲光是種享受平日在外面都不敢吃豬潤這裡居然是推介菜式想必不簡單豬潤很白很新鮮第一下咬下去爽口多加咀嚼就變得又粉又滑嚥過喉嚨不留痕跡紅燒牛肉帶很稠醬汁牛肉本身已經吸滿醬汁和顏色鬆嫩而不易散開味道不錯蝦子粗麵彈牙滑溜不易浸軟光是有蝦子麵這個選項就值得加分份量也出乎意料地多可能有兩個麵餅那麼多生菜是炒過再放在麵上麻油味香濃酥炸墨魚丸是台式炸法看起來沒有油光口感綿密又帶點彈性起膠的墨魚肉滲出層層鮮甜肉汁蔥油小圓餅很重薑蔥味咬下去燙口的豬肉汁立即湧出來蘸潮式辣醬是不錯的食法鹽酥雞中翼外層又薄又脆油都和肉汁混在一起鎖在雞皮下滷水豆腐起皺的外皮很掛汁豆腐彈性十足用筷子夾著左右搖晃都沒有碎開凍無花果雪梨茶雪梨味濃很有真材實料的家常風格車仔麵本身不是什麼花巧菜式只是將不同食材湊在一起這間舖都不例外但妙就妙在樸素

車仔麵係香港飲食文化中佔一席位，亦是香港人好多回億的一環。聽聞佐敦吳松街開了間車仔麵店由某會所總廚操刀，為了我一向的八掛心態，一於去試一下。行下講下，行過咗都唔知因門口細細。內裡光亮明淨，相比一般的車仔麵店確有不同，有普通座，有卡座，幾舒服。點餐紙一張，非常簡單。今曰揀了平時甚少食的餸，豬手和豬大腸。豬手皮Q彈，充滿骨膠原。豬大腸真的要讚，完全無臊味，非常軟熟，調味恰到好處，正！麺類中選了新竹幼米粉，好有米香，份量頗多。湯底一如所料，鮮甜無味精，我差不多喝光。要了杯無花果雪梨茶，自家製的，濃郁有果香，好潤喉。