鼎尚棋哥燒鵝湯館 (Closed)

.👣鼎尚棋哥燒鵝湯館九龍尖沙咀柯士甸道西88號戲曲中心GF-05號舖.見疫情稍有好轉，好想去遠D望住個靚景食餐好既!兜下風就黎到戲曲中心，起左咁耐都係第一次黎，無咩人又有D海風吹下，吹走哂D煩惱，加埋呢餐超水準，已經心滿意足！.🔸燉湯呢度燉湯價格中上，但確實真材實料！飲得出係真真正正既原盎燉湯！👍三菌螺頭燉烏雞湯 (羊肚菌、姬松茸、蟲草花)據說羊肚菌係珍貴食材，非常有益，亦係四大野生名菌之一；螺頭令湯鮮味更出，清甜得黎唔會過咸！烏雞連雞骨亦燉得軟腍，證明夠曬火喉！👍螺頭黨參五指毛桃湯呢款湯比較藥膳，五指毛桃唔單止健脾補肺，更令到湯水有椰香味！加埋黨參令湯味道甘甜，鐘意藥膳湯水既朋友唔好錯過！.🔸燒味飯高質燒味飯著重用料要上乘！桂香切雞皮滑肉嫩，醃料帶出與別不同的味道；秘製叉燒肥瘦適中，入口甘香，仲可以轉我至愛既湯瀨粉，簡直係絕配！.🔸脆皮燒腩仔例牌燒腩仔係最有驚喜！皮脆係基本，但佢脆得黎皮唔厚先最難得！食落肉質腍嫩，皮脂相當分明！食曬都唔會覺得膩，係必點之選👍🏻.🔸外賣樽裝港式奶茶 食正宗中餐唔能夠缺少一杯飯後既正宗港式奶茶！茶夠香夠濃，奶夠滑，而且甜度剛剛好！好滿足！.好欣賞呢間餐廳

今日又嚟到戲曲中心影相，影完一ROUND就同J小姐在附近食lunch先再繼續，呢度得兩三間食肆選擇，於是揀呢間 鼎尚……裝修有D懷舊感....我揀咗叉燒飯，普通啲，J小姐話梗係要食燒鵝，佢話祺哥燒鵝係ok，佢比咗一件我試，都ok，味道不錯，不過又吾係話好食到飛起果種……至於我個叉燒飯，叉燒不過不失，都腍，味道ok，而奶茶好飲，夠熱。呢度個筷子托幾特別，係一舊薑嚟，我果舊像真度高、幾得意，可能當時吾多客，所以服務幾殷勤，就是這樣，我又吾係好敢舉起相機周圍影

自從《阿爺廚房》出街之後，一提及「鼎爺」，好自然會諗到美食。鼎爺料理固然係好食，但想品嘗鼎爺手藝，就真係要要耐心等待，事關鼎爺私房菜都比較難訂枱。有見及此、鼎爺就聯同棋哥、喺西九戲曲中心同山頂廣場開設以燉湯和燒味為主的餐廳鼎尚棋哥燒鵝湯館。今日我就去咗地理位置比較方便嘅尖沙咀戲曲中心店一嘗鼎爺同棋哥嘅美食。戲曲中心店位於尖沙咀中港城隔離，交通非常方便。店鋪裝橫以懷舊設計為主題，手繪壁畫、復古算盤、懷舊鐵閘、百子櫃等等，非常之有港式傳統味道。三菌螺頭燉烏雞湯：鼎尚棋哥燒鵝湯館嘅皇牌燉湯，一打開，見到燉湯非常足料。內有烏雞、豬肉、螺頭、姬松茸、蟲草花、羊肚菌、金華火腿，絕對是進補之選。湯清而味濃，平時屋企無咩湯水飲嘅話，依個湯真係啱晒。寧神川芎天麻燉雞湯：川芎天麻燉雞係一種常見做法，天麻是一味名貴的中藥，而雞肉的營養價值也極其豐富。係依段期間用嚟補充營養更係一流。藥材嘅味道出哂嚟，但唔苦唔甘。桂香切雞湯瀨粉：切雞處理得好好，剛剛熟、肉處於最嫩滑狀態，件件皮香肉嫩。湯瀨粉亦十分出色、湯底亦都唔錯。秘製叉燒飯：半肥瘦、有少少燶邊嘅叉燒，可以話係最完美嘅比例。喺食依個叉燒嘅時候，一食就發現同棋哥

鼎爺有超過 50 年入廚經驗、最拿手是燉湯，而棋哥在燒臘行業差不多半世紀對燒鵝極其專業，「靚湯」和「燒味」都可以在這裡品嚐得到。 椰皇燉嫩雞 $138上枱時是原個椰子，賣相已經很吸引，這個皇牌燉湯，無添加調味和味精，用兩個椰皇水加椰子肉加雞所燉，足料老火，椰香撲鼻、十分清甜可口又有濃濃的雞味，超讚！ 荔枝柴燒鵝飯 $88據說這裡賣的燒鵝，是從一千多隻鵝之中挑選出最好的150隻鵝乸，再選取約五斤四両重的鵝乸，鵝乸每日由鵝場新鮮運送到店，燒製前經荔枝柴煙燻，風味更突出。一咬下去，燒鵝皮脆內嫩，鵝香撲鼻，啖啖甘香，十分香口。 化皮乳豬 $168皮燒至脆卜卜、口感鬆脆，皮下脂肪不多，肉質嫩滑。 桂香切雞瀨粉 $78雞是剛好熟，最嫩滑狀態，雞味濃郁，配合蔥油一起吃更滋味，瀨粉很大碗，暖胃又飽肚。 郊外油菜 $28油菜新鮮爽脆，吃了太多肉當然要吃一點菜中和一下。 外賣樽裝港式奶茶 $28港式樽仔奶茶，茶味濃，又有奶香，很絲滑。 外賣湯杯設計很有特色，有手抽和附上一個叉子，方便食用 餐廳裝潢是懷舊設計，在這裡吃一餐也能感受到舊香港的情懷，真是十分飽滿和令人回味無窮的一餐。

冇咩做出去尖沙咀閒逛，見差不多到晚飯時間，就上網睇吓附近有咩好食，發現原來鼎爺喺附近戲曲中心開咗間小店，就同老公行去試吓。最近因疫情問題，戲曲中心都係冇開，但好彩去到樓下幾間食肆都仍然開放，由中港城行過去5分鐘都唔駛，都算幾方便。店舖裝修好有懷舊嘅味道，門口嘅鐵閘，牆上嘅油畫，加上店內不斷播放懷舊金曲，令人感覺返回七八十年代。我哋分別叫咗一碗叉燒同玫瑰豉油雞瀨粉，另外加多碟燒腩仔，最近天氣開始變得悶熱，發現呢度有好多款燉湯選擇，又叫黎潤吓。三菌螺頭燉烏雞湯（有四大名菌之一嘅羊肚菌、仲有促進免疫系統嘅姬蟲茸同蟲草花!!），一揭開蓋，香味已經撲鼻，呢個燉湯材料豐富，味道非常濃郁，淨係睇啲湯渣都知有幾好味，極度滋補！ 另外叫左螺頭黨參五指毛桃湯，補氣健脾又去濕，飲落甘甜，值得推介！燒腩仔- 整整齊齊排列好，每件切得大小均勻，夾起清晰見到一層肉一層薄脂肪，層層相間，沾上少許芥醬，入口先有香脆既外皮，咬開半溶嘅脂肪同肉，好味!玫瑰豉油雞- 雞皮上色靚，放埋口會聞到淡淡玫瑰香味，雞肉嫩滑，同滑嘟嘟嘅瀨粉係絕配。秘製叉燒- 呢個係我至愛，少少肥，加埋少少焦嘅叉燒，配上薑蓉，香口又惹味，對我黎講，叉燒

戲曲中心，自己都係來過幾次，地點近柯士甸站，交通都好方便，不過今次要推薦入面嘅呢間食店，覺得佢哋用心經營，而且各方面嘅水準都很高👍🏻裝修簡潔整齊，坐得舒服，餐牌帶有懷舊色彩，設計頗有心思，有點時光倒流的感覺😍佢哋遠近馳名嘅燒鵝，相信都唔使點介紹，對食物嘅堅持，保留用茘枝柴火煙燻，與別不同，試過你就知👍🏻當然，燉湯亦都係佢哋嘅招牌菜，有多款供客人選擇，最出名當然係呢個「三菌螺頭燉烏雞湯」，真材實料，內有烏雞、豬肉、螺頭、姬松茸、蟲草花、羊肚菌、金華火腿，必試推介👍🏻👍🏻👍🏻其他嘅燉湯亦非常足料，唔同嘅季節有唔同嘅變化，客可按自己喜好選擇🤗今日試吓佢哋嘅燒腩仔，脆皮係必然嘅要求，呢點當然難佢哋唔到，而且肉質鮮嫩，肉香豐富，有Juice 嘅口感，無得彈👍🏻叉燒大家都食得多，但係好食嘅叉燒就未必咁容易食到，呢度嘅叉燒選料上乘，肥瘦適中，入口甘香鬆化，絕對係極品叉燒嘅佼佼者😍其他燒味質素都好高，配瀨粉或香飯，簡直係完美組合，感覺到製作絕對認真😍仲有佢哋嘅樽仔奶茶，夠香夠滑，甜到剛剛好，啱晒我呢啲鍾意健康嘅客人😬臨走時仲買咗啲外賣返屋企比家人享用，好嘢當然要分享啦，正所謂獨食難肥😂

本身都有食開棋哥嘅燒味，呢間分店就同頂爺crossover，有多D唔同菜式，所以就專程去試下個燉湯。搵食就叫埋好友一齊啦，可以叫多D嘢一齊食呀嘛。聽到隔離枱嘅客傾計，原來呢度嘅燉湯不時會轉款，次次嚟都可以試到唔同嘅靚湯。我地點咗個2人套餐。螺頭五指毛桃燉湯非常鮮甜，好足料，味道濃郁。燒鵝肉質真係好好，完全唔會韌，脂肪都唔算好多，同出面有D燒味店嘅出品係天與地。叉燒色澤油潤，帶有少少燶，好香口。帶有蜜汁嘅叉燒確實係送飯嘅最佳配搭。食埋碟油菜就飽到上喉嚨啦。

戲曲中心其實都幾遠離市區，如果唔係因為真係想過黎睇下都唔會特登黎。今次同兩個朋友想去戲曲中心影下相，就行左黎呢到～題外話戲曲中心人真係唔算好多，個場景又大，好適合影下文青相。然後事不宜遲就講下今日個主角啦～就係各式既燒味飯同埋好好味既湯！－－－前言﹑秋意濃，風帶著溼氣吹來，吹來漸近的冬意。現時11月初，正是那種可以穿著長袖但是還未到需要外套的時候。微涼，就更加想喝一口溫熱而味醇的湯。－－－其一﹑鼎尚棋哥燒鵝湯館 是次與友人相約，一起來到這家港式冰室似的地方。作為一個設計工作者，首先看一個地方要先滿足視覺之欲，而這家餐廳用上傳統的顏色，而深紅和綠相撞，撞出了一種視覺上的刺激，配以傳統式的類工筆畫，整個氣氛如同進入好幾十年前的冰室，卻又多了幾分玩味。其二﹑椰皇燉嫩雞首先點了原只椰子雞湯，可以嘗到的是，鮮甜的椰子汁味道。一問下得知，這個雞湯不加一滴水，以兩個椰皇汁水本身烹之，椰子香和雞肉香混和在一起以天然的滋味呈上。椰子為世界上最純淨的水，椰子雞湯也是極清的，放在椰子里能看見雞肉如同少女的蔥指伸展著動人角度，自然也是甜的。嫩白椰肉帶來幾分咬口。甜。卻不是那種甜品式的甜，而是那種喝進口中會覺得

老老實實呢度既燒味飯確實唔係平, 最平單拼都要$78不過我份人一向都深信「一分錢一分貨」既道理既佢賣得咁貴肯定有佢既原因既, 如果唔係邊會咁有信心賣呢個價錢呢?我就叫左個荔枝柴燒鵝飯燒鵝一向係我最愛既燒味燒得靚既燒鵝絕對可以稱得上係人間美食佢呢度仲要係荔枝柴燒鵝, 無理由唔會一會佢呀嘛~果然食物同價錢係成正比既, 佢呢度既燒鵝確實係燒得幾好真係「皮脆肉嫩」四個字夠哂形容佢仲要多一份碳烤香氣同埋爆汁口感, 唔錯唔錯

棋哥燒鵝都本身都已經係名店，都聽過D燒味係幾高水準，食材係靚貨，而且製作都唔會粗製濫造。呢間係棋哥燒味加埋鼎爺燉湯，提供2款名物嘅套餐，有機會都要試下。戲曲中心地方又唔算好遠，柯士甸站或者佐敦站都去到。第一次去戲曲中心就周圍行睇下，跟住入去食燒味。餐廳裝修都好有特色，以60-70年代嘅裝飾做主題。點咗雙拼飯食，因為頭先周圍行時買咗嘢飲，所以飲唔到燉湯啦。燒鵝非常鮮嫩多汁，燒鵝皮脆卜卜，一咬充滿油香。鵝肉帶有煙燻味道，真係會想追住食。燒腩仔個皮好脆，肥瘦相間唔會淨係得肥膏，一啖一粒又點會唔好味。

鼎尚棋哥燒鵝湯館提供高質素嘅大眾美食「靚湯」和「燒味」🤗鼎爺私房菜嘅招牌靚湯椰皇燉嫩雞🥥🐔無添加調味，用上兩個椰皇水加上椰子肉、雞、香茅燉成一碗湯，每啖都係天然嘅椰子清甜味道同嫩滑嘅雞肉🥰螺頭黨參五指毛桃燉湯，好足料，螺頭大大粒👍🏻荔枝柴煙薰燒鵝飯，燒鵝係選用鵝乸🦢皮脆肉質厚嫩、油香味濃🤤味道帶點荔枝柴香，配埋酸梅醬、燒鵝汁食用，更有風味😋桂香切雞瀨粉🍜雞皮好薄，雞肉幾嫩🐓點埋薑蓉就更好味😍瀨粉口感彈牙，脆皮燒腩仔🐖皮層卜卜脆，肉質層次分明，肥膏部分入口即化，另外就算點埋黃芥末，味道都唔會過濃💯郊外油菜附上蠔油，唔會好寡🥬2 枝外賣樽裝港式奶茶嘅茶底都好濃，同埋好香滑😌外賣湯杯似咖啡杯的設計🥤另配外賣手抽，方便擕帶

話說，我就應該唔會聽粵曲，但又想參觀下新起戲曲中心，就順便食埋飯先走。地下果層有間飲品舖，樓上有兩間食懷舊港式燒味舖。鼎爺私房茶就聽得多，點知係戲曲中心入面都搵到鼎爺牌頭開既燉湯燒鵝湯館。叫左個二人餐有荔枝柴燒鵝、燉湯同菜仲有燒味有瀨粉。兩個燉湯好足料，椰皇燉嫩雞果然係皇牌，店員介紹時話無添加額外調味，用足足兩個椰皇水加椰子肉加雞所燉，椰粉至愛！ 雖然本人鍾意多湯少料，燉湯就無辦法，用幾多料去煲就有幾多味，真材實料抵讚。桂香切雞飯幾好，皮薄肉有咬口，唔太肥夠健康。叉燒就帶點少肥，因為叫叉燒無可能要瘦，瘦就柴。今次既叉燒食落去時太邪惡，送飯一流。不得不提隻燒鵝，正名「荔枝柴燒鵝」，店員話係精選五斤四重既鵝乸，會特別皮脆肉嫩，又學多樣野！👍🏻👍🏻😂 最緊要係有我出面食唔到既煙燻味﹐我估應該就係個荔枝柴既味。另外碗飯都出奇地好食，雖然我唔知係中國泰國定邊度既米，但隻米個質感好好，配埋D 鵝油，真係超好食。臨尾加少少錢可以買多兩支奶茶行住飲。整體黎計價錢合理，反正尖沙咀區晚餐從來都唔特別平。燉湯燒鵝飯超級推介！！

今日去咗戲曲中心。唔好以為我係文青，非也非也🙈我係同朋友仔去咗食燒鵝燉湯😌全部菜式都好好味，食到好飽🤤「椰菜瑤柱海皇湯」主要以椰菜同乾海味為主，整個散發着乾海味的香味，椰菜吸收了瑤柱的味道，湯裡面還有蝦肉和章魚，味道十分清甜，覺得很養生。「椰皇燉嫩雞」湯是乳白色的，用了兩個椰皇再加香茅同雞來燉煮，香茅把椰皇的獨突香味帶進湯裡，加上雞肉和剛好的火候，提升了湯的味道，還感覺得很滋潤。「荔枝柴燒鵝飯」招牌菜之一，聽說是用五斤四的鵝乸，配上荔枝柴煙燻，特別皮脆肉嫩，還有獨特的煙燻味道，整體層次感很豐富。我們吃的部分應該是燒鵝的上莊位置，是鵝最肉厚的部位，它的燒鵝皮真的做得薄脆有油香，很好送白米飯。「玫瑰豉油雞配湯瀨粉」這個瀨粉真的做得好，滑嫩糯軟，跟一般的爽口瀨粉不同，湯不會太咸之餘仲十分入味。雞先加入玫瑰露酒，再以豉油汁浸製而成，玫瑰露酒味道突出，肉質嫩滑。「脆皮燒腩仔」個人最喜歡的一個菜，外皮鬆脆，脂肪充足，肉質軟嫩，咸味平衡，非常推薦。「港式奶茶」奶茶預先放進膠樽，採用冰鎮方式制冷，不會因加入冰塊而令奶茶味道變淡。這裡的服務很貼心，會預先準備外賣杯，給客人承走湯水，而員工都有細心介紹不同

戲曲中心都開放左好一段日子，但女皇一直都未去過，呢日就同佢黎打下卡xpp同佢行左個圈，影下相之後都夠鐘醫醫肚~~見到鼎尚棋哥燒鵝湯館，女皇講笑咁話，鼎爺睇就睇得多，但就無試過佢手勢，話要去試下，咁我就當然要奉陪一下啦xpp呢度既裝修行懷舊路線，空間唔算好大，但燈光開明、乾淨企理，都坐得幾舒服！呢度主打荔枝柴燒鵝同阿爺燉湯，咁當然要試試啦;)我地要左一碗荔枝柴燒鵝飯、玫瑰豉油雞瀨粉配燉湯，另加時菜、燒腩仔（例牌）一齊share：）燒鵝脾啖啖肉，一食就食到獨有既荔枝柴香，我同女皇都一食大讚！而套餐就要左油雞瀨粉配椰菜瑤柱海皇湯~~油雞熟度剛好，皮脆肉嫩，嫩肉間滲出淡淡既玫瑰露酒香=）之後另加既燒腩仔更為出色！！腩肉五層分明，每一顆都可謂皮脆肉嫩，實屬高質✔✔✔再配螺頭黨參五指毛桃燉湯兩款燉湯都落足料！前者椰菜瑤柱海皇湯夠鮮，後者螺頭黨參五指毛桃燉湯味道清甜，飲得出係真材實料~~食左咁多肉，食返兩條翠綠爽甜既菜心正好~~呢餐燒味看似簡單，但質素甚高呢！最後我地仲外賣左兩枝茶香順滑既樽仔奶茶返歸嘆添鼎尚棋哥燒鵝湯館地址：九龍尖沙咀柯士甸道西 88 號戲曲中心 GF-05 號舖

#cassiegotst-瘦編今日跟住朋友搵食，搵到間名人飯堂！唔知大家有無睇過鼎爺嘅烹飪節目《阿爺廚房》，今次鼎爺同人氣燒鵝專門店「棋哥」，合作賣燒鵝，係西九戲曲中心開設鼎尚棋哥燒鵝湯館，實行賣燒鵝、靚湯。🍲-點餐嘅時候伙記介紹依度嘅私房靚湯，話湯水當中的用料，藥材、雞肉、豬骨，配方都是鼎爺親自監製！我就揀左羊肚菌螺頭燉雞湯同花旗參燉烏湯，非常足料好滋潤。另外仲叫左荔枝柴燒鵝飯同玫瑰豉油雞飯。當然要食下招牌荔枝柴燒鵝啦，果然水準不錯，帶有淡淡煙薰香。燒鵝都是以符合5斤4両的鵝乸為主，每晚從自家鵝場運來，翌日在店內即燒，啖啖鵝香。一齊長下知識先，點解要挑選鵝乸？店員解釋係因為鵝乸的脂肪比例較鵝公出色，肉質亦較嫩滑。🥓-另外玫瑰豉油雞飯送上嘅係雞髀部份，肉質好嫩滑。而食得燒味當然要叫翻碟蜜汁叉燒啦，一咬落就知道係半肥瘦叉燒，充滿肉汁，絕對有黯然銷魂嘅感覺！臨走前仲見門口有部迷你雪櫃，最後試咗支樽仔港式奶茶，好有特色，餐廳的設計都大走懷舊茶餐廳風格，深木色枱椅、水磨石地磚，好有香港情懷。🇭🇰-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4) 回購評分▶️🌕🌕🌕🌕🌗 (4.5)-➡