Cook King Cooking (Closed)

小店地方小，主要4人桌，5-8人只要一張table 全high chair位⬇️鵝肝多士呢個超正！剛好半生熟super good👍🏻👍🏻👍🏻👍🏻👍🏻，不像外面餐廳的過熟，個汁超正，包香而鬆趣😍😍😍😍😍 ⬇️玫瑰鮮奶Latte，有淡淡玫瑰香👍🏻正😍😍😍 ⬇️ 扇貝,size n 味ok正常😍😍⬇️炸物(小份）ok正常，但炸蝦很細，炸蠔也迷你，炸薯仔及紅薯大件，有BBQ及沙律醬點來食😍

我好少寫食評，除左有d懶之外，真係唔算太多餐廳令我有深刻印象，但今次呢間一定要推介下。今日同幾位朋友來到呢間餐廳食午餐，餐廳唔算好大，但俾人好舒服既感覺。通常晚餐菜式變化會大d，但估唔到呢度既午餐都好有驚喜。炸雞好嫰滑，個沙律醬好好味。紫薯餅/甜薯餅咖哩值得推介，薯餅外脆內軟。意粉醬汁好濃郁好夠，唔會好似有d餐意粉又乾，有汁都好似唔夾咁。另一推介係甜薯條，好特別，冇一般薯條咁油，甜甜地好好味。咖啡好睇又好飲。杯玫瑰鮮奶咖啡好香玫瑰味。試過出面好多玫瑰咖啡只落幾片花瓣就算。大廚推介左杯荔枝甜品（有少少酒，唔記得咩名），好清甜，岩晒唔好太甜既我。另外雪糕pizza都好味，不過呢個要同人share食至得，因為食完份午餐太飽了。價錢公道，食物份量又唔少，員工服務也很好，很有誠意及水準既餐廳。

昨日經朋友介紹下，去了一家小小西餐廳，係當年紅極一時嘅加太賀隔離再隔離街，聽閒大廚係前灣仔會展旁酒店大廚，所以都有期望去試一試。當點了兩個簡單午餐，羊架及龍鯏飯，加上配菜及甜蕃薯，看落精緻，而且新鮮。我本人不怕生，所以羊架都叫半熟，味道不錯。魚配飯，不過可能掛住相機食先，飯凍左少少。咖啡及凍咖啡好精緻，唔捨得飲，不過飲晒，哈哈！整體來說，論區域，及地點，有此一家用心做食物飲品，實在不錯！加上泊車可以泊上近樂民村附近鏢位，十分方便，我諗沙中線開左，仲有多d野食整體味道： 羊架味香不濃，魚飯汁味適中，蕃薯夠甜好味，湯就淡了點。飲品夠特色！

今晚再次來到這小店。先嘆返杯Regular coffee. 店員姐姐還造了可愛的拉花🤗咖啡依然同上次一樣，香濃十足，好滿意😊再來一碟極上海膽流心蛋，賣相已經好吸引😍海膽好夠鮮味，配上燻蛋，味道好創新，值得一試😉然後到主菜BBQ Ribs😋肉質鮮嫩，燒烤味十足，有咬口，不會太淋。醬汁有點酸甜味，外層還有少許燒得脆脆的感覺🤗甜品時間～白蘭地布丁配荔枝雪糕😙必吃推介，滑滑布丁還有陣陣荔枝香味，有少許酒，不會太甜👍🏻👍🏻👍🏻第二次來，服務態度依然親切，食物仍然保持水準👏🏻👏🏻👏🏻

今晚好友話帶我們來吃好野。。。。我們三人一來到門口，我覺得好靚，內部看到好有心思的地方。好舒適。好友之前早一日已定了二個特別菜色。白酒香草聖子皇。。。。有薄薄酒香，好鮮甜，好肥美，好有私房菜特色。我們全力推薦，記得要早一日定。咖啡豬手。。。。少少少咖啡香，皮軟滑，肉質好軟淋，好入味，好大隻。我們即埸點了其他特色食品。Rose 🌹 ice Latte....朋友話好香。我飲特飲也好正，他們話是日本清酒加檸檬汁。。。甜甜地。好飲。啤酒穌炸雞翅。。。外部香口好入味，內部肉質好，味淡些。芝士焗豪。。。芝士好香，豪味足。薄餅略細，味道ok。甜品南瓜焗布丁，好香，好味。我們已約定下次再試，期待。

今日一班朋友來到呢間西餐廳吃晚飯，環境舒服，感覺舒適。我們一行八人，點了以下食物：首先大家都叫咗杯Pussy Foot, 平時成日飲檸茶檸水，飲到悶曬，呢杯特飲絕對比到大家驚喜。1. 啤酒炸雞翼 - 必食推介，用炸生蠔的方式來炸雞翼，美味非常。2. 芝士焗蠔 - 蠔夠新鮮，鮮味十足。3. 咖啡燴豬手 - 口感一流，好夠入味，撈飯正4. 紅咖喱豬軟骨農夫包 - 咖喱味道剛剛好，香濃美味，再點埋農夫包簡直絕配。5. 森巴醬海鮮意粉 - 個人很喜歡這個森巴醬，十分惹味，帶少辣，下次來我要一個人吃一碟。6. 黑松露什菌忌廉意粉 - 好Rich嘅忌廉汁，仲落咗好多黑松露，正！7. 地中海海鮮薄餅 - 一囗咬落，啖啖都係海鮮，足料非常。今晚有朋友生日，老闆還為她製作拉花咖啡及生日蛋糕，很窩心，很細心。今餐真係大滿足，食物水準高，睇得出係好用心去做每一份菜式。老闆和店員服務專業，態度親切。期待下一次光臨，試試牛扒羊扒和其他美味菜式。誠意推介~~!!!!

今天星期三突然想吃好些，所以点了羊架+魚扒。因怕太飽，冇選湯。点了沙律，先吃沙律清下胃口先。開頭本來怕羊太生，想熟但又怕太硬。所以諗住由大厨主理算。主菜來了。。。羊熟得來竟又易切又軟硬適中。表面吃得到陣陣香草。有味但不會太濃味太咸。紫薯蓉味道OK.幾特別。少量意粉分量略少。最驚喜是下面的小魚扒，本身肉質佳有味道加上羊滴下的汁令魚味道更佳。今天因不見舊咖啡師在店，所以只叫了冷奶茶。也算合格以上。

紅磡區橫街好多隱世美味小味。今次試到呢間，老闆話試業到依家開左兩個月。呢間小店開在一條僻靜小路，四周多數是舊式小店及車房，正正如此，這間簡潔裝修的餐廳就吸引到我。今次一來就試晚餐，等我簡潔comment下我嘅order先 :*芝士辣肉碎焗黑茄子 ： 半隻茄子介花再舖左芝子及特製肉碎。味道好惹味，我好喜歡，略遜是特製肉碎比較油左啲。*古法羊架伴紫薯蓉 : 羊架大力推介，雖然我order七成但上碟時是九成，但羊架肉質仍然非常鬆軟，而且好有羊味。就算未有伴上那個特別調較的醬汁，羊架已經好美味，我相信羊是事前醃過。配菜除了有紫薯外，還有少量沙律菜和冷意粉，兩樣微酸的配菜中和了肉的飽膩感覺。*森巴醬海鮮意粉： 意粉質地沒大驚喜，反而個醬汁都是好惹味，令人好容易食晒成碟。味道有點似加左xo醬我香，入面加左洋蔥，所以好香好好味。*最後是老闆送的即製 南瓜布丁，熱辣辣好香，我特意放涼一點，令底部乾身一點才吃。甜度適中。是日我們自携左支酒，老闆好好，唔收我cockage。另外我見嗰度都有啲咖啡機，好咖啡的我，下次會去試下個brunch兼試飲咖啡。

自從轉工要落街lunch後, 附近嘅餐廳都幾乎都試過曬~唯獨呢間但次次經過都爆滿~今日決心要同fd食呢間,所以特意提早落去攞位~價錢黎講都偏貴, 睇吓食物質素如何先~前菜可揀沙律or湯~沙律菜新鮮,醬汁份量剛好; 湯份量少但都ok,味道唔錯,好creamy~賣相不俗, 豚肉調味唔錯, 如果洋蔥生d會更好~豬扒都幾嫩滑, 好like佢d拌菜, 成個餐肉&蔬菜比例好均衡~健康又好味~溫泉蛋同飯攪拌之後更好味~環境簡潔明亮, 服務態度良好, 有笑容, 食物質素唔錯, 雖然價錢偏貴但可接受~

食午飯的時間想試試新嘢..在OPENRICE上發現此店.行到那裡已經有人等緊..裡面都好多人...看看餐牌都不便宜..心想那麼多人來食..就點一個飯.原來這裡可以用WHATAPP發送餐牌的..因為每星期都會轉餐.裝飯盒的不是膠袋..是一個可以循環再用的紙袋.服務員的招待好好...給我飯盒時仲叫我小心些..怕會弄傾斜食物..好貼心.回來一看飯盒..2邊都是餸菜,中間是沙律菜...份量剛好...咖啡有3/4滿,個湯1/2滿.食哂個餐會好滿足....之後都會再試其他的..謝謝此店的用心...現在知道點解會有那麼多人光顧了...

舊同事試過這裡。介紹這裡的炸雞伴冷意大利粉。所以我也來試。炸雞炸得香口得來又鬆軟，内裡的雞肉依然保持肉汁又滑。正！冷意粉伴上特制沙律醬好開胃又令炸雞冇甘熱氣。午餐重有湯和有機沙律二選一。最後伴上好靚的拉花咖啡，好滿足的午餐。值得一提是這裡無論大厨，咖啡師和侍應的禮貌和笑容真係好好。令客人食得開心。(有時咖啡師低音地說：攞野～好正～好攪笑～)

返工附近開了一間西餐小店，想試左好耐，但日日中午爆滿，今日星期六終於有機會一試。一入到餐廳，服務員態度很親切（其實之前試過想光顧，但沒有空位，我站在店外，即有服務員出來招呼我地，還介紹店內食品，最後由於不想等，所以沒光顧，但服務員的態度仍很好，叫我地下次早點或預約），我叫了一個午餐，價錢合理，包括有機蔬菜沙律、日式牛肉飯（還有有伴菜同溫泉蛋添）。最驚喜係果杯即磨咖啡，竟然有隻可愛小貓拉花，中午飯的餐飲，竟有咖啡店的水準，一讚。順便一提，桌上有一瓶自家製作的酸蘿蔔，隨便任吃，真的很好吃👍。工廠區內一間小店有此水準，值得一試。見到一班青年人用心經營，大家多多支持。如果有下午茶提供就更好😬

在工作的地方附近，新開了一間西餐小店，因為某種情意結和支持小店便光顧了2次。第一次是外帶“漢堡餐”，有沙律、薯條、一個外賣麵碗大小的漢堡和凍飲。唔……食材用料不差，蔬菜鮮甜，那塊漢堡肉手打實厚不散，醬味尤佳，令本來不太愛好吃漢堡的我，大有「吃過番尋味 」的意欲。今天剛剛光顧了第2次，吃了“日式薑汁豚肉”午餐。味道也很好，而且沒太甜到膩（有些日式餐廳做法太日式，太甜，吃不慣）只是湯用了酸奶和冷凍的‘溫泉蛋’有點吃不慣……整個午餐仍算不錯。因為仍在試業中，見到是青年人開業的，希望他們找到一群客路（我會是其中之一），支持他們做下去。ps:我是老人家不慣“手機食先”，不過賣相不俗，我會再光顧的（笑）