媽咪隨意屋 (Closed)

今日同朋友去深水埗掃完平貨🤩，順便去咗間泰式餐廳度食嘢😋。媽咪隨意雞飯🥘同海南雞飯差唔多，雞肉食落好細嫩，雞皮好爽滑，雞味鮮美濃郁，口感亦唔肥膩。泰式海南雞醬，味道酸酸辣辣，令人食指大動，讓海南雞更錦上添花！黃油飯比一般白飯或者菜飯香味更濃，配上海南雞一齊食，簡直一流～！椒鹽一口豆腐 x 炸雞軟骨另外點咗一份椒鹽豆腐，外層薄薄嘅脆皮包裹著嫩滑溜口嘅豆腐，一咬落去口裡融化，外皮亦炸得非常鬆脆，非常好味！雞軟骨最驚就係炸得唔夠熟，估唔到肉佢居然酥脆得剛剛好，食起嚟外酥內脆，沾著椒鹽一齊食更加好味～泰式青檸梳打飲落微甜，甜度適中，好好飲！餐牌我哋坐sofa，都幾舒服，下午去食都幾chill，仲可以睇街景，幾唔錯👍🏻👍🏻

暫時無得去泰國旅行唯有食下啲泰國嘢懷緬一番。上一次食船粉係泰國，喺香港好少見到有得食，所以特登叫番碗嚟食。呢間餐廳係商場入邊，樓底好高，坐落好舒服😌店員服務好好🥰又有禮貌👍🏻‘海鮮船粉 ’海鮮船粉好足料😍有好多種海鮮😋包括青口，八爪魚，帶子......船粉個精華就係個湯底💓餐廳自家製超香濃湯底💖採用多種天然泰國香料和大量豬骨熬製而成絕無添加味精👍🏻湯底味道香甜，湯汁香濃，入口有層次。船粉滑溜堅韌，吸佐d 湯底超好味。🤗‘炸雞卷’炸雞卷細細粒外邊炸得岩岩好。而且有啲辣泰式辣醬點嚟食，好味道。‘椰青’椰青好新鮮好清甜💓而且果肉可以一啖一啖咁筆黎食。好多嘢青水好滿足🥰‘青檸梳打’好清新

餐廳環境舒適，座位寛敞，進餐區域在玻璃幕牆下，視覺開揚，光線充足，份外醒神。今次就嗌左兩個餐：泰式咖哩雞飯（52蚊）及豬仔髀飯（62蚊）。兩個餐嘅份量足夠，計番價錢都合理。咖喱味幾香，要黎撈飯不錯。豬仔髀飯加埋啲配菜都幾特別。餐廳職員話鮮肉船粉係招牌菜，見到啲料都有幾多，有興趣可以試試。食飯期間都有不少人買外賣，見到有唔少人有嗌串燒。佢啲串燒係幾吸引嘅，因為你係可以睇住佢燒，香噴噴。如果多人食可嗌套餐，見到有菜有餸有飯有野飲，都幾豐富。

今日行過長沙灣元州邨商場，諗住入商場睇吓有咩食，一入商場就見到左右都有餐廳，不過就被右邊嘅呢一間媽咪隨意屋吸引住。因為佢門口寫住有學生優惠（雖然早已經同學生身份有好遠嘅距離）。不過見到社區上邊仲有對學生咁關注嘅餐廳覺得值得支持有下。見到佢午餐Menu選擇唔係話好多，但基本上每一樣都非常之吸引，對於喜歡泰國菜的我來說，其實已經好難做選擇。咁熱嘅天氣下決定食一個青咖喱雞飯開一開胃口。呢個青咖喱飯配上一隻煎蛋，蛋黃有流心效果，非常有心思，而雞肉亦並非諧霎霎嘅雞柳肉，而是白切雞，唔知係咪都係海南雞飯嘅嗰啲雞呢？今次佢仲有埋一隻雞翼俾我，應該係我行大運了！ 講一講個青curry先! 佢嘅甜味唔係話非常甜，同個辣味完全平衡到，10分開胃！ 加上配菜同白飯，非常好食！ 雞肉非常嫩滑，非常肥美！ 如果對於重口味嘅你，呢間餐廳一定係你首選，外面有唔同嘅調味料比你自己加，令菜式更加惹味！ 不得不提嘅係呢一杯奶茶，雖然我走咗甜，但係琪奶味非常之香滑，走甜都已經非常之夠味！下次更加會試泰式奶茶！ 店內面積雖然不大但整齊有你，簡單佈局令人有舒適嘅感覺！ 下次一定再嚟！

今日行遠啲去長沙灣元州邨嗰邊搵嘢食 一入元州商場 就見到媽咪隨意屋👩🏻本身見到個裝修以為係冰室之類 睇真啲個Menu原來係食泰國菜👀見今日口淡淡就決定食啲濃味野啦套餐有五款 本身我好鍾意食冬陰功 但見到佢竟然有泰式船麵 好少泰國菜館會做船麵🍜所以決定食佢😋呢碗絕對係足料版船麵✌️✌️有肥牛豬肉丸蘿蔔同埋炸豬皮 配金邊粉 喺泰國食過地道船面就知道炸豬皮係必須嘅 炸豬皮吸晒湯底嘅精華 就好似我哋平時食魚蛋粉要配炸魚皮一樣🥳蘿蔔好入味 湯底明顯淆左好耐 香濃但唔會口渴 豬肉丸好彈牙 一咬落去爆汁 不過我下次會揀雞肉 因為牛肉煮得有少少老下次嚟一定會食冬陰功湯 睇到個賣相都覺得吸引 臨走嗰時侍應姐姐仲好有禮貌咁問「點啊？好唔好味」果然小店係有人情味啲🥰

媽咪隨意屋這個名字挺有有趣，便想找機會試試。以為疫症關係，人不會太多，但當天看到餐應在下午茶時段只有不少客人呢！先點了小食：椒鹽一口豆腐 & 炸雞軟骨豆腐一口大小，外脆內軟，酥脆口感配上豆腐嘅軟嫩，唔乾柴！調味剛剛好，好正，份量唔算好多，一個人都可以輕鬆ＫＯ成碟!炸雞軟骨有好多粒，炸得金黃之餘有鹽粒調味，香口又有咬口，入口熱辣辣，夠香脆的確唔錯。呢兩款小食真係無得彈，下次食都一定會叫返！還點了酸酸辣辣的冬陰公金邊粉，湯底夠惹味、重味，辣度剛好。大大碗金邊粉，份量比想像中多，金邊粉煙韌彈牙，配湯一流～～料都幾足，有大蝦、菇、蕃茄仔。。份量十足！而且海鮮令湯底的鮮味提升，很開胃呢～好多年冇飲過菠蘿梳打啦。。叫番杯好靚嘅泰式特飲-菠蘿蝶豆花，依杯菠蘿蝶豆花上層藍色下層黃色，有種魔幻嘅感覺，非常特別，好岩打卡！蝶豆花營養價值豐富，飲得健康！值得推介 價錢合理，值得一試！

有朋友住呢頭話有間性價比唔錯嘅泰國嘢遇左時間散步，決定早少少食晚餐，又可以避開人群，又唔駛等咁耐野食，非常好 淨睇相覺得碗麵都幾健康，有綠色野🤣 不過出街食梗係叫啲平時屋企唔煮嘅嘢啦 鮮蝦頭船粉冬陰功湯冬陰功湯唔算好辣 平時食開譚仔10小辣都接受到 酸辣好開胃 好開心冇揀錯湯底 好食到可以連湯底都飲埋 份量okay 有四隻蝦 另一個係冬陰功泡飯泡飯入味 應該同冬陰功湯一齊煮 女仔來講其實飯既份量有啲多 慢慢食都食唔晒🤣眼闊肚窄 黎到嗰陣好肚餓所以叫咗串燒 食完個面都飽飽地 不過為左唔浪費食物 我地都有食埋 因為串燒既香味係咁飄黎😂見到隔離枱有杯好靚既野飲 我地都叫左杯泰式梳打特飲 密桃味 係淡橙黃色☺️想打卡影得靚啲就最好坐窗邊 影野食既時候可以用街做背景 可以影到霓虹燈既感覺 唯有下次啦😅

長沙灣有一間專食泰式同埋越南野嘅餐廳，選擇種類多好多，而且價錢都算適中，真係有啲選擇困難症！值得一提嘅係職員態度非常好，都係比較後生，做事都好有衝勁。 咖哩軟殼蟹配脆包，咖喱份量超級多，要講多次，真係超級多！香而不太辣，食唔到辣都可以試吓。而且裏面有啲菜啊，洋蔥同埋蔥～分量十足，所以食唔晒我就攞咗返屋企第二日送飯，一流！軟殼蟹炸得非常香脆，估唔到裏面仲有啲蟹肉，真係喜出望外，咸香十足。加埋脆包其實真係好豐富⋯泰式特飲-多瑙可隻顏色幾靚，淺藍色，飲落就係酸酸地的梳打～炸雞軟骨形狀不一，同出面食嘅好唔同，有啲住家風味，而且咸味唔會太重，健康得來又夠香脆金黃。

行開長沙灣想食泰國野本身諗住去九龍城架喇但又見到係元州商場地下有泰國野食有麵有飯有串燒有炸野主食有十幾樣, 小食選揀都應該有20幾樣, 話多唔多話少唔少四五十蚊就有套餐, 有埋飲品, 想轉泰式特飲都只係加6蚊, 非常抵!下午茶仲抵, $30左右有埋野飲可惜未夠鐘下午茶, 所以今次就咁叫套餐再狗個串燒食豬肉船河 轉冬陰公湯估唔到40幾蚊一個麵都咁足料有豬肉, 肉丸, 蕃茄, 秋葵冬陰公湯底都好好飲小食揀左串燒雞肉串燒有3款汁揀, 我揀左沙嗲汁個汁好好味串燒都係即叫即燒, 好夠熱好大串, 但d肉都燒得好嫩, 岩岩好飲品加$6轉左青檸梳打, 好夠汽夠凍, 酸甜度都適中 

今日黎到長沙灣同荔枝角呢間媽咪隨意屋， 食店裝修係小店格局 , 環境舒服 , 睇個樣似家庭式經營 , 食物係在出面 menu點左 俾左錢。 跟住就等野食黎。 主要都係飯 ,小食 ,粉麵， 特飲 . 炸野等等 都幾多選擇 . 我點左佢炸雞脾 佢佢生炸既 炸出黎既時間耐 d . 但因為生炸 所以出面夠哂香脆。 入面既雞肉夠哂彈牙。 而且大大隻 , 加上 d炸蒜既香脆 好惹味 . 另外 佢個香葉肉碎炒飯都好味 香葉味好香 肉碎帶 d辣 . 撈飯好正 . 最正係佢仲有 d辣椒 仲有煎蛋 蛋汁 溶哂落飯度 加 d甜豉油汁已經好好味

學完車要即刻食過early dinner補充能量🤦🏻‍♂️青咖喱豬頸肉飯飯： 其實5:00咁早已經有得食暖粒粒嘅米飯，已經好幸福🤣 至食得出係新鮮舀出嚟，唔係雪櫃翻熱🤭醬汁：食到最後、你會發覺青咖喱汁與米飯粒分佈平均，啲汁唔會太多，搞到水汪汪、太稀。不過佢唔係好黏稠嘅果一種咖喱「醬」嘅質感，吾太重椰香。鍾唔鍾意都因人而異。不過佢就真係微辣。🌶🐷豬頸肉：不過佢個豬頸肉爽口彈牙，應該冇得彈㗎啦。原本以為佢會係放入醬汁裏面煮熟佢就算， 不過食落，似乎係串燒烤出嚟，好有心機。😍👍🏻👍🏻 surprise lol 荷包蛋：有少少流心、但又唔會變咗係蛋汁，掩蓋左青咖喱汁。同埋個底部煎到係香脆（黑色嗰啲應該係美極豉油rather than 燶咗）好過吾少茶餐廳好多燒牛肉串燒（配沙嗲汁）：應該係牛比較瘦嘅部份，又有啲似牛柳粒geh feel🤔anyway..😌油脂吾多、燒出黎比較韌～食完少少黐牙，😬 喎不過又吾會太乾身，無左肉味👍🏻青檸凍梳打：味道唔會太甜，係濃烈嘅泰式食物之後，係小清新嘅感覺😍服務員（風聞叫阿Sam)係靚仔有禮貌，佢嘅存在令人有誤闖韓國餐廳嘅感覺😂

疫情之下已經好耐無出街食嘢啦難得今日訂左既口罩到貨，一於去附近覓食一下今次試左間商場入面既鋪頭，間隔係半開放式設計，自由搵位坐，感覺好輕鬆自在當日去既時間都成三點，見到鋪頭都好多人幫襯，心諗質素應該不錯👍🏼見到下午茶價錢好抵，難怪會有咁多捧場客除左呢兩個餐牌仲有單點餐牌，我就試左市面較少見既青咖喱豬頸肉撈麵配蜜桃梳打賣相好靚青咖喱帶少辣，唔食得辣既朋友要注意⚠️麵身煮得剛好，撈起啲汁掛滿麵條好正呢個食法好創新，鐘意試新野既朋友一定要試另外要讚既係隻蛋煎得好脆合哂我心水至於蜜桃梳打味道帶少少酸，無想像中甜，唔錯，而且梳打夠氣，夏天飲一流同場加映朋友叫既下午茶雞翼薯條唔洗多講，港式下午茶皇牌新鮮即叫即炸，蒜香雞翼同波浪炸到脆卜卜忍唔住一條接一條，好快KO哂成碟小朋友應該會好興奮另外呢到仲有個自助調味corner我估叫左炸物/串燒既朋友都可按自己喜好再加味粉幾貼心順帶一提，鋪頭唔算好大而且位係自助既，食完既朋友方便都可將托盤交番比店員/放去垃圾桶上面，等下一個客人都可以快啲搵到位坐

下午茶嚟咗媽咪隨意屋自助式嘅泰式料理真係好少見🤤牛肉河粉叫咗冬蔭公湯河粉煮得啱啱好牛肉又嫩又多😍冬蔭公唔會太酸太辣侍應仲好貼心問味道啱唔啱食開辣嘅我就嫌唔夠辣不過都明白呢區好多老人家所以唔太辣係合情合理！😽之後仲叫咗杯蜜桃特飲🍑蜜桃味冇乜 似甜甜地又酸酸地嘅梳打水但係又可以中和翻食咁重油咁膩嘅感覺最後仲有：豬頸肉串燒肉質有啲柴 不過比起坊間嘅豬頸肉都比較好沙嗲汁做得唔錯 夠晒重口味❤️加埋豬頸肉啱啱好～

<長沙灣好好味既隨意屋>😆呢間隨意屋 係類似輕便既 foodcourt格局 食物有好多唔同種類 有泰菜 小食 麻辣 等等 每樣野都製作用心 值得一試 ! 喺櫃面叫外賣 跟住等叫號就 ok 👍🏻🍴香葉炒肉碎飯 48 蚊🍚🌶️外表夠靚 有車厘茄 青瓜做配襯 生菜做底🍅🥬 蛋煎得好好 蛋汁溶落去撈熱辣辣既白飯 正🍚 飯粒比較彈牙 而佢既肉醉味道香濃 帶 d辣椒碎 好有香葉香 而仲有 d切碎左既豆 好爽口 增加撈飯既口感 好味🔥🍴一口豆腐 跟餐加10 蚊🔥豆腐切得比較肥身 有 d葱花同炸蒜調味 夠惹味 豆腐出面煎得幾香脆 入面熱辣辣 少少滑既口感充滿豆腐香 好味🍴炸雞脾 26 蚊🔥🐤生炒雞脾 個皮炸得勁香脆 帶 d炸蒜香 好正😆雞脾既雞肉煙靭彈牙 好有口感 雞肉整得好香 好味👍🏻🍴麻辣串串燙 48 蚊🌶️大大碗麻辣燙 有彈牙入味既牛肉丸 爽滑既肥牛肉 豆腐卜夠哂吸汁 仲有娃娃菜都好爽口 🥬金邊粉係比較粗身爽口嗰款 吸哂麻辣燙既辣汁 佢既辣味帶有少量酸 辣味佔多 帶 d沙沙口感 🔥 幾有口感 整體 十分唔錯🍴泰式特飲 青檸 菠蘿🍋🍍青檸係青檸梳打 加青檸果肉增加味道 帶 d蝶豆花

成日行過呢度，以為呢間叫隨意屋係食意粉，點知係食泰國嘢🙈。六點好早去到，無乜人，唔使等🤗。坐低唔夠一陣就多左人了，仲有好多都係買外賣回家抗疫。餐牌有串燒，炸物，仲有特色飲品。最近好多人鍾意嘅船麵佢都有，睇相仲要幾吸引🤤🤤。下午茶餐個價錢都好吸引，有炸雞脾添🥰🥰。最後叫左個冬蔭公泡飯，炸帶子同一口豆腐，飲品要蜜桃梳打。個泡飯望落好足料，大大條秋葵，四隻大蝦🍤。泡飯吸哂冬蔭公湯個味，啲飯硬度適中唔會好爛。冬蔭公湯好好味，唔會一味死酸，用嚟配飯一流。蝦肉大大隻仲要好彈牙，質素好高👍🏻👍🏻。蜜桃梳打都好味，加左青檸有啲清新既酸味，好令人開胃。小食隻碟好靚🥰🥰。帶子即炸起，外脆內軟👍🏻。豆腐個質感俾帶子更加好，香口之餘都唔會油膩。❤️外面仲有好多種既調味料俾你加落啲串燒，下次試吓先！