薈麵館

Open Now

Now Closed

今次匯報的表現尚算不錯，無驚無險又渡過一關，那就當然要好好獎勵自己，放半天假輕鬆下。閒日午餐時段剛過，有甚麼比避開人流、靜靜地嘆個靚茶更正？以前在灣仔合和中心返工，這天重遊舊地，順道看看附近的變化，期間發現一間新開的粥麵店，環境似乎不錯。店子採用開放式設計，開揚通爽，毫無焗促感覺。裝潢以園景為題，配以竹林裝飾、燈籠吊燈和圓形通花屏風，古色古香，散發懷舊氣息。身處其中，就如在郊外用餐，遠離繁囂，份外寧靜。餐廳乾淨企理，傢俱都是新簇簇的，坐得舒適。店員服務不錯，還會主動為客人倒茶。翻開餐牌，除了各式粥粉麵飯之外，還有點心、小菜、糖水供應，選擇繁多。其中爽脆薑蔥鯇魚皮、酥炸蜆蚧鯪魚球、馬蹄魚肉釀一字椒、泡椒冰浸豬手、正宗海南文昌雞等，都是餐廳的巧手小菜。另外，店子還推出數款套餐，較為經濟抵食。天氣寒冷，特別想吃暖胃的食物，於是點了一個粥品套餐。薑蔥汁爆魚腩粥併脆皮蝦春卷($82)是我們的心水選擇，稍等一會，後者先行送到。春卷每碟四條，店家已細心地將之剪開，方便客人享用。成品外殼香脆，不算油膩；餡料主要是蝦仁和西芹，材料清爽，沒有沉重的負擔感，佐粥一流。薑蔥汁爆魚腩粥滿滿一碗，另外配上數片油條

星期五中午同同事們試下新開無幾耐既薈麵館凍豬手其實唔錯 但個汁酸啲會更好味春卷同炸兩非常好吃同脆 新鮮炸 好快清晒魚皮都有驚喜 同事最愛干炒牛河唔太夠味 同用茶膽 茶味不夠 希望可以有進步啦其餘小食都係唔錯嘅

位於灣仔合和中心7樓的薈麵館，主打港式點心及粥品。餐廳的點心除了可散叫落單，又有不少單人及多人套餐。點了一個廚點自選套餐A，供二至三位客人享用。套餐包括一客炒粉麵飯、三款點心、一款小食、一款油菜和兩款甜品，而且每款食物的份量十分足料，三位男士來也夠吃。楊州炒飯疊成一座小山般來到了。每粒飯炒得金黃色，而且粒粒分明，很夠鑊氣。炒飯內的蝦仁也大大粒，頗有咬口。蟹籽燒賣皇來到了，每粒燒賣的size巨大，而且蟹子的份量也十分慷慨。蟹子不算完全熟透，所以入口時仍有卜卜脆的感覺。脆皮蝦春卷 和 五柳醬酥炸雲呑也是炸好便立即上桌。咬一口，裡面的餡料仍然是燙口的。春卷的餡料包括蝦仁和西芹。兩款小食也十分香口。 雲呑當然不少得要點酸酸甜甜的五柳醬。蒸的流汁叉燒包也是第一次試。輕輕搣開叉燒包，裡面的叉燒餡料便會緩緩流出。叉燒肉不會是劣質肉，而且叉燒汁香濃，和包頗為配搭。唐生菜預先加了少許豉油，烚菜的時間剛剛好，不會太生或烚過龍。最後點了清潤雪耳燉木瓜和椰汁馬豆糕。馬豆糕的質感實淨，頗飽肚，味道也不會太甜。雪耳燉木瓜的感覺夠清潤，雪耳和木瓜細細塊的，容易入口。糖水中還有南北杏，味道清甜。

今晚有朋友由沙巴到港觀光，找到灣仔合和呢間薈麵館，帶朋友品嚐香港地道點心燒味及小炒，位於7樓，先來一個雞腳花生湯，夠足料，雞腳好稔，好鮮甜既湯水。而自選套餐 B $388（夠4-6位用）包自選項目有五樣，先選炒粉麵飯兩款，點了銀芽肉絲炒麵和豉椒牛肉炒河，驚喜原來肉絲炒麵個麵炸至金黃色，夠晒香脆，配上肉絲獻汁，唔會太濕太油，剛好，還有好多銀芽，同粉麵一齊食，口感爽脆。再來豉椒牛河，份量好大份，配埋三色椒。另外還包了自選點心三款，有蟹籽燒賣皇，用左原隻鮮蝦，爽口彈牙；另叫北菇牛肉球，香菇味濃；還有脆皮蝦春卷有成4條一碟、安蝦咸水角同鮮蝦腐皮卷，喜愛食蝦所以各種點心都甚得歡心。而自選油菜選了芥蘭 - 夠翠綠、清甜、脆口。而自選小食叫了百里香一字雞翼，炸至脆口，鋪滿芝麻夠香，唔會太油膩，一字翼方便易食。另再散點了秘制汁叉燒王薑葱撈麵，上台時配上清湯，因其中有朋友唔食薑蔥，所以叫了另上，主角叉燒面鋪滿蜜汁，色澤吸引，半肥瘦肉質夠滑, 夠多汁。冷盤有泡椒冰浸豬手，豬皮夠爽脆惹味，微辣。自選仲未選完，仲可選飲品或甜品，我就叫晒甜品，有紅豆沙，口感有起沙唔會太甜，還有清潤雪耳燉木瓜夠滋潤和養顏芝麻糊。

放工時間想食中式點心同粉麵，發現呢度開左間好有古典中國風既中菜餐廳晚市2人套餐$238 好抵食銀芽肉絲炒麵煎得金黃嘅炒麵，食落脆口但唔油. 鋪上炒過嘅銀芽、韭黄、冬菇絲、蘿蔔絲、豬肉絲，芡汁夠多,食得好滋味北菇牛肉球牛肉球舖上北菇蒸，牛肉比例多，唔會食到成口粉安蝦咸水角外皮口感鬆化煙韌，配料有肉碎、韭菜、虾米、沙葛蛋煎蝦米腸呢度嘅蝦米腸加入蛋煎，口感豐富，如果金黃d會更好酥炸蜆蚧鯪魚球驚喜之作！我發覺呢度嘅炸野特別出色，鯪魚球上嘅炸米粉非常鬆脆，一樣係唔油膩，鯪魚球肉十分彈牙芥蘭食到呢度已經非常飽，唔好唔記得套餐仲有甜品呀！福果腐竹糖水福果即白果，腐竹煲到融晒，好濃雪耳燉木瓜最近天氣好乾燥，攪到喉嚨好乾涸，飲返呢個糖水可以滋潤返～

繁忙嘅工作，令人特別期待午飯嘅時間。無他嘅，因為午飯時間可以食吓好嘢順便比自己輕鬆一下。不過，可能都係因為工作嘅關係，令香港人午餐嘅要求，只係以快靚正為主，真係連坐低嘆一餐嘅時間都冇㗎。咁啱今日係公司附近，合和中心七樓發現咗一間新開嘅中菜館，午飯時間都有唔同套餐供應。今日難得同事人少少可以去試！新開的關係，人流不算太多！生滾鯇魚腩粥生滾粥好鮮，魚腩無草腥味！而且粥底好綿，好彩聽咗經理講叫左一碗。雞蛋煎蝦米腸蝦米腸煎得香口，每一條腸粉都有蛋包住。不過略嫌有少少油。柱侯牛腩撈麵香濃的柱侯醬炆牛腩，而且隨碟仲有幾舊牛筋。牛筋炆得好淋，好多骨膠原啊我鐘意！麵好爽口彈牙，而d牛腩又入哂味咁，一次滿足晒兩個願望。油菜一餐飯點可以無菜落肚？撈麵加多個油菜就係一個套餐！芥蘭份量都好多！仲有菜心同生菜揀！文昌海南雞飯經理推介這個海南雞飯，就試下啦！文昌雞鮮嫩非常，無雪味。雞件肥瘦平均，啖啖肉得來，不會食到成口油！雞皮又不會太肥，而且油飯好香，色澤均勻。配菜的新鮮菠蘿片，酸酸甜甜十分開胃。大推！係雞脾黎，好滑呀！果然出面好難搵到咁高質的海南雞飯！下次再試下其他小菜同粉麵先！套餐仲送糖水，有四款揀。午餐又多

灣仔嘅合和中心都算係區內嘅Signature Building，由我哋細細個已經記得佢特別嘅圓柱型外觀，依家再望望我隔離嘅M佬同背後嘅大廈，真係覺得歲月催人。講起合和中心，除咗返工放工，又點少得頂樓嘅旋轉餐廳呢？但今日我哋唔係食自助餐，反而係嘆夜茶。唔好以為喺合和中心呢啲商業區食飯就會好貴呀，呢個2-3人套餐都幾抵食架！蟹籽燒賣皇唔知大家去飲茶最鍾意食咩點心呢？我A姐就最鍾意燒賣，所以嚟到薈麵館都要叫番籠燒賣，因為即叫即蒸，所以要俾啲耐性等等喇。燒賣大大粒，原隻大蝦又夠彈牙，好味之餘最重要係套餐點燒賣唔駛另外加錢！鮮蝦腐皮卷同樣用上原隻新鮮大蝦，彈牙得嚟腐皮又脆口，係另一推介。蛋煎蝦米腸粉蝦米腸粉成日食，但呢度係用蛋煎嘅蝦米腸粉，令到腸粉沾上蛋嘅香味，質感亦滑溜，不過，蝦米份量就略嫌較少。酥炸蜆蚧鯪魚球6大粒新鮮炸起又鬆脆嘅鯪魚球，配埋唔會超鹹嘅蜆介醬，真係唔停得口。油菜：芥蘭芥蘭新鮮嫩綠，但蠔油唔夠，所以我哋要叫店員另上蠔油至得。豉椒牛河非常大碟，我哋2個人都食唔晒！豉椒牛河夠晒鑊氣，牛肉又夠晒多，最重要係唔會太多汁，搞到一pat pat咁。清潤雪耳燉木瓜冬天當然要滋潤一下啦！好清甜

聖誕節時腸胃炎, 早午晚三餐都要吃粥, 其實吃粥並沒有問題, 問題在於最最最近我屋企只有一間粥舖, 一間吃完口乾的粥舖, 味道就……唔好講啦! 人病了自然想向人撒驕, 我的對象當然是老爸。老爸便認承帶我去一間好吃的粥麵店。吓! 一向是由我帶老爸四處覓食, 不過…..講到粥麵店, 我真的不在行, 今次就讓老爸威返次啦!還以為老爸只識去一些狹狹窄窄的舊式粥麵店, 估不到今晚來到一間環境優雅, 設計富心思的粥麵店。掛上一盞盞雀籠形狀的吊燈、通花的木圓架放上中式的茶杯茶壺, 再配上花園景圖和竹葉的圖, 古色古香, 很優雅舒適。開放式的門口, 樓底很高, 感覺很開揚。內設有多張二至四人枱, 亦有數張六至八人的圓枱, 還有一排長梳發座配四人枱和卡座, 枱與枱之間距離甚多, 既出入方便, 亦坐得很舒服。餐簿亦設計講究, 首兩版詳細介紹了廣式粥和雲吞麵的起源, 細閱後讓我加深了對兩者的認識。而每頁均附有菜式圖片, 分門別類, 既精美亦清晰。分別有特別推介、湯麵、撈麵類、粥類、炒粉麵類、點心類、巧手小菜和糖水。除單點菜式外, 還有三款套餐, 包括粥麵套餐、廚點自選套餐和優惠特式飯, 經濟實惠, 相當吸引

第一次來合和中心找吃，原來裡面有不少餐廳。這家新開的薈麵館裝修得古色古香，還有個開放式廚房，見到師傅在裡面煮麵。難得吃麵的地方如此整潔，得體，價錢亦合理。飲茶用的公雞杯，明明新簇簇，卻夠懷舊。漂爽海蜇皮伴香辣順風耳小青瓜沒有圖片參考，沒想到這碟前菜這麼豐富，擺碟好看。軟如麵條的海蜇，清清涼涼，咬下去索索聲，又軟又爽。原來豬耳做成肴肉般。整塊滑溜溜的，啫喱凍在口裡溶掉，都幾香，豬耳爽脆。青瓜爽脆，涼浸浸的，醃得很入味，帶少少辣，都幾惹味。三款都用爽來形容，其實口感各有不同，是三種不同的爽。叉燒王薑葱撈麵被精緻的賣相俘虜了我的心。碟子上的公雞比一般的可愛，不過最吸引的還是上面的叉燒。叉燒的蜜味剛好，沒有炭燒的燶邊，差點風味。叉燒半肥瘦，有肉味，有油香，不過肉質有點實，少少乾。兩條菜心爽脆，鮮嫩帶甜。粗麵好吃，輕輕的彈，有很淡很淡的梘水味。薑蔥不多，也沒有醬汁，比預期中淡，適合想要減肥的男友。撈麵配的湯，表面浮著蝦子，但偏鹹。炸兩包著油炸鬼的腸粉很厚，是很實的白，也沒有米香。連包在中間的油炸鬼都遠遜預期，又腍又韌。吃了一件便放棄了。男友把整碟吃光，但明顯炸兩不是主角，只是他用來襯托甜醬和麻醬

下午同同事一齊食呢間薈麵館, 未來之前都以為只係得麵提供既食店, 但原來內裡係一間精品食館, 好有高級MIX茶記同酒樓既感覺～ 燒味六寶飯呢個我會形容為豪華版既燒味飯, 六寶包括左有叉燒, 燒鵝, 烤乳豬, 白切雞, 咸蛋, 雲耳呢六寶, 就咁聽個名已經知有幾豐富, 餸菜既份量唔算多, 但係質素就比一般既好, 我特別喜歡既係烤乳豬, 薄薄既一片但係肉質, 肉汁同埋個脆皮都係PREFECT既比例, 脂肪比例少但係都好香既乳豬油香味!! 淨係食呢個都已經值回票價 爽脆薑蔥鯇魚皮第一次叫呢個黎食, 想不到樣子唔太討好, 但係味道又幾過癮, 呢道係冷盤黎, 食落酸酸甜甜, 加上鯇魚皮既質感都係好爽滑, 呢個製法特別得黎又少見, 必試推介!!

呢度既環境同坐位都係比較輕鬆同埋乾淨價錢唔算平, 但係質素同環境都好有水準 順德佬鯪魚球粥因為有少少唔舒服, 只好食清淡一點, 呢度既粥品份量都幾大, 2個人吃都夠食, 呢個鯪魚球粥, 五顆大大的鯪魚球浸在粥上面, 粥的口感是勁綿勁香口, 好有生滾粥既感覺, 而鯪魚球味道好香, 完全CARRY到成碗粥既味道!! 加埋佢送左一1份油炸鬼片比我, 完全係大滿足既粥品 晶瑩鮮蝦餃黎飲啖茶當然要食下點心, 呢度蝦餃超大隻, 一咬入面既汁爆哂出黎, 隻蝦有成隻手指咁粗咁大, 而且皮夠薄, 就咁由皮望入去都已經見到隻蝦既形狀, 超誇張!! 

今天來到這條金光閃閃的大街，有聖誕表演，還可以欣賞人造飄雪。不過，這裡人流量超多，不想在這邊迫～迫～迫，於是來到合和，看看有什麼好西。母親大人想食粥粉麵飯。還記得合和某個家品特價店，旁邊有家粥粉麵餐廳，一於上網查看這餐廳的營業時間。十分幸運，還未過營業時間。一家三口就來到合和了！　地方果然夠寬敞，保証坐得舒服。除了竹子為主題，裝潢夠簡潔清雅，母親大人更喜歡這個餐具～筷子托！　傳統的觀念＜子有所托＞呀！科學角度來講：乾淨衛生！筷子不會沾到枱面。　　做最重要的事：選擇食物。每人一個套餐，就真的皆大歡喜了！　各人可選喜歡的粥粉麵，而小點油菜甜品可以大家分享。巧製南乳豬手麵  母親大人點的！因為豬手有豐富的骨膠原！　　　　白灼鮮牛肉撈麵  走蔥薑絲，就是小米版本的牛肉撈麵　　　夾來一件牛肉，果然夠嫩滑。鮮蝦雲吞麵   自己點的  細蓉，細細個就經常吃。　正因為是陪伴自己長大，對雲吞麵有深刻味蕾記憶。湯底是大地魚湯底，有蝦籽，韮黃。　雲吞要擱在下方，用作承托雲吞麵，以免麵條浸得太久而發脹。　　而雲吞有很多版本，有全豬肉版本，也有蝦＆豬肉版本。自己喜歡就是蝦肉＆豬肉版本。先找出碗內所有雲吞，點算數

一般粥麵店裝潢不講究，簡單桌椅、乾淨企理便算，因為一般人只會在粥麵店速食，最緊要食物好味道及價錢合理。 今日我來到合和中心7樓的這一間薈麵館，卻是一間裝修有品味的店，現代與經典的融合，雀籠吊燈、古董架、木桌雲石椅、圓形大窗外仿大宅花園景、卻又配上鮮艷的青綠色主調，給我的感覺就是一家老闆開俾自己吃飯的店。 厚身餐牌，漂亮圖片，菜式圖文並茂，更配上粥品及麵食來源的故事，越看越覺得我的估計沒有錯，老闆是要面子的，每一樣細節都要講究。 正如店名，食品皆是香港人非常熟悉的各款粥麵，例如雲吞麵、牛腩麵、炸醬撈麵、艇仔粥、及第粥、亦有一些點心及甜品。 另配優惠單張，粥麵套餐又唔貴喎！＄50至＄80已經有交易，一款粥或麵之外，可選小食、特點、油菜或甜品。 細看菜單之後，我發現有兩款特別吸引，正宗海南文昌雞及巧製原隻鮑魚雞粥，這兩款還不是富人的喜好嗎？既來之，我亦不會放過。 正宗海南文昌雞（半隻）   海南文昌雞其實即是白切雞，若然在海南吃，可以吃到正宗走地雞，雞有雞味當然好，但香港的雞啊，冰鮮養雞實在沒有雞味，怎辦！ 這一道文昌雞，做得非常有心思，比想像中好得多。 首先是雞肉非常滑