Cocina 3 Tapas Restaurant & Bar (Closed)

呢間餐廳環境氣氛都好好👍🏽唔怕凍既話仲可以出去outdoor到坐住食野😆.西班牙地道紙包魚 $188呢碟菜最有驚喜🤩外表雖然無好靚，但係個魚好嫩滑😋仲拎左橙皮🍊同橙一齊去焗所以成條魚都好香橙味，真係好特別，食到原先既魚鮮味🤤魚肉都好彈牙.🇪🇸西班牙海鮮飯 $288依碟飯好大碟😂比人頭更大🤣兩個女仔完全食唔晒😂海鮮🦞有青口，大蝦🍤蜆等等，就連飯底都好濃味‼️.西班牙奄列 $88蛋味好重，夾雜住好多薯仔🥔

餐廳環境開陽，地方又大完全無覺得侷促嘅感覺，臨近聖誕舖頭佈置增添濃厚嘅聖誕氣氛，坐喺度食嘢或者杯嘢個感覺都好chill好舒服！嘢食方面都有好多選擇，有傳統嘅西班牙食物之外，仲有Pizza或者牛扒嗰啲西餐類既食物，所以無論鍾唔鍾意食西班牙菜呢到都會有岩食嘅食物！鵝肝蟹肉燕麥餅配黑魚子醬$148又有鵝肝又有蟹肉仲有魚子醬，淨係睇個名都覺得好食，但係嚟到比想像中細左啲🤏🏻鵝肝雖然好似粒骰咁，都煎得幾香加埋蟹肉同魚子醬，每一啖都係一個享受，不過$148如果可以大嚿啲感覺會抵D!芒果蟹肉沙律$118芒果嘅香甜味同蟹肉好夾，係一個開胃嘅頭盤！西班牙海鮮墨魚汁飯$278呢個飯嘅份量都幾大，如果兩個人叫呢個真係完全唔會食得晒🤣每粒飯都好煙靭，每一啖都可以夾雜到一啲海鮮粒粒，令到個飯增加左唔少口感！另外嗰兩隻大蝦都幾大隻，而且煎得好香口！

喺大角咀海旁睇完日落，見附近有間食西班牙野，就去左試吓。餐廳裝修都幾靚，有聖誕佈置，座位闊落，播放著西班牙嘅音樂，感覺好舒服。我哋兩個人叫咗一份牛扒，塊牛扒都幾大份，我幾鐘意佢可以揀配菜，例如有薯仔粒、薯條、薯蓉、焗薯等等。我揀左牛油蘑菇。牛扒都幾腍，好有牛味，蘑菇炒得幾好，好香牛油味，而且份量都唔少。沙律菜好清新👍🏻另外叫咗西班牙海鮮飯，大大份，大概2~3人份，個飯好足料🤩有大蝦、青口、魷魚、蜆，啲料多到每啖食入口都係滿滿嘅海鮮料。仲要啲魷魚一啲都唔韌，好夠腍。海鮮飯有少少辣，啲飯唔會太硬，個飯加左啲紅椒同洋蔥，令整體多啲口感。成個飯食落好好食，好滿足😌另外叫咗個蕃茄粒牛脷做小食，牛脷比想像中大塊好多，又夠曬厚，仲要一啲都唔會韌，牛脷上面鋪滿左大量蕃茄粒。蕃茄粒唔會酸，清新嘅蕃茄粒配上牛脷，正到爆😋😋

我哋嗌咗炭燒美國頂級西冷牛扒配黃金芝士炸薯條（$298）同埋天多尼雞肉自家手打薄餅（$148）咁首先講咗西冷牛扒先啦我哋係嗌咗五成熟嘅（已經慣咗食牛扒一定係嗌Medium🤔🤔）佢亦都係整得啱啱好，冇Overcook（而且嗰個紋路好靚😝😝）食落去好有口感得嚟又唔會太韌而黃金芝士炸薯條亦都係新鮮滾熱辣炸起嘅🔥🔥不過嗰個芝士汁有啲少😔😔最低嗰啲薯條係完全冇芝士跟住嗰個Pizza真係超大份😱😱（我哋得兩個人完全食唔曬）食落去配料都幾豐富嘅嗰個雞肉好大嚿👍👍芝士亦都比我想像中多🧀🧀不過唯一美中不足嘅就係嗰個批邊有少少乾最後就講埋我哋揀嘅嘢飲啦我就嗌咗Queen Beauty（$78）飲落去幾重荔枝味🥰🥰而我朋友就嗌咗Phoenix Sunshine（$82）呢杯飲落去都唔算太重酒味

今天係奧海城經過見到呢間西班牙菜餐廳，店員拿著menu 出來向我們推介，我們看了一下menu 發覺價錢也不算貴，而且行了成個鐘，便決定在這用餐。我們首先點了一客芒果蟹肉沙律作為前菜，沙律的賣相和味道都很好，鮮甜的芒果配合啖啖的蟹肉及特別的沙律醬汁，十分惹味，令人胃口大開。主食點了一件12吋牛油果蝦肉自家手打薄餅及板燒西班牙黑豚肉配松露炒野菌，我們最為欣賞的就是自家手打薄餅，餡料夠多外，而且用料新鮮，鮮甜美味，餅邊香脆可口，而且價格也不貴，只是一百多元，絕對把連鎖店平時食開那些pizza完全比下去。至於板燒西班牙黑豚肉，除了擺盤精美之外，味道也十分好，配合特別的醬汁，鮮甜惹味。

一入到間餐廳見到石磚嘅牆壁，裝修有啲似古堡，餐廳裏面配上紅色嘅梳化，令你覺得有一股熱情嘅感覺湧過來，然後再抬高頭一望，居然有兩隻非常大既木制嘅牛頭喺天花板，好似鬥牛咁，冇錯呢一間餐廳就係食西班牙菜既餐廳。古秘魯海鮮沙律，西班牙文叫做Ceviche ，我上網查過，原來係秘魯的檸汁醃魚生，咁呢間餐廳就會再加多啲海鮮例如蝦、八爪魚等等，味道有少少辣，酸酸地，都幾開胃。烤和牛舌配番茄莎莎，牛舌都幾大塊同幾厚，配上番茄莎莎有解膩的效果。西班牙經典燒雞（全隻）配煙三文魚沙律，燒雞皮脆肉嫩，當你用刀切開隻雞嘅時候，聽到雞皮脆嘅聲音，就已經知道呢隻雞好食

今年生日😍😍😍，朋友請我嚟呢間餐廳食中午飯，環境好舒服，張枱好闊落，地方好大，聽住音樂食嘢食得特別開心。😘😘😘湯好飲🥣🥣🥣大蝦闊條麵，蝦好大隻，好鮮甜，唔會好霉🦞🦞🦞🍤🍤🍤🍤🍤牛扒有牛味，同埋唔會太嚡，我最怕食到一啲好嚡嘅牛扒，牛扒值得推介，呢個價錢，食到呢個質數嘅牛扒，我覺得完全係比想像中好。🍻🍲👍👍👍👍唯一美中不足，係杯咖啡太細杯👎👎🥲🥲。

同胃食之友覓食之夜😋Cocina 3 Tapas Restaurant & Bar係一間好有情調嘅西班牙餐廳有outdoor可以帶埋寵物嚟chill下我鍾意佢地嘅pizza🤤係自家手打㗎‼️我地揀左天多尼雞肉自家手打薄餅 $138雞肉好嫩軟熟，食每啖都有芝士仲要每啖都啖都有拉絲拉到我好攰🤣🤣芒果蟹肉沙律 $118好香嘅蟹肉味，有埋粒粒芒果食落口感豐富西班牙奄列 $88好香嘅蛋味呀🤩奄列内有爽口薯仔食起嚟好有口感，內脆外軟☺️焦糖班戟 $78香甜焦糖味，餐後甜品不能缺❤️

約咗朋友今晚提前食聖誕大餐，book咗西班牙餐廳一心嚟食西班牙海鮮飯，點知早兩日唔小心拗柴，醫師話我唔可以食海鮮，點知錯有錯着俾我發現咗樣好嘢！黑松露蒜蓉包 $78法包焗得鬆脆，入口首先食到濃濃嘅黑松露味，然後搽喺法包上面嘅蒜蓉牛油喺咀嚼嘅時候慢慢滲出蒜香，小食已經有驚喜。西班牙經典燒雞(全隻)配松露炒雜菌 $228點餐嘅時候，侍應話要等四十五分鐘，反正今晚餐飯都係諗住慢慢嘆， 所以我哋就照要。傾吓計唔覺唔覺45分鐘過去，香噴噴嘅燒雞亦都整好啦！雞皮燒得脆卜卜，醃得非常入味，肉質嫩滑多汁，連雞胸嘅部份都一啲都唔鞋口，實屬難得！呢道燒雞認真出色！唔係因為整親腳唔食得海鮮飯，我都未必會揀食燒雞，咁就會錯過咗一道咁美味嘅燒雞啦！板燒西班牙黑豚肉配酸忌廉焗原隻美薯 $278侍應推薦我哋試八成熟，切開嘅時候肉質有少少粉紅色，豚肉厚身，入口嫩而彈牙，肉味濃郁，更有豐富油脂香，好適合配酒。餐廳環境寛倘，無論兩個人撐枱腳定一班人gathering 都好適合呀！

最近小編幾鍾意食西班牙菜🇪🇸，咁啱黎開奧運探朋友，見到呢間一樣係以tapas (西班牙🇪🇸小食)為主，而cocina係廚房咁解，所以就入左黎呢到食飯試下～ 裝修係比較傳統風格，同時播住西班牙文🇪🇸既歌🎵，地方好闊落～ 食物方面都ok，仲見到隔離枱有人生日，有點到火光閃閃既蠟燭🕯️，個feel都唔錯～(5 😍 係滿分，🤩係半分）板燒西班牙黑豚肉 🔥🇪🇸🐷 - $278 (好味指數：😍😍😍🤩)塊肉🐷真係好厚身🤤，一上枱已經聞到👃燒過🔥既炭烤煙燻香味，食落幾香口juicy，唔會韌，有幾濃郁既豬味🐷，可以再嫩滑啲就更加好～ 旁邊配埋鹽🧂同香草🌿，更加帶出豚肉🐷既鮮味～ 另外因為呢個主菜係其中一款烤肉，所以就免費送一款配菜，小編選左松露炒雜菇⚫️🍄，雜菇🍄應該係冬菇同埋雞髀菇切粒，配埋蒜片🧄同牛油🧈炒過，有鮮味之餘幾爽口～西班牙傳統陳醋燴豬仔髀 🇪🇸🐷🍗 - $148 (好味指數：😍😍😍🤩)食西餐烤肉，酸酸甜甜既醬通常都會係BBQ醬🔥，今次中西合璧用陳醋幾特別，陳醋味道醇厚，酸度比較厚重，整出黎既汁都比較杰身，可以好啲包裹住煮既肉🍖，酸酸地幾開胃～ 豬仔髀🍗啖啖肉，豬味🐷幾濃，肉質軟腍，肉嫩多汁，一

好chill嘅西班牙🇪🇸餐廳。Cocina 3今日嚟奧海城食西班牙菜，餐廳分為outdoor，indoor，各有特色，outdoor 幾chill, 適合happy hour 飲番杯Relax下🍻 想嘆冷氣就要揀indoor，今晚就試吓坐室內，一入去環境同座位都好闊落，裝修幾有西班牙風🇪🇸，燈光格調啱晒生日聚會或情侶拍拖，環境幾浪漫💕🌟牛油果蝦肉自家手打薄餅12吋（$148）一上枱熱辣辣，芝士鋪滿晒面，食嘅時候有拉絲效果，pizza用石爐焗制，難怪餅底咁脆香，加埋牛油果蝦肉啖啖都好足料惹味😋🌟經典BBQ汁燒豬肋條配凱撒沙律（$238）食完pizza已經半飽，見到呢碟咁大份，有啲投降添🙈 但聞到獨特陳醋香味，食落酸酸甜甜，又變咗好開胃，啖啖肉好正，配埋凱撒沙律🥗 啲菜好新鮮，脆卜卜，唔錯👍 🌟雜莓班戟（$78）又到甜品時間，左揀右揀好多選擇，最後揀咗雜莓班戟🥞 兩個人share食，罪惡感即時減半🤭🤣 賣相打卡一流，口感綿密香甜，話咁快食晒🤭 🌟地址: 大角咀海泓道1號奧海城三期地下G22號舖

Cocina 3 Tapas Restaurant & Bar地址:大角咀海泓道1號奧海城三期地下G22號舖本來決定要行去做運動，點知行下行就覺得有啲肚餓，所以就開始搵嘢食🤣。一入餐廳就有得選擇坐室外或室內，室內裝修風格超有西班牙風格！墨西哥脆片 🥠 $40一坐底都未叫嘢食侍應已經送咗個前菜玉米片俾我地，其實都係一般係超士買到啲粟米脆片一樣，無咩特別；不過脆片沾上酸忌廉芝士醬就完全唔同，酸酸地，好香口，配搭起來效果唔錯，惹味開胃！蘑菇帕爾馬火腿Pizza 🍕 $108來食一定要叫呢個！餅底夠脆，芝士夠厚，而且質感軟熟，食起來有拉絲嘅效果。芝士、巴馬火腿同芝士味道配搭效果一流，真係好好食，值得一試！小食拼盤 🧀 $158芝士球真心好食，咬落去幾彈牙，內裹口感好軟，真係有好重芝士味道，芝士控嘅朋友一定唔可以錯過。炸腸好鹹香，不錯。其他小食就不過不失啦。波士頓龍蝦 🦞（送）龍蝦少少韌啦，無咩龍蝦味，而且汁燒煮法味道麻麻。#nicefoodie大角咀 

Cocina 3 Tapas Restaurant & Bar地址:大角咀海泓道1號奧海城三期地下G22號舖本來決定要行去做運動，點知行下行就覺得有啲肚餓，所以就開始搵嘢食🤣。一入餐廳就有得選擇坐室外或室內，室內裝修風格超有西班牙風格！墨西哥脆片 🥠 $40一坐底都未叫嘢食侍應已經送咗個前菜玉米片俾我地，其實都係一般係超士買到啲粟米脆片一樣，無咩特別；不過脆片沾上酸忌廉芝士醬就完全唔同，酸酸地，好香口，配搭起來效果唔錯，惹味開胃！蘑菇帕爾馬火腿Pizza 🍕 $108來食一定要叫呢個！餅底夠脆，芝士夠厚，而且質感軟熟，食起來有拉絲嘅效果。芝士、巴馬火腿同芝士味道配搭效果一流，真係好好食，值得一試！小食拼盤 🧀 $158芝士球真心好食，咬落去幾彈牙，內裹口感好軟，真係有好重芝士味道，芝士控嘅朋友一定唔可以錯過。炸腸好鹹香，不錯。其他小食就不過不失啦。波士頓龍蝦 🦞（送）龍蝦少少韌啦，無咩龍蝦味，而且汁燒煮法味道麻麻。#nicefoodie大角咀 

今次帶大家來到這間西班牙餐廳，未踏入餐廳，光是看見門口已經覺得很有特色。雖然裝修不算華麗，但看得出有嘗試加入西班牙的原素，讓客人好像置身西班牙一樣。 店內環境稍暗，頗有情調。除了提供西班牙菜式外，它還是一間酒吧。驟眼見，室內主要是用餐的地方，而另有室外位置飲酒及吸煙。除了吃飯外，這餐廳也是約朋友chill一chill談談心的好選擇。今次剛巧遇上有人在此慶祝生日，餐廳播了生日歌，亦可以安排插上仙女棒蠟燭，頗有氣氛！ 桌上的餐具都用了一個皮套裝好，看上去很有格調。 ❄︎ 鵝肝蟹肉燕麥餅配黑魚子醬: 不得不讚這頭盤的賣相非常不錯，而下面的cracker用了燕麥餅，比較健康，同時中和了鵝肝的油膩。燕麥餅十分香脆，夾住肥美的鵝肝及鮮味十足的蟹餅，無論是口感或味道皆為上品。 ❄︎ 龍蝦汁大蝦海鮮闊條麵: 本來打算試它們的西班牙海鮮飯，但看到「龍蝦汁」三個字卻被深深吸引住了，所以決定一嚐。由於這不是一間主打意粉的餐廳，所以對它們的意粉亦沒有很大的期望。但當侍應把菜端上，聞到香噴噴的龍蝦味，我卻有些心動了！闊條麵煮得剛剛好，沒有過生或過熟，咬起來相當有口感，值得一讚！另外，入面有很多魷魚粒，口感煙韌，正！

呢間嘢勁多打手！完全唔係嗰回事！俾啲打手呃咗入嚟食！1. 首先一入去露天位，即刻比收費小食你，但係水都冇杯，待應係入面冇客都唔出黎巡下個場，跟住叫嘢食，個侍應似未瞓醒甘，哩係舖入面唔知做乜，叫兩次先出嚟落單！2. 上咗個西班牙小食，難食到喊！個芝士波同薯蓉波炸到好似石頭甘硬！直情隻叉都吉唔到入去！究竟想點？吖廚師你究竟識唔識炸野！3. 然後上埋個西班牙飯，又乾又唔熱！除咗多魷魚之外！冇樣好🤦🏻‍♀️ ! 重要燶底，同佢網上其他食評啲post相相差九仗遠！買個出前一丁/ 波仔丁飯仲好食過佢！唔明點解仲可以屹立喺奧海城🤷🏻‍♀️仲咁多優質食評！無heart 煮野嘅餐廳，搵人做打手既餐廳，總會有人知道的！今日我地兩位豪咗$670比你！但永不再幫襯，感謝你地啲垃圾野食，令我知道乜野叫好難食同Hea 服務！🙏🏻