薈軒 (Closed)

飲宴菜式多数千篇一律，加上對鷄敏感的我，更不想去飲宴，但今次礙於人情，不得不出席。宴設薈軒，例必先來乳豬全體，乳豬色澤潤紅，一咬外脆，肉還暖，有味道，估唔到三十多圍酒席，還可令乳豬皮脆肉暖！讚 ! 蚌柳大蝦球:蝦肉彈、爽、有鮮蝦味，因碟頭大，夠份量，忍不住食多幾隻蚌和大蝦。我多年唔食炸蟹拑，因我食嘢醃尖兼咀刁，大多蟹拑做到太行貨、實得得、無乜味，望到都唔想食，但薈軒這味炸蟹拑一上枱，我一睇已覺有别，即試，給了我驚喜，肉質不實，有爽彈感，超好味，令我刮目相看！！炸子鷄也令我垂涎，可惜我敏感不能食之，可惜！可惜！甜品紅豆沙做得也不錯，不會水還水、渣還渣，甜度啱啱好。羗汁糕也是我的至愛，有羗汁味！總之，這晚令我嘗到飲宴食之樂，大飽果腹！！

灣仔區, 比較好嘅酒家: 價錢合理, 出穩穩定。今日第一次到訪呢度, 多謝有人「萬歲」請食飯, 一行五人食餐飽。叫咗個<揚州炒飯>, 味道特別, 食得出嘅一浸薑汁味道, 令炒飯層次分明, 顯得師傅製作好細心。用料豐富, 火候適中, 炒飯是一粒一粒很明確的。讚!點心點選咗好幾款:<鮮蝦腐皮卷>、<蝦餃>、<燒賣>、<山竹牛肉>、<叉燒包>、<奶黃包>、<馬拉糕>、<糯米卷>。各項點心水準都好高, 而且幾大粒。係好好味嘅。 以<鮮蝦腐皮卷>為例, 炸得外脆, 而且保持到, 唔油淋淋。裏面嘅餡料都好鮮脆。而<蝦餃>及<燒賣 >, 都係大粒, 而且裏面唔止一粒蝦。<馬拉糕> 有傳統風味, 而且香軟鬆化。<叉燒包> 的叉燒新鮮, 汁唔會太甜, 肉唔會太肥。(*其他點心因為自己冇食, 不亂寫評價。)服務方便, 人手略嫌不足。座位方面, 有點逼狹。

呢間酒樓整體食品素質不錯，性價比高，特別係佛跳場套餐，真係好味到連湯渣都要食埋，價錢又合理！惟今晚隻片皮鴨加個大聲夾惡嘅女經理真係令我對呢間酒樓大打折扣，下圖顯示為一整隻片皮鴨，數量少都算喇，片出嚟嘅鴨主要係皮同肥肉，瘦肉好少，由於我老豆好鍾意食烤鴨肉，我就問一問酒樓女經理可唔可以片多啲瘦肉。點知該名經理馬上面露不悅，話我哋酒樓係咁㗎嘛，跟住就好似方丈咁飛走咗！所以各位朋友要留意喇，該酒樓出嘅片皮鴨，顧名思義係跟皮（同肥），此為該店特式，如唔識欣賞就過主啦！

呢日黎合和上堂，公司包午餐係呢度飲茶。一坐底已發現轉盆勁油好污穢，我同另一同事要用乾濕紙巾狂抹。之後等野食其間聽見隔離枱既老人家不斷話要食碟頭飯，但侍應就話無，仲提議食蛋白炒飯，我地心諗老人家一個點食得哂，感覺有點老屈。我地有兩碟菜食，白灼既，所以吾油。菜心ok不過，生菜就咁睇就知都太㶥。煎蝦餅用薯蓉做餅底，幾特別，可惜太油，而且有d散，粟米份量又吾夠。潮州粉果味道正常，不過落胡椒重左d，有點辣。蝦餃不過不失。叉燒包一般。醬夠多，不過甜左d。金菇海皇炆烏冬得個鹹字，無味，同事們一致覺得難食，最後唯一食淨既就係呢碟d烏冬(吾想做大嘥鬼，盡量食哂)。燒賣一般貨式。咸水角d餡較特別，隔離同事讚d肉新鮮d，無咁鹹。流沙奶黃包，真係流沙，最特別係有d花生粒，口感增加左吾少。全部野食得呢個流沙包值得試薄餅最遲黎， 完全吾熱，應該最少放左一個鐘。我地要互相迫同事食先食得哂兩底。!

難得呀媽今日放假，同佢去左灣仔飲茶。諗返起對上一次同佢飲茶都已經係幾年前既事了。今日lunch 唔算多人黎食，我地12點半去到，果陣九概都有1/3吉位左右，好好彩唔駛等位。今次食完覺得有2野點心都值得推薦大家黎食，金栗煎蝦餅同清湯腩。蝦餅撈左青豆同栗米去煎，食落好香口，蝦滑都好彈牙，一d都唔油膩。清湯腩雖然唔算大份，但牛腩好靚好入味,牛腩肉又唔會太肥。而白羅白係無渣嫁，一d都唔苦，咬落去果下迫返d清湯腩汁出黎，真係好正😋😋

我的朋友班底在灣仔不知是誰開始帶酒入酒家我不善飲怕蝕底幾大自斟紅酒為此必須食舊紅肉便夾一乳豬件呃酒喝乳豬非常香脆合口味結果我食晒攪亂檔好像每次飯聚都設限酒令因為男生往往太豪邁我也扮扮維持秩序的：騙一點名酒喝其實能入口自然的只有香檳與冰甜酒損友說他的紅酒很不錯- 2010年那支點解只帶2014⋯⋯😐來送一下海鮮蝦仁大帶子等這晚的龍蠆成碟皮厚厚實實的無人問津：肉帶少皮略有食客質量不錯我食晒全部皮和骨腩一個新奇牛腩是酥炸了⋯⋯我天熱少吃點肉但都覺肉質頗新鮮鮑魚片當然是螺片送送台灣人釀出名威士忌狗不搭八的胡亂吃飯一滴炒飯這飯有些海鮮一樣的帶子、蝦和菜心好紅酒配紅肉Xo 😘 唯有用海鮮試試驗個人最浪費貴州茅台辣到燒喉暴殄天物⋯⋯這晚餐有些菜餚幾滿意如乳豬是意料之外，場面冷清所以三小時任我們玩如非大熟客-不敢擔保！

今日同朋友行經灣仔, 所以去合和中心睇下有咩好野食, 我地想搵一個地方唔係好多野, 環境清淨又坐得舒服既地方,原先想去8樓果間酒樓, 但價錢太貴, 所以落一層睇下, 點知發現到呢間薈軒都幾好, 同埋價錢平, 我睇到內裡唔係好多人, 只係坐滿一半,我地叫了一個好抵食套餐, 同埋叫了花膠菜芯, 總共590$, 如果你用恆生信用卡重有9折這兩個菜好味, 龍蝦好大隻, 大家可以黎試吓!

星期五happy friday! Lunch time, 3個人飲茶都係一個好提議, 我哋黎到呢間環境優美、有貴氣的酒樓, 還點選了好幾款點心, 我覺得以下的幾款都值得推介比大家:#肚皇釀百花# (小蝦配魚肚非常爽口, 配有特製清甜汁。)#千層脆皮素鵝#(面層好脆好薄, 咬落清脆無粉, 與素鵝好夾, 還有輕食的感覺...值得一讚喔!)#香煎南瓜甜薄罉# (香噴噴的南瓜皮包住花生粒、椰絲、口感似食糯米馳感覺。好特別!! 不是每間都可以食到的。

最近喜歡左飲下午茶，一來價錢平啲，二來唔駛同人逼，服務態度都會好啲。今次我同同事就去左灣仔合和中心既薈軒。點心紙上有好多唔同種類既點心可以叫。我地就叫左鮮菌餃 (HKD 15.8)，菠蘿叉燒飽 (HKD 18.8)，叉燒米線 (HKD 27.8)，燒腩仔米線 (HKD 27.8)，腸粉孖寶 (叉燒腸加牛肉球, HKD 33.8)，西米布甸 (HKD 17.5)，雙皮奶 (HKD 17.5)。至於茶位 就每位 HKD 10。個鮮菌餃有4隻，用料都算足，味道同潮洲粉果就差唔多。個菠蘿叉燒包味道認真好味，賣相唔錯。叉燒同燒腩仔尚算瘦，唔會太多肥肉，米線就分量適中。孖寶就價錢非常相宜，叉燒腸不過不失，牛肉球就好大個。但係兩個甜品相對失色，雙皮奶一啲都唔滑，個布甸就有蒸過既倒汗水。不過整體黎講，都尚算ok。

今日飲完午茶叫埋單，等咗一萬年都冇人拎張單嚟，之後個侍應又用非常差嘅態度拎張單埋嚟，之後我忍唔住對住空氣 (即並非對住個侍應) 講"呢啲係咩態度?"，個侍應就唔忿氣話自己態度冇問題，之後仲話要服務就去五星級酒店，我屋企人話以後都唔再嚟，佢仲好得戚咁話"咁你咪唔好嚟囉!" 其實當時佢已經離開咗我哋張枱，所以其他枱啲客都會聽到，真係佩服到我五體投地! 大家自己諗吓係唔係要貼錢買難受啦!

所謂特色炒飯好難食燒賣肥豬肉多侍應好冇禮貌叫佢地取醬油又冇左影埋單時又計錯數明明冇個樣野又計左落去大家一定要睇單指出佢地計錯後只是黑面叫等等啦！我希望集團老闆可以看到這篇文你員工培訓出了很大問題員工黑面没有禮貌只有一個帶位的有笑容其他好差，尤其是入面 D女侍應一入去已經feel 到佢地氣牆好似欠左佢地咁講野口音不正，又惡又冇笑容真係連落單時都怕佢鬧我做老闆的要知道何解員工之間濔漫著負面情緖，内裏一定出現問題只是你不知道

今天家人生日想今天訂位食晚飯，由昨晚致電到今早都沒有人接聴。 已經執咗？冇知客？生意太好？或是已經改了電話冇更新？莫名奇妙。年多前幫趁過覺得不錯，今天原想重臨，無奈。

Primary school mates union At the hopewell 7 fl Chinese restaurant A set for 12We have 14 people some better dishes A big steam fish 🐟 Of course Only ok quality You know now that We are all professionals and just know better how to eat the abalone slices No taste nor good smell Ok but not delicious enough The best part of the knights ' night a man brought the Taiwan 🇹🇼 Yi Lang Whisky Around 1000$hk Expensive for us Taiwan yet all finished by the round table of 14other brothers donated Red and wh

今日下午我們約咗個客喺灣仔合和中心嘅「薈軒」見面，順便一齊飲下午茶！我們叫咗皮蛋瘦肉粥嘅粥底煲得好綿，材料好足料，皮蛋好甘香軟滑！川芎白芷燉魚雲係我們每次嚟都必叫㗎，因湯底嘅相當甘甜濃郁，魚雲嘅肉質相當鮮甜嫩滑，而且份量十足！黑糖薑汁糕嘅質感非常煙煙韌韌，黑糖同薑汁嘅比例恰到好處，雖然第一啖食落去就有好清香嘅薑汁味，但慢慢就會滲透出香甜嘅黑糖味，真係好正呀！鴛鴦流沙包就咁睇表面以為係平平無奇嘅包，點知撕開一半就令我們非常驚喜，因餡料除咗有奶黃流沙之外，仲有芝麻流沙，味道相當香甜濃郁，而且非常夾，唔會有怪怪嘅感覺！肚皇海鮮扎同平日食開嘅鷄扎唔同，除咗材料係用嫩滑嘅魚肉、爽口彈牙嘅蝦滑同蟹柳之外，用嚟包紮著嘅唔係一塊腐皮，而係用粉絲，感覺好特別，而且創意十足！貴妃素翅餃嘅餃皮相當薄身，因為餡料有木耳同紅蘿蔔絲，所以口感相當爽脆！

無尼一排， 發覺服務依然一般， 人手不足， 坐低開茶無乜人招呼， 尤幸落單後無乜錯漏， 不過埋單都要等， 唔明點解唔比客自己出去埋單， 既慳埋客人等候時間， 亦可騰出更多人手招呼客人， 改善服務質素。