共食薈 (威利廣場)

Open Now

Now Closed

位於蛋撻王內,有間cafe!裝修四正!大家買完票之後,只要把大大號碼放上檯,就有專人送餐!黑椒西冷牛扒配腸仔🤣份量十分多,女士未必食得哂!牛扒肉汁鮮嫩,令人回味!配上细蕃茄同菜,中和作用!餐飲凍檸茶😊少冰之後,茶味更香濃!

係觀塘其實有好多早餐選擇，但好多餐廳都係一至五先開，今個禮拜六行過見到有個好特別既bakery叫Co Eat Space 共食薈，門口擺左好多包裝包同曲奇，行左入去先發覺原來係蛋撻王既餐廳。七點到十一點半才都有早餐供應，有分中式同西式，唔知係咪疫情關係，今日就得西式常餐揀。首先要喺Cashier點好餐比埋錢，佢就會比個號碼坐枱架你，自己就可以揀位坐低，侍應之後就會送餐過黎，好方便！今次我揀咗個沙嗲牛肉麵、炒蛋配牛油提子餐包（$38）。第一個驚喜係提子餐包好紮實，唔係嗰啲空氣感好重既餐包，仲有好多大大粒提子，好滿足！第二個驚喜係沙嗲牛肉既配料有洋蔥，所以啲醬食落有少少洋蔥既甜，係好特別嘅味道！至於炒蛋就不過不失。飲品就係凍奶茶，茶底同奶味唔算太濃，齋啡比較好飲。臨走見到呢度有蛋撻下午茶餐，希望遲啲可以見到常餐係配蛋撻！

食物越嚟越差，份量又少，問經理跟進，她態度又差又冇禮貌仲要沒有跟進，所以以後也不再幫襯，同事也遇到的一樣，價錢比一般茶餐廳貴，貴唔緊要，但唔好食份量少又冇禮貌，一個字差！

今日又去試下其他茶餐廳🥢， 今次到共食薈 (威利廣場) 。 店內環境光猛舒適， 自己到櫃檯落完單就可以坐低， 店員會為我們送上食物。 午餐🔸 ～ 香茅豬扒酸湯米線$56、啡走$5、 焗豬扒飯$62、 凍檸檬可樂( 忘記拍照) $8。 香茅豬扒酸湯米線的湯底酸酸辣辣幾開胃， 不過豬扒口感死實， 幸好湯底味道加分。 焗豬扒飯大大碟， 豬扒份量超多， 菠蘿🍍非常甜美。啡走和凍檸檬可樂味道正常，啡走都幾大杯喎！ 座位舒適，味道正常，下次又多一個選擇了😉。共食薈 (威利廣場) 地址: 觀塘開源道48號威利廣場地下1號舖

同同事食晏去咗呢間越南野，叫咗個生牛肉扎肉河 $54 上枱嘅時候生牛肉全生，湯好熱，所以好快牛肉就浸到熟咗，牛肉肉質鮮美，扎肉口感爽滑，整體都唔錯，不過就冇包飲品，價錢略嫌貴咗少少

講真唔係第一次食 之前係正正常常 最嬲係煎雙蛋 不嬲唔會全熟 仲要有兩三啖就有蛋殼 魚柳就一次比一次細 一上枱我以為佢比得半舊我 焗豆比到好似乞衣咁 如果呢度係30零蚊都算 岩岩開張個時係幾好 嚟過幾次一直以來覺得中規中矩唔錯 個早餐都唔差 但今次真心嬲左 （雙蛋好重要）大概老細覺得假日早市唔係最賺錢 就不停cutcutcut 又或者好多客都唔理食物質素 倒咗落肚就算 咁我都真係祝你生意興隆 至少我諗有啲人都會睇食物質素 因為今次黎 見到個場都幾吉 比之前人流少左幾多下 不過之後應該都唔會再留意到

放工諗住去觀塘海濱散步，食個下午茶先。餐廳環境非常闊落寧靜，可能因為下午茶時間冇乜人散步，加上係放工時間。一進門口，就見到餐廳門口有袋裝麵包出售，而嗌餐方式與大型連鎖快餐店同出一轍，到櫃檯嗌餐即時付款，然後拎數字牌度餐桌上，就有專人送餐上枱。叫咗一個常餐A，雞粒蕃茄通粉、牛油餐包、蔥花火腿炒蛋、及配熱飲$50，下午茶時間滿$50可有9折優惠。整體來說，我最出色是熱辣辣的蕃茄雞肉通粉，舊業農鄉番茄味湯底，而且都有頗多雞肉粒，富有特色的炒蛋，但嫌牛油餐包沒有焗過，比較凍。價錢算高，但勝在環境較靜，但除非行到咁入費事行出去的話，就不如喺地鐵站附近搵間餐廳依飽個肚才進去。

觀塘茶餐廳其中一個好選擇, 黎到門口比較多人排隊等外賣, 亦有唔少人買麵包, 但入面剛巧有位可以直接就座. 揀左餐要自己出去櫃位點餐, 但好在有人送到枱上. 招牌燒雞脾扒飯超大塊扒, 仲可以做到皮脆肉有汁, 份量好夠飽. 海南雞飯似乎係好多人嘅選擇, 價錢唔貴但雞都算滑,油飯就正常水準, 轉個頭已經聽到店員話賣清. 牛三寶河牛腩同牛肉質地都不錯, 唔會有雪味, 沙爹牛肉麵常餐就正常水平.整體黎講以性價比同款式選擇都係可以, 可以返轉頭的選擇.

平時喺觀塘碼頭附近返工，周圍有好多人，尤其係lunch time, 要搵間附近就腳而且味道不錯嘅餐廳好難, 呢間餐廳係我平時同同事去光顧嘅，餐廳離公司範圍只係5分鐘，十分方便，而且份量都幾充足，所以平時lunch ime 都好多人來食嘢, 而且裝修新淨，價格比其他餐廳划算，食物多元化。 餐廳朝早都有開，專給返工人士提供早餐，我就未食過，每次都係最後一刻返到。話說今日食嘅係馬拉咖哩雞脾扒飯$60, 加多塊薯餅就加$3, 凍飲都係$3，上餐一碟係餸，咖哩汁都偏多，另一碟淨飯，就可以自己選擇要多少汁，整體來說味道不錯，會係我平時食晏嘅選擇。

共食薈的門口不起眼，要不是門外放了幾個座地餐牌，也不知道這是一間食肆。走進去，也以為只是一間麵包店，原來是快餐店。我們吃下午茶。Honey點了腿蛋治 / 配沙津 / 熱奶茶 $30腿蛋治烘底 +$1腿蛋治的麵包比較薄，而且塗了很多牛油，有點油膩。沙律就不錯，份量不少，不會水汪汪。奶茶的奶有點羶，不是我喜歡的類型。我點了酸辣水餃米線 $51凍檸茶 +$3這碗米線很大碗，材料也不少，有鹹酸菜、豆卜、雲耳、韭菜、兩隻餃子和三四隻蝦仁。蝦仁的肉比較實，但有蝦味，不似西式的雪藏蝦，只有爽口沒有蝦味。水餃是灣仔碼頭。酸辣湯也不錯，好開胃。檸茶好大杯。看見好多人都叫蛋撻。Honey點了酥皮蛋撻 $7.5，幾好，酥皮鬆化而不油膩。我就點了半熟芝士撻 $10- - - 喜出望外，很好！半熟芝士撻，嫩嫩的芝士心，有淡淡的檸檬香，很好喎！也不貴。

原來人老咗，真係唔係咁容易適應生活嘅小轉變😏就算係 #返工、#買早餐 咁少嘅事，對 #小秘書 嚟講都有啲R頭🤪 以往有 七手八腳萌店長 為我安排 #健康早餐，不過11月之後，已經好耐無食過😑 搬咗過嚟，我間中都有做嚟比自己食嘅，不過返工時候，又點會成日咁得閒吖😑今日見反正遲到，就一於買個 #大早餐 慰勞吓自己😅 呢頭無咩選擇，見 Co:eat Space 共食薈 外表都幾乾淨，就試吓啦。諗住簡簡單單買個#仿鮑魚絲火腿通粉 啦，點知個餐原來仲跟埋 #煎雙蛋、#迷你豬仔包、#熱飲。#豬仔包 外皮脆脆地，配埋薄薄一層#牛油，夠哂飽肚😚 不過 #師傅 居然獨立用個 #外賣膠盒 裝住對 #煎雙蛋，雖然係可以保持 #蛋黃 #流心，但係都真係幾唔環保😅 至於碗 #通粉，#仿鮑魚絲、#火腿 夠哂足料，但係 #師傅 似乎加咗 #大量味精 喺湯裡面，好咸囉😰

在觀塘帝盛酒店這一帶就真的無什麼可以選擇，樓下果2間據說好食，但午餐價錢驚內，行遠d數間茶記在開飯啦食評幾乎一面倒皆是劣🤦🤦🤦十字路口的共食薈一般茶記格局，但每碟飯平均都在60蚊，就算是碟頭飯咖喱雞扒，蕃茄雞扒都是扣在60蚊呢個水線位🤧🤧🤧好在今日外出有飯錢津貼。。。🤖雞是老雞掛。。。要鬥牙力。。。旁邊的醃菜蘿蔔反而仲好食，油飯好乾🤔🤔🤔原本是叫了檸檬茶，來到反而是奶茶，不過錯有錯著奶茶味道唔錯，比雞飯仲好食🤣

返工前買個包做早餐係必須的！事關早排既早餐，餐餐都食得好豐富，成個人即刻漲左，而家唯有食返light少少😂所以決定買個包就算！今次我買左辣肉鬆包！唔知係未少少辣既關係，好開胃😂😂😂食完一個都仲想再食！！！ 唯有飲返多d水算！個辣肉鬆包料係十分足夠！！抵食😍

因為餐廳係工廈地下，位置方便，又近公司，終於等到唔再落雨，同同事去試下呢間餐廳。餐廳似係快餐形式，我算早放食飯(12：45)果d，3個人揾位唔算難。d姐姐好好，見我周圍望搵位，好快就指比我睇邊度有位。坐低就派其中一個同事出去買野食，幾鍾意呢間既買飯方式。同某大連鎖快餐一樣：1. 先去收銀落單2. 之後佢就比個大號碼牌你放係枱面3. 等一陣4. 有哥哥姐姐送餐比你對我呢d笨手笨腳既女仔黎講，少左份危險。我叫左個吉列豬扒烏冬+熱立克，豬扒同湯烏冬分開上，唔會浸焾晒d吉列。烏冬好雜菜配料，清新健康！吉列豬扒炸粉唔算厚，剛剛好，味道正常。會再食。

不論早上下午，觀塘到處都係人，衝衝忙忙在街上，本應有多選擇早午餐，但在觀塘偉業街附近選擇唔多，來去都是幾間餐廳。CO.Eat 門口不大，而且麵包擺在門口，行過以為只賣麵包，但只要穿過麵包區，裡面是自助餐廳。類似快餐店，自助落單，但有人送餐的。今早特意來試早餐，一般港人配搭，雪菜肉絲米+脆朱+咖啡，價錢33.00。個人喜歡吃脆朱多過方包，所以會選擇多來呢間。，同事另一配搭沙嗲牛麵+炒蛋+檸茶, 價錢35.00.炒蛋嫩滑，幾吸引㗎！港式口味。但整體環境寬敞，不像一般茶餐廳迫人。除早餐外會再來試午飯。偉業街嘅朋友，唔駛頭早痕，餐午餐多個選擇喇。