椰粉湯紅 (Closed)

來到灣仔，又係為咗個湯。事關我真係好鍾意飲湯吖。雖然夜晚禁『堂食』，但如果有咁好嘅材料，好嘅包裝，帶返屋企一樣咁好味，又唔會倒瀉，實在抵讚吖。呢個係湯品『椰皇川貝海底椰排骨燉鱷魚肉』，睇吓，材料十足，川貝，海底椰，煲到軟腍的排骨同埋唔算少的鱷魚肉，做到『原、鮮、濃』，真係味美鮮甜，完全没有味精，配埋一碗彩虹飯，一流。呢個椰皇湯的包裝絕對正，椰皇用保鮮纸包實，下邊仲有個紙碗托住，萬無一失，返到屋企滴『湯』不漏。而『椰香海南雞』亦係一個好惹味又正宗的海南雞，個薑蓉醬汁點雞超正。

今日唔想煮 去左公司附近買外賣回家之前已經見到呢間個門面好pink pink 好靚仲以為cafe 原來係食d 比較創新的椰子同湯的餐廳外賣包裝好穩陣 唔驚倒瀉炭燒鰻魚椰香蛋包飯蛋好滑 加上厚厚的鰻魚 好香跟飯加埋一杯椰汁醬 味道出奇地夾好似食緊泰國的芒果燸米飯 但又唔會太甜 幾得意 一定要試下首創竹絲海南雞椰香飯套餐竹絲雞真係好似好少係餐廳食到肉質好嫩滑 唔肥椰香飯真係好重椰子的清香比起油飯 更適合配雞食仲健康d tim是日食療拿杯湯青紅蘿蔔馬蹄抗肺炎素湯雖然係素湯 但味道都唔會太淡青紅蘿蔔味道好出 係真材實料的味道仲加左碟菜 都ok外賣而家仲有9折 都算幾抵下椰子迷唔好錯過啦

疫情關係都沒有四出搵野食了，今日經過椰粉湯紅，就被木系門面深深吸引了。店中更作外賣自取全單九折優惠。雖然叫椰粉湯紅，但不止有湯可飲，更有不少飯餐提供。疫情嚴重，我當然都唔可以怠慢，要一個抗肺炎素湯。餐廳由我從大門走進來到下單等候外賣，當中給人一種舒服、和諧的感覺，像回到家一樣，可惜暫時未能提供堂食服務。炭燒鰻魚椰香蛋包飯 + 是日食療拿杯湯是日食療拿杯湯用了青紅蘿蔔、馬蹄湯，飲起來潤喉益肺，當然唔可以放過。想不到在這自到這漩渦蛋包飯，當中還保持著嫩滑的質感，蛋味香濃，椰味突出。炭燒鰻魚散發鰻魚的甘香，入口軟綿綿的口感，而且味道剛剛好，沒有一絲的碎骨，非常可口。當中更有一盒椰汁，鰻魚沾上後令其味道更有層次，更添口感。

琴晚收工係灣仔買外賣返屋企食行經椰粉湯紅, 俾佢pink pink嘅環境觸動少女心, 所以就揀中呢間啦<首創竹絲海南雞椰香飯套餐>大食妹嗌左份竹絲海南雞椰香飯竹絲海南雞同一般嘅海南雞處理手法一樣, 只不過主角換左烏雞, 好特別烏雞肉質比一般雞肉更為鮮嫩, 營養價值更高之餘, 脂肪亦比較低配上酸辣嘅醬汁非常開胃椰香飯入口咸咸地, 米飯粒粒分明<日式胡麻醬手撕雞冷麵>另外, 仲同屋企人嗌左份胡麻醬手撕雞冷麵冷麵係喬麥麵, 份量幾多上高仲有新鮮車厘茄、生菜、粟米同手撕雞夏天食都唔錯<皇牌菜芯苗>跟餐仲可以用優惠價加配蔬菜加多份菜芯苗就均衡營養啦<青紅蘿蔔馬蹄抗肺炎素湯>當然, 黎到椰粉湯紅, 食左佢嘅椰香飯, 又點可以唔飲埋佢嘅靚湯呢大食妹左是日靚湯, 青紅蘿蔔馬蹄抗肺炎素湯口味清清地, 抗唔抗到肺炎就唔知啦但味道唔錯

午飯時間喺灣仔地鐵站附近。記得多次路過呢間名字好特別嘅餐廳，但係都未食過，趁今日有機會就去試吓。叫咗「竹絲海南雞椰香飯」，好快就嚟到。竹絲雞雞皮黑麻麻但又亮晶晶😍，有啲油光，食落口雞肉非常鮮味，一啲都唔韌但又有啲咬頭，好食。椰香飯就散發微微椰子香味，應該亦撈咗雞油所以非常香口。仲有嗰個秘製醬汁沾竹絲雞吃一流。仲叫咗「青紅蘿蔔馬蹄抗肺炎湯」，呢個湯煲得好清，絕對冇落味精，原汁原味，抗疫期間飲感覺非常良好。雖然大熱天時，但係飲呢個熱湯覺得有助消暑。仲未夠喉，再來多個凍飲「熱情豐盛」，裏面有杞子，非常滋潤。呢餐係非常健康、好味、滋潤嘅一餐😊

2020年8月3日 星期一呢排疫情關係，好多餐廳都唔可以做晚市，唯有推出外賣自取優惠，希望可以提高生意額，吸引多啲人幫襯，避免倒閉。。。今日我同老婆就一於去到呢一間餐廳幫襯，見到門面嘅牆身同顏色，覺得好似椰子咁，同餐廳名字互相呼應見到餐牌都有好多唔同嘅選擇，而且仲有主打嘅滋補燉湯，全部都係以椰子做主菜最後我要左椰香海南雞椰香飯套餐做外賣拎返屋企食，有九折優惠，分別有海南雞飯、湯同菜芯。首先真係要講下個飯，一般嘅海南雞飯都係雞油飯，感覺好似好油膩咁，但係呢一個係椰香飯，充滿椰子嘅香味，而且食落去完全唔覺得油，感覺好似好健康。至於海南雞，份量足夠一個人食用，肉質幾嫩滑，夠雞味，點埋個醬簡直係錦上添花，夠晒惹味雖然菜芯唔係主角，不過都淥得好爽脆，唔會太過硬埋單$70都唔使，真係希望可以多啲人幫襯下唔同嘅餐廳，等呢啲餐廳唔使疫情之下面臨倒閉

每日指定動作係買外賣返屋企食😋-🐓🍚竹絲海南雞椰香飯套餐 ($108）用竹絲雞代替切件海南鷄做餸🥢 今次都係第一次食 雞味依然 肉質鮮嫩 脂肪較少 油膩感減低所以較為健康 竹絲鷄滋陰清熱 補肝益腎 椰香飯🥥 軟熟可口-🍜酸辣手撕雞冷麵 ($58）七色彩虹🌈蔬菜之中 有生菜🥬青瓜🥒蕃茄🍅粟米🌽 顏色豐富唔在講 再加健康白鷄肉同蕎麥麵 賣相營養俱備 炎炎夏日 令人食得開胃-🥣是日食療拿杯湯 ($28）抗炎時期 最好keep住飲食療靚湯 強身健體 💪 湯款日日不同 啱晒多心😍嘅我 今日係青紅蘿蔔馬蹄素湯 少鹽低鈉 味道清清地 杯掌包裝 方便外帶飲用 分量剛剛好-📍香港灣仔軒尼詩道61號四寶大廈地下椰粉湯紅

抗疫期間晚上不能堂食，只好叫外賣…老公之前食過這間椰粉湯紅的海南雞飯味道很好，醬汁非常突岀，今次到我試下其他菜色了。今次我試了晚巿的精選和牛椰香蛋包飯，外賣自取有九折，剛好$80！本身想叫麻醬手撕雞冷麵的，十五十六之際，店員推介如果住得近可以選吃蛋包飯， 因為遠的話蛋包飯的蛋汁有機會已經全熟會影響口感， 我見自己都住得算近就選了蛋包飯…本身都唔知道，原來蛋包飯另外仲有配椰奶汁， 即使外賣，椰奶汁的分量都好足夠本身以為蛋包飯係似日式個款， 打開原來係飯上面鋪旋風蛋， 而且蛋汁未至於全熟，賣相吸引！而且仲有一些煮香了的車厘茄、南瓜、粟米和蘆筍作配菜~和牛份量不算太多，有五粒先說說蛋包飯，蛋好香好滑，蛋未至全熟，蛋汁滋潤了底下的白飯，加椰奶汁一齊吃更加好食！因為椰奶汁絕對係一個驚喜！完全沒有想過這個椰奶汁會是這麼濃，這麼香的，這麼滑！而且甜度剛好！第一口試椰奶汁還以為是稠了的西米露！非常好食！第二驚喜是那五粒和牛！建議先清理乾淨口腔中才吃，和牛不要咬開要一口放入口吃，牛的肉汁會不斷流岀來，而且和牛粒燒得外香脆內軟熟，夾起是頗硬的，咬下是非常腍的！而且食到非常香的牛肉味！這個牛真的很可以！我嘗

抗疫除左唔好出咁多街之後，最重要的就系要有好的體魄，咁先可以抵抗到病菌咖今日夜晚無人煮飯，返三唯病買外賣返屋低食喇經過見到粉紅色店面，又有靚湯飲，一於買個外賣湯水潤下個肺<椰香海南雞套餐$76>海南雞好勁嫩口，滑 dodo 真心幾好味超級大推個薑黃飯，薑味唔算太重，有薑香味又唔會辣，好味得黎又易入口<炭燒鰻魚椰香蛋包飯$78>再黎多個鰻魚蛋包飯，滑蛋夠奶香味，份量又夠多鰻魚彈牙，再大塊少少就好喇最後一定要睇吓佢個是日靚湯係粉葛味湯，絕對係自家熬製，唔係味精湯，$28就飲到超級抵飲

C O C O S O U P 椰 粉 湯 紅𓎩 ◞ 𓎩 𓎩 ◞ 𓎩無味精椰皇燉湯A hearty resto that offers no MSG food & soup! Soup in coconuts are their signature and come in a selection of choices, each with plentiful ingredients.The buddha’s favourite that we ordered consisted of abalone, sea cucumber, vegan shark’s fin & fish maw! The soup was very fresh and sweet due to the coconut!Check them out if you crave for healthy food & soup while being too lazy to make them for yourselves! 

小妹好鐘意飲湯🍲但呢排公司好忙好夜走 通常係街食埋先返屋企 缺乏左啲湯水😩咁啱見到間椰皇燉湯專門店 就試試佢😛專門店主打原個椰子製作嘅燉湯首先我地嗌左兩個燉湯打開椰子蓋🥥 而家開到好香超足料 加上椰子 飲落好鮮甜 個湯無咩油脂同無落味精 無添加😊.特大椰皇佛跳牆 呢個一上枱大到嚇左我地一跳😂真係特大size 真係好足料 😆有齊鮑參翅肚😛有主角鮑魚 另外有海參 花膠 竹笙 響螺 素翅 瑤柱 粟子 冬菇 白菜 芋頭 雞肉 等等 好豐富 啖啖都係精華 又唔油膩😆椰皇花膠冬菇燉雞湯一大開係又大又厚嘅冬菇仲有花膠 雞肉 同 瘦肉花膠份量都幾多下再嗌左香辣口水雞椰香飯套餐小妹推介口水雞🤤🤤啲雞好香滑 肉質鮮嫩辣辣地好惹味 個汁好正😋😋 撈飯一流個椰香飯好香椰子味 好煙韌 有咬口套餐好抵食 配菜加食療拿杯湯最後嗌左個蒜泥白肉超香勁多蒜蓉 啱哂我呢仲蒜蓉怪😛好開胃🥰 又唔會好辣

.呢間椰粉湯紅出名有靚湯飲今日就同朋友去試下啦😉.🔸特大椰皇佛跳牆$98勁大個 又多料 仲有鮑魚 勁強椰香味椰皇主打的燉湯 冇味精 非常好👍🏻可以加錢叫白飯、油菜.🔸椰香海南雞椰香飯套餐$76（送油菜+黑蒜玉竹烏雞湯）你飲過湯就知道係無添加日日例湯都唔一樣 所以睇你好彩會撞正邊個湯但其實個個湯都應該非常正😚隻海南雞係無骨㗎 食得超方便啲肉又嫩滑 我好鍾意😆

又到午飯時間，今日又去這間食，已經是第三次幫襯，三次食嘅嘢也不同，今次食佢個首創竹絲海南雞配椰香飯同加15蚊要個食療拿杯湯，今日晏咗D去，比較多人，個餐要等咗一段時間先上，D雞份量感覺比較少，但肉質鮮嫩，重點係無骨，方便食，加埋個汁，好惹味，但個汁食完個味係會長期留在口內，好彩宜家戴了口罩，如果唔係講嘢時可能會尷尬🙈但絕對係好味的，個椰香飯有淡淡椰香，不錯，個湯仍舊好味，雖然要加$15先有，但也值得加，會繼續幫襯👍🏻

今晚去咗灣仔新開嘅靚靚餐廳，圓形門口設計好特別，入面仲有一個粉紅色嘅霓虹燈，望落去好似打卡少女cafe咁😃 但原來係主打無添加，no msg 港式食物同埋椰皇燉湯嘅餐廳。特大椰皇佛跳牆 $98裏面有鮑魚，海參，雞肉，花膠，排骨，竹笙，栗子，瑤柱，芋頭，冬菇，好足料，湯色混濁，湯底每啖鮮甜，濃郁。香草紅酒牛腩配米粉$48牛腩燉煮得軟淋入味，酸酸甜甜，感覺很健康，配米粉吃非常美味😃山楂梅子糖醋骨配白飯$48排骨裡有淡淡的梅子味，外表香脆可口唔油膩，用嚟撈飯一流。👍🏻

最近燉湯店愈開愈多，灣仔這種適業區，當然會有一兩間。這次就跟同事們在這間吃個午餐~餐牌上除了以椰皇取代燉盅的主打湯水外，也有中西式套餐~飯餐價錢相宜，與茶餐廳相約。套餐除了普通白飯外，也可轉彩虹飯、米粉或+3蚊轉番薯。香草紅酒牛腩配彩虹飯 - 牛腩好腍，芡汁充滿濃濃的蕃茄味，偏甜一點~竹絲海南雞配米粉 - 烏雞通常用來煲湯，變成海南雞是第一次見! 肉質彈牙，而且烏雞的營養價值比黃油雞更高，滋補又美味。不過無論雞還是米粉，份量都偏少，男士應該要吃多半份才夠吧~山楂梅子糖醋骨配番薯 - 糖醋骨甜甜地，黏著醬汁也未致於完全淋哂。番薯是兩紫一黃，同事表示食哂飽到上心口!特大棷皇佛跳牆 - 別以為小店做這種矜貴湯水就很馬虎。點餐後要等15分鐘才上枱。首先見到大大個椰皇，裏面的湯料有齊鮑參翅肚，也有冬菇、瑤柱、雞肉、豬肉等等。雖然不是我點的，不過見到同事吃也覺得很驚人!  有機會要試吓!