薈麵館

Open Now

Now Closed

自從利東街重建之後帶來旺氣，再加上聖誕將近，掛滿燈飾，人流自然多了。我都湊湊熱鬧去拍番幾張相打咭。晚飯為了避開人多的利東街，走過對面的合和中心，只見樓下燈箱廣告，七樓開了一間新的麵館，正好今天不想大魚大肉，粉麵之類也不錯。七樓比較清靜，見到一間裝潢古典氣色的麺館，地方寛敞，予人好舒服感覺。翻看餐牌原來隨了粥粉麵飯，還有小吃，燒味，糖水之類。久違的咸肉粽太美味了，最鐘意係外層糯米薄而內裡爆滿的綠豆茸，綿綿軟糯，散發著肉和鹹蛋香。今日的老火湯是茶樹菇，材料足，夠濃味，有肉的鮮甜又有茶樹菇的清香，飲後又沒有口渴感，正！點了一碟文昌雞，文昌雞特質細小，低脂肪。果然皮下沒有多餘脂肪，肉質軟嫩，雞皮Q彈，和味。既然係麺館無理由唔點番碗鮮蝦雲吞麺。湯底清徹清甜，麵質有韌性爽彈，全冇皂水味。雲吞嬌小一口size，全隻蝦包裏著, 爽脆有口感。雖然只賣數十元，比起山珍海味更美味啊！近曰天氣乾燥係時候滋潤一下，腐竹白果糖水記得兒時常吃好懷念。腐竹溶化，薏米軟腍，白果有口感，最重要那隻鷄蛋，配搭腐竹糖水起了化學作用，非常夾。

原來響合和中心上面有間小餐廳同中菜，上面粥粉麵一應俱全。啱晒我呢啲多心嘅吃貨。入面嘅裝修好中式好懷舊，有幾個假嘅雀仔籠高掛！有懷舊茶樓嘅特色。呢度嘅粥麵餐可以自由選擇配搭。我哋叫咗幾個餐大家share食！可以試多幾個唔同口味！牛筋腩撈麵份量超級多！三大嚿牛筋再有四舊牛腩！差不多等於平時嘅兩倍！牛腩同牛筋好有五香味！好入味！撈麵冇鹼水味。撈麵會跟一碗清湯，清湯入面加入蝦籽！令到整體感覺更加香。另外要做一個淨雲吞，皮薄餡靚，唔算多蝦但味道不錯。湯底有大量生菜，好甜！小食我哋要咗鹹肉糭，糯米飯一粒粒，入面有好多綠豆蓉，鹹肉部分我無食，但糯米點小小豉油好好入口。煎蛋蝦米腸粉係令我有少少失望，雖然有蛋香幾特別，但略嫌腸粉煎得唔夠脆口。香葱蝦米味唔錯。加多個小食炸雲吞，呢個反而有驚喜！雲吞皮炸得又鬆又脆！仲送上一份五柳汁，甜甜酸酸好開胃！非常好！因為已經太飽，下次來一定試吓呢度嘅糖水！

食得多日韓餐，又好掛住港式的粥麵飯店，要食有質素的可以試下位於灣仔的呢間。清雅的中式的裝修，以綠色、竹和雀籠為主，很有空間感，令人坐得很舒適。餐牌有大量粥品麵食選擇，很多都很有特色，搞到我有選擇困難症。朋友要食飯就揀左燒味六寶飯($78)送糖水一碗(自選)，賣相精美，六寶有燒肉、叉燒、油雞、乳豬、鴨肉、鹹蛋半顆，相當豐富，而且每一款肉肉都甚有質素，特別喜歡乳豬，很入味又脆卜卜，鹹蛋黃好靚。配菜也不錯，有雲耳、花生和白芝麻，cp值十分高。我想食薑蔥汁爆魚腩粥 + 糖水套餐($68)。綿綿的粥很美味，配上肥美的魚腩和薑葱絲，份量也有不少，附上脆脆的油炸鬼片，增加口感。另一友人揀左巧製南乳豬手撈麵 + 油菜套餐($72)。豬手唔係多肉個種，但係多膠質，味道不俗，很入味。粗麵掛到好多汁，麵質彈牙，附上清湯。菜心好大碟，一D都唔吝嗇。再share 食個晶瑩鮮蝦餃($38)，原隻蝦肉係入面，皮超薄，重點係多隻蝦肉，蝦味濃郁。must eat!很有水準的晚餐。清潤雪耳燉木瓜好足料，非常滋潤。福果腐竹糖水 (加蛋+$8)，腐竹味道濃郁，仲有意米。

開左都有一段時間但一直都冇嚟食過，今日就特登落嚟7樓試試，好彩1點前到唔洗等位👐🏻👐🏻 佢有幾款套餐嘅，咁就揀左南乳豬手麵加生菜($60)😊 價格算中位嘅！有茶offer,幾似酒樓下. 南乳豬手只有2細舊，每舊都好細冇乜肉，皮都冇乜好薄🤦🏻‍♀️ 另外個麵有d小，唔太夠食😕味道就一般正路嘅！最好係個生菜，夠爽口又幾大盤😀同事要左叉燒麵，叉燒好食嘅，肥瘦適中😃外層燒得幾香👅 如果點心加埋叉燒腸比人揀就好d😊

今日中午我們去咗附近灣仔行街，行到下午嘅時候覺得好肚餓，所以就諗著去合和中心嘅「薈軒」飲下午茶！點知一上到嚟就見到全場爆滿，而且店外有超多人排隊等候，所以我們就諗著搵過另一間店食，點知行過另一邊就見到一間新開叫「薈麵館」嘅食店，見到店內嘅環境裝修非常古色古香，而且相當舒適寬敞，所以我們決定入去食下午茶！一開始我們諗緊點樣叫粥麵套餐？店員就解答我們話首先選擇咗粥、麵或撈麵，之後再自己選擇配一款特點、油菜、小點或糖水，除此以外，仲可以另外揀特色小食！我們就叫咗家鄉生劏田鷄粥配小點：蛋煎蝦米腸粉！家鄉生劏田鷄粥嘅粥底煲得超香滑軟綿，而田鷄嘅肉質就極之結質彈牙，而且非常肥美大隻！小點：蛋煎蝦米腸粉嘅腸粉質感超煙煙韌韌，再沾上香濃嘅蛋漿，而且係新鮮即叫即煎，所以真係熱辣辣同相當香口！鮮蝦雲吞麵配特點：真材實料鹹肉糭！鮮蝦雲吞麵嘅湯底味道極之清甜鮮味，麵質相當幼身，而雲吞嘅皮就超級軟滑薄身，入面包著嘅蝦肉就超爽甜彈牙，而且有五粒咁多，真係好抵食呀！特點：真材實料鹹肉糭就咁睇表面以為同其他一般嘅糭差唔多，點知一食落就覺得有好濃郁嘅荷葉清香味，而且入面嘅餡料非常足料豐富，雖然瘦肉同肥豬肉嘅份量都幾多，