翡翠拉麵小籠包 (Moved) New Location

好耐冇來食了，因為附近多咗間“上海姥姥”，價格便宜一些，都是類似的食物。但最近“上海姥姥”的份量少了很多。所以又回來光頋這家。週日下午二時來，等了约十分鐘便有位了。點完菜五分鐘便上了海蛰先，味道清淡爽滑。然後是鸡汤拉麵，鸡汤与面分开上的，鸡嫩汤鮮，面也爽滑。小笼包是必點的，皮薄馅靚多汁。最後评一下年糕，汤汁浓郁，年糕真的非常非常滑，幾次都从筷子中滑走👍🏼👍🏼👍🏼。总体來說保持了米芝連水準👍🏼

新年新開始, 還是如常上個早班輕輕鬆鬆又半Day, 和auntie午餐當然不可吃頹快餐. 泊好車直接上到翡翠拉麵, 公眾假期少少等候時間不出奇, 幸好不消一會便能入座. 以往吃過尖沙咀的翡翠拉麵都讚好, 自己住馬鞍山反而第一次來. 四川擔擔拉麵 喜歡擔擔麵濃厚湯底, 就吃這個. 可是令我失望了, 湯底一點也不濃, 而且竟然有濃烈的酸辣湯味. 這個麵的碗大而深, 但是夾上來的拉麵份量卻只有一個拳頭大小, 唯一可取是拉麵的麵質很林, 並無因為林身而有糊糊的感覺 (其實已隔了2個月我還記得這碗麵的感覺足以証明印象有夠深刻的!), 湯底味道真不敢恭維.....海鮮喇沙拉麵 在冬日推介menu出現的海鮮喇沙拉麵, 送上來時感覺完全不辣的, 從湯底色水看出廚師並無吝嗇椰奶的份量, 如menu所述的一隻大蝦, 肉質爽口, 一件吸收盡喇沙湯底精華的豆卜, 四片魚片和半隻烚蛋. 材料和麵的份量較擔擔麵足. 雖然不太辣, 但味道很有馬來感覺, 自己加了兩匙放在枱面的辣椒油.餐廳環境不侷促也許是翡翠拉麵的優點, 雖然被擔擔麵嚇怕但下次都會再來吃.

翡翠開11點, 今早一行3人11點15分黎到食中午, 剛好最後一張卡位俾我座到 座位好濶落, 環境同服務都不錯!!! 黎食上海菜當然要食小籠包啦…仲叫左2籠添, 因為唔夠喉. 😂點左: 手抓餅 $28 好味好鬆脆火腿烤雙方(三件) $82 呢個媽媽至愛, 又咸又甜感覺好怪, 所以我無試醉辣湯 $48 餸料少, 有D稀, 味道唔夠香濃上海小籠包 $36 好好肉汁, 食2籠就夠皮啦雞絲粉皮 $52 好細碟😢 D青瓜同雞絲幼到呢…份量又少, 唔抵食

青菜燴麵永遠都係我嘅最愛！同埋都係只係佢先會滿滿一碗，唔太咸，菜夠多，面夠曬淋！好食因爲而家擔擔麵越黎越細碗，所以今次試下叫雲吞拉麵啦，冇驚喜...都係好細碗，唔會夠飽！女仔都食到2碗不過好彩雲吞夠好味，皮好滑，肉雖然少但幾好味！今次仲叫左醉雞，嘩！不食過咁多骨咁少肉嘅醉雞嫁，我係米叫左碟醉雞皮？煙燻魚，我老公好鍾意，但我覺得太咸又多骨！撈飯一流，但就咁食真係好好好咸！最後見到有桂花蓮藕，好耐冇食過！好耐過！不過極度失望，唔夠甜！完全冇桂花味！😭😭😭😭

叫佐個炒飯 其他野食 除佐炒飯之外 其他都幾好 但睇住個炒飯真係著佐鹹魚雞粒炒飯冇雞粒 鮑片粒都冇 唔好禁離譜la 得d 飯 蛋 菜粒 d 唔知咩豆 仲有極少量鮑片雞粒 原本都唔會寫呢d野 我都係第一次寫 用91蚊 食d 差過茶餐廳既野真係好鬼嬲

一家人又出去食瑤柱扒西蘭花椰菜花好清 兩種菜食感覺多花款d，係瑤柱汁打上菜到，幾多瑤柱下都屋企人叫左蒸小黃魚，2條夠4人食。雪菜鹹肉炒年糕既年糕都爽無林到一舊舊，雪菜唔多。百葉結烤肉都好食比之前d菜肥好多舊都幾抵，用汁配飯

又食啦瑤柱扒西蘭花椰菜花，爽口但有瑤柱，所以有d腥。蒸小黃魚走豉油，得薑蓉無咁咸魚肉好香滑同都大既，但蒸就有d腥既感覺。怕既就食椒鹽炸個隻啦haha 雪菜鹹肉炒年糕，我地必食item，清清地但每件年糕都痴住雪菜帶出味，少少鹹肉開胃d百葉結烤肉，今日好貼心用沙煲上，保溫好多。百葉結吸哂似甜甜東破肉既汁，好食，但得幾舊，我地都搶haha，肉就五花肉，肉就半肥，豬皮好膠質。

上海咸肉炒菜飯，菜綠爽脆，伴著煙韌的珍珠米飯，再加上有猪油同伴，香味更是濃郁無比呀！另一是毛豆雪菜炒百頁，此清淡兼開胃，雪菜爽口且帶点酸味，正好跟有點油膩的菜飯伴著的，也算是絕配了呀！

生煎飽多汁有肉，3隻我食左2隻雞絲粉皮係前菜，粉皮不夠薄但雞好食都滑上海粗炒叫了少油好食好多，今天麵量很足，而且又有菜冬茄，健康d炒年糕係至愛，年糕好q好入味，大大份最後飲埋檸檬薏米水，勁多薏米又唔會太酸

員工有禮貌 行動迅速食物質素 明顯較同類型餐廳出色相比鄰近商場 上海XX 實在贏幾條街手打麵條 質感細緻餃類小籠包夠juicy 趁其相對少人入坐下午茶時段約朋友傾下偈嘅好選擇

人地話呢間小籠包好食。講真，名過其實。四隻 HKD36, 下午茶價錢都算貴，一隻都要十蚊（計加一）.賣咁貴都應該有高期望，原來都係普通野。 皮又唔係薄，餡又唔係靚。 隻包痴住塊紙，夾一夾就串左，汁都漏晒出黎。餡肉咬落好散，冇肉感。可能搞得太爛，少少肉質纖維都搞斷晒。成功夾到都算好，肉汁飽滿，不過唔熱，差點肉鮮味。 咁既價錢唔值得食，試都晒錢。五香牛肉面更敗家，牛肉顏色血紅。一係染色勁一係未整熟，睇落都唔想食。 份量都算可以，不過牛肉有夠四五塊都冇用，唔好食賣相勁失分。配飲品一杯。下午茶都加一服務，講真，都幾過份。貴價但食品質素平平，唔再食。

放工突然想去食小籠包，今次去左呢間翡翠拉麵，都冇選擇錯，味道都唔錯。上海小籠包一籠四隻，小籠包皮薄唔會好似出面個D咁厚，入面包住豬肉餡，鮮嫩多汁。 酸辣湯麵，拉麵有咬口，食落口酸酸辣辣味道好特別。 炸銀絲卷，外皮脆又熱同煉奶一齊食味道一流。

馬鞍山呢個美食荒漠, 選擇唔多, 出街食飯都係揀番D連鎖餐廳.今日就同屋企人黎左翡翠拉面小籠包度食飯過節.4大一小一行五人, 6點9就到左, 直入唔使等, 仲比左張大台我地添!首先係黎到翡翠拉面小籠包都必叫既小籠包. 一籠4粒叫左2籠. 小籠包SIZE 比較細, 湯汁都唔算多. 朋友話小籠包齋睇有無開天窗就已經知道龍與鳳. 呢個開左少少, 尚算合格.老人家一定要食飯, 就叫左呢個雪菜蝦仁炒飯. 炒飯都算炒得乾身, 但有好多油, 成碟飯蝦仁唔多而且有D咸.份量夠每人一小碗.奶油津白---- 奶油味唔重, 而且個汁好水. 我唔中意D 津白全部 cut 晒下半Part 無晒d葉.鮮肉鍋貼 --- 一碟4隻, 上台既時候係剛剛煎好. 好熱, 而且個皮都脆. 咬落去d肉汁噴晒出黎. 就好似小籠包既生煎版. 媽媽食完之後都叫好, 指定要encore 多一碟!比起鮮肉鍋貼, 生煎包就無甘出色, 雖然上台既時候都係剛剛煎好. 夠熱, 但包入面有d乾, 比肉汁噴出黎. 個人覺得鮮肉鍋貼好食d!松子桂魚--- order 野食時見到隔離台都有叫, 媽媽就話佢都想食!! 成條桂魚起晒骨炸, 無晒骨晒老人家食

今日同晉豬試下食上海菜，個仔第一次食小籠包，佢話好味，但其實佢食左好少囉！六點三去到無咩人，快快手入去搵位唔駛等，七點開始多人，已經開始滿座，門口有人排隊等位，服務員好忙，態度一般！

每次出街，要安頓好大小豬，出到去都已經過了午飯時間😭不過都有好處就係冇咁多人同唔使等位😎都唔錯丫。今日選食中餐，大豬有自家粥，所以我地只點左一個二人餐，套餐有一個煎菜，一碗粉麵，一籠小籠包，一碟油菜同兩柸野飲。 雞絲粉皮-最怕就係食到一係太多醬或者太少醬既雞絲粉皮，依個份量剛剛好，每條粉皮都沾有花生醬，食完又冇成個碟都重係醬👍🏻 炸醬拉麵-好辣，但好惹味🌶餐牌上寫住有一隻辣椒，我覺得應該起碼要寫兩隻，除非係師傅重手左😅最喜歡餐廳把芫茜放係羹上面，因為我唔食既，有時唔知道會有芫茜，有排揀番出黎😒 小籠包-餐廳名叫得翡翠小籠包，依個主打又點可以唔好味，水準依然，皮薄多湯，配醋同薑絲一流😋😋 菜心好甜又夠嫩，不過配豉油唔係我口味，下次會記得走豉油！