Cow Bean (TKO Gateway) (Closed)

坑口基本上係搵唔到同類型店，所以係坑口開真係好聰明，基本上次次經過都勁多人排，有次見人少少，即刻鼠入去食，但食完就算啦，應該唔會再去啦。首先人少少都排左半個鐘，唔緊要，有好野食就得，入座之後快快手叫左西冷餐，野食一黎，一刀切落去塊扒到，心入面已經有疑問 點解咁硬既，切開，已經近全熟，唔係掛，我一黎就切架啦 wor,唉，算啦，快手食埋佢啦，食到一半，即刻 吐返出黎，嘩!淨返3份1都係肥膏同筋，有冇搞錯 叫啲客點食？埋單仲要加一，但除左落單同送餐之外係冇 service 仲要個場勁大煙，地下又油笠笠，差啲冼親

聽聞坑口有好抵食嘅牛扒，今日就同朋友一齊去試吓！去到門口就已經有超過10個人喺度排隊，大概等左20分鐘終於可以入去食！一坐低就叫咗個美國肉眼牛扒同埋鐵板牛肉炒烏冬。佢呢度都好啱嗰啲細食嘅朋友，有得揀200/300 gram牛肉，仲可以揀唔同地方嘅牛肉添！呢度係用鐵板上牛肉，所以可以自己調校生熟度。美國肉眼扒肉味重，唔會嚡口。配埋佢個蒜蓉汁，味道一流。佢仲可以加$29自己組合唔同嘅配菜或者飲品。今次揀咗沙律同埋雪梨汁。雪梨汁好有驚喜入邊真係有果肉，但味道偏甜。另外鐵板牛肉炒烏冬配上咖喱汁，味道出奇地配合，咖喱汁辣辣地，好惹味！牛肉嫩滑，份量頗多！總括而言，呢度真係好抵食，最平80幾蚊落樓！

pokka cafe集團之一嘅Cow Bean,諗住似pokka cafe menu咁咁多嘢揀，點知佢應該專門化地專食鐵板類，得番兩頁menu...但唔緊要，都搵到想食嘅嘢嘅鐵板牛，未食到最貴果隻，味道正路，嘢食可配韓國梨汁，又幾特別三文魚炒意粉，或者係炒，無醬，有啲乾。都係食牛吸引啲！佢自己都有個蓋印優惠，又一牛魔王們要留意嘅鋪

I think there was good steak at good prices and I really enjoyed it . I also love that the steak was on a sizzling plate with yummy garlic. also good a service the staff were polite and at the back you could get your own water overall I think it was good value and a decent restaurant

閒日放工，一於喺附近食餐好！餐廳主打食牛扒，價錢親民， CP值高。有選擇困難症嘅我哋問吓侍應有咩推介，佢推介我哋食澳洲M7和牛，呢個價錢有和牛食，一於試吓！澳洲M7和牛$198。配蒜蓉汁和牛脂肪比西冷、肉眼少，牛肉味更濃，每一口都充滿肉汁。我和女朋友鍾意食生小小嘅牛肉，5成熟就啱晒我哋啦！大家可以按自己嘅喜好，係將牛扒煮成自己鍾意嘅生熟程度。另外加了$29要了一個combo set沙律再另加$10要煙三文魚！煙三文魚10分肥美，份量頗多，沙律菜新鮮爽甜，配上黑醋汁及橄欖油，令人10分開胃。薯條炸得恰到好處，充滿薯仔香。韓國梨汁鮮甜解渴。而我就叫咗鐵板櫻花蝦元貝炒飯元貝大大粒，分量亦非常多，亦很鮮甜！櫻花為菜色增添香氣。炒飯配料有紅椒、粟米、洋蔥、雞蛋絲、椰菜，增添口感，味道豐富。整體覺得餐廳價錢合理，質素甚高，侍應服務殷勤，值得下次再幫襯！

有一排無黎，今日竟然排長龍，但好食既野係要付出下d 時間既～終於到我地入去，頭先排隊時已經林左食咩：美國肉眼牛扒要黑椒汁服務員話牛扒係3、4成熟咁上，如果要keep生d就放係d配菜。切落去個下立即見到好juicy.咁生岩晒老公啦！你睇外面岩岩熟，裡面仲鮮紅，老公勁👍🏻肉質鮮嫩，加上脆炸蒜片同黑椒汁，好香好惹味。加$29配炸薯條、蜆肉麵豉湯，再加$26就有支1664加入左蜆肉既麵豉湯，海洋味濃。薯條係我地至愛，仲要係粗薯條😋鐵板豚肉炒烏冬 配燒汁好多豚肉呀！仲有洋蔥、菇菇、紅椒、青椒、椰菜、蛋絲、豆角同粟米粒......豚肉半肥瘦，肉質軟又嫩，夾住生生地既洋蔥食，好惹味～烏冬煙靭度岩岩好又唔會太林，配燒汁好入味。加$29配龍蝦湯、薯條同熱既梨汁龍蝦湯，非常濃郁既龍蝦味，仲有龍蝦肉食，係彈牙既龍蝦肉呀～好窩心呀，有熱既梨汁，岩晒我依d咁上下年紀既女人😝之後再加$29有2粒帶子粒帶子燒得岩岩好，好甜。粒帶子上面有蔥蓉架，勁惹味～

經友人介紹之下今晚首次到此餐廳食晚餐。 室內裝橫簡潔，一入店內已經聞到扒香。 雖說是扒房，但室內抽氣控制得宜，唔會吃到整身烤肉味。 入座後員工已經主動上前介紹推薦菜色，更細心地派發圍裙，避免幫牛扒淋汁既時候彈到件衫或者搞到好大陣味。 菜單食物種類雖然未算包羅萬有，但係每款食物都各有特色及具吸引力，更有多款主流扒類提供。 菜單尾頁更有指示去講解最佳食扒方式。 睇完菜單後，果斷點左最新推出的澳洲M7和牛及其他食物。 點菜後未久，食物已經很快送上，傳菜速度理想。 而鐵板三文魚炒飯則最先送到。 不論燒汁，溫泉蛋，紅椒，甚至青蔥都是預設另上，好讓我自由調配。 而燒汁汁身比較稀，濃度適中且味道香甜，落多少少都唔怕會太咸。 而煙三文魚具一定厚度，唔會太薄，口感不俗而且幾香口。 然後主菜牛扒終於連龍蝦湯一同送上，送餐員亦有再簡單介紹食扒步驟。 龍蝦湯雖賣相一般，但味道非常濃郁，而且用匙羹畢起才發現非常足料。 唯一可以挑剔既係湯味稍咸略蓋龍蝦香味，及份量唔多，可能因為兩人飲一碗既關係。 餐廳有獨特既牛扒烹調方式，牛扒熟至三成上枱，然後自己可以根據個人喜好於已燒熱既鐵板上調控生熟程度，覺得夠熟既時候便淋汁

經同事多次推薦知道依間餐廳性價比都幾高食物幾高質咁梗係要同男朋友去試試啦閒日我哋兩個都放假所以一齊去食晏晝將近兩點，唔需要排隊等位坐喺近窗口嘅位置幾開揚～幾舒服～由於想試試唔同產地嘅牛肉，係唔係喺味道上真係有分別所以我哋分別叫左一個紐西蘭肉眼扒同埋一個美國肉眼扒食落兩個都係正既～對於鍾意鋸扒嘅我哋嚟講已經好滿足😄😄😄😄美國肉眼扒，牛味比較濃郁我覺得好咬口d，油脂分布平均，係鐵板好耐，都唔會好乾食落有肉汁㗎！ 上枱嘅時候係五成熟侍應教我地如果想食熟啲就喺鐵板度煎熟佢咁樣都幾好自己可以控制返一舊食生啲一舊食熟啲都得啦～我係咁切，係咁食，好快就食晒300 G嘅份量對女仔黎講都OK，食得晒另外，好鍾意佢哋嘅洋蔥同埋粟米係鐵板炒下加埋牛扒滲出嚟嘅牛油好香，又甜呢～不過如果好肚餓嘅話就建議加埋套餐+$29 可以揀飲品，沙律，湯同埋意粉等等side dish 令成個午餐更加圓滿☺️☺️☺️

作為將軍澳之友，當然就會成日係將軍澳到搵食啦今日就同老婆去開坑口行街，行行下見到原來厚德街市樓上開左間Cow Bean！啊！依家唔叫厚德商場，叫TKo gateway😏upgrade左，但我仍然係覺得厚德商場呢個名多一份親切感同人情味！係門口已經見到靚靚既和牛肥瘦均勻，好吸引呀！不過因為我想戒下唔好食太多牛，我叫左鐵扒烏冬，老婆就食牛！但鐵板烏冬都無令我失望啊一上檯，已經香噴噴，配合埋d雞蛋絲，真係色香味俱全！啊，未有色，點解呢？因為店員好細心咁提示左我，先拌勻d配料，再逐少加醬料，一次過加哂會過咸啊！配料仲分開左d香葱，岩哂我呢d唔多食蔥但又成日忘記叫走蔥既人！烏冬勁有咬感，好彈牙！配合鐵板燒，真心係好香！味道可以按自己口味調配，所以呢個烏冬真係令我喜出望外啊價錢黎講，都算幾抵食！同老婆2個人，佢叫和牛，我叫烏冬，每人都係150左右，都可以接受啊我地仲加左2隻帆立貝添，都只係加$29大大隻！幾好食加！仲係貼住殻既，應該唔係雪藏扮新鮮！優惠價，值得試一試！餐廳仲好細心咁提供埋隔味既圍裙唔會整污糟又唔會太吸味！門口位仲放左d organic野比大家買添環境坐得舒服！19:30左右開始多人

👉🏻澳洲M7和牛🥩配蒜蓉汁💲198Australia M7 Wagyu served with garlic sauce減緊價限量發售❗️超濃牛味🐮食嘅時候首先切開牛扒睇下生熟程度 如果滿意就可以淋汁食架喇😋medium rare recommended😗切開見到牛脂肪分佈好平均😛食落都叫入口即溶嘅因爲啲肉都好嫩滑😬不過成塊扒中間可能會有一兩舊脂肪🤭整體塊扒都算性價比高 好食過outback舊又貴又硬嘅牛扒😹〰️〰️〰️〰️〰️〰️〰️〰️〰️〰️👉🏻鐵板豚肉炒烏冬🥘配日本燒肉汁💲79Pork fillet fired udon on sizzling plate served with gravy呢個就普通啲🤭不過佢好勁個烏冬完全唔痴底🙀烏冬係日式幼烏冬 係我中意個隻🤣豚肉有少少偏肥 但佢配菜都幾多嘅 不過整體一般唔夠香口〰️〰️〰️〰️〰️〰️〰️〰️〰️〰️呢排餐廳menu得鐵板 不過都幾多人排隊食🤣侍應服務態度好好要咩有咩hahaha〰️〰️〰️〰️〰️〰️〰️〰️〰️〰️Cow Bean (將軍澳)📍將軍澳常寧路2號TKO Gateway東翼1樓140-141號舖

係TKO gateway 即係以前既厚德商場，行行下，見到一間好吸引既餐廳原來係Cow Bean 呀！出名食牛，又好食又扺食！有大大塊$76既宣傳板係到，已經係勁吸睛！視乎大家想食咩牛，同埋幾多gram啦貴有貴吃，平有平吃！多有多吃，少有少吃！我地今日就揀左貴有貴吃啦生活實在十分艱難又點可以唔活在當下，善待自己呢？所以，一睇到以下M7和牛既餐牌，我就毫不猶豫咁叫左特價$198可以食左M7澳洲和牛，真係唔算貴呢！熱辣辣既M7和牛出場喇鐵板燒，超吸引！餐廳有超清晰既指示，配合埋店員詳情細既講解首先，要先切開，睇下牛扒既生熟程度，因為鐵板會燒到好熱好熱，而上碟時和牛只有大約3成熟如果已經夠熟可以直接淋上醬汁好似我咁鐘意熟多少少既就切開牛扒，輕輕用鐵扒既熱力燒到滿意既熟度！真心！唔會燒到過哂火喉！由紅紅地既和牛燒到剛剛好！既能夠鎖住d肉汁，又keep到和牛既原汁原味！真心！一淡咬落去，好香，好軟，入口就融！仲可以加$28 買套餐！我揀左薯條，飲品同麵豉湯！薯條勁香，好難得有咁好食既粗薯麵䜴湯，正正常常，我飲左一淡就比我老公飲哂🤦‍♀️ 飲品，相對上選擇較少，只好飲邪惡既忌廉鮮奶！加$26可升級飲

去完坑口買牛角包，就打算食個晚餐醫下肚。呢間餐廳未行入去就聞到陣陣嘅肉香味，完全俾佢吸引住！本身以為佢剩係得扒食，點知原來都有鐵板炒飯烏冬。今次就叫咗個美國肉眼扒同埋鐵板牛肉炒飯。美國肉眼扒$159就有300g，價錢來講係非常相宜。塊扒有鐵板嘅一半咁大，都幾厚。肉味好濃同埋真係好juicy! 一d都唔嚡口！如果佢可以多啲蔬菜類嘅配菜就好啦！鐵板牛肉炒飯味道都唔錯，佢個醬汁好惹味。牛肉份量都算多，燒得啱啱好！另外叫咗柚子茶原本以為係即沖果d，點知原來係韓國罐裝嘅柚子茶，都幾好味！

其實我住係坑口好耐，但係一直都未試過呢間餐廳，今日屋企人話想食牛排但係又唔想太貴，所以就決定試一試呢間Cow Bean。澳洲鐵板西冷牛排廚房會預先整到大概四成熟，然後客人可依照個人喜好，鍾意食生啲嘅可以即刻進食，鍾意食熟啲嘅人可以等牛扒係鐵板上等一陣，利用鐵板既餘溫令牛排熟少少。雖然300g都只係$110左右，價錢非常平，但係牛排既質素都唔差，性價比好高👍🏻鐵板牛肉炒烏冬比我想像中好食！推介配咖喱汁，辣辣地令到成個烏冬都好惹味，加埋其他配菜，就算係男士都相信好夠飽🙂

Yoho~呢期接左個project多左時間在尖沙咀 同忙左食評都出少左 希望遲下stable d就可以去食多dhappy friday, 當然要忙裡偷閑去食下扒 今次就揀左坑口cow bean每次都見到排長龍 而今晚雖然落雨但都無損排隊的人流們我記得以前係走西餐路線 但依家轉型做左 中價扒房 都幾成功排左一陣就到煮牛扒都有教學 因為佢地會煮到 medium rare唔夠熟 可以再煮多一陣 滿意就可以放在配菜上仲有一個 就係著淺色衫最怕濺汁 佢地都有即棄圍裙可以避免整污當然要飲apple cider relax. 下而先生就揀左 升級做龍蝦湯配薯菜今晚就揀左 紐西蘭肉眼 300g配黑椒汁偷食一小件 好足夠肉汁 又好淋好似好血淋淋 但我食落覺得ok真係好厚 大大件我就食 鐵板上級牛肉 溫泉玉子炒飯配日式燒汁我勁鍾意個汁 因為夠汁飯量都好足 唔會太乾/太濕而且都有好多上級牛肉配埋洋蔥 椰菜 玉米 加上 溫泉玉子十分好吃最後都係超平 $3xx又一餐

平時放工見好多人都排隊等呢間野星期五晚就特登同埋家姐媽媽去試下媽咪一早諗住去拎位 點知原來佢地係要人齊入坐惟有等埋家姐黎入到去點餐 媽媽叫左NZ 200g西冷家姐叫左澳洲200g肉眼我叫左NZ 200g肉眼無得揀幾成熟 員工聲稱一上會係3、4成熟但一上到其實已經好熟下 （平時食開50%熟）鐵板好熱 所以根本想佢唔熟都無咩可能我塊rib eye都ok 叫做可以食下媽媽塊西冷真係熟到無人有 硬到一個極點不過俾咁既價錢都預左 無下次！btw 收+1 但完全無服務我地要水都要自己去拎幫手點左餐同送左餐就叫收+1有啲唔合理囉其實