薈麵館

Open Now

Now Closed

今晚於灣仔合和工作，知道天氣只有12度，大家都想先食晚飯然後直接回家，所以便於合和內挑選了這間位於7樓有粥品吃的薈麵館。「自選套餐 A $238（2-3人份量）」*自選炒粉麵飯一款*《銀芽肉絲炒麵》十分讚！炒麵香脆而完全無油份，而且火喉剛好零焦感，色澤金黃吸引。銀芽肉絲加上獻汁放於粉麵上除了可提味，更可令部份炒麵軟腍，口感又脆又軟很不錯！*自選點心三款*《蟹子燒賣皇》新鮮熱烘，十分大粒，內藏原隻鮮蝦，蝦肉彈牙鮮甜，不錯。《懷舊馬拉糕》同樣是熱烘烘送到。馬拉糕是懷舊款式圓形一開4件。十分鬆軟，甜度適中，放涼了亦能保持軟彈，好吃。《蛋煎蝦米腸粉》少許蝦米所以味道比較像齋腸，反而蛋味較香，質感亦滑溜，同樣是份量足夠。*自選小食一款*《爽脆薑蔥鯇魚皮》魚皮大片，但口感略韌，夠彈牙但不夠爽口，亦帶略腥味，所以旁邊的醬汁很有作用。*自選油菜一款*三款菜中選了《菜心》 - 大碟鮮嫩。*自選飲品/甜品兩款*選擇了《清潤雪耳燉木瓜》和《養顏芝麻糊》。

我通常中意搵D食到點心既地方, 尤其係腸粉,現今其實想搵一個食到好味腸粉既地方已經好難搵...因為全部其實都係蒸定個D , 唔係即叫即整, 一D都唔滑..呢間主要野食都唔錯, 係地方有D偏,無咩事基本上無咩人流經過..所以我對晚上仲有點心食既點都會印象好深, 呢間店既蘿蔔糕係我覺得最好食既食物係呢間餐廳入面, 本身炒香很重, 外皮有小脆, 入面係鬆軟的.晚上仲有蘿蔔糕食,仲要係好食既 ,就呢點都值得我介紹下,不過大家要注意呢到晚上點心都係少左好多所以想食點心都係早小小去啦..呢個係瑤柱咸肉粽, 份量都算好大, 基本上有2人先好食,如果唔係飽死, 你都唔洗再試第2樣野..咁咸肉集中係中間, 所以去到中間真係有D咸所以我打散黎食,味道反而平均返會好味D呢到既叉燒好食, 本身味道同出面有小小唔同,唔SURE係咪用第2D汁去整, 本身好重蔥味, 叉燒係半肥瘦到, 我諗都岩好多人食, 我本人比較喜歡瘦所以餐廳晚上有即叫即整既腸粉既話 我會大力推薦!加成日黎食~

叉燒真係巧巧食今日同男朋友來開灣仔想去利東街影下相，順便來填下肚仔～叉燒皇薑蔥撈麵撈麵一上台我就已經流晒口水，叉燒閃零零，咬落去一啲都唔會乾，真·Juicy又抵食！！海南文昌雞飯我自己本身就係雞肉控，文昌雞就有層水晶咁款嘅gel喺面嘅，幾好食。如果想試下食文昌雞又唔想叫半隻咁大份呢就可以叫呢個，可以一嚐文昌雞肉🤤蟹籽燒賣皇燒賣一上來好熱，連蒸籠上，大家如果食就幾得要吹下先食。我個人就好鐘意呢個燒賣，因為佢入面啲蝦好夠料，又大粒～唔錯唔錯！清潤雪耳燉木瓜呢個就係我最喜歡嘅糖水，就算我自己平時都會喺屋企候煲，喺出面食呢個糖水，好多時候都會好多糖好甜，但係呢一間就做到啱啱好，唔會太甜，所以我都幾鍾意呢個糖水。雞蛋腐竹糖水呢個就男朋友叫嘅，我偷食咗一啖，都係啲唔會甜度泛濫嘅糖水，啱曬我口味，正正的～桂花糕不得了，呢個真係超好味！！好好嚼然後係真係有陣陣桂花香，大力推～👍🏻👍🏻👍🏻👍🏻👍🏻👍🏻

今次同屋企人行完ikea之後就試左呢間餐廳，食之前都唔太清楚佢既菜式定位係咩，最後發現原來係行酒樓+粉面既路線，質素都唔差~香煎羅白糕，超鍾意呢個，上邊d蔥花令到成道點心都好香~個糕入邊充滿住羅白絲，比一般用粉整出黎既特別有口感，而且亦煎得好香口~燒賣，好足料，入邊放左幾粒鮮蝦，相對上肉就較小，但我都prefer呢種，因為咬落較為juicy，同埋用蝦肉會比較彈牙~勁大碟既牛河，無論色水，調味，鑊氣都十足，正~

I love this place because it is new hence it is rather quiet in the evenings, a great place for gatherings.Had the noodles which were fantastic however I wish the portion was bigger.Each strand of noodle was evenly flavoured.The soup was strong and nourishing.Ordered a portion of beef belly because you get more than just a few pieces in the noodles and it is good mixing it with the chowmein.My friend had the rice dumpling because she just wanted it.I am not a fan of rice dumplings so to me it wa

這間餐廳主要供應粉麵和點心，惟點心選擇不算多。秘制汁叉燒王薑葱撈麵叉燒色澤頗為吸引，可惜偏瘦了點，份量很多，一個人食一定夠飽。一字雞翼，炸得十分香脆呢，一字骨亦很方便食用。有一定辣度，不嚐辣者慎選，青椒和魚肉比例適中。柱侯牛腩麵，同樣份量頗大，牛根燘煮得很腍又夠味，麵條彈牙而不會有鹼水味。蝦餃，皮很薄而且餡料有滿滿的蝦，不錯呢！這裏環境安靜，裝修以竹林內涼亭為主題，頗有特色，茶位僅$3一位，想坐下來喝個茶聊聊天倒是不錯的選擇。

朋友在皇后大道東返工，約我放工食早飯，我才知道原來合和中心的七樓有這麼多商舖及食店。我們早放工於約6:30來到客人比較少，但越晏越多人，結果於約7:45時已近九成滿，証明香港的上班一族的工時真的很長！我點了义燒撈麵，要讚的是义燒很好味，肥瘦得宜，真正是半肥瘦靚义燒，餐牌上說這個撈麵是用了秘製汁，食落又真的幾好味。朋友點了北菇滑雞粥，她勁讚粥很綿、雞很滑而且size比想像中大。本來想點炸両，但原來晚市並無腸粉類供應。因此我們點了油菜和柱候炆牛腩。油菜上竟然是淋了XO醬，而不是一般的蠔油，感覺很特別，而且味道也很夾，朋友更笑說以後在家招呼客人時也可以跟著做。柱候炆牛腩的味道較濃炆得很入味，牛筋和牛腩都很腍，份量也大，結果朋友要打包，回家煲一煲飯又是一餐！ 最後，我們各點了一個糖水：芝麻湯丸和福果雞蛋腐竹糖水完結了我們這一餐。

鬧市中，想嘆粥粉麵飯不是容易的事，以茶餐廳價錢有舒適寛躺中菜格局更難上加難。假日運動完朋友帶到合和薈麵館，環境裝修古色古香，晚上有中式點心、雲吞麵、炒粉麵飯、粥品，款式多而且地方寛躺餐廳古色古香中式裝修之餘帶有現代感海南雞飯 $78店員介紹海南雞，用清遠雞，雞皮脂肪薄雞肉嫩滑，配上油飯啖啖香，觸動味雷引發食慾大增海南雞飯附送例湯雲吞麵餐 $58以$58有雲吞麵及小食性價高，雲吞鮮蝦爽甜，湯底清甜帶大地魚味。麵條尚算彈牙，沒半點梘水味湯底見粒粒蝦子蛋煎蝦米腸粉 (餐)用蛋煎蝦米腸粉，煎得香，沾上麻醬甜醬，很美味．Menu

去完利東街就去左合和中心入面既薈麵館解決午餐裝修十分靚有古色古香既感覺但又帶d時髦尼度唔同酒樓有一個長既杯飲茶侍應會定時主動幫你加茶今次就叫左個2-3人set $238有點心3款 1款小食 1碟油茶 1款飯麵 2碗糖水/湯/汽水就咁睇份量都相當多先黎既係油菜 推薦大家食芥蘭十分爽脆但又唔會太硬之後就係蛋煎腸粉煎腸粉時加上蛋漿估唔到又幾夾蜆介鯪魚球有6粒外層好鬆脆而且好大粒新鮮炸起個蜆介醬幾好食馬拉糕好鬆軟但又唔會好散甜度剛好燒賣粒粒都真材實料蝦肉足料🦐豉椒牛肉河勁！大！碟！ 有d嚇親而且牛肉分量都唔少河粉夠爽滑老火湯唔好睇佢好似好細碗勁足料有雞腳 肉 椰子 紅棗 圓肉十分清甜而且無味精味芝麻糊好滑 而且唔太甜岩哂我$238呢個價錢真係唔貴平時去飲茶都無咁平而且食物質素有保證份量又多服務態度好會再黎食

今日收咗工喺灣仔就嚟到合和中心呢間新式嘅點心店薈麵館 但係同時都有粥粉麵飯食 七點鐘嚟到唔係太多人 呢度裝修融合咗 中國特色好得意 隔離有啲好似中國庭園嘅設計 又有啲雀仔叫聲 好寫意 叉燒撈麵 叉燒半肥瘦 而且好軟淋又入味 撈麵落咗啲叉燒汁 爽口彈牙 無鹼水味 牛腩撈麵 牛腩好重香料味同鹵水味 不過加埋撈麵亦都好夾 蝦餃 蝦粒粒大大隻 配上筍絲爽口 燒賣 入面有蝦同豬肉但係略嫌肥肉過多 比較油膩 整體嚟講大大粒好食 薑蔥撈爽脆鯇魚皮 魚皮爽口 厚生有少少辣 但係偏鹹 埋單都係三百蚊左右灣仔食到新式嘅廣東點心都算抵

🍜《薈麵館》😍裝修古色古香🕌環境相當寬敞舒適👍🏻食物也不錯👏🏻🍴有 #粥麵套餐 提供💁🏻🍲家鄉生劏田雞粥配薑蔥汁爆魚腩粥＋真材實料鹹肉糭🍚（$82）粥底香滑軟綿 田雞肥美大隻 肉質結實彈牙👍🏻鹹肉糭超足料👅.🐷巧製南乳豬手撈麵+脆皮蝦春卷🌯（$76）👍🏻招牌南乳豬手醃得相當好吃👅配埋無梘水味嘅生麵一流😜蝦春卷脆卜卜 😋.🦐鮮蝦雲吞麵🍜（$32）😋雲吞皮薄餡鮮 蝦肉夠大隻🦐.🐥正宗海南文昌雞飯（$78）文昌雞肉質又嫩又滑 配埋油飯同三款醬料超正😍仲有菠蘿 🍍食.🍮送糖水一碗👉🏻木瓜雪耳糖水 暖笠笠💕

薈麵館是一間古典，優雅的麵館。予人relax的感覺。估不到吃粉麵的餐廳都可以裝修得如此雅致。講完裝修，當然要試一試餐廳的味道。我們二人見有自選套餐＄238，分別有炒粉麵飯一款，點心三款，小食一款，油菜一款，飲品/甜品兩款。足夠2-3位用，好抵食。我們就點了這個餐。乾炒牛河，都幾有鑊氣，炒得乾身，蘸上辣醬，更見美味。牛肉亦嫩滑。脆皮蝦春卷炸得很香脆，好自然一口接一口吃下去。蟹籽燒賣皇四粒燒賣都很紥實。蛋煎蝦米腸粉配上混醬吃，好味道。菜心很腍甜福果腐足糖水食完鹹點，最後食碗腐足糖水作結，很滿足。

我最鐘意早一早就食晚飯嫁喇，因為人又少d，野食都上得快d啦！6點我同朋友就到左餐廳，2個人都可以坐到卡位，舒舒服服禁食好西。餐廳裝修都唔錯，中式味道濃，而且環境比人覺得好乾淨舒服，侍應們服務都好好，好有禮貌。首先餐廳有加一，每位茶錢$3。禁食物方面都幾抵食，我地叫左個餐，雲吞撈麵+脆皮蝦春卷=$76，佢有唔同嘅配搭，大家可以睇番個餐牌。份量都幾有驚喜，麵唔算少，春卷有8件，新鮮炸起，好有鮮味。朋友話好想試下個文昌雞飯（$88），我緊係無問題嫁，個飯都幾精緻，有d涼拌木耳，菠蘿，食完好開胃，然後就可以食d雞，有4個醬汁，我自己比較鐘意點甜甜地個醬油汁。然後個餐仲會送一個糖水，而家禁乾燥，緊係要食雪耳燉木瓜，潤一潤。最後緊係要試下佢地嘅點心啦，即叫即蒸，我成日覺得一間點心專門店，只要一食佢嘅燒賣就知間餐廳嘅質素。佢地嘅燒賣（$38）好彈牙，而且鮮味十足，大大粒，合格！然後我地叫多個桂花糕（$22），其實已經超飽，但見到menu有，又好想食，哈哈。埋單只需$241，我覺得好抵，而且灣仔地區，唔洗同人迫，真係好難得，中午仲可以訂位，上班一族，真心推介啊！

以前公司在合和，不過走左之後, 好少行合和，今日專登返黎同個舊同事聚舊。舊同事帶左我去7樓，試間新開粥麵店。間野裝修很整潔，地方好闊落，兩個人坐卡座，好舒服。舊同事食開，所以由佢發板，佢叫左 一飯一麵，兩個小食，一個點心。先到子薑皮蛋，雖然皮蛋有啲乾，不過用一塊子薑夾件皮蛋點糖，味道當堂唔同曬 ，好食好多。再來係白灼薑蔥鯇魚皮，舊同事極推介，晶瑩半透嘅魚皮，撈了些紅椒同醬油，爽滑魚皮有嚼勁，果然係好介紹。舊同事幫我叫左碟海南文昌雞，賣相真係唔錯，文昌雞皮比較白色，不太肥，紅椒黑木耳伴碟，隻雞肉不算厚， 但雞味幾濃，不點醬汁都夠味。不過油飯我覺得唔夠熱，同埋比較硬。最驚喜係食晚飯，竟然仲有點心食，呢度嘅蝦餃，咬開可以見到三隻蝦，澄粉做嘅外皮晶瑩，蝦仁彈牙，超正。舊同事自己食叉燒薑葱撈麵 ，我試左啖麵 ，真係可能隔離飯香，我覺得佢啲麵加左少少蔥花，食落好香，厚切叉燒食落口感好好。聚舊又有好野食，超滿足的一晚。

上個月家母生日，喺合和中心「薈軒」擺咗兩圍，其實當晚已經留意到同一樓層有間賣粥麵的食肆，見店子裝潢型格，環境乾淨企理，當時就已經將店名記下來，還說要找天來試試。趁這天要來灣仔上課，晚飯就相約兩隻小鬼來這裡解決。店子位於合和中心7樓，沿著弧形嘅長廊往內進，用餐區地方偌大，裝修具創意，樓底很高，天花掛滿以鳥籠作裝飾嘅吊燈，配上外圍的金屬欄柵，帶冰冷 cyber feel，感覺時尚。拿起餐牌，頭兩頁有詳細介紹「廣式粥」和「雲吞麵」的起源，之後是食物的分類，有湯麵、撈麵類、粥類、炒粉麵類、點心類、巧手小菜及糖水類。至於套餐方面，除了有多款不同組合的粥麵餐外，還有兩款廚點自選套餐；另外亦有三款優惠特式飯，會送糖水一碗。堂食設加一，而茗茶就每位 $3。選了特價飯餐和粥品套餐各一，再散點一客星洲炒米和一碗淨水餃。燒味六寶飯 ($78)  率先送上，先講賣相，食物分布得好平均，而且飯餸排列得井井有條，視覺效果非常豐富。逐一細數，有乳豬、燒腩仔、叉燒、油雞、鴨胸、鹹蛋和油菜，相當足料。乳豬皮薄鬆脆、脂肪不多。燒腩仔皮脆肉爽、入口軟腍無渣。叉燒惹味香甜，肉質不肥不膩。油雞鮮嫩滑溜，雞皮味道清香。鴨胸呈淡粉